لو جتلك فرصة تركب آلة الزمن مرتين فقط لا غير مره ترجع للماضي ومرة تروح للمستقبل
ما هو اليوم اللى في الماض تحب ترجع إليه ولماذا؟
وما هو اليوم اللى في المستقبل تحب تذهب اليه ولماذا؟
ما هو اليوم اللى في الماض تحب ترجع إليه ولماذا؟
وما هو اليوم اللى في المستقبل تحب تذهب اليه ولماذا؟
هناك 14 تعليقًا:
بالنسبه لي يوم في الماضي احب ارجع ليه أيام ما كنت في ثانوي علشان كانت بالنسبه لي فترة سعيده ايام الدراسه والاصحاب والضحك اللي كان من القلب ومكنش الواحد شايل هم حاجه غير دراسته وبس ...
واليوم اللي في المستقبل اللي احب اروحله
هو يوم قيام ثورة المصرييين الجديده علي الفساد والظلم اللي احنا عايشين فيه ...
تحياتي علي الفكرة الجميله
أما يوم الماضي , اريد الرجوع الى عصر الرسول عليه الصلاة و السلام في المدينة المنورة , و أقضي معه يوما كاملا
اللهم صلي و سلم و زد و بارك على محمد و على اله و صحبه و سلم
أما يوم المستقبل , اي يوم يكون فيه رخاء و لا يكون فيه تلوث
اليوم اللى فى الماضى
ارجع ليه ليلة 27 فى مسجد عمرو بن العاص
فى سنة 1992
اول مرة احس فيه باليلة القدر فعلا
يوم المستقبل
يوم وفاتى
اشوف الخاتمة ايه
بس قول يا زمان ارجع يا زمان
نعيش كما قدر الله لنا
هذا هو زماننا وهذه هى فرصنا
تقديرى
لو رجعت بالزمن للوراء هارجع ليوم 22 يوليو 1952 و ابلغ عن الضباط الأحرار و امنع قيام انقلاب يوليو اللي بهدل مصر البهدلة دي
و لو طلعت للمستقبل هاضبطه على عيد ميلادي بعد 50 سنة و اشوف الدنيا بقت عاملة ايه يا ترى مصر زي ماهي كدة و لا احسن و لا أسوأ؟؟
السلامو عليكم
ازايك ياايمان
يارب تكونى بخير
معلش سامحينى بقالى مده بعيد عن مدونتك معلش سامحينى
حلو قوى شغل الخيال العلمى ده
هههههههههههههه
ماشى معاكى
بالنسبه لليوم اللى فى الماضى
يوم 14/1/2004 الجمعه
يوم وفاه والدى رحمه الله عليه وعلى اموات امه محمد
السبب انى كان بقالى شهرين مشفتهوش
ووالدى ده كان بالنسبالى كل حاجه
متستغربيش لو قلتلك انى كنت بحبه اكتر من امى واكتر من اخواتى واكتر من نفسى
ولما مات اتصدمت فىلا دنيا صدمت عمرى
وكان قمه العذاب انى مشفتهوش شهرين كاملين بسبب ان كان جامعتى فى اقاليم وكنت فى الامتحانات
احساس صعب
ارجع بس اسلم عليه وابوس ايده واخده فى حضنى ويكلمنى ويدعيلى زى ما قالولى انه كان بيموت وبيدعيلى باسمى
يااااااااااه احساس صعب
بالنسبه بقى ليوم فى المستقبل
يوم 29/10/2032
يوم عيد ميلادى الخمسين
نفسى اعرف هكون اتجوزت ساعتها وخلفت ولا لا
اعرف وارجع على طوووووووووووول
هههههههههههههههه
انتى بالبوست ده بكيتى عنيه
وضحكتينى
تسلم افكارك اللى تجنن دايمآ
تحياتى لقلبك الطيب
محمــد التركــى
الماضي هروح لأيام اللحمة لما كانت ب 15 قرش اشتري عجلين وبعدين اطلع على المستقبل ابيعهم وابقى مليونير (ما اكيد هيبقى الكيلو بمليون جنيه ) وبعدين ارجع المستقبل استكنيص واصرف الفلوس وابعزق براحتي :)))
انا عاوز بصراحة اروح خير القرون اشوفهم كانوا عايشين ازاي واحوالهم ايه؟؟ والمستقبل عاوز اشوف مين اللي هاييجي لرئاسة مصر اصلي حاسس اني مش هشوف حد تاني قبل ما اموت :))
البنفسج الحزين
آه يوم قيام ثورة المصريين
معرفش ليه لما بسمع كلمة ثورة دي بخاف يمكن بقى عندي فوبيا
عموما البلدي أحسن من غيرها واللي تعرفوه أحسن من اللى متعرفوش واللى وايييييييييييييييييه دنيا المستقبل بأيد ربنا يا بنتي
تعرفي .. كلنا بنحلم ببكره لأن النهارده بقى صعب اوي أننا نعيشه فلو محلمناش ببكره يبقى هنعيش ليه اذا كان ده بقى حالنا من غير حرب ولا أزامات إقتصاديه حقيقيه أمال لو حصل أزمة حقيقية هيحصل أيه
يوميات شحات
كلنا شحاتين والله .. المشكله لما كلنا شحاتين مين اللى هيشحتنا
منور المدونه بتعليقاتك ووجودك يارب دايما
أحلى يوم ممكن ترجعله في الماضي هو يوم تقضيه مع رسول الله صلى الله عليه وسلم
بس كمان ممكن هو ده اليوم اللى نحلم بيه ان يتحقق في المستقبل .. في الجنه إن شاء الله .. ربنا يجعل مسوانا الجنه ويرزقنا بصحبة نبيه عليه الصلاة والسلام
أبو علي
يوم المستقبل
يوم وفاتى
اشوف الخاتمة ايه
بخاف من الموت يا ابو على بخاف بجد
ربنا يجعل خاتمتنا جميعا على طاعه
حلو البوست داه
لو حرجع للماضي نفسي ارجع ساعه في حضن جدي وهو قاعد يقرا بالليل وانا عامله نفسي نايمه وباتفرج عليه وكل ما ييجي يشيلني ينقلني سريري اقوله لسه منمتش يا جدو ...هو من علمني القراءة و أنا صغيرة للغاية ...رحمه الله
ولو للمستقبل لا مش عايزة ينفع ابدله بيوم تاني للماضي؟ (:
تسلمي
أحمد سمير
ههههههههههههه
تصور فكره .. بجد فكره
عجبتني
أما عمر الخمسين فتفتكر ايه اللى هيحصل .. مش عارفه معتقدش أنها هتفرق كتير ..
نورت المدونه ويا رب منورنا دايما
أ_محمد
منور
سعيده ان البوست عجبك
وربنا يجعل كل ايامك سعاده وميحرمكش من احباءك .. وبعدين سواء شوفت والدك قبل موته بيوم او بشهرين مش هتفرق الفراق صعب في كل الأحوال ومفيش حاجه بتخففه غير رحمة ربنا
تامر علي
ههههههههههههههههه
هههههههههههههههههه
ههههههههههههههههههههه
تصدق حلوه السبوبه دي وبالذات بقى لو جبنا معانا كام كيلو طماطم
أما بالنسبة للمستقبل فأنا خايفه عليك من اللى هتشوفو خلاص اللى نعرفه أحسن من اللى منعرفوش مش كده ولا اييييييييه
كلمات من نور
يا سلااااااااااااااااااااام
لو هتروحي لجدك خدي يا ستي يومين تلاته
وسيبك من المستقبل مش طاله نكد
إرسال تعليق