وحشتوووووووووووووني جدااااا
بجد بشكر كل المدونين اللى علقوا على البوست اللى فات وأهتموا
والمدونين اللى سألوا عنى بشكرهم جداا وبقولهم لولا ناس زيكم في الدنيا
الدنيا دي كانت تبقى خرابة
بعتذر عن غيابي الفترة اللى فاتت وده كان لعدة أسباب
أولا : اللاب توب كان بعافيه شويتين تلاته وتصليحه كان محتاج ميزانيه
والميزانيه عند الصراف والصراف طفش كان طفشان من البلد لكن الحمد لله اتصرفنا
ثانيا : كان في مشاكل مع الشركة اللي بتورد لنا الإنترنت
كل شهر نتحايل عليهم وحياة ابوكوا تعالوا خدوا فلوسكم يقولولنا حاضر بكره
طيب بعده طيب الاسبوع اللى جاى .. لحد متعدي فترة السماح ويقطعوا الخدمة
ناس ذوق ذوق صراحة
على العموم انا كنت بحاول اتابع أغلب المدونين من على الموبايل فى السريع
ولاحظت روح جميلة بتجمع كل المدونين ألا وهي روح الإكتئاب
ولاقيت ناس طفشت من التدوين وناس بتفكر في الانسحاب وحاجه جميله كده
وكانت الصدمه الكبيرة الا وهي غياب أبو العيله ( م /أحمد أبو العلا )
لا يا جماعه في مؤامرة أو في فيرس إكتئاب في الجو لازم نعقد إجتماع فوري للمدونين
ونشوف ايه السر ورا الموضوع ده
ده بوست على السريع ولنا عودة ان شاء الله
شكر خاص لحبيبتي ( يوم جديد ) ..
وللأستاذ تامر علي
اللي سألوا عنى وطبعا انا عارفه ان كلكم كنت مش عارفين تعيشوا من غيري بس مكسوفين تقولوا ..
هناك 41 تعليقًا:
بخ بخ
واول تعليييييييييلق
لاحلىىىىىىىىى نواااااارة
الي هي انا طبعا
كح كح
:]
طبعا يابنتي مكناش عارفين نعيش من غيرك ياقمر والدنيا احلوت اهي بعد رجووعك
والف سلامة عاللاب توب وعلى النت بتاعك وكويس انهم بقوا تمام ^ـ^
انا بقالي فترة غايبة زيك بس اسبابي مختلفة خالص انا كنت بعافية شويتين يااوختشي :(
وفعلا في حالة اكتئاب رهيبة مسيطرة عالوسط الفني اقصد البلوجري وتقدري تقولي انها عدوة وبتنتقل بين الجميع الحقي نفسك وانفدي بلحمك هههههههههه
متقلقيش عليهم دي اعراض اكتئاب وهتروح
المهم الف الحمد لله على رجوعك وتنويرك التدوين من تاني
البلوجر كان مضلم من غيرك يا شيخة
^ـ^
ايمى
عودا احمدا
شحنة التفاؤل يا ستى تاءثرت لانك غبتى واثرتى شوية فى الخدمة (وش بيغمز)
ولكنها الان ستعود مجددا"
حياتنا يا ايمى كوكتيل اكيد من ملح وسكر
هناك من ينهل اكثر من ملحها بل ويتعمق ويتفنن فى التزود به
وبالتالى حياته ينظر لها بنظرة تدعو للانزواء
ولكن سكر الحياه لازال موجود
اذا احسنا النظر اليه
لا اريد ان اقلب الموضوع فلسفة
ولكنها قدرات وجب تنميتها فينا لنستمر
لكى لا اطيل
فرحت بعودتك
فانت من البشر الذين اسعد بالقراءة لهم
واسعد برائيهم
وافتقدهم حين طالت غيبتهم
لك كل التحية
ايمان
اول تعليق وان شا الله مش الاخير
فعلا فى جو عام من الاكتئاب يسود عالم التدوين ومافيش حد عارف السبب ايه
يمكن فيرس فى الجو
او يمكن الجو نفسه اقصد الطقس يعنى
على العموم هى حاله وهتمر على خير وسلام والكل يرجع تانى الى قواعده سالمين ان شاء الله
welcome back :D :D
حمدالله على السلامه
تحيه لاسعه
ايمي
انتي جاية لوحدك؟
كده يعني ولا فيه حاجة مستخبية وراكي؟
قولي قولي
جيتي يومين عجب
انا لو منك تعتزلي البلوج كام يوم على ما نحاول نلم الأنفلونزا الإكتئابي اللي عندنا
بيني وبينك انا شخصيا مسرش حد اليومين دول
تحذير تحذير
ستيتة بها سم قاتل لا تشربيها خالص
وحشتيني
بس مرضيتش انقل لك شحناتي السلبية
انقلي انتي لي شحنتين اجابيتين الاهي يسعدك
نورتى من تانى يا قمرة
والله وحشانى جداااااااااااا
ماانا علشان موجة الاكتئاب دى عملت بوست
وخلتها حمله بعنوان ابتسم
اتمنى طبعا تشاركى معانا ياايمى
التفاصيل هتلاقيها هنا
http://mero200528.blogspot.com/2009/12/blog-post_18.html
ومش هانكر ان وحشانى جدااااااااااا
وكنت مفتقداكى ومفتقده ناس كتير جميله ومازلت والله
حمدلله ع السلامه
وموجه الاكتئاب دي ان شاء الله هتعدي بسلام وتنتهي...
ايه دا
حد يعمل كده
طيب قولي لي وانتي رايحة تدفعي النت ادفعي لي معاكي
دا حتى الجيران لبعضشيها يا حاجة
دا كلام
وأنا أقول يا ترى يا هل ترى تكون راحت فين جت منين واتصل على الموبايل جرس بيرد ومحدش بيرن وحالتي تصعب ع البتاع
النت كان جميل جدا من غيرك .... قصدي يعني كان رائع ...... يووه يعني كان كويس .. كان كل الحاجات دي مع بعضها بس لما جيتي
وحشتيني
نوارة
أحلى نوارة طبعا و منوره يا قمر
وسلامتك وسلامة عافيتك يا ست الكل
ياريت بقى تقترحى علينا نعمل ايه فى حالة الاكتئباب المسيطرة على الاجواء دى
لأنى بشوفك دايما فرفوشه ونعنوشه بالرغم من ان كلنا فينا اللى مكفينا بس انطباعى عنك انك بتحبى الفرفشة
اقترحى وانا مستنيه ردك
أبو على
منور والله
دايما تحرجنى بذوقك كده
وبعدين اتفلسف براحتك اصلا الموضوع فعلا محتاج فلسفه وشرحه يطول
عايزين كمان حلول عمليه واقترحات من حضرتك اصلا مدونتك عنوانها شكل حياتك
يبقى مستنين منك بوست يتكلم فى موضوع الاكتئاب ده وازاى نشكل حياتنا بعيد عنه
لولا وزهره
منورينى ويارب اشوفك هنا دايما
ممنورين عالم التدوين مدونتكم جميله ومميزه
انا هضيفها عندى وان شاء الله هكون ضيفه دايمه عندكم
يارب مبقاش تقيله عليكم
كريزى هانم
نورتينى وانيستينى يا ست البنات الحلوين
شكرا على مرورك
لاسع افندى
يا اهلا يا اهلا
شكرا على التحيه اللاسعه
نردهالك فى البوستات
أهلا بعودتك
إيمان
وربنا يبعد الإكتئاب عن الجميع
ومنتظرين منك المزيد دايما
ستوته هانم وست الستات
تصدقى جيت لوحدى مفيش حاجه ورايا
هطق يا ستيته شكل البيبى خايف من انفلونزا الاكتئاب ومش راضى يجى
بس على مين هيروح فين .
اوعى تقولى على ستيته روح قلبى الكلام الغريب ده سم ايه وقاتل ايه
اكتئبى يا حبيبتى ولا يهمك خدى وقتك على الاخر ومالوا ده ان ما شالتكيش كل الشحنات السلبيه نشيلك فى عنينا
بسومه الجميله
تتصورى فعلا لكل واحد نصيب من اسمه
بجد لما بشوفك هنا فى مدونتى بفرح قوى
وبحس ان فى بسمه جميله عدت من هنا
بجد والله ومعرفش ليه
منورانى يا ست الحلوين
عاشقه الرومانسيه
بجد منورانى يا سقمر
بالنسبة للحمله انا معاكى قلبا وقالبا
وربنا يوفقنا ونقدر نخترع مصل ضد الاكتئاب ويبقى سبق صحفى ان شاء الله
بنفسجه الجميله
منورانى ويارب تبقى دايما سعيده
وعمرك ما تبقى حزينه ابدا
ويبعد عنك وعن القاريين اى اكتئاب
يوم جديد
يا اهلا يا اهلا باحلى جيران
معلش بقى أختك مفوته أخر تلات اربع حاجات وكويس انى لسه بعقلى لحد دلوقتى
انا بعت لك رقم تليفونى فى رساله اوف لاين بس شكلها ضاعت فى السكه على العموم نبعتها تانى يعنى هم عملوا اللاين ليه
د / عرفه
أهلا بيك وشكرا لتحيتك الجميله
وربنا يبعد عننا جميعا الاكتئاب ومسبباته
ايمى
حالة الاكتئاب لكى ينفك الحصار بها
لابد من اعادة التجوال فيما هو يسعدنا
ولكن التجوال انتى عارفة غااااااااااالى يا غالى
اخر موضوع ليا بيقترب من حالة الاكتئاب دى بس بيزغزغه بس من بعيد
ربنا يسهل ونقترب اكثر
اشكرك يا انسان
السلام عليكم
حمد الله على السلامه
وفقكِ الله لما يحبه ويرضاه
دمتى فى رعايه الله
ايه ده هو انتى كنتى غايبة ..
اصل انا كنت غايبة فماكنتش اعرف انك غايبة
بس المهم انك نورتى تانى ..
ربنا يخلى لنا الموبايلات ..
دمتِ بخير حبيبتى ..
حمدالله على سلامتك يا قمر
أي والله يا ايمي في فيرس اكتئاب قاتل كان منتشر فى الجو
يارب يروح يارب يروح
وحشتييييييييييييني قوي والله يا ايمي
حبيبة قلبيىىىىىى
ويلكم باك يا قمرايه
الظاهر ان غياب الانجنير هيرجعنا كلنا :)
بجد نورتي يا ايمي والف مليون ترليون سلامه ع اللاب
مستنيينك كتير
ايمان الحبيبة
المهم انك رجعتى وكمان منوش ومونى
باذن الله احمد حيرجع
وترجع البسمة تانى ويروح الاكتئاب
والله دى اللمة حلوة مع عودة الاحباب
ليكى وجشة كبيرة ياايمى
ويارب يوصل البيبى بالسلامة
تحياتى
حمد الله ع السلامه
نورتي من جديد بافكارك
بنحاول نفض الاكتئاب ده
تحياتي
أبو على
المشكله ان كل حاجه بقت غاليه يمكن علشان كده الناس عندها اكتئاب
ربنا يرحمنا برحمته ويخفف عننا جميعا
ويرفع معنويات الشعب المسكين بأي خبر حلو عن قريب ان شاء الله
أم أنس
نورتى مدونتي
شكرا لمرورك اللى أسعدني جدا
مريت بمدونتك ربنا يملهالك بركة
وتفيدى بيها الناس ويجعلها فى ميزان حسناتك ان شاء الله
لجين
حبيبتى
وحشتينى بجد
نورتى المدونه
ويارب محدش فينا يغيب تانى أبدا
ونرجع نتلم تاني زي الأول
متغبيش تانى بقى
منووووووووووووووش
حبيبة قلبي
انت فين يا بنت انتى
بقولك ايه اكتئاب مش اكتئاب
ترجعي تكتبى زى الاول احسن والله انتى حرة
مونى النعنوشه
انت فين يا بنتى
اخر واحده كنت اتوقع انها تختفي
شدى حيلك معانا بقى عايزين ننعنش الأجواء البلوجيه
ومش عايزين غياب تانى
أم مالك
حبيبتى ست الكل
كيف حالك وازي صحتك يارب تكوني بخير وصحه
ادعيلي بقى ربنا يعدى الكام يوم اللي جايين على خير
فتاه من الصعيد
بلوجر منور بأصحابه يا جميل
عايزين نفض الاكتئاب سريعا سريعا
قبل ما يلزق وتبقى مصيبه
انا خلاص
شفيت من دور الاكتئاب اللي عندي
اهلا بعودتك :)
مش اكتئاب ولا حاجه داه تضامن مع بعضنا البعض مش الجسد لما تصبه الحمى ...بعد الشر عنناأجمعين ...بيتداعى له سائر الجسد بالسهر والحمى؟ حاجة كده بقى المدونيين والمدونات متكاتفين ...حمدا لله على سلامتك
أقصوصة
انتى اللى حمدا لله على سلامتك من الاكتئاب
وربنا ما يرجعها ايام يا جميل
منورة المدونة
كلمات من نور
عندك حق لكن برضو لازم نشجع بعض على السعادة والرضا ونفكها شوية علشان ربنا يفكها فى وشنا
منورة مدونتى ويارب دايما
إرسال تعليق