السبت، 12 فبراير، 2011

البلد دي بلدك ... اللهم لك الحمد


مبروووووووووووووووووك يا بلدي .. احمدك يارب كنت واثقة فى رحمتك .. ولما ارسلت لى البشارة قبلها بأسبوع طمنتني ورحمتني وكنت عارفه انك مش هتكسفني ابدا ولا هتكسر خاطر كل الملايين اللى اتعلقوا برحمتك
مبروك الحرية وربنا يتممها بخير
ليه تأملات كتييييييييييييييييييير فى اللى حصل بس هنتكلم فيها بعدين
دلوقتى لازم نعرف ان البلد دي بلدنا احنا وولادنا واحفادنا
من النهارده البلد دي بلدك انت
ماترميش زباله
ما تكسرش اشارة
ماتدفعش رشوة
ماتزورش ورقه
لما ميعجبكش شئ اشتكي في الجهه المخصصه
ابدأ التغيير اللى انت عايزه لمصر فى نفسك اولاوادعوا لمصر ربنا يحفظها من أعداءها

ملحوظة : النهارده عيد ميلادي وانتو لاااااااااا.. ربنا كتبلى انى احتفل بيه في يوم زي ده
اللهم لك الحمد كما ينبغي لجلال وجهك وكريم عطائك
وشكرا لرجالة تونس بجد شكرا

كلمه على جنب : اسرائيل ترجو من الحكومة القادمة في مصر احترام معاهدة السلام ..... يا اسرائيل خليكي على جنب يا اسرائيل مش عايزه اقول كلام عيب .. حد كان كلمك حد جاب سيرة معاهدة السلام دلوقتي .. بنقول انتخابات حره ودستور محترم وحريات ونقابات ايه بقى اللى دخل معاهدة السلام فى الموضوع لا  رمي البلا وحدف الجتت ده هوايه و مزاج 

هناك 9 تعليقات:

د. ياسر عمر عبد الفتاح يقول...

بالظبط كده

اللي جاي أهم ,, وأصعب

قبلاوى يقول...

مبروووووووووك

التنحى طبعا

ثم عيد الميلاد

النهارده فرح واحده من الأقرباء برضه

مش عارف انا الناس اللى بتتجوز والثوره شغاله دى :) ..

عبدالله الداوود يقول...

د.ايمان:
أولا مبارك تنحي مبارك .. :) داعيا الله عز وجل أن يعم على مصر واهلها الأمن والأمان ..
ومبارك أيضا عيد ميلادك .. جعل الله سنواتك كلها عيد وسعادة ..
ويالها من مصادفة .. :)

ثورة الغضب يقول...

مبروك لمصر وارجو تيجى ثوره الغضب

إيمان يقول...

د. ياسر

إن شاء الله هيبقى اجمل

الثورة دي ربنا هو اللى حماها وهو سبحانه وتعالى قادر يكمل فرحتنا ويسدد خطانا
اللى جاى اهم بس لو كلنا اشتركنا سوا مش هيبقى صعب

إيمان يقول...

قبلاوى

مبرووووووووووووووووووووك على مصر ربنا يكمل فرحتنا ويوفقنا ويبعد عننا كل شر
اللهم ولى علينا خيارناولا تولي علينا شرارنا
اللهم لا تسلط علينا بذنوبنا من لا يخافك ولا يرحمنا

إيمان يقول...

أ/ عبد الله
الله يبارك فيك .. اللهم احفظ كل البلاد العربية
أعتقد أن مبارك كان يؤجل تنحيه ليوم 11 فبراير لتكون هدية لى يوم عيد ميلادي :)

إيمان يقول...

ثورة الغضب

مبروووووووووك لكل مصر

محمود السيد يقول...

كل سنه وانتى طيبه مبروك عودة مصر لينا
مخافيش يا ايمان محدش محاج لمصر قدنا موش ممكن نسيبها تضيع مننا تانى احنا مصدقنا لاقيناها