بنات أفكارى أنا

ولا تهنوا

2012-04-09T15:04:00.000+02:00

لوكانت الدنيا تساوي عند الله جناح بعوضة لجعلها في ايدي الانبياء .. انما ليصطفي الله منا الشهداء ويمحص الذين امنوا .

نصر الرسول بالرعب مسيرة شهر .. اى ان الله كان يلقي في قلوب اعداءه الرعب منه وهو على مسافة شهر منهم .. اذا فالحاله النفسية قد تؤدي الى الهزيمة في حد ذاتها .. فلا تهنوا ولا تحزنوا وانتم الاعلون

إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُواوَيَتَّخِذَ مِنْكُمْ شُهَدَاءَ ۗ وَاللَّهُ لَا يُحِبُّ الظَّالِمِينَ ﴿١٤٠﴾

كلا ان معي ربي

2012-04-09T05:38:00.002+02:00

بسم الله الرحمن الرحيم

الشعراء (فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ (61) قَالَ كَلَّا إِنَّ مَعِيَ رَبِّي سَيَهْدِينِ (

بلد المحبوب

2012-04-06T14:08:00.001+02:00

نظرت للنخلة العالية فمرت فصول الرحلة امام عينيها كفيلم مسجل .. كتاريخ حاضر ..همست ( لو تعرفين ماذا فعل بي الزمن ) .. كان لها أحلام صغيرة وكانت النخلة العالية شاهدة عليها .. تستظل بظلها وقت القيلولة وتسرح بخيالها بعيدا ترتفع إلى أعلى بأحلامها ولا تكف .. حلمت بزوج محب وحياة كريمة وأولاد تربيهم و بيت صغير به مطبخ مجهز وموقد جديد تطهو عليه أكلات يحبها هو ويحبها الأولاد لم تحلم بالقصر العالي ولا غيره .. فقط حياة كريمة .. كم ابتعدت بها الحياة . وها هي الأن أرملة و أم لأربعة أطفال تعمل كعاملة نظافة بالوحدة الصحية .. وفي اجازتها تعمل خادمة .. يا للآسى

لو كانت تعرف ما يخبأه الزمان لها ما خرجت من القرية وما احبته وتزوجته وما حلمت .. لوكانت تعرف أن في ذكرى وفاته ستفقد والدتها أيضا لأدخرت بعض من الصبر ولو قليل وما انفقته جميعا دفعة واحدة .. تلفتت حولها تلتمس في المكان بعض من دفئ ألفته هنا فلم يكن المكان هو المكان ولا الزمان هو الزمان .. الأرض حزينة والزرع منطفئ الخضرة والنخلات الاتي ألفتهن دائما شامخات أصبحن كعجائز محنيات شاهدات على الزمن . وكأن الأرض والزرع يشاركون أهل القرية (الهم ).

هموم تخيم على كل بيوت القرية .. هموم لم تكن تسمع بها من قبل .. كان ابوها شيخ القرية رجل بسيط و فقير لا يملك من الدنيا سوى قطعة ارض صغيرة وبقرة حلوب وراتب لا يتعدى الثمانية جنيهات . ولطبيعة وظيفته كان يزوره الناس ليل نهار فيستضيفهم مرحبا بوجه بشوش وروح جميلة يأكلون ويشربون وإذا كان الضيوف من بلد بعيد يبيتون لليلة أو ليلتين .. يدخل الضيف فتهب والدتها واقفة تجري هنا وهناك تذبح الطيور وتشعل الكانون ثم تنشق الأرض بعد ساعات قليلة عن صينية غداء عامرة (بالمحمر والمشمر) يتعجب والدها ويسأل أمها من أين لك هذا والله اعلم بالحال .. تلوح بيدها في الهواء وتقول : يا شيخ رزق ربنا كتير.. أتصرفت

فيجيب : بنت أصول .. ويحمل الصينية خارجا إلى ضيوفه مرفوع الرأس

تنتظر سميرة هي واخوتها عودة الصينية و ما سيتركه الضيوف بفارغ الصبر .

لم يكن الطعام والشراب هما من هموم الحياة ولم ينقطع الخيرابدا عن بيوت القرية .. كل بيت يجمع محصول أرضه يوزع جزء على البيوت الأخرى ويبيع جزء ويخزن الباقي اذا كان يصلح للخزين . لم تكن حياتهم أبدا نعيما مقيما ورغدا دائما بل كانوا يعملون ويكدحون طوال العام رجالا ونساءا ولكنهم ابدا لم يحملوا هم ماذا سيطعمون أبناءهم .

الحياة أصبحت صعبة عليهم جميعا من معه ومن ليس معه .. يوم بعد يوم يضيق الخناق على الجميع وكأنه عقاب جماعي .. الخبز الذي كانت تصنعه امها و الجارات في الفرن الملحق بالبيت أصبح صنعه مكلفا ومرهقا فتوقفن عن صنعه .. كانت كل واحدة منهن تخبز عمود خبز أو عمودين كل واحدة بحسب اسرتها كبيرة كانت ام صغيرة وبجانبه كانت كل واحدة وشطارتها اما تحضر طاجن ارز معمر او صينية بطاطس وربما بعض فطيرات او هريسة ذرة .. كانت( ليلى ) أمها تحضر صواني البطاطس والارز المعمر و لم يكن هناك آرز معمر كآرز ( ليلى) تغطيه بالقشدة اللباني التي تقشطها من وجه اللبن الذي تحلبه من بقرتها الحلوب كل الصباح تحمله في وعاء كبير نظيف وتتركه مغطى حتى تنفصل القشدة عن اللبن .. حين استسهلن شراء الخبز من الطابونه وبدأن في الاعتماد عليه وأقلعن بالتدريج عن صنع الخبز بأيديهن .. والدتها لم تفعل بل ظلت تقول : اليد التي لا تأكل من كدها ستمتد لتشحذ اللقمة ذات يوم وسيتحكم بها اولاد الحرام ومن لا ذمة له.

( غاوية تتعبي نفسك وتتعبينا ان كنت تصرين .. براحتك ، لكن لن استيقظ معك في الفجر عندي مدرسة).. هكذا كانت تصيح في وجهها بصلف المراهقين وكبرهم .

كانت أمها محقة للأسف الآن وبعد أن اعتمد أهل القرية على خبز الطابونة اصبح طلبه زلا للنفوس طوابير بالساعات وتزاحم وتشاحن ولكل مشتر حصة محدودة لا تكفي لافطار اسرة متوسطة العدد .. البعض يقف عند باب كشك البيع من منتصف الليل يقف منتبها متيقظا يخشى ان تاخذه غفوة فياخذ القادم في الفجر مكانه.. اي زل هذا واي عار.. هذه النفوس التي تسحق كرامتها بلا رحمة في كل يوم امام طوابير الخبز كيف لها ان تعمل وتعطي وتبدع كيف لها ان تحب وتعطف وتحلم .

2012-02-07T02:54:00.003+02:00

فقل تعالوا ندعوا أبناءنا وأبناءكم ونساءنا ونساءكم وأنفسنا وأنفسكم ثم نبتهل فنجعل لعنة الله على الكاذبين .

اربع جبهات

2012-01-20T17:30:00.001+02:00

كان موسى عليه السلام يجاهد في اربع جبهات
الأولى : الفرعونيه المتجبره
الثانية : الهامانية المنافقه
الثالثة : القارونية الكانزة
الرابعة :بني اسرائيل المستعبده

وعموما لا توجد نهايات سعيدة .. بل توجد نهايات عادله .. ولكل مجتهد نصيب ولا يضيع حق وراءه مطالب

آية من الله هل نفهمها ؟

2011-12-13T02:30:00.002+02:00

بالصدفة وقعت تحت أيدي صورة لأحمد حرارة .. منظر عنيه الاتنين وهم مصابين ومنظره وهو بيبتسم في رضا بعد ما فقد عنيه الاتنين خلاني أفكر وأسال نفسي هل فقدان أحمد حرارة لعينه الشمال في احداث 19 نوفمبر ( أحداث محمد محمود ) بعد فقده لعينه اليمني في أحداث 28 يناير (جمعة الغضب )رسالة من الله للشعب المصري .. هل في هذا آية من المهم ان نفهم مضمونها ...ما هي الرسالة !!!!!!!!!!!!!!

نفس الشخص اللى اصيب وفقد عنيه في 28 يناير ( جمعة الغضب ) هو نفس الشخص الذي أصيب وفقد عنيه الشمال فى 19 نوفمبر ( أحداث التحرير الأخيرة ) بنفس السلاح ومن نفس الشرطة وبنفس الطريقة ...!!!!!!!!!!! مش يمكن ده آية من ربنا علشان نفهم أننا لسه في ثورة وان الناس اللى في التحرير هي هي ... وان الحق لسه محتاج اللى ينصره وان المعركة لم تنتهي بعد لو كان بعضنا فاهم فالبعض الاخر مش فاهم او بيتغابى .. حاسه انها آية واننا لازم نفهمها .. يارب خايفه انها تكون حجه علينا كلنا لو اننا لم ننصر هؤلاء الناس وخايفه انه يكون اختبار هل هنضيع حق الناس دي وهنتهمهم بالبلطجه ولا هنقف مع الحق وساعتها فقط يبقى نستحق النصر ومش قبل كده .. يااااااااااااارب ارنا الحق حق وارزقنا اتباعه

حبيبتي ليه تعاتبيني وقولتي الحب حرية !!!!

2011-11-27T04:27:00.001+02:00

حبيبتي ليه تعاتبيني .! وقولتي الحب حرية .. وشايفاني يا نور عيني فى كل دقيقة شخصية
وبتوتر وانا زعلان ... وبتنطط وانا فرحان ... وطفل جميل بيضحكلك وتاخدي الضحكه بالأحضان
أنا حنين وعارفاني ... وفي الغيرة واحد تاني باخد موقف وبتهور وبستسلم لأحزاني
يا بلادي بداوي الجرح مش عارف وفي نور الصبح مش شايف .. لكن شايفك وأنا مغمض ومش خايف أقول اسف
أنا بدايتك وانا نهايتك .. انا مجنون لكن عاشق وبعشق حتى تكشيرتك

آيه !!!!!!!!!!!

2011-11-21T13:36:00.000+02:00

هل في قطع أصابع سيف الإسلام والتي كان يشير بها في وجه الليبين ويقول انا أمير برقه .. ويهدد ويتوعد ..آية !!!!!!!!!!

وهل فى إحتراق أصابع علي صالح والتى كان يشير بها ويهدد ويتوعد شعبه الثائر .. آية !!!!!!!!!

إن كان .. فإعتبروا يا أولى الألباب .. وأثبتوا يا أصحاب الحق

نظرة هادئة لمشهد ملتهب - التحرير

2011-11-16T22:36:00.000+02:00

نظرة هادئة لمشهد ملتهب - التحرير

2011-09-11T06:00:00.002+02:00

مش بس مصر أتغيرت من وقفة الميدان

2011-07-28T03:39:00.002+02:00

يا شعب مصر ياللى سابقة ضحكته غضبه
ما يطلع الصبح إلا وصحبتك سببه
يا مخلص الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه

يا شعب يا مصلي قدام العساكر صف

يجري الجريح من ورا لقدام

لا خاف ولا خف

تدوس عليه العربية تحوله لميت الف

يا للعجب يقتلوه ويتوقعوا هربه

يا للعجب يقتلوه ويتوقعوا غيابه

اللي اتقتل لسه واقف هو واصحابه

***

يا شعب مصر اكم فرعون وفرعونة

ضربتهم ضرب سجادة في بلكونة

ضرب الملوك تربية صالحة ومضمونة

ما يبقوا بني ادمين الا اذا اضربوا

ضرب الملوك مصلحة

ضرب الملوك تأديب

محلى المماليك وهي بتجري في السراديب

ولولا ضرب شجرة الدر بالقباقيب

مابين اغا وباش اغا كان التتار غلبوا

بعدين مبارك سادات فاروق ماحدش دام

هو احنا شعب كده ما بيعيشلناش حكام

عقبال جيرانا وحبايبنا كمان يا سلام

لو كل من له رئيس نصحى نلاقيه قلبه

*******

مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله فهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان

********

ما البشر يتجمعوا تبان السما ع الارض

واما البشر يتفرقوا تلقي السما بتنفض

تبقى سما متوزعة جوه الشقق

وتمر ليلة من التوجس والقلق

وننام ونصحى تاني يوم

ترجع سما لما البشر يتجمعوا مع بعض

يا مصر حقك تملكي بدل السما اتنين

واحدة هدية وواحدة تانية صانعها مصريين

*****

ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا بقى فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
فيجسم كل شهيد فيه مصر مكتملة
فخلوا مصر اللى فاضلة تعيش كما شاؤوا

من قصيدة ( يا شعب مصر ) لتميم البرغوثي

إن معي ربي سيهدين

2011-07-02T19:01:00.002+02:00

بكره احلى إن شاء الله احلى ........ بكره أحلى حتى وإن ظن الجاهلون بقدرة الله ورحمته غير ذلك .. النهارده اجمل من إمبارح وبكره بامره تعالى هيكون احلى .. بكره احلى علشان ربنا هو مالك الملك وهو سبحانه من تسير أمور الدنيا بأمره وقدرته وهو سبحانه رحمن رحيم لا يرضى الظلم لعباده ........ إن معي ربي سيهدين

(فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ (61) قَالَ كَلَّا إِنَّ مَعِيَ رَبِّي سَيَهْدِينِ (

صباح الخير على الورد اللي فتح في جنايين مصر .

2011-05-27T02:37:00.003+02:00

صباح الخير علي الورد اللي فتح في جناين مصر

صباح العندليب يشدي بألحان السبوع يا مصر

صباح الدايه واللفه ورش الملح في الزفه

صباح يطلع بأعلامنا من القلعه لباب النصر

سلامتك يامه يا مهره يا حباله يا ولاده

يا ست الكل يا طاهره

سلامتك من آلام الحيض

من الحرمان من القهره

سلامة نهدك المرضع

سلامة بطنك الخضرا

هناكي وفرحة الوالدة ضمي الولد يا والده

يصونهم لك ويحميهم يكترهم يخليهم

يجمع شملهم بيكي

يتمم فرحتك بيهم

صباح الخير علي ولادك

صباح الياسمين والفل

تعيشي ويفنوا حسادك

ويسقوهم كاسات الذل

ما دامت مصر ولاده

وفيها الطلق والعاده

حتفضل شمسها طالعه

برغم القلعه والزنازين

والثورة المضادة

اشكيك لمين ؟ ..........رسالة إلى المجلس العسكري

2011-05-24T04:55:00.001+02:00

إبنتى 7 سنوات وصديقتها مريم 5 سنوات وبنت الجيران حبيبه 4 سنوات كن يلعبن وفجأه وبلا اسباب أو مقدمات هتفن ( الشعب والجيش أيد واحده ... الشعب والجيش أيد واحده ) ورد عليهم ابني الصغير سنه ونص ( دددادددددادددددا ) ... كنت فى المطبخ ساعتها وراسي تكاد تنفجر من الأفكار السوداء(( ياترى الجيش بيعمل فينا كده ليه وبيسلم رقبتنا للشرطه والحزب الوطنى ورجالة مبارك ليه ؟ ))... فسمعت هتافاتهم التى أبكتنى ... وإنهمرت دموعي رغما عني
لا اريد ان يأتي اليوم الذي يعرف فيه اولادي ان جيش بلادهم العظيم خان الشعب وضيع فرصته الذهبيه في صنع مستقبل يليق بمصر وبشعبها .. لا اريد ان يأتى اليوم الذي يلعننا اولادنا فيه لأننا سلمنا رقبة ثورتنا للجيش ...ويكره نفسه لأنه ولد على ارض هذه البلد
عزيزي المجلس العسكري أعزائي أعضاء المجلس العسكري انتم الوحيدون دون كل نظام مبارك كتب الله لكم فرصة تاريخية لتكفروا عن اخطاءكم فى الماضي
انتم الوحيدون دون كل نظام مبارك فتح لكم التاريخ ابوابه العريضه لتتركوا علامتكم ولتخلد اسماءكم كفرسان ساهموا فى تغيير خريطة العالم السياسية وليس خريطة مصر فقط
اعزائي اعضاء المجلس .. امامكم فرصة لا تكتب الا للفرسان فاقتنصوها ولا تقايضوها بغرض زائل ولا تستجيبوا لضغط من احد ولا تخافوا من الشعب فأي ما كانت أخطاءكم او زلاتكم فنحن نسامحك مقدما ولكن ما لن نسامحكم فيه ابدااااااااااااا هو الخيانه والخيانه الأن وأنتم غير مضطرون لها أعظم ولن تغتفر
لن يفرط الشعب في ثورته مهما حدث ومهما بدا لكم من ان الثورة قد انطفأت فهي لن تنطفئ فاغتنموا فرصتكم الان وليس بعد الان واتخذوا جانب الشعب لا جانب الرعاع اللذين افسدوها
نصحيتى لكم احترموا ارادة الشعب وكونوا أكثر وضوحا و وحين نثق بكم فلن نختلف على الوسيله طالما هدفنا واحد
وكلمتي الأخيرة لكم....... وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ 42 مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء 43 وَأَنذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُواْ رَبَّنَا أَخِّرْنَا إِلَى أَجَلٍ قَرِيبٍ نُّجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُواْ أَقْسَمْتُم مِّن قَبْلُ مَا لَكُم مِّن زَوَالٍ 44 وَسَكَنتُمْ فِي مَسَـاكِنِ الَّذِينَ ظَلَمُواْ أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الأَمْثَالَ 45 وَقَدْ مَكَرُواْ مَكْرَهُمْ وَعِندَ اللّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ

مصيبه جملي

2011-04-18T04:36:00.002+02:00

يحي الجمل لon tv لم أقد استقالتي والمجلس العسكري عهد إلى بملف الدستور .......... نعمممممممممممم
ملف الدستور بين ايدي يحي الجمل ليييييييييييييييييييييييييييييييييييييه .. انا زهقت بجد وتعبت ومبقتش فاهمه حاجه
أخطر ملف فى حياة كل المصرين لمده 100 سنة جايه بين أيد يحي الجمل .. ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!
إحنا قاعدين نرغي ونهرى فى اى هري أيشي سلفيين على قطع ودان على بورتو طرة ولك لوك لوك لوك والبيضه الاول ولا الفرخه والفرخه الاول ولا البيضه .. واخطر ملف بيحمله يحي الجمل .. الحوار الوطنى فشل بسببه وتدخله فى تعيين المحافظين كان سئ وتعيينه لقيادات الاعلام كان حقير جدااا .. ودستور 71 كان يحي الجمل من الناس اللى مدوا ايدهم فيه وطبخوه .. يبقى انا كده فعلا مش فاهمه هل تصريح عنجهى من نوعية بصفتى رئيسا للجمهورية وتاني يوم اتخلى او نوعية قتلت واتقتلت وتاني يوم قدم استقالته
ولا ده كلام بجد واحنا بنجيب من اول السطر تانى !!!!!!!!!!!!1

عااااااااااااااااااجل : حبس الرئيس السابق حسني مبارك 15 يوم

2011-04-13T08:44:00.000+02:00

عااااااااااااجل النيل للأخبار : النيابة العامة تقرر حبس الرئيس السابق 15 يوم على زمة التحقيق
وحبس جمال وعلاء مبارك 15 يوم على زمة التحقيق ونقلهم على سجن طره

لا لالالالالالالالالالالالالالالا تعليق .. فقط أقول لكم الله يا أهل سوريا الله غالب على امره يمهل ولا يهمل ( وليصطفى الله من عباده الشهداء )

اه يا وداااااااااااااااانى

2011-04-10T16:48:00.000+02:00

احساسى و انا بسمع كلمه الرئيس المخلوع هو ببساطه
قلبى جايد ناااااااااااار
حسنى بيولع ف الشعب يا رجاله

بيقول انه شريف و ايديه نضيفه هو و اولاده و الست حرمه
هو بيقول الكلام ده دلوقت ليه.....................!

بص يا عمو حسنى احنا نسيناك خلاص و مش هتعرف تو لع ف البلد تانى زى ما كنت بتعمل
و مش هنبص ورانا تانى انت سقطت و ماتحاولش تعمل فيها بطل احنا كبرنا و محدش هيعرف يضحك علينا تانى الكل عارف انك خرجت غصب عن عينك و طبعا الكل عارف فضل الجيش فما تحاولش تنكر ده

طبعا هو المطلوب من كلامك ده دلوقت ...منركزش ف المرحله اللى جايه و اننا نركز فيك ..... لا يا حليوة انت بقيت ماضى و احنا بندور ع المستقبل

وقع ..ربنا ما يوقعك فى شر أعمالك.. و ويستر طريقك

2011-03-23T10:49:00.001+02:00

trying 2 do something: function show(o){ var counter = o.query.results...: "أعداد الموقعين على البيان Loading... Loading..."
وقعوا على البيان ده يمكن صوتنا يوصل

لا تقف في منتصف الحقيقة ولا تحلم نصف حلم

2011-03-15T18:12:00.001+02:00

عزيزي المواطن المصري لو كنت موافق على التعديلات ارجو ان متكونش اسبابك أنك شايف نفسك قليل و متستحقش أكتر من كده .. و انك تكون شايف ان التعديلات دي هتحقق طموحك فى الديموقراطية .. وأتمنى انك متكونش موافق عليها تحت تهديد ضياع الاستقرار اللى أحنا بالفعل مش عايشين فيه بقالنا اكتر من 60 سنه .. وأرجو انك تكون موافق لأنك مش خايف من فتح النقاش حول الماده التانيه لأنك كده تبقى مضحوك عليك لأن مفروض أن الدستور هيتغير بعد الانتخابات يعنى كده كده الموضوع هيبقى مفتوح للنقاش .. لو انت موافق لازم تكون موافق لأنك مقتنع إقتناع كامل وليس تحت تهديد أى خوف من المخاوف اللى عمال نتهدد بيها كل يو ويتقالنا ها ها ها هتهتدوا ولا
أيه.......... عزيزي المواطن المصري أنا شخصيا لا أدري هل الصواب هو نعم أم لا ولكن بعد ثورة يناير يجب عليك ان تتعلم

ألا تعش نصف حياة، ولا تمت نصف موت
، ولا تختر نصف حل، ولا تقف في منتصف الحقيقة
، ولا تحلم نصف حلم، ولا تتعلق بنصف أمل

أنا هقول للتعديلات الدستوريه لالالالالالالالا .. أنت نويت تقول أيه ؟

2011-03-11T12:54:00.003+02:00

مع انى بحب هند صبري حبي للبصارة .. بس الفيديو فيه معلومات مهمه عن معنى كلمة دستور .. لذا اضطريت انى اقوم بوضعه

عزيزي المواطن المطحون ماذا ستقول للتعديلات الدستوريه .... يجب ان تكون قد أنتهيت من تكوين رأي حول هذا الموضوع الخطير وإن مكنتش كونت رأي بسرعه أقرأ وفكر لحد متوصل لرأي لأن هذه الخطوه هى أخطر خطوة فى مستقبل مصر التى نحلم بها
أحتاج لمعرفة أرائكم

نص التعديلات الدستورية التي سيتم الاستفتاء عليها السبت 19 مارس 2011

2011-03-07T16:00:00.004+02:00

سيتم الاستفتاء على المواد التالية يوم السبت 19 مارس 2011 ببطاقة الرقم القومي فى أقرب لجنه ولا يشترط التسجيل فى القوائم الانتخابية

ملحوظة مهمة جدااااااااا : كل برامج التلفزيون المصري اللى ناقشت التعديلات الخبراء كلهم أصروا على أن التعديلات غير كافية وفيها ثغرات كثييييييير والأفضل عمل دستور جديد حتى لو هياخد وقت لأن دي أخطر حاجه وأهم خطوة لنجاح الثورة ولوضع مصر على المسار الصحيح وكلامهم معقول جدااااااااااا .. مش عارفه الجيش هيعمل ايه علشان الناس تشغل مخها .. نركززززززززززز ابوس ايدكم ونسيب الهبل واللوك لوك لوك لوك للناس الغير جاهزين للديموقراطية

مادة 75" : يشترط فيمن ينتخب رئيسا للجمهورية أن يكون مصريا من أبوين مصريين . وأن يكون متمتعا بحقوقه المدنية والسياسية . وألا يكون قد حصل أو أي من والديه علي جنسية دولة أخري . وألا يكون متزوجا من غير مصرية . وألا تقل سنه عن أربعين سنة ميلادية

"مادة 76" : ينتخب رئيس الجمهورية عن طريق الاقتراع السري العام المباشر.
ويلزم لقبول الترشيح لرئاسة الجمهورية أن يؤيد المتقدم للترشح ثلاثون عضوا علي الأقل من الأعضاء المنتخبين لمجلسي الشعب أو الشوري . أو أن يحصل المرشح علي تأييد مالايقل عن ثلاثين ألف مواطن ممن لهم حق الانتخاب في خمس عشرة محافظة علي الأقل . بحيث لايقل عدد المؤيدين في أي من تلك المحافظات عن ألف مؤيد.
وفي جميع الأحوال لايجوز أن يكون التأييد لأكثر من مرشح . وينظم القانون الإجراءات الخاصة بذلك كله.
ولكل حزب من الأحزاب السياسية التي حصل أعضاؤها علي مقعد علي الأقل بطريق الانتخاب في أي من مجلسي الشعب والشوري في آخر انتخابات أن يرشح أحد أعضائه لرئاسة الجمهورية.
وتتولي لجنة قضائية عليا تسمي "لجنة الانتخابات الرئاسية" الإشراف علي انتخابات رئيس الجمهورية بدءا من الإعلان عن فتح باب الترشيح وحتي إعلان نتيجة الانتخاب.
وتشكل اللجنة من رئيس المحكمة الدستورية العليا رئيسا. وعضوية كل من رئيس محكمة استئناف القاهرة وأقدم نواب رئيس المحكمة الدستورية العليا . وأقدم نواب رئيس محكمة النقض وأقدم نواب رئيس مجلس الدولة.
وتكون قرارات اللجنة نهائية ونافذة بذاتها . غير قابلة للطعن عليها بأي طريق وأمام أية جهة. كما لايجوز التعرض لقراراتها بوقف التنفيذ أو الإلغاء . كما تفصل اللجنة في اختصاصها. ويحدد القانون الاختصاصات الأخري للجنة.
وتشكل لجنة الانتخابات الرئاسية اللجان التي تتولي الإشراف علي الاقتراع والفرز علي النحو المبين في المادة "88".
ويعرض مشروع القانون المنظم للانتخابات الرئاسية علي المحكمة الدستورية العليا قبل إصداره لتقرير مدي مطابقته للدستور.
وتصدر المحكمة الدستورية العليا قرارها في هذا الشأن خلال خمسة عشر يوما من تاريخ عرض الأمر عليها . فإذا قررت المحكمة عدم دستورية نص أو أكثر وجب إعمال مقتضي قرارها عند إصدار القانون . وفي جميع الأحوال يكون قرار المحكمة ملزما للكافة ولجميع سلطات الدولة . وينشر في الجريدة الرسمية خلال ثلاثة أيام من تاريخ صدوره

"مادة 77" : مدة الرئاسة أربع سنوات ميلادية تبدأ من تاريخ إعلان نتيجة الانتخاب . ولايجوز إعادة انتخاب رئيس الجمهورية إلا لمدة واحدة تالية .

"مادة 88" : يحدد القانون الشروط الواجب توافرها في أعضاء مجلس الشعب ويتبين أحكام الانتخاب والاستفتاء

"مادة 93" : تختص المحكمة الدستورية العليا بالفصل في صحة عضوية أعضاء مجلس الشعب.
وتقدم الطعون إلي المحكمة خلال مدة لاتجاوز ثلاثين يوما من تاريخ إعلان نتيجة الانتخاب. وتفصل المحكمة في الطعن خلال تسعين يوما من تاريخ وروده إليها .
وتعتبر العضوية باطلة من تاريخ إبلاغ مجلس الشعب بقرار المحكمة

" مادة 139 " : يعين رئيس الجمهورية . خلال ستين يوما علي الأكثر من مباشرته مهام منصبه . نائبا له أو أكثر ويحدد اختصاصاته . فإذا اقتضت الحال إعفاءه من منصبه وجب أن يعين غيره.
وتسري الشروط الواجب توفرها في رئيس الجمهورية والقواعد المنظمة لمساءلته علي نواب رئيس الجمهورية

"مادة 148" : يعلن رئيس الجمهورية حالة الطوارئ علي الوجه المبين في القانون ويجب عرض هذا الإعلان علي مجلس الشعب خلال السبعة أيام التالية ليقرر مايراه بشأنه .
فإذا تم الإعلان في غير دورة الانعقاد وجبت دعوة المجلس للانعقاد فورا للعرض عليه وذلك بمراعاة الميعاد المنصوص عليه في الفقرة السابقة .
وإذا كان مجلس الشعب منحلا يعرض الأمر علي المجلس الجديد في أول اجتماع له .. ويجب موافقة أغلبية أعضاء مجلس الشعب علي إعلان حالة الطوارئ
وفي جميع الأحوال يكون إعلان حالة الطوارئ لمدة محددة لاتجاوز ستة أشهر ولايجوز مدها إلا بعد استفتاء الشعب وموافقته علي ذلك

"مادة 179" تلغي

" مادة 189 " فقرة أخيرة مضافة :
ولكل من رئيس الجمهورية . وبعد موافقة مجلس الوزراء . ولنصف أعضاء مجلسي الشعب والشوري طلب إصدار دستور جديد . وتتولي جمعية تأسيسية من مائة عضو . ينتخبهم أغلبية أعضاء المجلسين من غير المعينين في اجتماع مشترك . إعداد مشروع الدستور في موعد غايته ستة أشهر من تاريخ تشكيلها . ويعرض رئيس الجمهورية المشروع . خلال خمسة عشر يوما من إعداده . علي الشعب لاستفتائه في شأنه . ويعمل بالدستور من تاريخ إعلان موافقة الشعب عليه في الاستفتاء

" المادة 189 " مكرر
يجتمع الأعضاء غير المعينين لأول مجلسي شعب وشوري تاليين لإعلان نتيجة الاستفتاء علي تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة أشهر من انتخابهم . وذلك كله وفقا لأحكام الفقرة الأخيرة من المادة 189

" المادة 189 " مكرر " 1 "
يمارس أول مجلس شوري . بعد إعلان نتيجة الاستفتاء علي تعديل الدستور . بأعضائه المنتخبين إختصاصاته .
ويتولي رئيس الجمهورية . فور انتخابه . استكمال تشكيل المجلس بتعيين ثلث أعضائه . ويكون تعيين هؤلاء لاستكمال المدة الباقية للمجلس علي النحو المبين بالقانون

أصلك قفص .

2011-03-07T13:03:00.001+02:00

هشام الجخ .. البغبغان

كان يوم مطر والبغبغان جوه القفص ... طلع لسانه لعصفورين فوق الشجر
خليكوا سايقين العناد .. العش قاد .. وخسرتوا وياه الولاد لما انفجر
هو أنتوا حمل السيل ولا حمل المطر
كان فيها ايه لو تعملوا زيي وتقولوا زي مايقول البشر
رد عليه العصفورين .. لو عل الولاد البطن ولاده
والعش مهما يقيد .. صخر الجبل عناقيد .. نفرشها سجاده
وأنت اللى فرحان بالقفص !!!!!!!! أصلك قفص
كتموا الهوا جواك ونسوك ان ما بين الحياة والموت ...... نفس .. يا قفص

أحلم معايا ببكره جي .. ولو مجاش احنا نجيبه بنفسنا .. نبدأ نحاول

2011-03-05T01:06:00.001+02:00

بماذا تحلم لمصر .. بعد خمس سنوات من الآن أين تتمنى ان تجد مصر وماذا تقترح لنصل إلى هذا المكان لا تقل مستحيل .. ليس هناك مستحيل ..يد الله فوق الجميع ويد الله مع الجماعة وإذا أصبحنا يد واحده فالله معنا ولا شئ فوق ارادة الله ..

احلم معايا ببكره جي .. ولو مجاش احنا نجيبه بنفسنا
نبدأ نحاول في الطريق كتر الخطاوي تتدلنا على حلمنا
مهما نقع نقدر نقوم نشق نتحدى الغيوم نلاقي ليلنا الف يوم بس احنا نحلم
احلم معايا يا صديق تطوي الخطا قلب الطريق يهمنى حلمى البرئ مهما يكون يفضل بروحو جمبنا
لو حتى تهنا يا صديق يرجع لقانا يضمنا على حلمنا .. بس احنا نحلم

تعرف على د/ عصام شرف .. رئيس الوزراء الجديد ..لقاءات سابقه من قناة دريم

2011-03-04T03:20:00.005+02:00

عبدالله جول فى زيارته لمصر : يلغي التأشيرة بين مصر وتركيا ويقول الثورة المصرية ألهمت الشعب التركي وجعلته ينحنى للشعب المصري العظيم احتراما، وأدعو إلى تعاون إقليمي بين مصر وتركيا وعدد من الدول العربية لينك الخبر هنا
انا متفاءلة بجد وفرحانة وعندى امل في ربنا كبيييييييييييييييييييييير . يارب يارب معنديش ضمان لنجاح الثورة غيرك انت الضامن وانت المعين .

ملحوظة : نقلا عن التلفزيون المصري .. لا حاجه لتسجيل الاسماء بالقوائم الانتخابية

هاااااااام جدا ........

2011-03-01T20:21:00.002+02:00

الصح صح ومفيش تنازل .. حكومه محترمه ثم لجنة موثوقه ومنتخبه لعمل دستور جديد وقوانين انتخابيه جديده .. تحديد لصورة مجلس الشعب الصحيح ثم يتم انتخاب الرئيس الجديد ومجلس الشعب الجديد على ميه بيضه دستور جديد وقوانين رادعه له وللمجلس ولكل وزير .. ونبدأ نرتاح ونفكر فى الاستقرار انما تقولى انتخب رئيس ومجلس يحطو لنفسهم دستور وقوانين اقولك كان فيه وخلص .. احنا كده خلصنا من مبارك كان قرب يموت وهنجيب مبارك لسه في شبابه علشان نقعد 35 سنه كمان نفضل نقول كفاية
ارجوكم يا جماعه نركز فى المهم لا الفرعيات ولا نترك فرصه للبلبله وتشتيت الاراء
التعديلات الدستورية تبدو فى ظاهر الامر انها تتماشى مع طلبات الشعب ولكنها تعطي للرئيس القادم هو ومجلس الشعب والشورى كل الحق فى انتخاب لجنه تضع دستور جديد تحت اشرافهم .. ولا توجد اى ضمانات لعدم تغيير المواد المعدله حاليا يعني ممن ببساطه الريس والمجلس يقولوا الظروف والبلد والاستقرار وخلينا شويه والمجلس يقول مواااااااافقه ونبقى ضحكنا الناس علينا وطلعنا فعلا شعب غير جاهز للديموقراطيه

بنات أفكارى أنا

ولا تهنوا

كلا ان معي ربي

بلد المحبوب

اربع جبهات

آية من الله هل نفهمها ؟

حبيبتي ليه تعاتبيني وقولتي الحب حرية !!!!

آيه !!!!!!!!!!!

نظرة هادئة لمشهد ملتهب - التحرير

مش بس مصر أتغيرت من وقفة الميدان

إن معي ربي سيهدين

صباح الخير على الورد اللي فتح في جنايين مصر .

اشكيك لمين ؟ ..........رسالة إلى المجلس العسكري

مصيبه جملي

عااااااااااااااااااجل : حبس الرئيس السابق حسني مبارك 15 يوم

اه يا وداااااااااااااااانى

وقع ..ربنا ما يوقعك فى شر أعمالك.. و ويستر طريقك

لا تقف في منتصف الحقيقة ولا تحلم نصف حلم

ألا تعش نصف حياة، ولا تمت نصف موت، ولا تختر نصف حل، ولا تقف في منتصف الحقيقة، ولا تحلم نصف حلم، ولا تتعلق بنصف أمل

أنا هقول للتعديلات الدستوريه لالالالالالالالا .. أنت نويت تقول أيه ؟

نص التعديلات الدستورية التي سيتم الاستفتاء عليها السبت 19 مارس 2011

أصلك قفص .

أحلم معايا ببكره جي .. ولو مجاش احنا نجيبه بنفسنا .. نبدأ نحاول

تعرف على د/ عصام شرف .. رئيس الوزراء الجديد ..لقاءات سابقه من قناة دريم

هاااااااام جدا ........

ألا تعش نصف حياة، ولا تمت نصف موت
، ولا تختر نصف حل، ولا تقف في منتصف الحقيقة
، ولا تحلم نصف حلم، ولا تتعلق بنصف أمل