السبت، 13 مارس، 2010

قبل أن تسوء حالتك + تحديث


تلاحظ ظهور تجاعيد بأفكارك ..؟؟؟!!!!!!
تشعر بعقلك مترهلا .. وبروحك عجوز متصابية؟؟!!!!!
اذا فعليك ببدأ التمرين ..
شهيق .. أسحب معه ذكرى مؤلمة من الروح .. أحبس أنفاسك .. مرر الذكرى على العقل .. ثم أخرجها مع الزفير أتركها تذهب بعيدااااااا
شهيق .. أسحب معه أفكار تثقلك .. أحبس أنفاسك .. ثم أخرج الأفكار مع الزفير وأتركها تذهب بعيدااااااااا
يجب أن تبدأ الأن قبل أن تسوء حالتك
سنبدأ بعشر عدات حتى لا يتشنج العقل .. تكفي عشر وقد نزيدها مع الوقت سأبدأ أنا أولا

واحد .. شهيييييييق (أحب نفسي كثيرا .. حتى خفت الاتهام بالأنانية ..فأهملتها كثيرا) زفيييير
اثنان .. شهييييق ( أحب الحياة كثيرا .. حتى خفت الاتهام بالمادية .. فأدعيت الزهد )زفيييييييير
ثلاثة .. شهييييييق (أحب الانتصار أعشق الصفوف الأولى حد الهوس .. لذا فأنا دائما ألوذ بالهرب ) زفيييييييير
أربعه .. ( كنا توأم ..كل من رأنا سألنا ..هو أنتوا توأم .. هى شاهدة العيان الوحيدة على كل نقائصى منذ الطفولة وحتى الأمس القريب .. ولكنها أذاعتها جميعا عند أول خلاف حقيقى ) زفييييييييير
خمسة شهيييييييييق ( أحب الله كثيرا و أثق فى رحمته .. حتى أخذنى الأمل بعيدااااااا عن العمل ) زفييييييييييير
ستة .. شهيييييييييييق ( أخاف فراق الأحبة أخاف غيابهم .. الأفضل ألا أحب .. أليس كذلك )..زفييييييييييييير
سبعة ..............هل قلت عشر عدات .. لالا يكفي ستة

هناك 33 تعليقًا:

sweet angel يقول...

أحجز وبعدين أعلق

sweet angel يقول...

والله تمرين جميل
ولو الحكاية بالسهوله دي مكنش حد غلب

فتاه من الصعيد يقول...

بوست موش بطال " وش بيغمز وبعدين بيطلع لسانه "

لا بجد فكره رائعه ... جبتيها ازاي

ألمني خيانه الاصدقاء .... واحسست خوف الفراق بقوه

هحاول اعمل التمرين :)

تحياتي

تامر علي يقول...

فعلاً تمرينات التنفس لها اثر ايجابي جداً على الحالة النفسية
وفعلاً تمرير الفكرة الايجابية على العقل هي أول خطوة في ترسيخها في الذات حتى وإن بدا الأمر على خلاف ذلك
وفعلاً كفايه سته علشان متقلبش بنكد :)))

تحياتي :)

لاسع افندى يقول...

شكرا على النصيحه


تحياتى

SHAPE YOUR LIFE (ABOALI) يقول...

محتاجييييييين تمارين كتيره من هذا النوع حتى نصل لنتيجه مرضيه ..ولكن هذا لا يمنع انه تمرين ايجابى لمن يدركه ويطبقه بالفعل.

البنفسج الحزين يقول...

بجد ومن غير مجامله تمارين مفيدة جدا...
وبوست مكتوب بفن وفكر ...
تسلم ايدك وعقلك...

يــوم جــديد يقول...

شهييييييق (أحب الانتصار أعشق الصفوف الأولى حد الهوس .. لذا فأنا دائما ألوذ بالهرب ) زفيييييييير


كنا توأم ..كل من رأنا سألنا ..هو أنتوا توأم .. هى شاهدة العيان الوحيدة على كل نقائصى منذ الطفولة وحتى الأمس القريب .. ولكنها أذاعتها جميعا عند أول خلاف حقيقى ) زفييييييييير

حاجتين صعب أوي يارب يخرجوا إلى غير رجعة وتظلي في الصفوف الأولى دون هوس أو هرب

فكرة جميلة استمتعت بقراءتها وبالشهيق والزفير

ستيتة حسب الله الحمش يقول...

تحفة
تحفة

أحب الانتصار أعشق الصفوف الأولى حد الهوس .. لذا فأنا دائما ألوذ بالهرب )

دوستي يا ابلتي على ألام كتير جوا النفوس البشرية

شهقت وزفرت
بس واضح ان التكتيك محتاج مني شوية تمارين علشان اعرف أطلع كل سلبي مع هواء الزفير

يا مساء العثل والثكر

القدر و انا يقول...

ازيك يا ايمى
يا مريحة القلوب والعقول
فعلا تمارين الافكار السلبية واخراجها فكرة رائعة تريح النفس
لازم نحاول وندعى لك ولحمزة كمان
تحياتى وحبى

غير معرف يقول...

أعذريني لغيبتي

جميلة جدا فكرة تمارين الأفكار او نسميها تمارين العقل


تحياتي ودمت بكل خير


مهندس/ على درويش

إيمان يقول...

سويت انجل

يا مراحب يا مراحب
مين قالك ان الموضوع بالسهولة دى
اهى محاوله يمكن تنفع
منورة يا قمر

إيمان يقول...

فتاة من الصعيد

هههههههههههه
وش فطسان على نفسه من الضوحك :))))

كويس ان البوست معجبكيش قصدى عجبك

إيمان يقول...

تامر على

متهيألى الحالة النفسية مبقاش ينفع فيها حاجه .. بس ادينا بنجرب يمكن ينفع

إيمان يقول...

لاسع افندى

العفو ياافندم

ربنا يجعله بفايده

إيمان يقول...

أبو على

أهى محاوله

يمكن فعلا الترهلات اللى فى المخ تتشد شويه

ويرجع المخ شباب شوية

أصل الترهلات دى ملهاش علاقة بالسن

ممكن واحد يكون خمسين سنه وعقله شباب

وشاب 20 سنه وعقله كله ترهلات

عدد التمارين على حسب الحاله

تحياتى وتقديرى

إيمان يقول...

البنفسج الحزين

منورانى يا قمر

شكرا على المجامله

جربى التمرين بجد نتيجته هتعجبك

هو صحيح اكتشاف شخصى ليه

بس حسيت ان نتيجته حلوه

إيمان يقول...

يوم جديد

يارب يا جنه يا رب

يبعدوا الى غير رجعه هم واخواتهم

حمزة بيسلم عليكى وبيقولك هنتقابل امتى

إيمان يقول...

ستوته هانم باشا

يجب الا تيأسى يا ابلتى شدى حيلك كده

انتى نفسك قصر ولا ايه .. لالالا متضحكيش الناس علينا

صباح الثكر والعثل والجاتوه

إيمان يقول...

القدر وانا

ايوه كده ادعى يا حبيبتى

ربنا يريح قلوبنا جميعا

بوسه كبيييييييييييره من حمزة ليكى يا قمر

إيمان يقول...

م/على

فينك يا راجل

انت روحت فين

لازم ترجع تنور مدونتك تانى وبلاش كسل

Tarkieb يقول...

موشاكرين ...ابقى تعالى قابليني لو حاجة من دي نفذتها..النظري حلو يااختي ساعة الجد ولا اعرفك

Timo.. يقول...

حلوة قوي فكرة البوست بس المشكلة اني قريته بعد ما قريت بوست (قل وداعا) عند "يوم جديد"..!!

ولو انه الفكرة هنا تطبيقها اسهل واسرع :)

Timo.. يقول...

عاوز احييكي على بوست (قائمة مؤجلة) قوووووووووي لانك نجحتي تلفي لي دماغي في خمس اتجاهات ووتسع محاور في نفس ذات الوقت :)

ايه اللي انا بقوله فوق ده..؟؟
ماهي دي النتيجة الطبيعية بعد البوست الحلو ده اللي بجد حسسني ان انت تعرفيني شخصيا وبتتكلمي عن اللي انا باعمله...!! :)

جملة عجبتني قوي في البوست :
"سارع الى ما تخشاه"

إيمان يقول...

تركيب

مين قال تنفيذ حد قال تنفيذ

المهم النفس

على العموم احنا ناس تمااااااااام وصحتنا تمام ولا فيه ترهل ولا تجاعيد احنا ميت فل وعشره

إيمان يقول...

تيمو

بجد نورتنى

يا خسارة انك معجبكش البوست ده

او يعنى محسيتش بيه

وكلامك عن بوست قائمة مؤجله اسعدنى جداا\
مش علشان البوست عجبك لالا علشان انسان بيفكر زيك مر على مدونتى لانى بحترم جداا اللى لما يدخل مدونه يلف فيها ويقلب فيها وبعدين يحكم ويعلق يبقى ده قارئ حقيقى وانسان بيفكر فعلا وبيعلق لانه عايز يقول رأيه

محمد التركى يقول...

السلام عليكم ورحمه الله وبركاته
القاسيه على نفسها/ ايمان

أولآ أنا ليا الشرف أنى أزور مدونتك الجميله قوووى والرائعه جدااا

ثانيآ أنا أسف أنى بدأت كلامى بوصفك القاسيه على نفسها
بس كان المفروض أقول القاسيه على نفسها وقلبها ومشاعرها

البوست جميل ورائع
لالالا أجمل من رائع بجد البوست ده من أجمل ماقرأت وشدنى جدآ وقرأته أكثر من مره وعجبنى جدآ
كلاماتك معبره جدآ بس حزينه جدآ
مشاعرك ظاهره جدآ بين الكليمات وتدل على أحساسك العالى بس مش عارفه تطير فالعالى زى عادتها أكيد ده كان حالك
بس بدئتى تكون قاسيه على نفسك وعلى قلبك وعلى مشاعرك وعلى احساسك وعلى ماضيك وحاضرك
ليه كل القسوه ديه
الدنيا ولا تستاهل قسوتك على قلبك
مش القلب هو اللى بيحب وبيعيشنا أحلى احساس فى الدنيا
يمكن بعد كده بننجرح وبنقاسى وبنحاول ننسى
بس عمرنا مابنقدر نعوض لحظه عشناها فى سعاده جنب اللى بنحبه
أنا اسف على كلامى ده يمكن تزعلى منى وتقولى ايه اللى متفائل قوى ده
بس والله أنا زيك بقسى أحيانآ على نفسى بس بفوق بسرعه علشان بقيت حياتى وحاضرى ملوش زنب فى مافعلى الماضى
على العموم ده رأيى وملهوش أى قيمه
بس اقدر أقولك كلامك جميل جدا ويارب تكونى شاعره أوكاتبه كبيره جدا
تقبلى مرورى الأول وليس الأخير بأذن الله
وأنشاء الله يكون هناك تواصل مابينا

تحياتى لقلبك السجين داخل مملكه مشاعرك الجميله

كلمات من نور يقول...

حلوة قوي تمارين الإيجابية وحب النفس دي

محتاجينها كلنا الأيام دي علشان ينصلح حالنا .....تحياتي

مجرد مدونة يقول...

هو حضرتك بقيتى مدربة تنمية بشرية ولا ايه!
بس تمرينات التنفس بصفةعامة فعلا مفيدة

إيمان يقول...

محمد تركي

مش فاهمه

هو انت قريت البوست ولا البوست بتاع الجيران

وبعدين الكلام اللى بتقولو ده كبيييير امثالي ميفهمهوش

على العموم نورت المدونة

إيمان يقول...

مجرد مدونة

منور والله فينك من زمان

هى كل الحكاية انى فاضية شوية اليومين دول فبقرأ كتير فى أكتر من حاجه
وبتفزلك شوية مفيهاش حاجه يعني المدونين لبعضيهم

إيمان يقول...

كلمات من نور

بجد اسعدتينى بمتابعتك ونعليقك

كلمات من نور يقول...

أسرة منتدى زبد البحر يتمنى منكم التواجد معنا في منتدى عالم المدونيين والمدونات

http://mhg1962.ba7r.org/forum.htm