الأحد، 1 أغسطس 2010

هل هلالك شهر مبارك



ساعات بتبقى الفرصة قدام البني ادم أدام عنيه وشايفها وعارف انها فرصة ومع ذلك يسبها تروح من ايديه ساعات بسأل نفسي ليه ؟؟ بفكر أنه يمكن ميستحقهاش يمكن الفرصة دي كتير عليه يقوم هو اللى يسبها تروح من اديه كده من غير سبب يضيعها وخلاص لأنه ميستحقهاش ..
بخاف لكون بعمل كده كل يوم بخاف وبفكر يا ترى أيه الفرص اللي قدامي النهارده أيه الحاجات اللي مش لازم أضيعها النهارده ..
رمضان على الأبواب وهو أكبر فرصه بتيجي مره واحده في السنة
رمضان فرصة نشوف نفسنا على حقيقتها نشوفها فيها الخير ولا لأ نواجهها بعيوبها الحقيقية نقولها شايفنك مهما حاولتي تستخبي
رمضان فرصة اننا نراجع نفسنا نعيد حساباتنا في الحياة نبص ورانا وقدامنا نشوف احنا فين بالظبط يا ترى توهنا ولا ماشين صح يا ترى إتجاهاتنا كده مظبوطه ولا كله دخل في بعضه
رمضان فرصة إننا ننسى الدنيا واللى فيها ونفتكر إن فيه خالق عظيم بيمشي كل شي مش إحنا
ونحاول نرتاح شويه ومن مادية الحياة وجنانها
نقول يا رب يا كريم رحمتك
رمضان فرصة إننا نحب نفسنا ونحب الناس من غير شروط من غير قال وعمل
في رمضان فرص كبيييييييييييييييرة متضيعوهاش محدش عارف رمضان اللى جاي هنكون فين والدنيا هيحصل فيها أيه يلا نفرح برمضان ونفتكر أن ربنا فوق كل شئ وفوق كل ظالم

اللهم بلغنا رمضان

كل سنة وانتم طيبين ربنا يسعد ايامكم وتبقى كلها في طاعة

ربنا يجعلنا وأياكم من عتقاء الشهر الكريم

هناك 22 تعليقًا:

FAW يقول...

كل سنه و إنتي وكل المسلمين طيبين

ستيتة يقول...

كل سنة وانت طيبة يا ايمي
ربنا يبلغنا رمضان ويرضى عنا ويقبلنا في الصالحين فيعيننا على صيامه وقيامه

dodda يقول...

كل سنه وانت طيبه
ورينا يتقبل صالح الدعاء والاعمال
امين

تامر علي يقول...

فعلاً رمضان فرصة لمن يعتبر فرصة ذهبية لاتتكر كثيراً فيها الزبيب .. والتمر .. والقراصيا .. بالإضافة لقمر الدين بالطبع والكنافة والقطايف .. كل هذه الفرص العظيمة لا تأتي إلا مرة واحده في العام ... فهل من مشمر :)

كل سنة وأنتم بخير .. أعاده الله علينا جميعاً بالخير والبركة ورزقنا فيه من العمل ما يتقبله :)
تحياتي :)

Alaasalim2 يقول...

السلام عليكم

كل سنه وانتي طيبة وبخير
فعلا معاكي حق إحنا بنضيع فرض كتير من إدينا وبنرجع نندم عليها لكن بعد ما تعدي
يارب المرادي نقدر نستفيد من خيرات الشهر الكريم
ويارب نكون جميعاً من عتقاء رمضان السنادي

SHAPE YOUR LIFE (ABOALI) يقول...

رمضان هدية السماء لبنى الانس
من وعى وادرك كانت الهدية سعادة
ومن اصم واغلق نوافذ نفسه
ظل تائه فى الكون حيران

ربنا يجعلك من المقربين الى كل خير
وتسعدى بهدية ربك ويسعد الله بيكى
وتسلم ايدك على كلامك الاكثر من معبر ونابض بالاحساس


تقديرى

ٌرحيـــــــــــــــــــــــل يقول...

مبارك عليكم الشهر ، وفعلا رمضان فرصة ما تتعوض والحمدلله اللي اكرمنا بأنا نعيش رمضان آخر، ومن يدري هل بيكون فرص رمضانية في المستقبل ولا لأ... عشان هالشي لازم نغتنمه.

إيمان يقول...

مصطفى كل سنة وانت طيب

إيمان يقول...

ستيته حبيبتي

كل سنة وانت طيبة وحبايب قلبى منوسه وعفروتو طيبين
وكل سنه وحسب الله وصافى وكل حبايبك بخير وسعاده

إيمان يقول...

dodda

كل سنة وانتى طيبه

نورتى مدونتى ونورتى المدونات كلها واجب علينا نعمل ليله لعودتك من الاختفاء العظيم المفاجئ يارب تكونى بخير وصحه
وكل سنه وانت طيبه ربنا يعيد علينا ايام الخير دايما ويجعلنا طول السنه في طاعته سبحانه وتعالى

إيمان يقول...

الاستاذ تامر على

انست وشرفت

متفكرنيش بالياميش والكتافه ومصاريف رمضان خلينا كده فرحانين بدخلة الشهر الكريم علينا
احنا نوينا صيام بالنهار وريجيم بعد المغرب و الوزن الخفيف حلو برضك حتى الواحد صحته ترد شوية
كل سنة وانت طيب ويارب بخير دايما

إيمان يقول...

علاء سالم

كل سنة وانت طيب

اللهم اجعلنا جميعا من عتقاء رمضان

إيمان يقول...

أبو على

كل سنة وانت طيب

رمضان فعلا هدية ربنا للمسلمين

الحمد لله على نعمة الاسلام وكفى بها نعمة

إيمان يقول...

رحيييييييييييل

حللتى اهلا ونزلتي سهلا

كل سنة وانت طيبه ربنا يكرمك بالطاعه ويجعلك من عباده الصالحين ويرفع شأنك بين العالمين فى الدنيا ويوم الحساب
حمزة النونو بيسلم عليكى وبيقولك فكيها ربنا يفكها في وشك دى الحياه حلوه والنبى حلوه

عمرو يسرى يقول...

كل سنه وانتى طيبه

Miss trouble maker يقول...

كل سنة وانتي طيبة
و في حاجة مهمة اوي لازم نوعي الناس بأن الشهر دا شهر عبادة مش شهر مسلسلات

Lady E يقول...

اللهم أمين

كل سنة وانتي طيبة وبخير وصحة وسعادة

إيمان يقول...

عمرو يسري

كل سنة وأنت طيب وبخير

ربنا يعيد الايام على أمة الإسلام بخير يارب

إيمان يقول...

Miss trouble maker

منوراني وكل سنة وانتى طيبة وفى طاعة دايما
ربنا يغفرلنا جميعا ويعفو عنا اللهم أمين

إيمان يقول...

Lady E

كل سنة وانتى طيبة يا قمر

وبخير وسعاده ونجاح دايما

وتحققي يارب كل اللى بتتمنيه

إيمان يقول...

Lady E

كل سنة وانتى طيبة يا قمر

وبخير وسعاده ونجاح دايما

وتحققي يارب كل اللى بتتمنيه

ستيتة يقول...

كل سنة وانتي طيبة يا ايمي
وربنا يتقبل منا ومنك
ويعيده عليكي وعلى كل اهل البيت بالخير