الأربعاء، 13 أكتوبر، 2010

البوتاجاز


عاد من العمل منهكا .. توجه إلى غرفة المعيشة ألقى بنفسه فوق ذلك المقعد الذي يتوسط الحجرة وجلس صامتا لم يلتفت اليها.. كانت تجلس مقطبة الجبين
تنهد عميقا ثم قال: ده جنان والله العظيم ده جنان
قالت : أنا تعبت
قال : أنا كده بيتي هيتخرب .. مستقبلي ضاع
نظرت أليه في صمت
قال : خسرت اليوم 100 ألف جنيه في ساعة واحدة
لم ترد
قال : إذا إستمر الحال هكذا سنفلس تماما .. لن نجد ما ناكل به
قالت : أنا تعبت
قال : ما جمعته في سنوات عملي بالبورصة ضاع ثلثيه في أيام معدودة والخسارة لا تزال مستمرة ولا أمل في توقفها قريبا
قالت : وقفت طوال اليوم لأعد طعام الغذاء وما أن أنهيت كل شئ واقتربت من النهاية حتى احترق الطعام .. الأرز احترق تماما والخضار شاط وأفسدت رائحة الشياط طعمه .. قلت لك ألف مرة هذا البوتاجاز أصبح خردة عمره الإفتراضي أنتهى منذ سنوات
قال : طارق أصيب بسكر الدم وهشام بالأمس ارتفع ضعطه فنقل إلى المستشفى أما نادر فقرر أن ينفد بجلده ويعتزل العمل بالبورصة تماما
قالت : حاولت ان أنقذ صينية الفراخ فإحترقت يدي
وعدتني قبل الزواج أنك ستأخذ هذا البوتاجاز الخردة من والدتك إنقاذا للموقف فقط .. ولكننا سنغيره في أقرب فرصة . مر على زواجنا الأن سبع سنوات ولازلت أتعذب به
نظر إليها في عصبية وقال: أين الغذاء سأموت من الجوع
قالت : أقول لك الطعام إحترق .. البوتاجاز اصبح خرده ..يحرق الطعام لن احتمله بعد اليوم يجب ان نشترى بوتاجاز جديد
قال: أقول لك خسرت اليوم 100 ألف في ساعة
_إعتبرهم 103 واشترى بوتاجازا جديدا
_لا تفكرين الا في نفسك
_هل سأرتدي البوتاجاز أم سأكله.. إنه لأطبخ لك به
قال _وهل القديم سيقول لا لن اطبخ
قالت _ أنا التي ستقول لا لقد تعبت .. أنت لا تفكر الا في نفسك وفي عملك فقط قل لي متى أخر مره خرجنا معا أو حتى جلسنا في البيت معا في هدوء و بلا توتر .. أنت دائما فاقد لأعصابك لا أسمع منك سوا صراخ وتأنيب على كل شئ وأى شئ
قال : أنت لا تهتمين بي ولا بحالي المال هو كل ما يهمك .. أنا بالنسبة لك مجرد محفظة كبيرة تمشي على قدمين
قالت : وهل حين أطلب منك أن نشترى شئ للبيت أو للأولاد أصبح حينها عاشقة للمال .. بل انت البخيل الذي لا يريد ان ينفق مليما .. تنهار اعصابك حين تسمع سيرة المصاريف
قال : أنا لا اساوي عندك شيئا
قالت : وهل أساوي انا عندك شيئا
قال :لم أعد أحتمل كل هذا الغباء يكفي ما أراه في العمل
قالت : من تتهم بالغباء؟
قال :الحياة معك أصبحت لا تحتمل والتفاهم أصبح مستحيلا
قالت : بما أن الحياة أصبحت مستحيلة بيننا فلماذا تعيش معي .. وصلني لأهلى لن أعيش معك بعد اليوم ..
إحتقن وجهه غضبا .. لاذ بالصمت .. ثم قام متوجها لغرفة النوم بدل ملابسه ثم توجه للمطبخ أكل شيئا ما و عاد لغرفة النوم.. تمدد على السرير ونام .. علا شخيره بعد لحظات ..استفذها تجاهله فراحت تبكي .. وعلا شخيره أكثر .. فعلا نحيبها
في السابعة استيقظ من نومه فوجدها قد هدأت قليلا
قال : البسي علشان ننزل نشوف البوتاجاز .. بجملة الخسارة
تهلل وجهها وقامت لتبدل ملابسها

هناك 19 تعليقًا:

star in the sky يقول...

اهم حاجة ان الاكل مش هيشيط المرة الجاية

بالتالى لما يرجع هتعرف تسمعه وتشوف مشاكله وتهدية وهو كمان هيلاقى غدا
وبالتالى الضغط والتوتر هيقل
و يمكن حياتهم تبدا تتصلح


بس تفتكرى المشكلة فى البوتاجاز اللى كان بيخلى الاكل يشيط
ولا فيها انها مش قدرت تختار الوقت المناسب
ولا فيه انه مركز كل تفكيره فى الشغل مع اعتبار ان دى طبيعة اغلب الرجالة


بس المهم ان الاكل مش هيشيط بعد كده :D

SHAPE YOUR LIFE (ABOALI) يقول...

ياااااااااااااه

ايه الاداء التصاعدى ده
دى شبه الحرب الكيماوية
الاكترون يصارع النواه ويتجاذبا ويدور كل واحد فى مداره
ويحدث التناطح والضرب

ثم نسمو قليلا لنعرف اننا من بنى البشر
وتتلاقى الارواح من جديد

بس كويس يا ايمان انى الست دى مش مراتى

علشان كانت حاليا فى بيت ابوها معززة
او كنت ضاربت عليها فى بالبورصة

الرجاله فعلا لطااااااااااااف جدا
وقلبهم بيسامح

اشكرك انك انصفتيهم

ههههههههههههههه

تقديرى على الجمال اللى فى بوستك
ورائحة الطعام اللى اتحرق
وياسلام بقى لو كان فيه طماطم
اللى من الغالية دى

فتاه من الصعيد يقول...

يخرب بيت الزن

والنبي راجل جدع :) .... هيجيب البوتجاز :))

تحياتي

تامر علي يقول...

ياااااه البورصة بوظت وافسدت حياة الناس حتى في الأعمال الأدبية وانا اللي كنت فاكر اني الوحيد اللي البورصة افسدت حياته الماليه :)))))

بس راجل جدع انه في الآخر نخ :))

ولا ده تأثير العين الحمرا؟؟؟

هي دي النهايات المفتوحه

ادم المصرى يقول...

الله يكون فى عون ها الرجال دا عمل المستحيل وجاب البوتجاز

محمد التركى يقول...

السلامو عليكم

ماله البابور
ماله ياعنى
لزم التبزير والتباهى ياعنى
بابور الجاز ميه ميه
ههههههههههه

بيقولو الزن امر من السحر


تسلم ايدك

تحياتى لقلبك الطيب

محمـــد التركـــى

يــوم جــديد يقول...

يعني يقدر يجيبه من زمان ومطنش !!
سايبها ومش حاسس بيها أصلا أساسا غير لما جه الموضوع على أكله

طيب يعني كان لازم من زمان كده يتحرم من الغدا يوم يقوم ينزل يشتري البوتاجاز تاني يوم على طول
واضح إنها بتحبه وإنه بيحبها
بس ساعات الناس بتيجي على اللي بيحبوهم أكتر
عشان بيحبوهم

حلو أوي الحوار يا إيمان
واقعي جدا ، ومكتوب بحرفية
وحلوة أوي النهاية اللي كل واحد بيشوفها بمزاجه دي

منورة مطرحك والله :)

إيمان يقول...

Star In The Sky

أولا أسعدني مرورك جدااا
ثانيا حاسه انك فعلا فهمتي قصه
وفهمتي أقصد بيها ايه
والمهم فعلا ان الاكل مش هيشيط تاني ولو شاط يبقى المشكله فيها بقي مش فى البوتاجاز

إيمان يقول...

أبو على

مش عارفه ّ!!!!!!!!

شامه كدا ريحة عنصريه في الموضوع

الرجاله هنا متحيزين جدااا

صحيح الست هنا زنانه وغلسه بس تفتكر ايه اللى وصلها للحاله دي يبقى جوزها بيقولها هنفلس وهي تقولوا البوتاجاز
يلا ربنا يكفينا شر النقار والشجار

إيمان يقول...

فتاه من الصعيد

بصراحه مفيش أجدع من البوتاجاز في القصه دي
ربنا يكفينا واياكي شر الزن

إيمان يقول...

تامر على

ايوه في تحيز رجالى

تحيز و عنصرية :)

أنا أشجب وأعترض وأدين

وطبعا العين الحمرا ليها فوايدها في حالات كتير
كفانا الله واياكم شر العين الحمرا

إيمان يقول...

أدم المصري

مين قال انه جاب البوتاجاز هو بس حب يعدي الليله وبعدين ابقى قابلني
لازم الزن النسائي يقابل بحكمه والا .......اللهم أحفظنا إجعل كلامنا خفيف عليهم

إيمان يقول...

محمد تركي

أهلا بيك

البابور زس الفل حد قال حاجه

إيمان يقول...

يوم جديد

بس ساعات الناس بتيجي على اللي بيحبوهم أكتر
عشان بيحبوهم

أيه ده هو انتى كنتى معاهم

ياسلااااااااااااااام صدقتي يا أختاه

انتى اللى منوره يا جارتي العزيزة

شكرا على المساعده .. كنت هضربك لو مكنتش لاقيتك هنا

عــلاء ســالـــم يقول...

قال : البسي علشان ننزل نشوف البوتاجاز .. بجملة الخسارة
تهلل وجهها وقامت لتبدل ملابسها

ودي تيجي برضه ؟؟؟
يعني مفيش حتى كلمتين كده ولا خناقة ولا أي حاجه على الماشي ؟

نهاية خيالية جمييييييييلة
:)

إيمان يقول...

ههههههههههه

ولا خياليه ولا حاجه

أصل الحكاية كلها أن في بعض الستات

بينضحك عليها بأى حاجه حلوه

وبتبقى فعلا عامله مشكله زى الأطفال

على حاجه معينه أول ما بتتعمل خلاص

وبعدين المقصود هنا

أن كل واحد في وادي هو مفكر في الخساره وهي بتفكر في البوتاجاز

ٌرحيـــــــــــــــــــــــل يقول...

Very well written mashallah

Seriously women have to take it easy on their spouses from time to time especially when they are going through rough time

Poor this man I feel for him
:(

Keep it up!

المتبهـدلـون فـي الأرض يقول...

هيا كانت تستقبل الكورة .. وتظبطها وتشوط
مش تشوط على طول ..أمال بيقولوا الست ذكية وداهية ليه ..عشان بتعرف تآخد اللي هيا عوزاه بذكاء من الراجل من غير ما يحس ..
المهم ما وردش في القصة نوع البوتاجاز ..!!

غير معرف يقول...

Aw, this was an inсredibly good post. Taking
the time and actual еffort to mаke a greаt
articlе… but whаt can I say… I procrastіnate a lоt аnd don't manage to get nearly anything done.

Feel free to surf to my web site - houston garden centers pasadena tx