صباح الخير علي الورد اللي فتح في جناين مصر
صباح العندليب يشدي بألحان السبوع يا مصر
صباح الدايه واللفه ورش الملح في الزفه
صباح يطلع بأعلامنا من القلعه لباب النصر
سلامتك يامه يا مهره يا حباله يا ولاده
يا ست الكل يا طاهره
سلامتك من آلام الحيض
من الحرمان من القهره
سلامة نهدك المرضع
سلامة بطنك الخضرا
هناكي وفرحة الوالدة ضمي الولد يا والده
يصونهم لك ويحميهم يكترهم يخليهم
يجمع شملهم بيكي
يتمم فرحتك بيهم
صباح الخير علي ولادك
صباح الياسمين والفل
تعيشي ويفنوا حسادك
ويسقوهم كاسات الذل
ما دامت مصر ولاده
وفيها الطلق والعاده
حتفضل شمسها طالعه
برغم القلعه والزنازين
والثورة المضادة
هناك 3 تعليقات:
الله الشيخ امام ؟
رجعتيني 80 سنه لورا ايام لما كان الواحد يعمل ثوره ياخد عليها ثوره هديه :)
صباح الحب والحرية
صباح مصري خالص
وحشتيني يا ايميييييييي
صباح الفل :)
صباح النضال
إرسال تعليق