الاثنين، 30 مارس 2009

هديه ...من أحلى أتنين ..حاجه تفرح القلب



هديه تحفه وصلتنى من اتنين بحبهم وبموت فيهم ستيته توأمى الجدى الرائع....وست الحلوين طفله محبه للرومانسيه بس واقعيه

هديه فرحت بيها جدا بالرغم من انها عباره عن كام سؤال شوفتهم عند الأخ العزيز م / أحمد أبو العلا

وقولت فى عقل بالى وأنا بقرأهم ربنا يستر الواحد لو جاله شوية الأسئله دول يعنى هتبقى مشكله

ولأنى ولله الحمد نيتى صافيه ... الأسئله الحلوه دى لفت لفت ورجعتلى تانى

طبعا يعنى فكرت أفلسع من الإجابه .... لكنى إكتشفت إن الأسئله إجباريه ومفيش مفر

نبدأ بسم الله

إسمك ؟

_ إيمان ..طبعا كلكم عارفين

المشهور بيه وسط أصحابك ؟

_كانوا أصحابى زمان بيقولولى ( إيمان بسلامتها ) ..... دلوقتى ربنا وفقنى وبيقولولى ( إيمى )

سنك ؟

_ عيب كده ميصحش حد يسأل الحريم السؤال ده ....هو يعنى يتراوح مابين 29 و 30

إسم مدونتك ؟

_بنات أفكارى انا

مجال دراستك ؟

_ علمى ودمه سم بس بحبه وبموت فيه

الصوره الرمزيه لمدونتك بتعبر عن أيه ؟

_بتعبر عنى جدا جدا جدا ...

هل فكرت فى إغلاق المدونه ؟ والسبب ؟

طبعا عمرى ما فكرت اقفلها هى عمرها لسه شهرين وكام يوم ....ربنا يخليهالى يارب وتكبر وتشوف احفادها
وأحفاد أحفادها .... انا بزعل جدا لما بشوف حد بيفكر يقفل مدونته اللهم احفظنا

ايه رد فعلك لو حد قل أدبه عليك فى التعليق ؟

_الحمد لله لسه محصلتش معايا
لكن لو حصلت ... متهيألى همسح التعليق وأقفل على الموضوع بهباب ( إذا خاطبهم الجاهلون قالوا سلاما)

أسوء مدونه ؟

أى مدونه صاحبها لا يتقى الله فى اللى بيكتبه ... وأى مدونه صاحبها إنسان قليل الأدب
وللأسف إتكعبلت فى كذا مدونه كده حالتهم صعبه جدا ربنا يشفيهم

هيحصل ايه للإيميل بتاعك بعد ما تموت ؟

_طبعا ميهمنيش خالص أعرف هيحصله أيه ... ابقوا إدعولى ساعتها
وصيتى وحياة البوستات والتعليقات اللى بينا متنسونيش بالدعاء محدش ضامن عمره

أديت الباس وورد لحد قبل كده ... ؟

_انا مبخبيش الباسوورد خالص بس مبحبش حد ياخده ..

السفر بالنسبه لك ؟

_ حلم بالحريه والإنطلاق ... وخبره ومعرفه اوسع بالحياه
الحاجه اللى معرفهاش بخاف منها ....حلم السفر حلم مكلف بس نفسى أحققه

المود بتاعك ؟

_ امممممممممم .... مستحيل أعرف ارد على هذا السؤال أبدا
لأنى ممكن أتكلم عن الحزن بمنتهى الأسى وانا جوايه سعيده ومبسوطه وتمام
وساعات اكون بضحك بصوت عالى وانا جوايه حزين و زى الطين
وسعات مفيش حاجه خالص مالص ..مهيسه يعنى

بتعمل ايه فى وقت فراغك ؟

بصراحه سؤال يقلب المواجع موجع موجع .... مفيش وقت فراغ كان فيه وخلص

الأكله المفضله ؟

_جبنه قريش بالزيت والطماطم والخيار .. العدس ..بطاطس محمره
محشى ورق العنب...وأى أكله مكونش أنا إللى عملاها
اه نسيت اقولكم كمان بحب السوشى ...هع هع هع هع

الصفات التى ورثتها من والدك ؟

_ الطيبه ..وطولة البال ..والرضا بقضاء الله خيره وشره ..حب القراءه .. حب الله ورسوله

الصفات التى ورثتها عن والدتك ؟

..العصبيه المكتومه .. حب الشياكه ..عادة يمكن ينفع يعنى الحاجه متترميش بسهوله
الحنيه .. ومرعاة مشاعر الأخرين

أكتر ست حاجات بتكرهها ؟

الجرأه على الله سبحانه وتعالى
الخيانه بكل أنواعها سواء بالفعل أو القول
القسوه بالكلام أو الفعل
الغيره المؤذيه
السخافه و ثقل الدم
الغرور

أكتر ست حاجات بتحبها ؟

زوجى
أولادى
القراءه
الكتابه
الطبيخ
الشغل

شخصيتك نوعها أيه ؟

سؤال ملوش اى لازمه لأنى طبعا مش هعرف أجاوب عليه .. خالص

لماذا دخلت عالم التدوين ؟

علشان بحب الكتابه .. وكان عندى أمل أنفع الناس

أجمل كلمه قيلت فى وصف مدونتك ؟

كل تعليق إتقال بصدق مش مجرد كلام وخلاص هو أحلى كلام
وكمان تعليق الأستاذ /عبد الله الداوود ( كاتب سعودى )
قالى مدونتك رائعه ودى كلمه أعتز بيها جدا جدا طبعا هو بيجاملنى بس انا شبطت

أهمية التعليق بالنسبه لك ؟

زى الميه للسمكه .. والهوا للبنى أدمين
لكن أهم حاجه إنه ي
كون بنفس ومن غير مجامله

أحسن بوست كتبته وليه ؟ ضع اللينك

عم صالح لازم يتصالح
لأنى كتبته وانا صعبان عليه حال كل واحد صالح فى البلد دى
وأحمد رئيس الجمهوريه
لأنى كنت عاوزه أقول لكل الشباب اللى زى الورد اللى شفتهم
على المدونات كل شئ ممكن بس نحاول يمكن أحمد لسه نصيبه مجاش
لكن غيره ممكن تصيب معاه

أفضل بوست قرأته ؟وأفضل مدونه؟

كل المدونات اللى على اديكم الشمال وعلى سبيل المثال لا الحصر
وبدون مجامله مدونه حبيبتى ستيته وكل بوستاتها
تامر على ..الأديب المتنكر
م/ أحمد أبو العلا ..المهندس اللى دمه شربات ودماغه توزن بلد
دودو الرومانسيه العصبيه
احاسيس طفله اللى كلها حنيه
باسمه اجمل بنوته على بلوجر
رحيل ...الأديبه المتنكره برضو زى ناس
ام البنات الست اللى بتخاف من ربنا ربنا يزيدها إيمان وإخلاص
بحيرة البجعه ..ريما الشهرى ..أديبه فى بدايه الطريق
أبو على ... الراجل اللى بيتقى الله فيما يكتب وكلامه كبييييييير بس اللى يفهم
ريكو بنت من زمن فات
دودا العاقله الشقيه الذكيه
مسلمه لله متعددة المواهب
حرووووووووف العروسه الجديده
عاشقه وغلبانه ...العاقله الكامله بس شقيه شقاوة الأطفال

أبو على بن على ...راجل سعودى يخاف ربنا وكلامه يفرق كتيييير
منوش المخنوقه اللى خفة دمها بتفك خنقاتنا
لجين أبو الدهب / روح جميله جميله وقلم حساس جدا
حسام غانم ..كاتب ساخر من الدرجه الأولى
مصرى وأفتخر
ليدى هانم اللى مش عايزه تكبر ..بصراحه عندها حق
ساره الشاعره الجامده جدا أخر حاجه
د/ عرفه الإنسان اللى يعرف ربنا وبيحلم بالتغيير
م/على درويش زينة الشباب
زوجه عنيده اللى شبهى خالص وخصوصا فى موضوع العند ده
أستاذ فشكول / اللى كلامه كبيييييييييير
أسافو اناروز .. اجمل حاجه فيه حلمه بالتغيير

يا رب مكونش نسيت حد

لكن وللحق فى مدونات كتير دخلتها وبهرتنى ونسيت ادون اللينك بتاعها عندى
مثلا ..دكتوره أيه .. مدونة إسلام ديو اصحى يا مصر

الإنترنت بالنسبه لك ايه ؟

للأسف بقى إدمان ..توب علينا يارب

تمرر التاج لمين ؟

كان نفسى جدا بنوته تكون بينا كانت أول واحد همررلها التاج
زوجه عنيده
لجين أبو الدهب
أبو على
د/عرفه
ريما الشهرى
حسام غانم
رحيــــــــل
باسمه أنور
حروووووووووف
ريكو
دودا
مسلمه لله
م/على درويش
المدموزيل ليدى الصغنونه ..اللى مش عايزه تكبر




أسفه على الإطاله بس هى الأسئله اللى كتير اعملكم أيه ؟!!!!

هناك 58 تعليقًا:

بسمة انور يقول...

اجاباتك جميييييييييييييله يا ايمى

بحبك يا قمر

assafo anaroze يقول...

اول تعليق و بعدين اقرأ على مهل

assafo anaroze يقول...

ايمان
اجابات قربتنا اليك كثيرا و تعرفنا عليكي من خلالها
أسافو اناروز .. اجمل حاجه فيه حلمه بالتغيير
ميرسي على المجاملة الرقيقة
انا كمان ادعوكي لبوست الجديد "ماسي الوطن..و التاج"
اصلي ادبست انا كمان في التاج
مودتي

بسمة انور يقول...

ايه ده
انا ليا تاج
والله قرئت الاسئله كلها والاجابات ومشفتش اسمى خالص
هههههههه

شكرا ليكى يا سكرايه

MǿиY El-Shreef يقول...

ايمان سلامتها :d:d:d

ههههههههههههههههه

حلو اوي الاسم ده يا ايمي

ايه رأيك اناديكي بيه بعد كده :P

انتي بتحبي الجبنه !!

وكمان القريش

بلاش اقولك العلاقه الي بيني وبين الجبنه :D

اجابتك عسوله زيك وقربتك مننا اه والله

وربنا يخليلك ولادك القمرات وزوجك

ممموووواه

SHAPE YOUR LIFE (ABOALI) يقول...

كم انتى رائعة يااااااااااااااااااااا كرة القدم
تمتعينا وتعلمينا وتجعلى الفرح عنوان لينا
كم انتى رائعة ياااااااااااااااااااااااا حواء
اذا كان فى داخلك حواء
بكل مكنونها وكبريائها وحنانها
يااااااااااااااااااا ايمان

مرحبا" بك فى عالم حواء
ولكن عالم حواء الحقيقى


اشكرك لاءنك ادخلتى السرور على نفسى
ليس لاءنى اسم ذكر
ولكن هناك من يجبرك على ان تحترمه
وانتى فعلتى هذااااااا بسلاسه وبدون تعقيدات انسانية

تحياتى ولك دعواتى الخالصة بالبركة والخير فى حياتك

Lady E يقول...

اجابات متميزة ورائعة كالعادة يا احلى ايمي

-ايمى هانم اللى مش عايزه تكبر ..بصراحه عندها حق-

ههههههههههه انا فضلت ادور على اسمي في القائمة وكانت عينيا هتغرغر بالدموع وبعدين لقيت ايمي ولقيتني بشبه على مش عايزة تكبر :))))))))
متحرمش منك يا قمرايا شعور متبادل بجد ومدونتك الاحلى والأروع
اما بالنوسبة لإيمي فأنا بحب اسم ايمان جدا لكن اسمي مش ايمان هو صحيح بيبدأ بحرف الألف لكن مش ايمان :)

عاشقه وغلبانه يقول...

اه صحيح
نسيتع اسألك
يعني ايه ايمان بسلامتها دي..؟؟؟
ههههههههههههههههه

SHAPE YOUR LIFE (ABOALI) يقول...

فى تعليقى
نسيت ياء فى (اسم) الاصح يعنى اسمى

لذا لزم التنويه

احسن تقرء خطء


اه منك زهايمر
منك لله
ا

احساس طفلة محبة للرومانسية بس واقعية يقول...

اية دا يا ايمى بتحبى السوشى
مش تقولى من بدرى ابعتلك طبق مشكل
http://www.foundshit.com/images/sushi-platter.jpg
ولو عايزة طريقتة قوليلى
:)

ايمان بسلامتها
هاهاهاهاهاهاهاهاهاها
الاسامى الغريبة دى انا مجربها
وبيكون ليها ذكريات جميلة معانا

سكر يا ايمى انسانة بجد جميلة جدا
تقبلى مرورى

القدر و انا يقول...

ايمى الرقيقة
مبروك عليك التاج اللى قربك من الناس اكتر
اجاباتك بسيطة وصادقة
ربنايبارك لك فى كل ما تحبين
ويبعدك عن كل ما تكرهين
تحياتى

احمد يقول...

تعليق

يوسف المصرى يقول...

السلام عليكم

انا سعيد جدا من المصداقية فى الموضوع ده وللاسف قريته بسرعه لانى مستعجل
بس بجد كلام جميل واصدقاء اجمل واتمنى ابقى صديق ليكم
تقبلوا مرورى

لجين أبو الدهب يقول...

حبيبة قلبى ايييييمى ..

رحتى فين يابنتى ما تطوليش فى حط البوست بتوحشينى موت موت ..

وربنا يخليكى ياعسل على كلامك الرقيق وعلى تمرير التاج واللى هجاوب عليه زى ما قلت احساس طفلة اول الاسبوع الجاى ان شاء الله ..

ربنا يعلم انا بحبك فى الله اد ايه ..

وحااسة اننا صحاب بالرغم ان ماليش فى عالم التدوين كتير وانتى كمان ..

ربنا يخليكى ليا ياجميل ..

دمتِ بخير ..

* على فكرة انا كان نفسيتى تعبانة وكنت بدعى الله ولما قرأت كلامك اتحسنت كتير ..بجد ربنا يجزيكى كل خير ..

مهندس / على درويش يقول...

السلام عليكم/

اجاباتك وضحت شخصيتك الجميله المرحه

وقربتك من ناس كتير وانا اولهم

وشكرا طبعا لذكر اسمي اكثر من مره ودا طبعا شرف كبير ليا

ويارب يجزيكي كل خير ويرزقك حب الناس وحب الله


تحياتي

د/عرفه يقول...

بجد
كلامك عنى بجد مش لاقى كلام ارد بيه
والله مش عارف اعلق
بس يارب اكون عند حسن ظنكم دايما
ثانيا
انا خدت التاج قبل كده من فافيت
كده هيبقوا اتنين ربنا يسهل وميزيدوش
ربنا يديم التواصل
تحياتى

Ahmed يقول...

ياستي الله يكرمك ويكرم ذوقك وأخلاقك

شوفتي بقى
التاج لف لف ووقع عندك
ههههه
ده بس عشان نيتك صافيه
ههههههه

من الحاجات المهمه اللي كتبتيها موضوع الجرأه على الله
الموضوع ده مقرف جدا فعلا
لما قلتيه افتكرت مواقف كتير في الموضوع ده
نكت بتتقال وقصص بتتكتب وشعر وهزل
اللي يقولك احنا بنضحك
واللي يقول ده فن وأدب

يعني الضحك والفن مينفعوش غير بقلة الأدب في المواضيع اللي مينفعش فيها قلة الأدب خالص؟
حاجه غريبه

يارب دايما تسعدينا بكتاباتك

عبدالله الداوود يقول...

دكتورة ايمان
وأنا أقرأ إجاباتك أحسست أن في داخلك روحا أخرى اجمل وصف لها أنها روح مبدعة ..
لو قالوا لنا أن من يجيب عن هذه الأسئلة كاتبة مشهورة لصدقت هذا ..
لذا عندما وصفت مدونتك بأنها ( رائعة ) لم تكن مجاملة .. فالمدونة التي تخاطب المجتمع وهمومه هي مدونة تستحق الكثير من الكلمات الجميلة ..
دمت موفقة ..
عبدالله

أم فريده يقول...

ايمى حبيبتى كان لما شوفت التاج مبعوت ليكى
كنت مستنيه الاجابا بسرعه

بس ايمى احلى ولايق لان الدلع المفروض يكون اختصار مش تطويل

وايمى رقيق زيك

شرف ليا انى اكون شبهك خالص

واشكرك على التاج

بحبك يا احلى ايمى

ستيتة يقول...

توأمي الجميل العسل
جيت من الشغل واخده شبه ضربة شمس لأن النهاردة كان اغسطس تقريبا مش مارس ابدا
ومع هذا اول ما دخلت شفت توأمي الأول ثم نمت

يعني ها تقولي ايه؟
مفكرة ومتزنة وعاقلة ما شاء الله عليكي
اجاباتك هي ايمان كما اتخيلها
ربنا يخلي ايمان ويكرم ايمان في كل ما اعطاها
بحبك

إيمان يقول...

باسمه أنور
شكرا شكرا
طبعا اسمك كان أول إسم فى بالى
لأنى معجبه جدا بيكى بنت فى سنك
عاقله وروحها جميله
بدخل عندها بلاقى كلام موزون ومفيد
مفيش شكوى وزن بنات
بجد والله وبدون مجامله أبدا
أنتى جميييييييييييله ومدونتك جميله زيك
ابقى فتحى عنيكى وانتى بتقرى

تامر علي يقول...

ايه حكاية الجبنة القريش اللي ماشية في البلد دي :)... برضه أديب متخفي ؟ ماشي اديني متخفي لما نشوف آخرتها
ملحوظة : أنا كلمت دار النشر وفي أي وقت حضرتك ممكن تبعتي حد ياخد نسخة من الكتاب

تحياتي

MaNoOoSh يقول...

انا اسمى مكتوب هنا
(وش مكسوف بقى وعنين بتبربش وحركات)
ههههههههههههه
انتى عثل خالث يا ايمان
وطلعتى عندية زيي
وبتحبى الجبنة القريش كمان
سلام يا عثل

إيمان يقول...

أسافو اناروز
شكرا لكلماتك الجميله
ما قلته فى حقك ليس فيه اى مجاملات ولا أى رقه
انت انسان بالفعل تسعى للتغير بكل حب ووطنيه
الله يوفقك يكتبلك النجاح

حسام غانم يقول...

أي !!

ايه التدبيسة دي :)

متشكر جدا يا إيمان عالكلام الحلو اللي كاتباه عني

بغض النظر يعني عن موضوع الجبنة القريش ده :)

عاشقه الرومانسيه يقول...

طبعا اجاباتك جميله ياايمى
بس انا عمرى ما تخيلتك 29 ولا 30 سنه
كنت متخيله انك بنوته صغيره لان مشاعرك واحساسك هما اللى وصلونى للاحساس ده

دودو الرومانسيه العصبيه
***********
ايه ده؟
مين قلك انى عصبيه؟؟؟؟؟

الشموع البيضاء يقول...

ايه الجمال ده التاج ده شكله مسحور اججاباته حلوة سبحان الله مع انى من زمان بحس انه تدبيسه هههههه بس بجد ماشاء الله على اجاباتك
تحياتى وبالتوفيق

إيمان يقول...

مونى الشريف
الأهلاويه العسل ربنا يكرمك
كلامك جميل وتعليقك أجمل
ياسيتى إيمان بسلامتها ومالو زى متحبى
المهم تكونى منورانى دايما
وتنضمى لقائمه مدونين من منازلهم
على ما تفرج يعنى

إيمان يقول...

أبو على
كرة القدم ماشى ..أخرتها كرة القدم
والله كلامك أخجلنى جدا وأسعدنى جدا
الله يكرمك ويسعدك
فى الحقيقه أنت من تجبر أى إنسان على إحترامك
وإحترام قلمك ..
تحياتى وتقديرى

إيمان يقول...

ليدى هانم
أهلا بأجمل بنوته جامعيه فى بلوجر كله
انا عارفه انك بتحبى إسم إيمان بس إسمك مش إيمان
لكن والله أنا كان قصدى أكتب ليدى طلعت إيمى
غلطه مطبعيه ساعدتك
على العموم يعنى انا بحبك سواء إيمى أو ليدى
أو مشمشه أو بسبسه
ربنا يفرحك بكتابك قريب قوى

إيمان يقول...

عاشقه وغلبانه
كده مش عاجبك إيمان بسلامتها ماشى طيب مش هقولك بقه على الإسم التانى اللى هو إيمان مؤسسه
أنا ضفتك على الياهو الميل بتاعى بإسم ريم
ممكن حضرتك تعمليلى أد علشان انا متعلقه من إمبارح وشكلى بقه وحش كده

إيمان يقول...

أحاسيس طفله رومانسيه
انا يعنى كل ما اشوف مطربه ولا ممثله يسألوها اكتر اكلها بتحبيها ايه ... تقول سوشى
وانا اللى اعرفه عن السوشى انه يعنى مش اكله تحفه ولا حاجه
فقولت اكيد السوشى ده حاجه حلوه
عموما ل هتبعتى طبق مشكل معنديش مانع
اما إيمان بسلامتها فده إسم يعنى حكايته حكايه
بلاش نفتح لفتح لبعض فى الدفاتر القديمه الواحد بيتحرج
شكرا يا جميل على التاج اللى فرحت بيه جدا

إيمان يقول...

القدر و انا
شكرا على كلامك الرقيق
اللى بجد فرحت بيه من قلبى
شكرا على مرورك العطر وتحياتى لروحك الجميله
تقبلى صداقتى واحترامى

إيمان يقول...

أحمد
طيب سكت دهرا ونطقت ولا أى حاجه
بقى يوم لما تعلق تعلقنى
ماشى ياريس

إيمان يقول...

محمود السيد
اهلا بمرورك الأول ويارب لا يكون الأخير
شكرا على المجامله
وإن شاء الله تكون صديق دائم لنا جميعا
دمت بكل ود

إيمان يقول...

لجين الجميله
انا اللى بجد بحبك فى الله
وسعيده انى قابلت ناس بالجمال ده فى عالم التدوين
ربنا يسعدك دائما ويبعد عنك كل شر
فى انتظار التاج بتاعك لما نشوف

إيمان يقول...

أ/ عبد الله ناصر الداوود
مرورك اسعدنى جدا هو شرف لى فى الحقيقه
وكلماتك المشجعه لها تأثير السحر بهمتى
تحياتى لقلمك الساحر ..ولروحك المتواضعه
تعجز كلماتى عن وصف إمتنانى وتقديرى
دمت بكل ود وسعاده

الفقيرة إلى الله أم البنات يقول...

إيمان
ان شاء الله تعذرينى على تقصيرى معاك
إجاباتك بجد جميله..ضحكتينى..واسعدتينى
متشكرة يا إيمان على رأيك
يارب يكون لى نصيب منه
ربنا يبارك فى اولادك واسرتك وفى وقتك
ويرزق صالح العمل والقول
متنسنيش من صالح دعاؤك يا ايمى


صحيح إيه حكاية إيمان بسلامتها؟؟ دى
فطّستينى من الضحك

ٌرحيـــــــــــــــــــــــل يقول...

أنا أديبة متنكرة! الله يسامحج :)

عمري ما تفاجئني أجوبتج ولا كتاباتج لأنج تشبهيني :)

الله يحفظ لج أهلج وكل اللي تحبينهم، أما الآن وراي امتحان لازم أحل أسئلته بما أنج مررتيلي الأسئلة.

مشكورة يا إيمان لأني دايم على بالج، من طيب أصلج.

إيمان يقول...

مهندس / على درويش
شكرا لمرورك الجميل
ولكلماتك الجميله ..أسعدنى رأيك جدا
ما قلته فى حقك أقل مما تستحق
دعاءك لى أسعدنى جدا
تقبل الله منك وجعل لك من دعائك نصيبا
دمت بمل ود وسعاده
فى إنتظار إجاباتك

إيمان يقول...

د/عرفه
فى انتظار إجاباتك
انشاء الله ربنا يوفقك
وتحقق كل ما تتمنى
وتكون عند حسن ظننا وأكتر
كلماتى فى حقك اقل مما تستحق والله وبدون مجامله
دمت بخير وسعاده

إيمان يقول...

أحمـــــــــــــد أبو العلا
والله سعادتك انا مقولتش غير الحقيقه
وبعدين شوفت نية صافيه وقلبى أبيض
عندك مانع .. ليكون عندك مانع
بالنسبه لموضوع الجرأه على الله
بجد شئ مستفز جدا .. يعنى كلنا بنغلط ومحدش فينا عم الشيخ
وكلنا علاقتنا بربنا يعنى حالتها عدم
لكن اننا نتجرأ على الله دى اللى بجد حاجه تقرف
زى مقولت اللهم احفظنا

إيمان يقول...

زوجه عنيده
شكرا لكلماتك السكر اللى زيك
انا اللى ليه الشرف
لما نشوف اجاباتك
بحبك فى الله وربنا يديم المعروف

إيمان يقول...

ستوته الغاليه
كلماتك أخجلتنى
اشكرك على الكلام اللى يشرح النفس
وعلى الهديه الجميله
وعلى الدعاء الرائع
ربنا يسعد أيامك ويكرمك
ويزيدك من كل خير

إيمان يقول...

تامر على
معرفش والله ايه حكاية الجبنه القريش ( وش مطلع لسانه) هو انت كمان بتحب الجبنه القريش
منور يا أيها الأديب المتخفى ( وش مطلع لسانه برضو)
شكرا جدا جدا على انك كلمت دار النشر انا بس عايزه اسم المجموعه يمكن اروح اجبها بكره
تعرف لو طلعت جامده هعملك فضيحه على بلوجر كله
ربنا يوفقك وتحقق أكتر مما تتمنى

إيمان يقول...

MaNoOoSh
ايه اللى اسمى مكتوب ..طبعا مكتوب وستين مكتوب وكفايه اننا مشتركين فى العند والجبنه القريش دول كفايه وما تجمعه الجبنه القريش ان شاء الله هيبقى كويس
منوره يا قمر

إيمان يقول...

حسام غانم
مالها بقى الجبنه القريش
طيب لما نشوف هتعمل ايه
فى التدبيسه

إيمان يقول...

عاشقه الرومانسيه
صديقتى العزيزه
العضمه كبرت بقه
لكن الشباب شباب القلب
29 ولا 30 ماش ى برضو احسن من مفيش
كلامك بجد اسعدنى جدا
شكرا لرقتك ولزوقك
وبعدين ايه عرفتى منين انى عصبيه دى
مش فاكره طبعا
بحبك

د. ياسر عمر عبد الفتاح يقول...

والله إجابات نموذجية
وبصفتة واحد من اللى قبل هدية خالتى ستيتة
وعديت على نفس السئلة
فياريتنى كنت عرفت أجاوب نص الإجابات دى
ده أنا إجبابتى متعدنيش ولو حتى بدرجات رأفة

إيمان يقول...

الشموع البيضاء
أهلا بمرورك الجميل
وشكرا على الكلمتين الحلوين
اللى يرفعوا المعنويات فى السما
اتمنى ان الزياره تتكرر

إيمان يقول...

الفقيرة إلى الله أم البنات
أهلا بيكى فى أى وقت والمدونه مدونتك تشرفى وتنورى وقت ما تحبى
انا قلت اللى انا حساه نحيتك وأحسبك انشاء الله على خير
ولا نذكى على الله أحدا
بلاش أقولك إيمان بسلامتها ده اصل تسميته ايه
خللى الطابق مستور
ربنا يسعد ايامك يارب

إيمان يقول...

ٌرحيـــــــــــــــــــــــل
أنتى دايما على بالى طبعا
وحضرتك اديبه متخفيه وانا عارفه ومتأكده
وارفض إنك تدعى العكس
شكرا لمرورك ولدعائك

إيمان يقول...

د. ياسر عمر عبد الفتاح
أهلا بمرورك الكريم
والحمد لله الإجابات طلعت نموذجيه
ربنا يسهل ونجيب مجموع كويس
مشكرين ..لما نروح الزميل ياسر عمل أيه

بنت مصر يقول...

ايمي

اجاباتك جميله وصريحة خليتنا نتعرف عليكي

ربنا يكرمك ويسعد أيامك

تقبلي مروري

ريكو يقول...

جميلة انت اوى يا ايمى
بالضبط كما توقعتك من أول بلوج لك
شخصية جذابة وجميلة ورقيقة
كم انا فخورة بمعرفتى لك
حقيقى اتمنى ان تتوطد صداقتنا الى الابد
ربنا يحققلك كل اللى فى بالك يا احلى ايمى
دمتى جميلة وموفقة

ريما الشهري يقول...

\

\

إيمي..


مفردات ابتعدت عن اللغوية

فأظهرت مصداقية القول والشفافية

التي تتمتعين بها

وجوداسمي شرف لي

دمتٍ صديقتي

محبتك

ريما

إيمان يقول...

بنت مصر
أهلا بمرورك وشكرا للإطراء
أتمنى أشوفك دائما
تحياتى


ريكو الغاليه
وحشاااااااااانى جدا
كلماتك أخجلتنى
أتمنى إن غيابك ميطولش تانى
علشان بتوحشينى جدا

إيمان يقول...

ريما الشهرى

منوراااااااااانى جدا
يارب تدوم صداقتنا
ولا يفرقنا شئ