الأحد، 10 مايو 2009

كلام من الأخر




قال الإمام ابن قيم الجوزية رحمه الله: فمن أعرض عن الله بالكلية أعرض الله عنه بالكلية، ومن أعرض الله عنه لزمه

الشقاءُ والبؤس والبخس فى أحواله وأعماله وقارنه سوءُ الحال وفساده فى دينه ومآله، فإن الرب تعالى إذا أعرض عن

جهة دارت بها النحوس وأظلمت أرجاؤها وانكسفت أنوارها وظهرت عليها وحشة الإعراض وصارت مأْوى للشياطين


وهدفاً للشرور ومصباً للبلاءِ، فالمحروم كل المحروم من عرف طريقاً إليه ثم أَعرض عنهاْ


قرأت الموضوع فى مدونه مميزه جدااااااااا إسمها غريب
المدونه ثريه جداااا بالموضوعات المفيده اضغط على الاسم للزياره
.

ترى كم مرة أعرضنا عن الله سبحانه وتعالى وكم مرة عدنا اليه

فكيف وبعد ان عرفنا وذقنا حلاوة القرب و تألمنا لمرارة البعد

نعود فنكرر الاعراض

كلما رأيت أحدا الان اراه يشتكى .. يشتكى أى شئ

وكل شئ .. الكل يعانى من الاكتئاب أو الملل أو الارهاق

ترى هل لقول الامام ابن قيم الجوزيه رحمه الله علاقه بما نعانى

أنتظر أراءكم

هناك 43 تعليقًا:

د. ياسر عمر عبد الفتاح يقول...

ليه الكلام الجامد ده
بن القيم لما يقوم لازم الكل يسمع كويس أوي
وبعدين كلامه لازم يتقري أكثر من مرة

ربنا يغفر لينا إعراضنا عنه
وعصيانا ليه

استغفر الله العظيم من كل ذنب عظيم

إيمان يقول...

د/ ياسر

أهلا بزيارتك الجميله

الكلام جااامد ووجعنى جداااا

قولت لازم كلكم تتوجعوا زيى

يمكن الناس تبطل تشتكى

تعرف لما الاسعار تغلى واللحمه سعرها يزيد الناس تصوت وتعمل مشاكل وممكن يعملوا اضراب
لكن لو الدين رخص او اتهان او حتى مخدش حقه متلقيش حد واخد باله أصلا
غريبه صح!!!!!!!!!
رغم ان الصحابه كان من الممكن انهم يفضلوا ايام من غير اكل فقط على بعض التمرات
لكن السعاده أكيد مش مصدرها البطن

حسام غانم يقول...

صح جدا

إيمان يقول...

د/ حسام

ياسيدى على التعليقات الجامده جداااا

بجد تعليقك من الأخر :))

wesoooooooooo يقول...

السلام عليكم إيمان
بس هو بن آدم كده وقت الشده بيحتج ربنا ويقرب قوى
بعد كده بينسى
وبجد كلامك جاب من الآخر
تحياتى

لجين أبو الدهب يقول...

اممممم ..

هو ممكن يكون بنسبة ياايمى ..

ازاى يعينى ..

يعينى مش لازم كل واحد تعبان نفسيا ومرهق وعنده مشاكل يكون معرض عن الله .. ممكن يكون ده اصلا ابتلاء من الله له ..

ومش بيجد راحته واستقرار نفسه الا بالتقرب لله عزوجل ..

عارفة ياايمان .. فى ناس كتير كمان غافلة عن النقطة دى بالذات ..

يعينى اعرف ناس زناة .. وانا على علم يقين بهذا ومشاكل فى حياتهم لا تعد ولا تحصى واسمعهم يقولوا مش عارفين ليه المشاكل دى كلها .. الواحد مابيعملش حاجة واحشة ..

ربنا يهديهم ويصلح حالهم ..

ويقربنا له دائما ..

دمتِ بخير حبيبتى ..

* هو فين الجزء الاخير من ست البنات ؟؟

SHAPE YOUR LIFE (ABOALI) يقول...

الانسان كما تعلمى سيدتى مجموعة من الملكات
منها المادى ومنها المعنوى او الروحى
وكما تعلمين اننا تركيبتنا روح وشهوة

فاءن غلبت الشهوة الروح كنا مثل الحيوان
وان غلبت الروح الشهوة
ارتقينا وسمينا الى مرتبة الملائكة

لذا التعامل مع الحياه من جانب مادى فقط
هو ما يؤدى الى ترك رب السماء
فعندما نعتمد على قوانين البشر
ونترك قانون السماء
سيحدث خلل فى الميزان
والكيل فى كفتى الميزان لاءن يكون واحدا

لذا وضع الله فى قلوبنا شمعة
من حافظ عليها توهج نورها
ومن اهلمها خبا نوره وبهت


اذا شعرت بالقلق والحيره
عليك بنصيحة المساطيل
حتة حشيش و ازازة بيره
لما تفوق
تلاقى نفسك حيران من الحيرة
مع ان الحل موجود
تعمل وقفة تخلصك من الحيرة
تتدخل جوه نفسك وتقويها
وتجمع شتات معانيها
ماتنساس فى الوقت ده
انك محتاج
ترفع ايديك مع قلبك
وتنظر لفوووووووووق
وتقول يااااااااااااااااااااااارب
حيران ضال
لجأ اليك
لانه يعرف انه من صنع يدايك
ياااااااااااااارب
اجمع شتات نفسى وملكاتها
من يرشدنى سوى الرشيد
من يقدر عليها سوى القادر
اذا شعرت بالقلق والحيرة
فارتفع بنفسك الى السماء
وقل
ياااااااااااااااااااااااااااااارب



شكرى الرائع لطرح الموضوع بهذا الرؤية

وفى القديم قالوا

حافظ على دينك كما تحافظ على حذائك

hasona يقول...

السلام عليكم

نعم من يعرض عن الله لزمه الشقاء والهم والغم

وكلام بن القيم نابع من القرآن الكريم كما في قوله تعالي
في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]، وتفسيره يقول: ان الله سبحانه وتعالي يخبرنا في هذه الآية على كل شخص يغفل عن ذكر الله؟
وحاله في الدنيا والاخرة
هذا وعيد شديد لمن أعرض عن ذكر الله وعن طاعته فلم يؤد حق الله، هذا جزاؤه، تكون له معيشة ضنكا وإن كان في مال كثير وسعة لكن يجعل في عيشته ضنكاً، لما يقع في قلبه من الضيق والحرج والمشقة فلا ينفعه وجود المال، يكون في حرج وفي مشقة بسبب إعراضه عن ذكر الله وعن طاعة الله جل وعلا، ثم يحشر يوم القيامة أعمى. فالمقصود أن هذا فيمن أعرض عن طاعة الله وعن حقه جل وعلا، ولم يبالِ بأمر الله بل ارتكب محارمه وترك طاعته جل وعلا، فهذا جزاؤه، نسأل الله العافية

،،،
ونحن أصبحنا نبارز الله بالمعاصي
عفانا الله واياكم منها

ونغفل عن الله في كل شئ
ولم نرضي بما قسمه الله لنا
ونجد ذلك واضحا كما جاء في الحديث القدسي: " عبدي.. خلقتك لعبادتي فلا تلعب. وقسمت لك رزقك فلا تتعب إن قل فلا تحزن. وإن كثر فلا تفرح. إن أنت رضيت بما قسمته لك، أرحت بدنك وعقلك، وكنت عندي محموداً. وإن لم ترض بما قسمته لك، أتبعت بدنك وعقلك وكنت عندي مذموماً. وعزتي وجلالي لأسلطن عليك الدنيا، تركض فيها ركض الوحوش في الفلاة، فلا يصيبك منها إلا ما كتبته لك """
وهنا نجد الجزاء من جنس العمل
هم وغم واغتصاب وبلاوي كثيرة

نتوب الي الله الغفور الرحيم من كل ذنب أقدنا عليها ونحن نعلم
ونستغفر الله العلي القدير من كل ذنب قدمته أيدينا ونحن لا نعلم

،،،،
موضوعك جميل ويحتاج الكثير من الجهد
جعله الله في ميزان حسناتك

تحياتي

MǿиY El-Shreef يقول...

اولا

ازيك يا ايمان وحشاني اوي والله

ثانيا بقى

كلامك صح فعلا

احنا بعاد عن ربنا

ربنا يهدينا ويغفرلنا ويقربنا منه

انا بدعي والمطره شغاله :)

blue-wave يقول...

بعدنا عن الله
ف بعد الله عنا
تحياتى

غير معرف يقول...

ايمان الحبيبة
الدال على الخير كفاعله
وجزاكى الله خير على ادلالنا على هذه المدونة وعوزاة اقولك حاجة ثانية
انى كنت اعد سلسلة لتقربنا جميعا من الله
وخاصة لمن ذاق حلاوة القرب ثم اعرض
وجاءنى رد انى لابد ان ايشر ولاانفر
وانا لسة ماقلتش حاجة ولن تكون هذه
السلسلة منفرة ولكنها افاقة من الغفلة وتبشير بعدم القنوط من رحمة الله
بصراحة الرد جعلنى كنت اكاد اتراجع
عن التكملة وانا حديثة عهد بالتدوين
ولكن جاءنى موضوعك وشجعنى على التكملة
بدون ان تقصدى
ورايت ان الكثيرين يرحبون بالتذكرة دائما
فجزاكى الله كل الخير عنا حبيبتى وكذلك صاحب المدونة
وسامحينى على الاطالة ودمتى بالف خير

ELMASRYA - MRS WRITER يقول...

طبعا الكلام صحيح 100%

ألا بذكر الله تطمئن القلوب

فمابالك والناس مش بس بتنسى تذكر الله إنما بتعصيه وتخليه يغضب عليها

رضا ربنا علينا أكيد بيبعد الهم والغم وبيفتح في وشنا أبواب الخير والقبول

فعلا الموضوع ده مهم جدا وخاصة في هذه الفترة التي زادت فيها فتن الدنيا

لكن برضه الرسول عليه الصلاة والسلام قال: الخير في وفي أمتي حتى قيام الساعة

يبقى مش هتفقد الأمل وبإذن الله لو الشيطان بيحاول يبعدنا عن عباداتنا إحنا بقى نقرب ونخزيه كي ننعم برضا الله علينا

دمتي سالمة بحفظ الرحمن

Ahmed يقول...

بحب الكلام الصريح زي البوست الجميل بتاعك ده
لأن الكلام بيكون قوي وبيحطني قدام نفسي في مواجهه مفيهاش كدب ولا زييف
كلامك بيخبط بقوه على وداني, لازم اسمعه وافهمه ويارب كلنا نفوق

ربنا يغفرلنا وينجينا من الغفله

تامر علي يقول...

ومين يقدر يعرض عن ربنا بالكلية ... برغم من كل الذنوب والآثام التي تلزمنا فلا ملجأ لنا ولا منجى إلا بابه .

جزاك اللخ خيراً على تلك الكلمات وجعلها الله في ميزان حسناتك يوم القيامة .

تحياتي :)

Hesham يقول...

صديقتى العزيزه ان اردنا ترجمة ماقاله ابن قيم الى معادلة كميائية بصفتك التخصصية فان اى معادلة لها طرفان او اكثر ولكن للأسف الشديد نحن اخرجنا اهم طرف فى المعادلة بل الطرف الحاكم فى المعادلة من حساباتنا وبالتالى فسدت المعادلة ذاتها انه الله سبحانه وتعالى ترى هل يمكن ان نأمل ان نحصل على النتيجة المرجوه اذا كان الطرف الحاكم للمعادلة او المتغير المستقل فيها غير موجود ؟؟؟؟؟

assafo anaroze يقول...

ايمان
بالفعل سيدتي الاعراض عن الله قد يورثنا اعراض الله عنا و كم احس بالضيق و الملل و الياس ايضا حينما اكون في بعض الاحيان معرضا عن بعض الواجبات الدينية
المراد ان يلهمنا الله القوة و الايمان لنستطيع عبادته كما يستحق جل ذكره
مودتي

MaNoOoSh يقول...

احنا فعلا منقدرش نعرض تماما
بس ساعات بننسى نشكر ربنا ونحمده على نعمة وساعات بنتكاسل عن الفروض وساعات مبنقومش بواجباتنا
فربنا بيحطنا فى كرب علشان نفتكرة تانى ونرجعله تانى ونفوق من غفلتنا
وحشتينى يا ايمى
مووووووووووووووواه

عاشقه وغلبانه يقول...

انتي فعلا جبتي من الاخر يا ايمان
ربنا يهدينا جميعا

حارة سد يقول...

وكيف لا يصبح كلامهم له وثيق الثقة بما نحن فيه

هؤلاء من فطاحل البشر...نحسبهم قاموا بقراءة الزمان قبل أن ينتهي ..ببصيرتهم التي الهمهم الله ..غدوا علماء الأمة

شكرا لكي على لك المقتطفات الهامة

الحارة سد

القدر و انا يقول...

ايمان
ربنا يكفينا شر غضب الله علينا واعراضه عننا ..
دا احنا عايشين برحمته .. وفضله ..
زماننا غاية فى الصعوبة .. والحياة ليست سهلة للجميع .. ونسير فيها برضا الخالق علينا .. يقوينا ويمنحنا الزاد
ولا اعتقد انه يوجد من يريد ان يعرض عن الله ..
قد نسى البعض شئ من تعاليمه او فرائضه .. ويستغفرونه ..
ربنا اغفر لنا وزدنا طاعة لك
جزاك الله خيرا اختى الحبيبة على ما تقدمين

الربان يقول...

تحياتي

كلام جميل و تذكرة بالداء و الدواء فجزاكي الله خيرا...


يقول الله تعالي
( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً
ضَنكاً وَنَحْشُرُهُ يَوْمَ الْقِيَامَةِ أَعْمَى، قَالَ رَبِّ لِمَ حَشَرْتَنِي أَعْمَى
وَقَدْ كُنتُ بَصِيراً) طه...

ليتنا نقبل علي الله بقلب سليم...و نسأل الله ان يقبل علينا ضاحكا الينا..
و كل شيء بعد ذلك يهون.


تحياتي و تقديري

سارة احمد يقول...

ازيك ايمان
مش شرط يكون الشقاء والبؤس والبخس سببهم الاعراض عن الله...نحن في الدنيا قد يبتلي الله العبد من اجل الامتحان والاختبار فاذا نجح اكرمه واخله الجنة...واذا سقط لااحد يعلم حسابه فالله رحمان رحيم...وايضا هناك ايات تبشر الصابرين...وهناك اية في سورة البقرة لا اتذكرها ولكن معانها دائما بداخلي ابني عليه كثير من تصرفاتي وهي فيما معني قد نبلونك بنقص في الاموال والثمرات والانفس وبشر الصابرين الذين اذا اصابتهم مصيبة قال ان لله وان اليه راجعون...ان لله وان اليه راجعون

إيمان يقول...

wesooooooooooo

هو البنى ادم كده دايما ينسى

او يتناسى لكن فى الاخر بينه وبين نفسه

عارف غلطته فين بالظبط

سعيده بمرورك واهلا بيكى دائما

إيمان يقول...

لجين حبيبتى

انا مقصدتش ابدا ان كل انسان يعانى فى حياته يبقى معرض عن الله سبحانه وتعالى مع ان برضو ساعات فى ناس بيكونوا سعداء فى القرب من الله لكن مش مدركين انهم مرتكبين اخطاء كبيره مش حاسين بيها وبتكون سبب فى الضيق والهم
لكن انا لا اعمم انا اتكلم عن نسبه اصبحت لا يستهان بها معرضه عن الله وترتكب المعاصى وغير مدركين لفداحة ما يفعلون وبعدين يقولوا ليه كده
سعيده باضافتك ومنوراااااانى دايما

إيمان يقول...

وكما تعلمين اننا تركيبتنا روح وشهوة

فاءن غلبت الشهوة الروح كنا مثل الحيوان
وان غلبت الروح الشهوة
ارتقينا وسمينا الى مرتبة الملائكة

لذا التعامل مع الحياه من جانب مادى فقط
هو ما يؤدى الى ترك رب السماء
فعندما نعتمد على قوانين البشر
ونترك قانون السماء
سيحدث خلل فى الميزان

اشكرك يا ابو على على هذا التعقيب المميز لقد أوضحت المعنى وقربت الفكره بشكل جميل ومميز
تحياتى وتقديرى دمت مبدعا

إيمان يقول...

hasona
تعقيبك على الموضوع مميز جداااااا

شكرا لكماتك المحمله بالمعانى

الاعراض عن الله كثير من الناس لا يفهموه جيدا

أو انهم لا يودون فهمه

عفانا الله واياك شر الاعراض عن ذكر الله

تحياتى

إيمان يقول...

مونى الشريف

ربنا يسمع منك يا رب

ويجعل دعائك مستجاب دائما

ويهدى المسلمين لما فيه صالح دينهم ودنياهم

منوررررره

إيمان يقول...

د/ عمرو

سعيده بمرورك

الاعراض عن الله مصيبه كبيره

المشكله الناس بتدعى انهم تمام

ومفيش اعراض ولا حاجه وكله مظبوط

تحياتى

إيمان يقول...

أم مالك

جزاك الله خيرا على افكارك زاهتمامك

اتمنى ان السلسله اللى هتطرحيها بأمر الله مفيده وشيقه ومتابعينها كثير
شكرا لمرورك ولزيارتك الجميله ويارب منورانى دائما

إيمان يقول...

المصريه حبيبتى

كلامك جميل وميه ميه

يعنى لازم يكون عندنا أمل فى نفسنا

اننا نقابل الله بقلب سليم فى الاخر

دمت بود

احبك فى الله

إيمان يقول...

م / أحمد

هو الكلام خبط على ودانى بقوه وحطنى فى مواجهه مع نفسى يمكن ده السبب اللى خلانى نقلته فورا وحبيت انكم تقروه معايا
منورنى ويارب يبعد عننا جميعا المعاصى

إيمان يقول...

تامر على

محدش طبعا يقدر يعرض عن الله بالكليه

لكن للاسف الشيطان بيستدرجنا واحده واحده

ربنا يحميك ويحمينا من المعاصى والاثام

ويجعل القرأن ربيع قلوبنا

دعاء يقول...

شكرا للمشاركة
هو الكلام فعلا صعب بس صح 100%
ربنا يهدينا جميعا ويهدى أولادنا و جميع المسلمين يا رب
دعاء

إيمان يقول...

أ / هشام
حين يغيب الطرف الاساسى فى المعادله
عن المعادله ... أعتقد حينها انه لن يكون هناك معادله اصلا
الانسان مع غياب الجانب الروحى لن يستطيع الحفاظ على توازنه كثيرا فى هذه الحياة الصعبه
اسعدنى مرورك جداا
وتشرفت بمرورك الكريم
تحياتى وشكرا

إيمان يقول...

اسافو

اهلا بيك

يارب يلهمنا جميعا اتباع الحق والصواب

حيث كان

ويعطينا القدره على طاعته سبحانه وتعالى كما يجب
تحياتى ودمت بكل ود

إيمان يقول...

جميل كلامك يا منوش

ساعات بحس ان ربنا سبحانه وتعالى

بيبتلى عباده علشان يفوقوا ويفتكروا

وينتبهوا لنفسهم اكتر

انتى كمان وحشاااانى جداا

إيمان يقول...

عاشقه وغلبانه

وحشتينى ومنورانى

ربنا يصلح احوالنا جميعا واحوال المسلمين كلهم

إيمان يقول...

حاره سد

أهلا بيك وبزيارتك

جميل كلامك وجاصة الجزء
هؤلاء من فطاحل البشر...نحسبهم قاموا بقراءة الزمان قبل أن ينتهي

أحيانا اشعر وكأنهم قرأو الزمان فعلا
ببصيرتهم السليمه
تحياتى ودمت مبدعا

إيمان يقول...

القدر وانا

اكرمنا الله واياك بالمغفره والرحمه

دمت بكل سعاده

إيمان يقول...

الربان

ليتنا نقبل علي الله بقلب سليم...و نسأل الله ان يقبل علينا ضاحكا الينا..
و كل شيء بعد ذلك يهون.

جميله كلماتك ومؤثره
تحياتى وتقديرى

إيمان يقول...

ساره

بصى كلنا ومهما كنا على طاعه فاحنا مقصرين ومقصرين جداااا
المشكله بس اننا اجهل من اننا ندرك مدى فداحة تقصيرنا
لكن رحمة ربنا اوسع ومغفرته اعم
ولو اخذ الله الناس بأفعالهم كان سبحانه وتعالى اهلكنا جميعا ( ربنا لا تؤاخذنا بما فعل السفهاء منا)
لكن لم اعمم ان كل واحد فى شقاء معناها انه معرض عن الله سبحانه وتعالى ممكن فعلا يكون ابتلاء

إيمان يقول...

دعاء
شكرا لمرورك منورانى

ربنا يسمع منك ويهدى المسلمين جميعا يارب

خالد شوقي يقول...

ربنا يجزيكي خير يا ايمان .. فعلا القرب من ربنا بيريح الانسان و بيساعده علي حل مشاكل كتير .
تقبلي تحياتي