الاثنين، 25 يناير، 2010

عيد ميلاد على الضيق

النهاردة بس المدونة كملت سنة
سنة من اجمل سنين حياتي حصللي فيها حاجات اكتر من رائعة وعرفت ناس عمرى ما كنت اتخيل ان مصر مليانة ناس طيبن وحلوين بالشكل دة وعمرى ما اتخيلت ان مصر مليانة مبدعين ومفكرين بالشكل ده ..... في المدونة قابلت نفسي اللي كان بقالي سنين بدور عليها
صحيح الفترة اللي فاتت كنت مصابة بكسل تدويني غير طبيعي لكن ده كان بسبب الانشغال فقط بجد انا سعيدة جداااا انى دخلت عالم التدوين واتعرفت عليكم
بعتذر لكل اللى عبرونى وعلقوا على البوست اللى فات لعدم ردي عليهم لان فى نفس اليوم مساء الاستاذ حمزة باشا شرف لدنيتنا الجميلة ومن يومها طبعا وانا خارج حدود الزمان والمكان


ودى كانت اول تدوينه ليه
اليوم أبدأ رحلتى مع التدوين ... لا أعرف هل ستكون رحله قصيره أم طويله ... كل ما أتمناه من الله أن أفيد وأستفيد ... لاأعرف بماذا أبدا
ولكن كلمات كنت قد كتبتها منذ فتره ووقعت فى يدى قريبا ... أعتقد أنها قد تكون بداية جيده
حياة الإنسان مهما طالت قصيره وكثيرا ما يقف الإنسان مع نفسه ليتساءل ما جدوى حياتى وهل أنا سعيد.. أعتقد أن السعاده الحقيقيه تكمن فى إحساسك بالرضا عن نفسك وعن أفعالك
تزودوا فإن خير الزاد التقوى حتى لا يمضى العمر ثم نجد أنفسنا ممن ضل سعيهم فى الحياة الدنياو هم يظنون أنهم يحسنون صنعا
يجب أن يتحقق الإنسان من أن طموحه فى الحياه مشروعا وإن خطواته فى الحياه تتجه للطريق السليم
أذكر الله يذكرك أذكر الله تجده تجاهك
ومن يتقى الله يجعل له مخرجا>>.....

الجمعة، 1 يناير، 2010

ده بجد ولا هزار


لو حبيت نفسك بجد وحبيت الناس بإخلاص حب خالص لوجه الله رغبة في رضا الله

لو إبتسمت للحياة حتى في أصعب الأوقات فقط لأنك مؤمن أن قضاء الله خير وان الله لن يريد بك سوء

أبدا

لو عرفت من قلبك أن تبسمك في وجه أخيك صدقة .. وبقيت بقدرة قادر إنسان لطيف مع الناس كلها

فقط رغبة في حسنات تتقل ميزانك يوم القيامة

لو مثلا مثلا بقيت إنسان مخلص في شغلك

ولو صحيت في يوم ولقيت نفسك بقدرة قادر ممبتجبش في سيرة حد وبتترك الخلق للخالق

لا والمفاجأة إنك بقيت بتلتمس للناس الأعذار ومبقتش سئ الظن

لو فجأة لقيت نفسك دايما بتقول من قلبك ( الحمد لله )

تفتكر ساعتها الجياة هيبقى شكلها أيه وتفتكر

أن دى حاجات ممكن تخلينا نعيش حياة حلوة ونساعد غيرنا يعيشوا حياة حلوة

تفتكروا لو كلنا صحينا في يوم ولقينا نفسنا بقينا كده

الدنيا هيبقى شكلها أيه

وتفتكروا شوية الحاجات دي صعب علينا أننا نعملها