الجمعة، 12 فبراير، 2010

قائمة مؤجلة


سارع الى ما تخشاه ... سارع الى ما تخشاه ... شدتنى الكلمات واعجبتني بشده .. هذا فعلا ما كنت احتاجه .. اجلت مواجهة مخاوفي كثيرا يجب ان اواجهها بسرعة هذا هو الحل .. ماذا يختلف اليوم عن الغد بل بالعكس قد يكون اليوم افضل من الغد قد تكون فرصى اليوم افضل
الحياة الان وليس بعد الأن ... أمممممممم نعم نعم الحياة الأن وليس بعد الأن هذه الكلمات هي أيضا كنت احتاجها.. كنت احتاجها بشده
أكتب قوائم بأهدافك ... آه طبعا طبعا سأكتب قائمة بكل ما كنت أخشاه سأكتبها الأن فالحياة الأن وليس بعد الأن سأكتب قائمة أخرى بما يجب أن أفعله لأفعله الأن وقائمة ثالثة بــــــــــــ لا أدرى لا يهم
القائمة الأولى ( ما أخشاه )
1ـ أخشى .. أخشى ..أخشى أننى أخشى أشياء كثيرة .. أخشى أننى أخشى كل شئ.. تخيفني هذه الفكرة كثيرا
كتابة قائمة بالأشياء التى أخشاها شئ مخيف .. شئ أخشاه جداااا
أممممممممممم.. سأكتبها غدا أو بعد غد ليس بالضرورة الأن

هناك 26 تعليقًا:

الأرمـوطــي يقول...

انا معاكى ان الانسان لازم يسارع الى ما يخشاة لان زى مبيقولوا الى تخاف منة ميجيش احسن منة وبرضة الواحد لازم يعقلها ويتوكل ويقول دايما اللهم الطف بى يا مولاى فيما جرت بة المقدير اما بالنسبة لكتابة قائمة بالاشياء الى بنخشاها فكرتنى بكلمة امى زمان ايام مكنت بخاف من العفاريت ممممم ومازلت قالتلى ارسم العفاريت الى انتى بتخاف منها
تحياتى ليكى

عاشقه الرومانسيه يقول...

سهير ليالى وياما لفيت وطفت
وف ليله راجع فى الضلام قمت شفت
الخوف .. كأنه كلب سد الطريق
وكنت عاوز اقتله .. بس خفت
عجبى!!

SHAPE YOUR LIFE (ABOALI) يقول...

هههههههههه
وليه نكتب قائمة باللى نخشاه الاول
نكتب اللى لا نخشاه ونحبة ونكثر منه ونتقرب

من عوامل نجاح الشخص فى حياته ان يكون منتظم ومحدد ذو هدف
ولكن طول الامد ولهو الحياه يجعله يؤجل ثم يؤجل
ويظن ان العمر لازال يمد له الاوصال
وهذا مغاير للواقع الذى نحياه
الاجال تسبق الامال

اذا اجلنا قائمة اليوم
صار غدا عندنا قوائم مؤجلة

بوست هادف جدا وله ابعاد سياسية كبرى
ولكنى ساءؤجل مناقشتهاالى الغد (وش بيغمز)


تحياتى لك يا فندم واتمنى لك دوام النضج

ستيته حسب الله الحمش يقول...

اولا عاوزة أعض حمزة
علشان حارمنا من الكلام ده
بس انا عضتي حونينة يا دوب بعمل ساعة سايكو :)

ما أخشاه
لما كتبتيها حاولت أفتكر كده أنا بخاف من إيه
تصدقي يا إيمي اني مش عاوزة مجرد افكر أنا بخاف من إيه
عقلي رفض استدعاء حتى لو شيء واحد بخاف منه
يالهويز
شوفي لي ضاكتور نفساوي بسرعة

حد يشوف لي حد يقول لي اعمل ايه حتى استدعي ما اخاف منه حتى أواجهه

كلنا بنخاف من بكره
يعني لو قلتها فهي ليست شيء يخصني انا وحدي
بس ايه تاني
اممممممممممممممممممممممم

مش مهم اروح اكتب قائمة مهامي المؤجلة ودي محتاجة ورقة من بتوع حكماء زمان اللي كانوا يجوا يفردوها علشان يقرأوها للسلاطين فتتفرد على الأرض كلهاااااااااااااااااااااااا

sweet angel يقول...

صحيح لازم الانسان يسارع الى مايخشاه علشان على الاقل يبقى خلاص مش خايف منه

بس لازم يكون بخرص شديد علشان ميحصلش العكس

تقبلي مروري المتواضع
تحياتي

تامر علي يقول...

لو حبينا نكتب القايمة دي مش هانخلص خالص ولا بعد 90 سنه :)
احسن شيء هو مواجهة مالابد من مواجهته بشجاعة زي مثلاً الخطأ أو المسؤلية أو الدب القطبي :)
حمدالله على السلامة :)

القدر و انا يقول...

ايمى
كل عيد حب وانت وحمزة وكل احبابك بخير وسعادة
مع البوست ده لارم نفكر كتير
انا عن نفسى احب اواجه مخاوفى ومؤمنة بالمثل القائل وقوع البلاء ولا انتظاره
فلو فضلت خايفة عمرى كله حاتعب
فالافضل اواجهه واخلص مهما كانت النتائج
تحياتى وحبى

MaNoOoSh يقول...

عجبني قوي تدرج الأحداث
والنهاية بالعودة للبداية مرة أخرى


بتوحشينا يا إيمي
سلامي كتييييييييييييييييير لحموزة الصغنن

محمد الإربدي يقول...

السلام عليكم
ادعوكم لمتابعة مدونتي الجديدة التدبر
تحت العنوان التالي : http://altadebor.blogspot.com/

فتاه من الصعيد يقول...

للاسف لا نملك الجرأه الكافيه دوما لمواجهه مخاوفنا

فنؤجل ونؤجل

اسلوبك جميل

تحياتي

إيمان يقول...

الأرموطى

ألآهلا بيك فى مدونتى

والدتك واضح انها ست جميله وذكيه جدااا ما شاء الله

التوكل على الله هو الاساس وبعد كده السعى لازم المشكله اننا ساعات بتوقفنا حاجات صغيره وبنتعطل جداا .. مع اننا لو تخطينا الحاجه الصغيره دى حياتنا هتتغير كتير بس .!!!!!!!!!!!!!

إيمان يقول...

عاشقة الرومانسية

مفيش احسن من كلام صلاح جاهين عن الخوف

انا كمان كنت عايزة اموته بس خوفت

إيمان يقول...

ابو على

نكتب قائمة باللى نخشاه لأنه دايما معطلنا ودايما بنفضل نلف وندور علشان نهرب منه وبتضيع جزء كبير من حياتنا علشان نهرب
لكن عندك حق نكتب الاول قائمة باللى نحبه
تحياتى وتقديرى دائما

إيمان يقول...

ستيته تؤامى الجميل

يا خوفى من قائمة الاعمال المؤجلة

ومن طولها لما انتى بتشتكى امال انا اقول اييييييييييييييييييييييييييييييه

القمرالباكي يقول...

كتير بنأجل حاجات مهمه خوف من الفشل فيها
ممكن يكون خير لينا وممكن يكون شر
لكن لاتؤجل عمل اليوم الي الغد
اكتبي كل الي نفسك فيه من اولويات واهداف بس كان المفروض تكتبيها فالحال وليس غدا او بعد الغد لان دي بدايه لتأجيل جديد وكسل جديد

دومت بخير

إيمان يقول...

سويت انجل

اهلا بيكى وبمرورك

دخلت مدونتك واعجبتنى

الحرص واجب لكن السرعه اهم لأننا مهما كانت الخسارة اللى ممكن تحصل فالعمر اغلى شئ واكبر خسارة

إيمان يقول...

تامر

عندك حق لازم نواجه الدب القطبى باسرع وقت ممكن انت عارف الدب شئ مخيف قد ايه :)

الله يسلمك

إيمان يقول...

القدر وانا

انا بقى مشكلتى انى مش بحب المواجهه مشكله اصيله فيه
يمكن اتغلب عليها فى يوم من الايام وابقى حد غيرى
كل عيد حب وانتى طيبه وايامك كلها حب وسعادة

إيمان يقول...

منووووووووووشه
انت اللى بتوحشينا
حموزه بيسلم عليكى وباعتلك بوسه كبيييييييييييره

إيمان يقول...

محمد الإربدي
مبروك المدونه
ان شاء الله تكون مفيده ليك وللناس
اكيد هزورها واتابعك باذن الله

إيمان يقول...

فتاه من الصعيد

انا عن نفسى من اكبر مشاكل حياتى التأجيل
ربنا ياعفينا يا بنتى
منورة المدونه وشكرا لحضرتك يا افندم

إيمان يقول...

القمر الباكى

اهلا بيكى فى زيارتك الاولى لمدونتى

هكتب اللى نفسى فيه بس خلينا بكره

وش بيضحك ومطلع لسانه لنفسه

عاشقه الرومانسيه يقول...

وحشتينى

كلمات من نور يقول...

إيمان لما قريت البويت بتاعك افتكرت بوست بنت مصر :

http://sorawekelma.blogspot.com

وحبيت أهديه ليكي علشان سبحان الله متشابه بطريقة ما ....تحياتي

إيمان يقول...

عاشقة الرومانسية

انت كمان وحشانى جدااااااااااا
بس معلش حمزة شاغلنى جدااااااا
بس هانت كلها 3 سنين ويدخل المدرسة وافضى تانى

إيمان يقول...

كلمات من نور

سبحان الله
انا دخلت على مدونة بنت مصر على اللينك اللى كتبتهولى وفوجئت انها كانت بتتكلم عن اهمية كتابة قائمه بأهدافك فى بداية كل عام
تقريبا كلنا محتاجين نفكر نفسنا