آية من الله هل نفهمها ؟

بالصدفة وقعت تحت أيدي صورة لأحمد حرارة .. منظر عنيه الاتنين وهم مصابين ومنظره وهو بيبتسم في رضا بعد ما فقد عنيه الاتنين خلاني أفكر وأسال نفسي هل فقدان أحمد حرارة لعينه الشمال في احداث 19 نوفمبر ( أحداث محمد محمود ) بعد فقده لعينه اليمني في أحداث 28 يناير (جمعة الغضب )رسالة من الله للشعب المصري  .. هل في هذا آية  من المهم ان نفهم مضمونها ...ما هي الرسالة !!!!!!!!!!!!!!

نفس الشخص اللى اصيب وفقد عنيه في 28 يناير ( جمعة الغضب ) هو نفس الشخص الذي أصيب وفقد عنيه الشمال فى 19 نوفمبر ( أحداث التحرير الأخيرة ) بنفس السلاح ومن نفس الشرطة وبنفس الطريقة ...!!!!!!!!!!! مش يمكن ده آية من ربنا علشان نفهم أننا لسه في ثورة وان الناس اللى في التحرير هي هي ... وان الحق لسه محتاج اللى ينصره وان المعركة لم تنتهي بعد لو كان بعضنا فاهم فالبعض الاخر مش فاهم او بيتغابى .. حاسه انها آية واننا لازم نفهمها .. يارب خايفه انها تكون حجه علينا كلنا لو اننا لم ننصر هؤلاء الناس وخايفه انه يكون اختبار هل هنضيع حق الناس دي وهنتهمهم بالبلطجه ولا هنقف مع الحق وساعتها فقط يبقى نستحق النصر ومش قبل كده .. يااااااااااااارب ارنا الحق حق وارزقنا اتباعه 

حبيبتي ليه تعاتبيني وقولتي الحب حرية !!!!

حبيبتي ليه تعاتبيني .! وقولتي الحب حرية .. وشايفاني يا نور عيني فى كل دقيقة شخصية
وبتوتر وانا زعلان ... وبتنطط وانا فرحان ... وطفل جميل بيضحكلك وتاخدي الضحكه بالأحضان
أنا حنين وعارفاني ... وفي الغيرة واحد تاني باخد موقف وبتهور وبستسلم لأحزاني 
يا بلادي بداوي الجرح مش عارف وفي نور الصبح مش شايف .. لكن شايفك وأنا مغمض ومش خايف أقول اسف 
أنا بدايتك وانا نهايتك .. انا مجنون لكن عاشق وبعشق حتى تكشيرتك 

آيه !!!!!!!!!!!

هل في قطع أصابع سيف الإسلام والتي كان يشير بها في وجه الليبين ويقول انا أمير برقه .. ويهدد ويتوعد ..آية !!!!!!!!!!

وهل فى إحتراق أصابع علي صالح والتى كان يشير بها ويهدد ويتوعد شعبه الثائر .. آية !!!!!!!!!

إن كان .. فإعتبروا يا أولى الألباب .. وأثبتوا يا أصحاب الحق

نظرة هادئة لمشهد ملتهب - التحرير

نظرة هادئة لمشهد ملتهب - التحرير

حبيبتي ليه تعاتبيني .! وقولتي الحب حرية .. وشايفاني يا نور عيني فى كل دقيقة شخصية
وبتوتر وانا زعلان ... وبتنطط وانا فرحان ... وطفل جميل بيضحكلك وتاخدي الضحكه بالأحضان
أنا حنين وعارفاني ... وفي الغيرة واحد تاني باخد موقف وبتهور وبستسلم لأحزاني 
يا بلادي بداوي الجرح مش عارف وفي نور الصبح مش شايف .. لكن شايفك وأنا مغمض ومش خايف أقول اسف 
أنا بدايتك وانا نهايتك .. انا مجنون لكن عاشق وبعشق حتى تكشيرتك 

مش بس مصر أتغيرت من وقفة الميدان

يا شعب مصر ياللى سابقة ضحكته غضبه
ما يطلع الصبح إلا وصحبتك سببه
يا مخلص الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه

يا شعب يا مصلي قدام العساكر صف

يجري الجريح من ورا لقدام

لا خاف ولا خف

تدوس عليه العربية تحوله لميت الف

يا للعجب يقتلوه ويتوقعوا هربه

يا للعجب يقتلوه ويتوقعوا غيابه

اللي اتقتل لسه واقف هو واصحابه

***

يا شعب مصر اكم فرعون وفرعونة

ضربتهم ضرب سجادة في بلكونة

ضرب الملوك تربية صالحة ومضمونة

ما يبقوا بني ادمين الا اذا اضربوا

ضرب الملوك مصلحة

ضرب الملوك تأديب

محلى المماليك وهي بتجري في السراديب

ولولا ضرب شجرة الدر بالقباقيب

مابين اغا وباش اغا كان التتار غلبوا

بعدين مبارك سادات فاروق ماحدش دام

هو احنا شعب كده ما بيعيشلناش حكام

عقبال جيرانا وحبايبنا كمان يا سلام

لو كل من له رئيس نصحى نلاقيه قلبه

*******

مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله فهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان

********

ما البشر يتجمعوا تبان السما ع الارض

واما البشر يتفرقوا تلقي السما بتنفض

تبقى سما متوزعة جوه الشقق

وتمر ليلة من التوجس والقلق

وننام ونصحى تاني يوم

ترجع سما لما البشر يتجمعوا مع بعض

يا مصر حقك تملكي بدل السما اتنين

واحدة هدية وواحدة تانية صانعها مصريين

*****

ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا بقى فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
فيجسم كل شهيد فيه مصر مكتملة
فخلوا مصر اللى فاضلة تعيش كما شاؤوا

من قصيدة ( يا شعب مصر ) لتميم البرغوثي

إن معي ربي سيهدين

بكره احلى إن شاء الله احلى ........ بكره أحلى حتى وإن ظن الجاهلون بقدرة الله ورحمته غير ذلك .. النهارده اجمل من إمبارح وبكره بامره تعالى هيكون احلى .. بكره احلى علشان ربنا هو مالك الملك وهو سبحانه من تسير أمور الدنيا بأمره وقدرته وهو سبحانه رحمن رحيم لا يرضى الظلم لعباده ........ إن معي ربي سيهدين

 (فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ (61) قَالَ كَلَّا إِنَّ مَعِيَ رَبِّي سَيَهْدِينِ (

صباح الخير على الورد اللي فتح في جنايين مصر .

صباح الخير علي الورد اللي فتح  في جناين مصر

صباح العندليب يشدي بألحان السبوع يا مصر

صباح الدايه واللفه ورش الملح في الزفه

صباح يطلع بأعلامنا من القلعه لباب النصر

سلامتك يامه يا مهره يا حباله يا ولاده

يا ست الكل يا طاهره

سلامتك من آلام الحيض

من الحرمان من القهره

سلامة نهدك المرضع

سلامة بطنك الخضرا

هناكي وفرحة الوالدة ضمي الولد يا والده


 يصونهم لك ويحميهم يكترهم يخليهم

يجمع شملهم بيكي

يتمم فرحتك بيهم

صباح الخير علي ولادك

صباح الياسمين والفل

تعيشي ويفنوا حسادك

ويسقوهم كاسات الذل

ما دامت مصر ولاده

وفيها الطلق والعاده

حتفضل شمسها طالعه

برغم القلعه والزنازين


والثورة المضادة

اشكيك لمين ؟ ..........رسالة إلى المجلس العسكري

إبنتى 7 سنوات وصديقتها مريم 5 سنوات وبنت الجيران حبيبه 4 سنوات كن يلعبن وفجأه وبلا اسباب أو مقدمات هتفن ( الشعب والجيش أيد واحده ... الشعب والجيش أيد واحده ) ورد عليهم ابني الصغير سنه ونص ( دددادددددادددددا ) ... كنت فى المطبخ ساعتها وراسي تكاد تنفجر من الأفكار السوداء(( ياترى الجيش بيعمل فينا كده ليه وبيسلم رقبتنا للشرطه والحزب الوطنى ورجالة مبارك ليه ؟ ))... فسمعت هتافاتهم التى أبكتنى  ... وإنهمرت دموعي رغما عني
لا اريد ان يأتي اليوم الذي يعرف فيه اولادي ان جيش بلادهم العظيم خان الشعب وضيع فرصته الذهبيه في صنع مستقبل يليق بمصر وبشعبها .. لا اريد ان يأتى اليوم الذي يلعننا اولادنا فيه لأننا سلمنا رقبة ثورتنا للجيش ...ويكره نفسه لأنه ولد على ارض هذه البلد
عزيزي المجلس العسكري أعزائي أعضاء المجلس العسكري  انتم الوحيدون دون كل نظام مبارك كتب الله لكم فرصة تاريخية  لتكفروا عن اخطاءكم فى الماضي
انتم الوحيدون دون كل نظام مبارك فتح لكم التاريخ ابوابه العريضه لتتركوا علامتكم ولتخلد اسماءكم كفرسان ساهموا فى تغيير خريطة العالم السياسية وليس خريطة مصر فقط
اعزائي اعضاء المجلس .. امامكم فرصة لا تكتب الا للفرسان فاقتنصوها ولا تقايضوها بغرض زائل ولا تستجيبوا لضغط من احد ولا تخافوا من الشعب فأي ما كانت أخطاءكم او زلاتكم فنحن نسامحك مقدما ولكن ما لن نسامحكم فيه ابدااااااااااااا هو الخيانه والخيانه الأن وأنتم غير مضطرون لها أعظم ولن تغتفر
لن يفرط الشعب في ثورته مهما حدث ومهما بدا لكم من ان الثورة قد انطفأت فهي لن تنطفئ فاغتنموا فرصتكم الان وليس بعد الان واتخذوا جانب الشعب لا جانب الرعاع اللذين افسدوها
نصحيتى لكم احترموا ارادة الشعب وكونوا أكثر وضوحا و وحين نثق بكم فلن نختلف على الوسيله طالما هدفنا واحد
وكلمتي الأخيرة لكم....... وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ 42 مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء 43 وَأَنذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُواْ رَبَّنَا أَخِّرْنَا إِلَى أَجَلٍ قَرِيبٍ نُّجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُواْ أَقْسَمْتُم مِّن قَبْلُ مَا لَكُم مِّن زَوَالٍ 44 وَسَكَنتُمْ فِي مَسَـاكِنِ الَّذِينَ ظَلَمُواْ أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الأَمْثَالَ 45 وَقَدْ مَكَرُواْ مَكْرَهُمْ وَعِندَ اللّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ

مصيبه جملي

يحي الجمل لon tv لم أقد استقالتي والمجلس العسكري عهد إلى بملف الدستور .......... نعمممممممممممم
ملف الدستور بين ايدي يحي الجمل ليييييييييييييييييييييييييييييييييييييه .. انا زهقت بجد وتعبت ومبقتش فاهمه حاجه
أخطر ملف فى حياة كل المصرين لمده 100 سنة جايه بين أيد يحي الجمل .. ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!
إحنا قاعدين نرغي ونهرى فى اى هري أيشي سلفيين على قطع ودان على بورتو طرة ولك لوك لوك لوك والبيضه الاول ولا الفرخه والفرخه الاول ولا البيضه .. واخطر ملف بيحمله يحي الجمل .. الحوار الوطنى فشل بسببه وتدخله فى تعيين المحافظين كان سئ وتعيينه لقيادات الاعلام كان حقير جدااا .. ودستور 71 كان يحي الجمل من الناس اللى مدوا ايدهم فيه وطبخوه .. يبقى انا كده فعلا مش فاهمه هل تصريح عنجهى من نوعية بصفتى رئيسا للجمهورية وتاني يوم اتخلى او نوعية قتلت واتقتلت وتاني يوم قدم استقالته
ولا ده كلام بجد واحنا بنجيب من اول السطر تانى !!!!!!!!!!!!1

عااااااااااااااااااجل : حبس الرئيس السابق حسني مبارك 15 يوم

عااااااااااااجل النيل للأخبار : النيابة العامة تقرر حبس الرئيس السابق 15 يوم على زمة التحقيق
وحبس جمال وعلاء مبارك 15 يوم على زمة التحقيق ونقلهم على سجن طره

لا لالالالالالالالالالالالالالالا تعليق .. فقط أقول لكم الله يا أهل سوريا الله غالب على امره يمهل ولا يهمل ( وليصطفى الله من عباده الشهداء )

اه يا وداااااااااااااااانى

احساسى و انا بسمع كلمه الرئيس المخلوع هو ببساطه 
قلبى جايد ناااااااااااار
حسنى بيولع ف الشعب يا رجاله




بيقول انه شريف و ايديه نضيفه هو و اولاده و الست حرمه
هو بيقول الكلام ده دلوقت ليه.....................!


بص يا عمو حسنى احنا نسيناك خلاص و مش هتعرف تو لع ف البلد تانى زى ما كنت بتعمل 
و مش هنبص ورانا تانى انت سقطت و ماتحاولش تعمل فيها بطل احنا كبرنا و محدش هيعرف يضحك علينا تانى الكل عارف انك خرجت غصب عن عينك و طبعا الكل عارف فضل الجيش فما تحاولش تنكر ده 


 طبعا هو المطلوب من كلامك ده  دلوقت ...منركزش ف المرحله اللى جايه و اننا نركز فيك ..... لا يا حليوة انت بقيت ماضى و احنا بندور ع المستقبل

وقع ..ربنا ما يوقعك فى شر أعمالك.. و ويستر طريقك

trying 2 do something: function show(o){ var counter = o.query.results...: "أعداد الموقعين على البيان Loading... Loading..."
وقعوا على البيان ده يمكن صوتنا يوصل

لا تقف في منتصف الحقيقة ولا تحلم نصف حلم

عزيزي المواطن المصري لو كنت موافق على التعديلات  ارجو ان متكونش اسبابك أنك شايف نفسك قليل و متستحقش أكتر من كده .. و انك تكون شايف ان التعديلات دي هتحقق طموحك فى الديموقراطية .. وأتمنى انك متكونش موافق عليها تحت تهديد ضياع الاستقرار اللى أحنا بالفعل مش عايشين فيه بقالنا اكتر من 60 سنه .. وأرجو انك تكون موافق لأنك مش خايف من فتح النقاش حول الماده التانيه لأنك كده تبقى مضحوك عليك لأن مفروض أن الدستور هيتغير بعد الانتخابات يعنى كده كده الموضوع هيبقى مفتوح للنقاش .. لو انت موافق لازم تكون موافق لأنك مقتنع إقتناع كامل وليس تحت تهديد أى خوف من المخاوف اللى عمال نتهدد بيها كل يو ويتقالنا ها ها ها هتهتدوا ولا
أيه..........  عزيزي المواطن المصري أنا شخصيا لا أدري هل الصواب هو نعم أم لا ولكن بعد ثورة يناير يجب عليك ان تتعلم 

ألا تعش نصف حياة، ولا تمت نصف موت
، ولا تختر نصف حل، ولا تقف في منتصف الحقيقة
، ولا تحلم نصف حلم، ولا تتعلق بنصف أمل

أنا هقول للتعديلات الدستوريه لالالالالالالالا .. أنت نويت تقول أيه ؟

 مع انى بحب هند صبري حبي للبصارة .. بس الفيديو فيه معلومات مهمه عن معنى كلمة دستور .. لذا اضطريت انى اقوم بوضعه

عزيزي المواطن المطحون ماذا ستقول للتعديلات الدستوريه .... يجب ان تكون قد أنتهيت من تكوين رأي حول هذا الموضوع الخطير  وإن مكنتش كونت رأي بسرعه أقرأ وفكر لحد متوصل لرأي لأن هذه الخطوه هى أخطر خطوة فى مستقبل مصر التى نحلم بها
أحتاج لمعرفة أرائكم

نص التعديلات الدستورية التي سيتم الاستفتاء عليها السبت 19 مارس 2011

سيتم الاستفتاء على المواد التالية يوم السبت 19 مارس 2011 ببطاقة الرقم القومي فى أقرب لجنه ولا يشترط التسجيل فى القوائم الانتخابية


ملحوظة مهمة جدااااااااا : كل برامج التلفزيون المصري اللى ناقشت التعديلات الخبراء كلهم أصروا على أن التعديلات غير كافية وفيها ثغرات كثييييييير والأفضل عمل دستور جديد حتى لو هياخد وقت لأن دي أخطر حاجه وأهم خطوة لنجاح الثورة ولوضع مصر على المسار الصحيح وكلامهم معقول جدااااااااااا .. مش عارفه الجيش هيعمل ايه علشان الناس تشغل مخها .. نركززززززززززز ابوس ايدكم ونسيب الهبل واللوك لوك لوك لوك للناس الغير جاهزين للديموقراطية

مادة 75" : يشترط فيمن ينتخب رئيسا للجمهورية أن يكون مصريا من أبوين مصريين . وأن يكون متمتعا بحقوقه المدنية والسياسية . وألا يكون قد حصل أو أي من والديه علي جنسية دولة أخري . وألا يكون متزوجا من غير مصرية . وألا تقل سنه عن أربعين سنة ميلادية

"مادة 76" : ينتخب رئيس الجمهورية عن طريق الاقتراع السري العام المباشر.
ويلزم لقبول الترشيح لرئاسة الجمهورية أن يؤيد المتقدم للترشح ثلاثون عضوا علي الأقل من الأعضاء المنتخبين لمجلسي الشعب أو الشوري . أو أن يحصل المرشح علي تأييد مالايقل عن ثلاثين ألف مواطن ممن لهم حق الانتخاب في خمس عشرة محافظة علي الأقل . بحيث لايقل عدد المؤيدين في أي من تلك المحافظات عن ألف مؤيد.
وفي جميع الأحوال لايجوز أن يكون التأييد لأكثر من مرشح . وينظم القانون الإجراءات الخاصة بذلك كله.
ولكل حزب من الأحزاب السياسية التي حصل أعضاؤها علي مقعد علي الأقل بطريق الانتخاب في أي من مجلسي الشعب والشوري في آخر انتخابات أن يرشح أحد أعضائه لرئاسة الجمهورية.
وتتولي لجنة قضائية عليا تسمي "لجنة الانتخابات الرئاسية" الإشراف علي انتخابات رئيس الجمهورية بدءا من الإعلان عن فتح باب الترشيح وحتي إعلان نتيجة الانتخاب.
وتشكل اللجنة من رئيس المحكمة الدستورية العليا رئيسا. وعضوية كل من رئيس محكمة استئناف القاهرة وأقدم نواب رئيس المحكمة الدستورية العليا . وأقدم نواب رئيس محكمة النقض وأقدم نواب رئيس مجلس الدولة.
وتكون قرارات اللجنة نهائية ونافذة بذاتها . غير قابلة للطعن عليها بأي طريق وأمام أية جهة. كما لايجوز التعرض لقراراتها بوقف التنفيذ أو الإلغاء . كما تفصل اللجنة في اختصاصها. ويحدد القانون الاختصاصات الأخري للجنة.
وتشكل لجنة الانتخابات الرئاسية اللجان التي تتولي الإشراف علي الاقتراع والفرز علي النحو المبين في المادة "88".
ويعرض مشروع القانون المنظم للانتخابات الرئاسية علي المحكمة الدستورية العليا قبل إصداره لتقرير مدي مطابقته للدستور.
وتصدر المحكمة الدستورية العليا قرارها في هذا الشأن خلال خمسة عشر يوما من تاريخ عرض الأمر عليها . فإذا قررت المحكمة عدم دستورية نص أو أكثر وجب إعمال مقتضي قرارها عند إصدار القانون . وفي جميع الأحوال يكون قرار المحكمة ملزما للكافة ولجميع سلطات الدولة . وينشر في الجريدة الرسمية خلال ثلاثة أيام من تاريخ صدوره

"مادة 77" : مدة الرئاسة أربع سنوات ميلادية تبدأ من تاريخ إعلان نتيجة الانتخاب . ولايجوز إعادة انتخاب رئيس الجمهورية إلا لمدة واحدة تالية .

"مادة 88" : يحدد القانون الشروط الواجب توافرها في أعضاء مجلس الشعب ويتبين أحكام الانتخاب والاستفتاء

"مادة 93" : تختص المحكمة الدستورية العليا بالفصل في صحة عضوية أعضاء مجلس الشعب.
وتقدم الطعون إلي المحكمة خلال مدة لاتجاوز ثلاثين يوما من تاريخ إعلان نتيجة الانتخاب. وتفصل المحكمة في الطعن خلال تسعين يوما من تاريخ وروده إليها .
وتعتبر العضوية باطلة من تاريخ إبلاغ مجلس الشعب بقرار المحكمة

" مادة 139 " : يعين رئيس الجمهورية . خلال ستين يوما علي الأكثر من مباشرته مهام منصبه . نائبا له أو أكثر ويحدد اختصاصاته . فإذا اقتضت الحال إعفاءه من منصبه وجب أن يعين غيره.
وتسري الشروط الواجب توفرها في رئيس الجمهورية والقواعد المنظمة لمساءلته علي نواب رئيس الجمهورية

"مادة 148" : يعلن رئيس الجمهورية حالة الطوارئ علي الوجه المبين في القانون ويجب عرض هذا الإعلان علي مجلس الشعب خلال السبعة أيام التالية ليقرر مايراه بشأنه .
فإذا تم الإعلان في غير دورة الانعقاد وجبت دعوة المجلس للانعقاد فورا للعرض عليه وذلك بمراعاة الميعاد المنصوص عليه في الفقرة السابقة .
وإذا كان مجلس الشعب منحلا يعرض الأمر علي المجلس الجديد في أول اجتماع له .. ويجب موافقة أغلبية أعضاء مجلس الشعب علي إعلان حالة الطوارئ
وفي جميع الأحوال يكون إعلان حالة الطوارئ لمدة محددة لاتجاوز ستة أشهر ولايجوز مدها إلا بعد استفتاء الشعب وموافقته علي ذلك

"مادة 179" تلغي

" مادة 189 " فقرة أخيرة مضافة :
ولكل من رئيس الجمهورية . وبعد موافقة مجلس الوزراء . ولنصف أعضاء مجلسي الشعب والشوري طلب إصدار دستور جديد . وتتولي جمعية تأسيسية من مائة عضو . ينتخبهم أغلبية أعضاء المجلسين من غير المعينين في اجتماع مشترك . إعداد مشروع الدستور في موعد غايته ستة أشهر من تاريخ تشكيلها . ويعرض رئيس الجمهورية المشروع . خلال خمسة عشر يوما من إعداده . علي الشعب لاستفتائه في شأنه . ويعمل بالدستور من تاريخ إعلان موافقة الشعب عليه في الاستفتاء

" المادة 189 " مكرر
يجتمع الأعضاء غير المعينين لأول مجلسي شعب وشوري تاليين لإعلان نتيجة الاستفتاء علي تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة أشهر من انتخابهم . وذلك كله وفقا لأحكام الفقرة الأخيرة من المادة 189

" المادة 189 " مكرر " 1 "
يمارس أول مجلس شوري . بعد إعلان نتيجة الاستفتاء علي تعديل الدستور . بأعضائه المنتخبين إختصاصاته .
ويتولي رئيس الجمهورية . فور انتخابه . استكمال تشكيل المجلس بتعيين ثلث أعضائه . ويكون تعيين هؤلاء لاستكمال المدة الباقية للمجلس علي النحو المبين بالقانون

أصلك قفص .

هشام الجخ .. البغبغان


كان يوم مطر والبغبغان جوه القفص ... طلع لسانه لعصفورين فوق الشجر
خليكوا سايقين العناد .. العش قاد .. وخسرتوا وياه الولاد لما انفجر
هو أنتوا حمل السيل ولا حمل المطر
 كان فيها ايه لو تعملوا زيي وتقولوا زي مايقول البشر
رد عليه العصفورين .. لو عل الولاد البطن ولاده
والعش مهما يقيد ..  صخر الجبل عناقيد .. نفرشها سجاده
وأنت اللى فرحان بالقفص !!!!!!!! أصلك قفص
كتموا الهوا جواك ونسوك ان ما بين الحياة والموت ...... نفس .. يا قفص

أحلم معايا ببكره جي .. ولو مجاش احنا نجيبه بنفسنا .. نبدأ نحاول

بماذا تحلم لمصر .. بعد خمس سنوات من الآن أين تتمنى ان تجد مصر وماذا تقترح لنصل إلى هذا المكان لا تقل مستحيل .. ليس هناك مستحيل ..يد الله فوق الجميع ويد الله مع الجماعة وإذا أصبحنا يد واحده فالله معنا ولا شئ فوق ارادة الله ..

احلم معايا ببكره جي .. ولو مجاش احنا نجيبه بنفسنا
نبدأ نحاول في الطريق كتر الخطاوي تتدلنا على حلمنا
مهما نقع نقدر نقوم نشق نتحدى الغيوم نلاقي ليلنا الف يوم بس احنا نحلم
 احلم معايا يا صديق تطوي الخطا قلب الطريق يهمنى حلمى البرئ مهما يكون يفضل بروحو جمبنا
لو حتى تهنا يا صديق يرجع لقانا يضمنا على حلمنا .. بس احنا نحلم

تعرف على د/ عصام شرف .. رئيس الوزراء الجديد ..لقاءات سابقه من قناة دريم

عبدالله جول فى زيارته لمصر : يلغي التأشيرة بين مصر وتركيا ويقول الثورة المصرية ألهمت الشعب التركي وجعلته ينحنى للشعب المصري العظيم احتراما، وأدعو إلى تعاون إقليمي بين مصر وتركيا وعدد من الدول العربية لينك الخبر هنا
انا متفاءلة بجد وفرحانة وعندى امل في ربنا كبيييييييييييييييييييييير . يارب يارب معنديش ضمان لنجاح الثورة غيرك انت الضامن وانت المعين .

ملحوظة : نقلا عن التلفزيون المصري .. لا حاجه لتسجيل الاسماء بالقوائم الانتخابية 

هاااااااام جدا ........

الصح صح ومفيش تنازل .. حكومه محترمه ثم لجنة موثوقه ومنتخبه لعمل دستور جديد وقوانين انتخابيه جديده .. تحديد لصورة مجلس الشعب الصحيح ثم يتم انتخاب الرئيس الجديد ومجلس الشعب الجديد على ميه بيضه دستور جديد وقوانين رادعه له وللمجلس ولكل وزير .. ونبدأ نرتاح ونفكر فى الاستقرار انما تقولى انتخب رئيس ومجلس يحطو لنفسهم دستور وقوانين اقولك كان فيه وخلص .. احنا كده خلصنا من مبارك كان قرب يموت وهنجيب مبارك لسه في شبابه علشان نقعد 35 سنه كمان نفضل نقول كفاية 
ارجوكم يا جماعه نركز فى المهم لا الفرعيات ولا نترك فرصه للبلبله وتشتيت الاراء 
التعديلات الدستورية تبدو فى ظاهر الامر انها تتماشى مع طلبات الشعب ولكنها  تعطي  للرئيس القادم هو ومجلس الشعب والشورى كل الحق فى انتخاب لجنه تضع دستور جديد تحت اشرافهم .. ولا توجد اى ضمانات لعدم تغيير المواد المعدله حاليا يعني ممن ببساطه الريس والمجلس يقولوا الظروف والبلد والاستقرار وخلينا شويه والمجلس يقول مواااااااافقه ونبقى ضحكنا الناس علينا وطلعنا فعلا شعب غير جاهز للديموقراطيه 

لا تعش نصف حياة

لا تصادق أنصاف الأصدقاء، ولا تقرأ لأنصاف الموهوبين
، ولا تعش نصف حياة، ولا تمت نصف موت
، ولا تختر نصف حل، ولا تقف في منتصف الحقيقة
، ولا تحلم نصف حلم، ولا تتعلق بنصف أمل
، وإذا صمتّ فاصمت حتى النهاية، وإذا تكلمت فتكلّم حتى النهاية
...، ولا تصمت كي تتكلم، ولا تتكلم كي تصمت

جبران خليل جبران

عشت وشوفت المصرى قبل الكل .. يارب لك الحمد والشكر من قبل ومن بعد .. وتحيه للقوات المسلحه

الرسالة الاخيره لهشام الجخ

نقلا عن الناس اللى شغاليين فى مصر للطيران والناس اللى راجعه من ليبيا يعنى شهود عيان .. مصر للطيران تعمل بكامل طاقتها لنقل المصريين من ليبيا على نفقة وزارة الخارجية وشركة مصر للطيران .. و الاولوية فى النقل على الطائرات للمصريين فقط ..يعنى المصرى قبل الامريكى والبريطاني والكل كليله .. الحمد لله يارب عشنا وشوفنا المصرى له تمن فى بلده وقبل الكل

يا صبح طلعت روحنا

بسم الله الرحمن الرحيم
(حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِين)

َ

نهارنا نادى وبأدينا على فكره .. الصبح عنده فضول راح نعمل ايه بكره
أيده على الباب وخايف يلمس الأكره .. أدخل يا استاذ براحتك والبلد حره
أحنا زهقنا نشوف الصبح من بره .. أدخل وخرج بقايا العتمه بالمره
يا صبح طلعت روحنا لجل تيجي يا خي

البلد دي بلدك ... اللهم لك الحمد

مبروووووووووووووووووك يا بلدي .. احمدك يارب كنت واثقة فى رحمتك .. ولما ارسلت لى البشارة قبلها بأسبوع طمنتني ورحمتني وكنت عارفه انك مش هتكسفني ابدا ولا هتكسر خاطر كل الملايين اللى اتعلقوا برحمتك
مبروك الحرية وربنا يتممها بخير
ليه تأملات كتييييييييييييييييييير فى اللى حصل بس هنتكلم فيها بعدين
دلوقتى لازم نعرف ان البلد دي بلدنا احنا وولادنا واحفادنا
من النهارده البلد دي بلدك انت
ماترميش زباله
ما تكسرش اشارة
ماتدفعش رشوة
ماتزورش ورقه
لما ميعجبكش شئ اشتكي في الجهه المخصصه
ابدأ التغيير اللى انت عايزه لمصر فى نفسك اولاوادعوا لمصر ربنا يحفظها من أعداءها

ملحوظة : النهارده عيد ميلادي وانتو لاااااااااا.. ربنا كتبلى انى احتفل بيه في يوم زي ده
اللهم لك الحمد كما ينبغي لجلال وجهك وكريم عطائك
وشكرا لرجالة تونس بجد شكرا

كلمه على جنب : اسرائيل ترجو من الحكومة القادمة في مصر احترام معاهدة السلام ..... يا اسرائيل خليكي على جنب يا اسرائيل مش عايزه اقول كلام عيب .. حد كان كلمك حد جاب سيرة معاهدة السلام دلوقتي .. بنقول انتخابات حره ودستور محترم وحريات ونقابات ايه بقى اللى دخل معاهدة السلام فى الموضوع لا  رمي البلا وحدف الجتت ده هوايه و مزاج 

خبر عن مغادرة الرئيس حسني مبارك واسرته لمصر ظهر الجمعة

عن b b c

عن البى بى سى ..جيهان الحسيني صحفية بجريدة الحياة : خبر مؤكد منقولا عن جهة عسكرية وسياسية رفيعة عن مغادرة الرئيس حسني مبارك وأسرته البلاد في حوالي الواحدة ظهرا  خلال صلاة الجمعة 11 فبراير من قصر العروبة بمصر الجديدة وقالت ان الطائرة التي استقلها مبارك وأفراد أسرته أقلعت من مطار ألماظة وهو مطار عسكري في شرق القاهرة الخبر منشور ايضا على جريدة الدستور ورويترز نقلا عن العربية

لينك الخبر على جريدة الدستور

اللهم ارنا الحق حقا

اللهم ولي علينا خيارنا .. ولا تولي علينا شرارنا
اللهم لا تسلط علينا بذنوبنا من لا يخافك ولا يرحمنا
اللهم أدم على مصر نعمة الأمان
اللهم أرنا الحق حقا و أرزقنا اتباعه
وأرنا الباطل باطل و واللهمنا اجتنابه
والهمنا الرشد في الفكر والعقل
ولا تسلط علينا هوانا والهمنا الصواب

مصر النهارده ... الناس بقت اجمل ولا انا بيتهيألي

اكتب لمصر اليوم شعرا مثلها

امبارح كنت فى الدقي وعلشان اوفر على نفسي زحمة المرور ركنت العربية عند محطة المترو وركبت المترو لحد محطة الاوبرا
ايه ده ؟......... ايه اللى انا شفته ده ؟
الناس بقت اجمل ولا كان بيتهيألى ...... الناس بتضحك من القلب وشها منور وضهرها مفرود
كل واحد بقى بجد وبالمعنى الحرفي للكلمه ملو هدومو .. المسيحين بيبصولي بحب وبلمح في عنيهم كلمة احنا اخوات ..الابهات ماسكين ولادهم بحنان والشباب ماشين مع امهاتهم وابهاتهم لزقين في بعض وربطين علم مصر على راسهم الناس رايحين ميدان التحرير كأنهم رايحين فرح
الأمل غير الناس كل الناس .. الناس بتوسع لبعض وبتبتسم لبعض كل واحد بيبصلك بصة حنان وتحس انه عايز يسألك عامل ايه ؟ أنت كويس ؟
 الشباب شايلين الشنط التقيله من الستات الكبار .. والأطفال مبتسمه من القلب .. وأعلام مصر في كل مكان .. ناس كتييييييير شايلين العلم المصري والناس بتبصولهم وتقولهم تحيا مصر
مكنتش اعرف ان الامل بيصحي القلوب كده ومكنتش اعرف ان مصر والمصريين حلوووووووووين قوى كده
ناس جميييييييله وبتحب بعضها بس الهم كان خانقهم ومخللى كل واحد روحو فى مناخيرة مش طايق حتى اولاده
الناس كلها مش بتتكلم غير عن الثورة وعن المستقبل وحب مصر
لما بصيت لوشوش الناس اللى كلها امل واصرار وثقه في الله .. عرفت من كل قلبي ان ربنا ان شاء الله لا يمكن يكسف كل القلوب الجميلة دى المتعلقة بالامل فيه .. عرفت ان اللى بيحصل ده تخطيط الاهي .. والثورة دي فعلا ثورة قلوب ربنا جمعها لسبب لا يعلمه الاهو
ياااااااااااااااااااااااااااااااارب احفظ مصر وكل المصريين
ملحوظة : الكلام ده مش شحنة رومانسية هبت عليه لااااااااااااااا .. دى حقيقة كنت شيفاها بعنية ومش قادرة اصدق عنيه اني شيفاها
الحمد لله اني عشت وشوفت اليوم ده

أحلم معايا

أقتلني قتلى ما هيعيد دولتك تاني .. بكتب بدمي حياه تانيه لأوطاني ......... قصيده الابنودي (الميدان)

النصر والحرية على الابواب ...... عارفه وواثقة

إنما أشكو بثي و حزني إلى الله وأعلم من الله ما لا تعلمون)

مينفعش نقول للحق أخبط راسك في الحيط

ياسلاااااااااااام يابلدي لما الحق نقول عليه باطل والباطل يطلع للحق لسانه ويقول للحق اخبط راسك في الحيط
بس الحق مينفعش نقوله أخبط راسك في الحيط لأن الحق بيحمية الحق القيوم الذي لا يغفل ولا ينام ........ وحسبي الله ونعم الوكيل
لك الله يامصر

ولا يحيق المكر السئ الا بأهله

فَلَمَّا جَاءهُمْ نَذِيرٌ مَّا زَادَهُمْ إِلَّا نُفُورًا 42 اسْتِكْبَارًا فِي الْأَرْضِ وَمَكْرَ السَّيِّئِ وَلَا يَحِيقُ الْمَكْرُ السَّيِّئُ إِلَّا بِأَهْلِهِ فَهَلْ يَنظُرُونَ إِلَّا سُنَّتَ الْأَوَّلِينَ فَلَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا 43 أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ إِنَّهُ كَانَ عَلِيمًا قَدِيرًا 44 وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَى ظَهْرِهَا مِن دَابَّةٍ وَلَكِن يُؤَخِّرُهُمْ إِلَى أَجَلٍ مُّسَمًّى فَإِذَا جَاء أَجَلُهُمْ فَإِنَّ اللَّهَ كَانَ بِعِبَادِهِ بَصِيرًا 45
 

لك الله يا مصر 

انا انضربت ليه ؟........ المخرج عمرو سلامة يروى تجربته في يوم الغضب ويتكلم بلسان كل واحد فينا اختار انه يحب مصر رغم كل القرف

 عن شبكة الرصد لينك الحكاية على فيس بوك

أنا حاسس إن واجب عليا دلوقتي حالا إني أنقل كل اللي حصلي في مظاهرات يوم الغضب التاريخي، منعا للمغالطات و منعا إن الناس يوصلها معنى و درس مستفاد خاطىء من اللي حصلي أو حصل لغيري.

و واجب على أي حد إتعرض للعنف أو للإهانة أو للتعذيب أ للإعتقال إنه يقول قصته بشفافية للناس عشان يعرفوا تجربته و اللي إستفاده منها.

مش عشان يفضح إنتهاكات جهاز الشرطة بس، بالعكس عشان كمان يقول لو كان فيه قصص و معاني إيجابية حصلت و يدي أمل للناس و يعرفهم إن في معنى ورا اللي حصله و بيحصل لمصر دلوقتي.

أنا هحكي القصة بإختصار للي مايعرفهاش.

إحنا كنا متظاهرين أمام دار الحكمة في شارع القصر العيني، و كان في كردون من العساكر و الظباط محاوطنا، و كان نفسنا نروح للناس الثانية اللي واقفين في ميدان التحرير.

على الساعة إثنين أو ثلاثة العصر قررنا إننا نحاول نروحلهم بأي شكل و اللي يحصل يحصل.

بدافع الإندفاع كنت من أوائل الناس اللي بيزقوا العساكر و فعلا إخترفنا العساكر و جرينا في إتجاه التحرير و مجلس الشعب.

و كان الشارع فاضي تماما، و في الأفق شفت بشر كثير، كنت فاكرهم متظاهرين لحد ما خدت بالي إن كلهم لابسين إسود و جايين نحيتنا و معاهم عصيان سودا، و إفتكرت مشاهد أفلام الحروب زي بريف هارت و جلادياتور، و عرفت إحساس الحروب القديمة، و لقيت نفسي بجري عليهم في طليعة الناس، و لقيت ناس بتحاول تهرب منا إحنا في الشوارع الجانبية بس واضح إنهم حاصروهم فرجعوا ثاني، لحظة من البلبلة ثم الإنقضاض منهم علينا.

و كان معايا الآي فون بتاعي العزيز بحاول أصور كل ده.

إلى أن إجتمع حولي عدد لا بئس به من العساكر، و عملوا حواليا دايرة و بدأوا الضرب بعصيانهم على دماغي و وشي و بطني و رجليا.

و دخل قائدهم الظابط المحترم المغوار اللي مش هنسى وشه ليوم الدين و بدأ يضربني بالبونيات على وشي بشكل لم أكن أتخيل أن جسم البني آدم ممكن أن يتحمله،  و خد الآي فون العزيز الله يرحمه و داسه على الأرض و قعد يتنطط عليه ثم فاق لنفسه و قالهم "سيبوه، بطلوا ضرب" قلت الحمد لله ضميره صحي، فأكمل "عشان الكاميرات" و خدني و دخل بيا شارع جانبي و لقينا في سكتنا شاب ملقي على الأرض و دماغه نازل منها كمية مرعبة من الدم، و قال باللفظ "أهه واحد إبن….. مات أهه، و الله لموتك زيه يا إبن….." ثم دخل مدخل عمارة، و دخل العساكر اللطاف معاه و قفل عليا باب العمارة و بلغة الحواري "قصني" و جابني أرضا و بدأ بالضرب بشكل مبرح.

شلاليت في وشي، و في بطني، و العساكر بالعصيان، و واحد منهم كسر حاجة خشب غريبة و جاب الخشبة و قعد يضربني بيها في كل حتة في جسمي، و كلام شبه "يا ولاد ال…. يا ….. ده إحنا في الشارع من بليل يلعن د….“ و أنا بقوله "ربنا يكون في عونكوا، إنت عارف بقى إنت واقف ليه و بتمنعنى ليه؟" فيستفز فيضربني أكثر "عامل فيها مثقف يا إبن…..“ و أنا أرد عليه "مش مثقف و لا نيله، أنا هنا عشانكوا، أنا مصري زيك" طبعا كلامي وسط الضرب كان أكيد مبهم، و هو وسط شتايموا كلامي كان في أهمية برنامج "طبق اليوم" بالنسبة له.

و  بعد ما زهق، قالهم "عايزكم تموتوه زي الواد الثاني يا إما هرجع أموتكم إنتوا، و لو جاعنين كلوه" و مشي، و لمدة لا تقل عن عشر دقايق ضرب مبرح بجد و أنا مستغرب هو أنا إزاي لسة ما متش، و أهه بعد ستة و ثلاثين ساعة أقسم بالله حاسس بالوجع في كل سنتيميتر مكعب في جسمي.

الغريب إني وقتها  و وسط الحدث وصلت لمرحلة إني فعلا مش حاسس تماما بالضرب، و إستشهدت، و بدأت خيالات تراودني، عن أهلي بعدها هيحسوا بإيه و عن فيلمي اللي ماكملتش مونتاجه، و عن الصفحة اللي هتتعملي على الفيس بوك، و يا ترا هنبقى "كلنا عمرو سلامة"؟ و الأهم تصريح وزارة الداخلية اللي هيطلعوه إني أكيد بلعت الآي فون بتاعي.

و قعدت ساعتها أصرخ للعساكر و أقول كلام أفلاطوني ثاني زي: "أنا هنا عشانكم، إنتم عارفين إنتم بتضربوني ليه؟ أنا معايا موبايل، و معايا فلوس، و معايا عربية، و مستريح، إحنا هنا عشانكوا، عشان إنتم تلاقوا تاكلوا و تأكلوا عيالكم"

و لسبب إلهى سمعوا كلامي، و لقيت واحد فيهم إتأثر فعلا و بعدهم عني، و جابلي كرسي، و قالي "أستاذ، هتعرف تمشي؟" بعد لحظة صمت قلتله "هحاول" قالي "طب إجري بسرعة قبل ما الظابط يرجع، لو رجع هيموتك" فحاولت أهرب بسرعة و لكن الظابط رجع، و إفتكرني بهرب طبعا، و هما عملوا كإنهم بيجيبوني، فخدت علقة تجعل العلقة الأولى فيلم كارتون إنتاج والت ديزني في الأربعينات.

و بعدها ركز مع صيد تاني كان جايبه من الغابة شوية، فجه ظابط ثاني سألني عن شغلي و إسمي و شاف بطاقتي و قالي "إجري بسرعة قبل ما يركز معاك ثاني".

جريت، و بعد شوية بدأت الآلام تظهر، و بعدها آلام الرأس و الدوخة و الزغللة، و بدأت عنيا تدمع بلا توقف، مش عياط، بس يمكن عشان أعصابي سابت تماما و فقد السيطرة و صوتي كان بتطلع كإنه طالع من بير.

وصلت لواحد صاحبي في وسط البلد، إستضفني في مكان عمله، و قعدت و جابلي حاجات أشربها.

و سابني شوية، و لقيت نفسي ببكي بحدة لم أبكيها منذ لا أتذكر متى.

لم أبكي من الألم، و لا حتى من الإهانة، و لا من الرعب، بس بكيت لسبب واحد، لسبب إني لقيت نفسي بدأت أكره مصر، و حسيت إن ظباطها اللي حامينها كرهوني فيها، و حكومتها اللي ظالمانا كرهتني فيها، و شعبها السلبي – كان سلبي – ماكنش معانا و كرهني فيها، و الفساد و القمع و إلخ إلخ، و إزاي ممكن أعمل في كائن بشري ثاني مقلب و أجيبه و أخلفه في البلد ديه، إزاي هقنعه يحبها و يحاربلها و ينتميلها!؟

و قلت طب ليه ماسبهاش لو جالي الفرصة، مش يمكن كما قال صديق عزيز فعلا "مستقبل مصر الوحيد في الهجرة لكندا"؟

بس بعد دقايق، رجع صوت العقل – هو مش أكيد صوت العقل بس هو صوت طول عمره موديني في داهية – و فكرت نفسي بمعتقاداتي اللي بكتب المقال ده عشان أشاركها معاكوا.

إفتكرت إن إنتمائى لمصر مش إجباري، ده إختيار مني، أنا إختارته لإن إحساسي بالإنتماء مفيد ليا مش مفيد لمصر، مفيد ليا إني أعرف أنا منين و فين، فين المكان اللي أنه منه، و هو بتاعي، اللي بيتي فيه، و سريري فيه، اللي بحس فيه إني وصلت خلاص مش مستني إمتى هروّح.

إفتكرت إني لازم أبقى إيجابي تجاه أي مكان إخترت أنتميله، و أتفائل مهما كان، إن المكان ده هيكون أحسن بسببي و بسبب اللي حوليا.

من غير إنتماء و أمل أنا فعلا أفضل إني أموت، و لو بقيت عايش بدون سبب له معنى هتحول لحيوان عايز ياكل و ينام و يتمتع بمتع لحظية عمرها ما هتغذي روحي، و ده إختيار نهائي مش محتاج أراجعه مع نفسي.

حتى لو شاف العالم إني رومانسي زيادة أو حالم أو رومانسي، في ستين ألف داهية، أنا هبقى مبسوط بأختياري ده حتى لو حصلي اللي حصلي.

و إكتشفت إن أهم حاجة في الدنيا إني عارف الكلام ده، إني عارف أنا ليه إتضربت، إني عارف أنا ليه نزلت، إني أبقى عارف إن بدون شعارات و مطالبات سياسية معصلجة الفهم أنا نزلت و إتضربت عشان عايز مصر أحسن، عايز مصر مافيهاش سلطة أبدية مطلقة لأي من حكامها، عايز مصر بفجوة إجتماعية أقل، الفقير حتى لو فضل فقير يكون له الحد الأدنى من الكرامة و الإحتياجات الإنسانية، عارف إن إبني لما أخلفه في يوم من الأيام يتعلم صح، يتعالج صح، يبقى عنده أي أمل و طموح مهما كان، حتى لو عايز يبقى رئيس جمهورية، عايز مصر الشرطة فيها بتحمي الشعب مش بتعمل فيه اللي إتعمل فيا و في غيري، في كل قسم و شارع، مش زي اللي إتعمل فالشهداء، خالد سعيد و سيد بلال، لو حد حاول ينهب حقه مايخفش يروح القسم و يبقى عارف إن حقه حيرجعله لإن الظابط عايز يرجعله حقه، و هيلاقي الظابط ده موجود في القسم، مش واقف في تشريفة من صباحية ربنا، و لا بيقمع معارضة و لا مهمته الوحيدة حماية نظام فشل يديه حقوقه أصلا من مرتب محترم و عيشة كريمة، و مخليه واقف في وش المدفع يتكره بداله.

عرفت لما إتضربت إني خايف أقل، إني عرفت أنا ليه هنزل ثاني و ثالث و رابع، عرفت إني لو مت هبقى شهيد و أكيد هبقى في مكان أحسن.

و عرفت إن اللي بيضربني مش عارف هو بيضربني ليه، حاسس إن أسبابه مش منطقية حتى لو سهر الليالي يمنطقها لنفسه، ده يمكن يكون متعاطف معايا، و خايف أكثر مني، من جزا أو عقاب أو تكديره.

و الأهم عرفت إن فيه أمل، أمل أشوف مصر مش زي تونس بس، أشوفها في يوم مكان أجمل من تخيلي مكان أتمنى أخلف فيه عيال عشان ينعموا فيه بحياة كريمة و يعمروه أكثر.

أنا لا أدعي بأي شكل البطولة، و شفت ناس إتضربوا أكثر مني بكثير، و ناس أعتقلت، و في ناس ماتت أحتسبهم شهداء، بس الناس ديه كلها لو إتكلمت معاهم، أغلبهم فخورين بنفسهم، خوفهم بقى أقل، تحديهم بقى أقوى، حاسين إنهم على حق، الناس ديه معظمها طلعت من معتقالاتها أقوى، حاسين إن الفرج جاي مهما إتأخر، و عارفين إنها مهما ضاقت و إستحكمت حلقاتها مسيرها تفرج.

أهم إكتشاف إني إكتشفت إن في أمثال مش مجرد أمثال و خلاص، و فعلا معناها حقيقي، زي "الضربة اللي ماتومتنيش هتقويني"

يقول الله تعالى : " ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء.وأنذر الناس يوم يأتيهم العذاب .

تبادل الشيكولاته والورود احتفالا بعيد الشرطة ( جريدة الهرام )

تحديث 1
تبادل المواطنون الشيكولاتة والورد مع رجال الشرطة بالمحافظات‏,‏ تعبيرا عن البهجة بأعياد الشرطة‏.‏ وشهدت المحافظات المختلفة إقبالا كبيرا من المواطنين علي نوادي الشرطة لتقديم التهنئة‏,‏  عن جريدة الأهرام على رأي ستيتة عيش السرايا  لينك الخبر
هتشللللللللللللللللللللللللللللل

غير مؤكد : المتظاهرون يصلون لمبنى الاذاعة والتلفزيون .... ومظاهره لاسقاط حسنى مبارك امام السفاره المصريه فى واشنطن أمريكا يوم الغضب...

عن شبكة رصد:

غير مؤكد : من أمام مبنى الإذاعة والتلفزيون ..... المتظاهرون  يقومون بتكسير عربية الأمن مركزي ... الأمن يفشل في التعامل معهم

عن موقع الدستور الأصلي الساعه 10 و 40 

مئات المواطنين يتجهون نحو مبنى المحافظة في السويس والشرطة تطاردهم وتغلق جميع مداخل المحافظة

مظاهرات في واشنطن

عاااااااااااااجل ...أنباء عن خروج أحمد عز من مصر تحديث رابع وهااااااااااام ........تحديث 6

تحديث 6

 عن شبكة رصد الأن 6 و22 دقيقة مساء 26 يناير

عاجل | مظاهرة في طلعت حرب الان ومتجهه الي شارع قصر النيل ومحاولات من الأمن لمحاصرتهم

تحديث 5 

البيان الرسمي للسفارة الامريكيه هنا

الولايات المتحدة تؤيد حق الشعب في التعبير عن غضبه

 

تحديث 4 الأن الساعة الخامسة 26 يناير

 8 الاف شخص فى مظاهره ضخمه جدا فى شارع سليمان الحلبى بوسط البلد بالقاهره .. متجهه الى العتبه
 القاهرة : مؤكد | ميدان رمسيس اعتقالات للتجمعات الشبابية المتواجدة هناك ، والظباط يرتدون زي مدني 

 

 

 تحديث 3

اربعة قتلى بالسويس ضحية تفرقة المتظاهرين بالقوة

يارب دمهم ميروحش هدر وربنا يصبر أهليهم

 

ده لينك الخبر 

  تحديث2

 إذاعة الجيش الإسرائيلي

بن إليعازر: "لا خوف على استقرار النظام المصرى، لأنه نظام قوى ويحكم سيطرته بقوة على البلاد"

طيب الحمد لله انا كده إطمنت على اسرائيل اصلي كنت قلقانه !!!!!!!!!!!!!!!!!!!!!!!!!!!!!

يمهل ولا يهمل

 

 تحديث 1

مؤكد عن شبكة رصد | مخبرين يتعرضون للشباب فى مدينه نصر ويحاولون اعتقالهم مره أخرى بعد تنظيم نفسهم .. وهم موجودين الان فى ميدان الساعه بالتحديد خلف ميدان الساعه ..
الجدير بالذكر انه كانت هناك اعتقالات فى مدينه نصر تصل الى العشرين .

 

نقلا عن جريدة البشاير .. أنباء عن خروج احمد عزأمين تنظيم الحزب الوطني من مصر من صالة 4 مطار القاهرة على متن طائرته الخاصة لجهة غير معلومة هنا لينك الخبر

وتظاهر ربع مليون مواطن بميدان التحرير لليوم التالي

عااااااااااااجل ........... جمال مبارك غادر مصر + تحديث هام + تحديث 3

 

 نقلا عن شبكة رصد تحديث3

11 الف متظاهر الآن أمام ماسبيرو

 

 

أكد شاهد عيان  للbbc( تحديث 2
الأمن يشعل النار في أحد السيارات ورأيتهم بنفسي .. وغدا سيتهمون المتظاهرين بها

 

ذكرت مجلة اخبار العرب التي تصدر و تنشر بالولايات المتحدة الأمريكية السبت 22 يناير 2011 ,أن أنباء وثيقة الصلة بالرئاسة المصرية أفادت بأن جمال مبارك نجل الرئيس حسنى ميارك و المرشح المرتقب لرئاسةالجمهورية قد غادر مصر هو و زوجته و إبنته فريدة على متن طائرة خاصة أقلته من قاعدة غرب القاهرة الجوية.

حيث أفادت الأنباء بأن القاعدة قد إستقبلت طائرة أحمد عز الخاصة الساعة العاشرة صباحاً وتم إجراء الصيانة الدورية اللازمة لها بالقاعدة, و بعدها بحولى ساعتان حضرت سيارتان بهما 97 حقيبة من الحجم الكبير و 36 صندوق تم شحنها مباشرة على متن الطائرة دون أية إجراءات أمنية. و فى تمام الساعة الواحدة و النصف حضر جمال مبارك وزوجته و طفلته فريدة و أقلعت الطائرة حوالى الساعة الثانية و الربع بعد الظهر متجهة إلى لندن

و قد أفادت الأنباء بأن سلطات مطار القاهرة قد أعلنت حالة الطوارئ لاعادة فحص 59 طرد ذهب وعملات أجنبية كانت في طريقها للخروج من مصر  الجمعة بطريق التهريب بعد اكتشاف تمزيق بعض أكياسها قبل شحنها إلى هولندا

وكان عمال الشحن على الطائرة الهولندية المتجهة إلى أمستردام قد فوجئوا بتمزيق كيسين ضمن 59 طرداً تحتوى على كميات كبيرة من الذهب وعملات أجنبية قيمتها عشرات الملايين فتم إبلاغ المسئولين

و قد تم تشكيل لجنة برئاسة مسئول أحد البنوك المصرية التابعة له الطرود وتم إعادة فحص الطرود والتأكد من عدم نقصها والإشراف على شحنها على الطائرة مرة أخرى

وده لينك الخبر
وهنا كمان

هذا الرابط  لمتابعة الجديد فى أخبار المظاهرات

http://www.facebook.com/?ref=home#!/RNN.NEWS

ولا تحسبن الله غافلا عما يعمل الظالمون

 أكد اللواء إسماعيل الشاعر، مدير أمن القاهرة، أن أجهزة الأمن سوف تتصدى بكل حزم وحسم لأى محاولة للخروج عن الشرعية ومخالفة القانون وذلك بناء على توجيهات حبيب العادلى وزير الداخلية .
وقال مدير أمن القاهرة أنه سيتم إلقاء القبض على أى أشخاص يحاولون التعبير عن أرائهم بطريقة غير شرعية وغير قانونية .


على أساس أنهم كانو هيزغزغوهم وبعدين غيروا رأيهم بناء على توجيهات العادلى
بجد حاجة بقت تقرف 

يقول الله تعالى : " ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء.وأنذر الناس يوم يأتيهم العذاب .

لولولولولولولولولولوليييييييييي

«مبارك أمان لمصر» تعلق 20 ألف بوستر فى القاهرة والإسكندرية  .. الخبر هنا


لولولولولولولولولولولولولولولييييييييييييييييييييييييييييي

20 مليون مصري أمال باقي ال100 مليون بيقولو أيه

20 % من الشعب بيعلقوا يفط والباقي بيزغردوا   لولولولولولولولليييييييييييي

شئ مشترك

صفة واحدة يتشابه فيها البطل والجبان ..........هي الخوف