الاثنين، 4 مايو 2009

رحلت !!! .. لم أتوقع رحيلها الأن


رحلت !!!... كيف ترحل بهذه السرعة لماذا رحلت ؟ لم أتوقع رحيلها الأن

لازال بينا أمورا معلقة ... لازالت مدينة لي بالاعتذار عن بعض الأشياء

ومازلت مدينة لها بالاعتذار عن كل شئ .

حين علمت برحيلها مر تاريخنا معا أمام عيني .. مر كله في لحظة

بدايات كل صيف .. نهايات كل ربيع .. أيام الشتاء .. بدايات الصبا

أيام الصحة والمرض ..أيام التعاسة وأيام الفرح .. في النجاح والفشل

كانت حاضرة دائما .. اختلفنا كثيرا .. اتفقنا ألا نتفق

لكنني بالرغم من كل شئ أحمل صورها جميعا بداخلي .. صور متعددة

صورة بذلك الثوب البنفسجي وشعرها الكستنائي مسترسل على كتفيها

كانت في ريعان الشباب وكنت أنا في بداية الطفولة لم تبخل بشابها أعطته

لي بلا ندم ....

أمي كم كنتِ جميلة في ذلك الثوب .. دائما يا أمي كنتِ جميلة

لماذا سمحت أنا لذكرياتنا السيئة معا أن تقف بيني وبينك

أحبك ... بالرغم من كل شئ أحبك أكثر مما توقعت

كيف ترحلين هكذا .. لم أكن أتوقع أن هذا حق من حقوقك

كيف ترحلين عن الدنيا وتتركيني وحدي ليس من حققك أن تتركيني وحدي

لماذا لم تعلميني قبل رحيلك .. كيف أتخلص من مرارة الفراق

كيف أوقف دموعي .. كيف اخفي ألمي لغيابك ..

لم أتوقع أني سأحتاج لتعلم كيف أنساكِ لم يخطر لي أبدا أني سأحتاج

يوما لنسيانك

هل تصدقين ...؟ أتمنى الآن وبعد رحيلك يوما واحدا معك .. كنتِ معي

في كل يوم تتمنين صحبتي وكنت أنا غائبة ... اليوم وبعد رحيلك أتمنى

يوما واحدا معك .. سأرضى ولو بيوما واحدا

هل تعرفين ؟ !! لو أن الله كتب لك العودة ليوم واحد .. يوم واحد فقط

كنت سأقضيه كله معك ... كنت سأترك جسدي لأحضانك دون تذمر

كنت سأترك وجهى تغرقيه بقبلاتك كالعادة دون تململ .. لم أكن لأحرم

نفسي من حديثك حتى وإن لم يثر اهتمامي

هل تصدقين ؟!!! ...كنت سأسامحك عن كل شئ

وكنت سأعتذر عن كل شئ .... لم أكن لأقيم لكِ تلك المحاكمة السخيفة

التي اعتدت أن أقيمها في كل لقاء بيننا ...

يوما واحدا فقط معك هو كل ما أتمنى .. يوما أخر تظلين فيه معي

ماما ... ماما .. ماما .. أصحي الشمس نورت ... ماما الصبح جه

هكذا أيقظتني ابنتي الصغيرة ببراءتها الجميلة ووجهها الذي يحمل ملامحك

و بصوتها الرقيق الذي يحمل نبرات صوتك

لقد كان حلم .. رحيلك كان مجرد حلم هذا ما عرفته الآن

استيقظت لأجد أنه يوم أخر ولازلتِ معي لم ترحلين .. رزقني

الله يوما أخر معك .... ترى هل سأقضي هذا اليوم بين أحضانك ؟!!!!!

أم سأكون غائبة كالعادة

هناك 74 تعليقًا:

ام البنات يقول...

لا تضيعيه
فغيرك لم يمنحه
لا تضيعيه
المتينى ووجعتنى اكثر ما أنا موجوعه

ام البنات يقول...

نسيت ااقولك
اتمنى لو احصل على ساعه واحده اقبل قدمها واسمع صوتها ب أذنى
ونرحل معا"
رائعه انت يا إيمان

احساس طفلة محبة للرومانسية بس واقعية يقول...

لقد كان حلم .. رحيلك كان مجرد حلم هذا ما عرفته الآن

اتوجعت قوى من العنوان قبل ما اقراء البوست يا ايمى

لما وصلت للجزء دا كان زاد تعبى ملقتش اى راحة رغم ان الكلمات بتقول ارتاحى دا حلم

بس الكلمات اللى قبلها حقيقة
تخوف وتوجع قوى

ربنا يخليلك والدتك ويبارك لك فيها ويبارك لها فيك

تقبلى مرورى

احساس طفلة محبة للرومانسية بس واقعية يقول...

كل مرة انسى اقولك
مبروك الشكل الجديد للمدونة
:)

مسدس صغير يقول...

كلماتك غاية فى التأثير
كلمات معبرة غاية فى التعبير
كلام بجد كبير
اشكرك على البوست الاكثر من رائع
والموعد الجنة ان شاء الله

امل يقول...

ي الله
ماهذه الاحلام الصعبه
ولكنها نعمه من الله لنتدارك انفسنا ونلحق برحيق احبابنا
ربنا يخليها وماتتحرموش من بعض
اجمل حاجه فى الدنيا حنان الام ربنا مايحرمناش من حبايبنا

MǿиY El-Shreef يقول...

اتخضيت يا ايمان والله

بجد كنت هعيط خلاص :(

ربنا يخليها ليكي ويخليكي ليها

انتهزي الفرصه بقى ربنا اداكي ايام انشاء الله كتير

كلامك يوجع اوي يا ايمان

د. ياسر عمر عبد الفتاح يقول...

{بنا يخليهالك يا رب ويباركلك في عمرها
ده إحنا ملناش غير أمهاتنا
ربنا يقدرنا ونردلهم ولو جزء بسيط من اللي عملوه معانا طول عمرهم

أنا اتخضيت جداً علي فكرة
خاصةً إني بحلم أحلام زي دي كثير

ستيتة يقول...

قلبي اتوجع وفطيت من مكاني ونطيت
والحمد لله طلع حلم
ربنا ما يحرم ام من ولادها
ولا ولاد من امهم

بوست جميل جميل ويارب يا ربنا نفسي افضى واعيش مع ماما شوية

دنيا ملهياني انا وغيري وبنلف في دوامتها

بحبك

Lady E يقول...

جسمي قشعر يا ايمي

ربنا يباركلك في مامتك وبنتوتتك
ويباركلنا في كل امهاتنا يا رب

وايوة كده صفحة الكومنتات عرفت اكتب كومنت فيها الاول مكونتش عارفة اكتب حاجه عااااااا

لجين أبو الدهب يقول...

الحمد لله رب العالمين انه حلم ..

ولسه فى الامكانية تحقق ما تمنيتى ..

عجبتنى جدا فكرة اننا لو تخيلنا لمدة ساعة فراق حد بينا وبينه شئ ..

اظن بعد التخيل ده هاتنصلح كتير من الامور ..

دمتِ ودامت وال\تك بخير حبيبتى ايمان ..

Hajar Jackoub يقول...

مؤثر جدا يا إيمان . . . شعرت بغصة في حلقي و أنا أقرؤه كما لو أنني أخاف أن يأتي ذلك اليوم . . كنت دائما ما أفكر فيه . . . في يوم أفقد فيه أمي أو أبي و كثيرا ماكانت تدفعني أفكاري تلك للبكاء ،،، لكنها في ذات الوقت كانت تعيدني إلى واقعي . . كانت تنبهني لأحسن معاملتهما . . تشدد علي أفكاري بأن أبرهما لأنه قد يأتي اليوم الذي أفتقدهما فيه . . و أبحث عنهما و أتحسر أنني لم أحظى بفرصة أخرى للبر بهما
موضوعك أيضا ينبهنا و بشدة لذلك . . . هما معنا الآن لكننا لسنا معهما ،،، هذا هو وقت برهما الآن و ليس بعد :)

ELMASRYA - MRS WRITER يقول...

خضيتيني يا منمنه

الحمد لله إنه كان كابوس أونقدر نقول تحذير من رب العزة سبحانه وتعالى لتصحيح وضع

بستحلفك بالله يا إيمان تتواصلي مع ماما رغم أي شيء مزعلك منها

أوعي تضيعي الوقت في اللي كان واللي حصل

لا تنتظري حتى تعرفي قيمتها بعد فوات الأوان

على العموم الحلم برضه معناه إن عمرها طويل لأن الموت في الحلم حياة

ربنا يصلح لكِ كل الأحوال ويريح بالك

على هامش موضوع الموت والحياة بقى زعلانه منك جدا لأن رغم إني كتبت ليكي عن سبب غيابي وتركت ليكي اللينك لم تأتي لي في المدونة لقراءة الموضوع وتقديم واجب العزاء الموضوع كان إسمه رحلتها من الحياة إلى الموت في8 ساعات والكل قدم واجب اعزاء ماعدا إنتي وعاشقة وغلبانة

العتاب بين الأحباب يا منمنه وبجد اندهشت لأن انتي وعاشقة وغلبانة طنشتوني خالص

خالص مودتي وتحياتي

MaNoOoSh يقول...

كلمات جميلة قوى يا ايمان
وعبرت عن حاجات كتير جوايا مكنتش قادرة اعبر عنها فى بوست فات لي..
تصدقى ان الاحساس دة اكتر احساس بيرعبنى فى الدنيا.. احساس ان شخص غالى يرحل وانا كنت مغرورة بتفاهات الدنيا ومدتلوش حقة حتى لو انا زعلانة منه..
والحمد لله ان ربنا بيدينا فرص كتير علشان نحاول وكل يوم عن التانى قلبنا بيرق شوية وبننسى جزء من القسية اللى شايلنها فى قلوبنا.. ويا بخته بقى اللى يقدر يسامح.. حقيقى هيستريح من قلبة ويعيش سعيد.
ربنا يسعدك سا ايمى ان شاء الله انتى واحبابك.

د/عرفه يقول...

ياااااه
ايه المأساوية دى

بس الحمد الله النهاية كانت حلم
ويارب يجعل الاحلام حتى سعيدة مش كده
هههههههههههههههههههه

SHAPE YOUR LIFE (ABOALI) يقول...

ارى زغزغة مشاعر الرحيل قد راودت قلب يحلم بالامان وحنان الاحضان
وتمثلت فى مشاعرك كل الحياه التى منها نبعنا
فهى المعنى وهى الاصل
هى الام هى الفضل
هى الرضا هى السكون
هى الهواء المستنشق
هى العبير فى وجدان الزهور
هى الحبيب الذى حملنا فى الهودج
فمن هذا الذى قسى قلبه
ولم يجلس بين ذراعيها يحبو
يتلمس من الوجه حسن الرؤية
يتلمس البسمة فهى اصل المنشأ
اه يا امى
اقبل راسك واحنى هامتى
فانتى روحى وانفاسى
امك ثم امك ثم امك
قالها يتيم
شعر بها حين بلغ العلا
وافتقد الام وبكى
فهى نسمة الهواء
ان لم تكن هى هو
سلامى اليكى امى
يا كل انا وانا كلك


جميل يا ايمان المعانى ا لتى وراء الاحداث
وحفظك اما لبنتك و ابنك وحفظك لامك

تحياتى مع شكرى

عاشقه وغلبانه يقول...

ايمان حبيبتي

عايزه اضربك
وقعتي قلبي

ماتحلمنيش كده تاني ياماما
ابقي اتغطي ياختي كويس


وبعدين ايه النيولوك ده
اسيبكوا شويه تدهنوا مدوناتكوا ربيعي كده

ده ورق حائط ولا زيت

القدر و انا يقول...

ايمان
الله يسامحك... بكيت مع ندائك
ياليتك تدركين مرارة فراق الام
تمنيت معك يوما لى مع أمىوقد كنت فى العام الاخير تحت قدميها وبين احضانهاولا نجعلها تغيب عن اعينناومع هذا اشتاق لهذا اليوم.. بل لساعة واحدة اروى بها ظمأي الشديد لحضنها
واعاتبك اشد العتاب حبيبتى
ايعطيك الله اجمل فرصة ولا زلت تتسائلين
اذهبى اليها واعطيها من وقتك وحبك بلا حدود.... جنبك الله شر الندم

بـِصَمتـِـ أميرة ــــى يقول...

كدة ياايمو
وجعتينا اوى ؟؟
بتعرفى تعبرى لدرجة بتلمسنا اوى
عشت الاحساس بصدق
وحزنت وانا مش فيا فتفوتة مش حزينة
بس ربنا سيبحانه وتعالى يخفف عنا جميعا
تقبلى مرورى يا حبيبتى وتحياتى

ملكة بحجابى

تامر علي يقول...

يا شيخة خضتيني :)

على فكرة الموت في الحلم يفسر بعكسه تماماً ... حياة طويلة (سعيدة) بإذن الله ملؤها بركة (الناس الكبار) .... لكن تبقى الموعظة .... لماذا لا نلتفت ونعطي لأعزائنا قيمتهم الحقيقية في حياتنا إلا بعد فقدهم .... سؤال أزلي بلا إجابات شافية

دمت بخير وعافية :)

ريكو يقول...

عندما جاء ذلك اليوم أحسست بنفس احساسك ولا زلت اشعر بة الى الان والى ان يقضى الله امره فى سوف ينتابنى هذا الشعور يوميا فانا يوميا يا ايمان اتذكرها استشعر رحيق انفاسها حولى اشتاق للمستها الدافئه
من كثره انانيتى اتمى لو ظلت معى فى احضانى رغم مرضها المؤلم الذى اكلها ودمرها وهى لا زالت فى شبابها
استحلفك بالله يا ايمى اغتنمى من حنان امك قدر استطاعتك لا تدعى الايام تلتهم اجمل ما فى الحياة الام
ياااااااااااه يا ايمى اجمل شىء فى الدنيا ان تجدى من ترمى علية اعبائك دون الشعور بالخوف او الحرج او الخيانة والطعن هذة هى امك
بارك الله لك فيها واطال عمرها بكل الصحه والعافيه
احبك فى الله

عاشقه الرومانسيه يقول...

ايه ياايمى ده؟
خضتينى
بس طلع حلم فى الاخر
الحمد لله
ربنا يخليهالك ياقمر ويخليكى لها
روحى بقى قضى معاها اليوم زى ماتمنيتيه فى حلمك

خالد شوقي يقول...

الكلام مؤثر و معبر جدا ..الكلمات ممكن ان تبكي القارئ .. بس بصراحة كويس انو طلع حلم.
ربنا يوفقك يا ايمان و نشوف ابداعات اكتر و اكتر ..

غير معرف يقول...

لحلم ده جه فى وقته
لعله يكون رسالة لكن من له ام
ويغيب عنها وبعد الفراق تكون الاهات
والامنيات الحياة بتاخد الناس والتليفونات تقلت القلوب عن الروءيا
لكن كله الا الام والانشغال عنها
باب من ابواب الرحمة موجود بوجودها ويغلق بفراقها
بارك الله لكى فىوالدتك ووالدتى وامهات
الملمين الموجودين بيننا
ورحم الله كل من فرقنا منهم رحمة واسعة
اللهم امين

ادم المصرى يقول...

بوست رائع جدا

لماتك معبره ومؤثره جدا

طريقه ثردك ممتازه

احييكى على الكلام الرائع

اسماء واحلام فى وجدانى يقول...

اقولك ايه

لا اله الا الله

انا والله صدقت كلامك وقررت انى اكتب

لا تعليق

من الحزن اللى فى كلامك واحساسه اللى

وصلنى بصدقه

واتفاجئت بحضرتك بتقولى ده كان حلم

بجد انتى خلتينى اروح مكان انا دايما

خايف منه ورجعتينى منه بسرعة

الحمد لله انك رجعتى والحمد لله انى رجعت

واكيد طبعا كل اللى موجود هنا

من قبلى راحوا نفس المكان

حماده زيدان يقول...

جروب جريدة الصباح العربي بيت المدونين العرب
http://www.facebook.com/groups.php?friends#/group.php?gid=78080770039

سارة احمد يقول...

الحمد لله انه حلم ياايمان...دا انا كنت صدقت...وقاعده اقول امتى يعني دا حصل ...وبعدين قولت ما هو لو كان حصل حاجة زي كده كانت اكيد قالت يعني...وجعتي قلبي ياايمان...ربنا يخليها يارب...هو الواحد مسنود فى دنياته دى غير بيهم...حتي لو لاقدر الله حصل ليهم حاجه بيفضل عايش بباقي سندهم

Remas يقول...

بجد قلبي وجعنى وصفك للحالة خلانى حسيت بيها جدا

والحمد لله انه طلع حلم

وفعلا يا ريت كلنا نستفيد من كل دقيقة بنقضيها مع امهاتنا ونحس بحنانهم اوي مهما كبرنا

Ahmed يقول...

ايمان
بجد فكرتك جميله جدا
وكلماتك اجمل

الفكره جميله لأني عشت مع كلامك بجد
عشت معاه وفقت على نعمه كبيره لازم احمد ربنا عليها

ربنا يديمها لنا نعمه

إيمان يقول...

أم البنات

تعليقك اثر فيه جداااااا

واثار دموعي ربنا يجمعك بكل حبايبك فى الجنه ان شاء الله ويمتعك بلذة النظر لوجهه الكريم سبحانه وتعالى
ويجعل طاعتك لوالدتك وصحبتك ليها بالمعروف فى ميزان حسناتك
بحبك فى الله وربنا يديم المحبه فيه سبحانه وتعالى

إيمان يقول...

إحساس طفله رومانسيه

انا غيرت العنوان علشانك مخصوص

ربنا يحميلك والدتك وكل اللى تحبيهم

ويزقنا جميعا صحبتهم فى الدنيا بالود والحب والمعروف
تحياتى لقلبك الحساس الرقيق

إيمان يقول...

مسدس صغير

اشكرك لمرورك أولا

واشكر لك اهتمامك ثانيا

ويارب يكون موعدنا جميعا الجنه

ويمتعنا بصحبة حبايبنا واهلنا

وصحبة النبى الكريم يارب

إيمان يقول...

ماما

انتى اخترتى لنفسك اجمل اسم

وفعلا انا حسيت الحلم ده انذار وتذكير

بقيمة ما ابخسنا قيمته

يمكن هو ده السبب اللى خلانى اكتب البوست يمكن يصادف حد يحس بيه
ويخاد باله من قيمه كبيره قوى
فى حياته لكن الدنيا لهيانا كلنا
سعيده بمرورك وبتعليقك

إيمان يقول...

مونى

معلش مكانش قصدى والله اخضكم بس كلام حسيته

وحبيت ان تشاركونى الاحساس

يارب كلنا نقدر قيمة وجود اهلنا حوالينا حتى ولو كان التفاهم معاهم صعب احيانا
شكرا يا مونى لاحساسك ولتعليقك

إيمان يقول...

د/ ياسر

لأنك بتحلم احلام زى دى كتير

أكيد حسيت بيه اد ايه الحلم كان صعب جدااااا عليه

وعندك حق احنا فعلا ملناش غير امهاتنا

واهلنا يارب يحميهم من كل مكروه

ويجعلهم سبب فى دخولنا الجنه

إيمان يقول...

ستوته حبيبتى

يارب ميحرمناش من امهاتنا ويجعلهم سبب فى دخولنا الجنه
تعرفى المسافه بينى وبين ماما عشر دقايق مشى على الرجلين ومع ذلك مش بشوفها غير كل كتييييييييييير
يمكن علشان كده ربنا بيفوقنى لقيمة النعمه اللى انا فيها ومش حاسه
بحبك وربنا يسعد كل ايامك

۩ Nour ۩ يقول...

السلام عليكم..

فى كل يوم سوف أغرس وردة بيضاء
فوق جبينها ليضىء قلب الامهات
إن ماتت الدنيا حرام... أن نقول بأن نبع الحب...... مات
قد علمتنى الصبر فى سفر النوارس
علمتنى العشق فى دفء المدائن
علمتنى أن تاج المرء فى نبل الصفات
أن الشجاعة أن أقاوم خسة الغايات
..بالامس زارتنى......
وفوق وسادتى تركت شريط الذكريات
كم قلتِ لى صبراً جميلاً إن ..ضوء الصبح.......آت
شاخت سنين العمر يا أمى
وقلبى حائر ما بين حلم لا يجىء
وأفقت من نومى دعوت الله أن يحمى جميع الامهات.. "لجويده"
ربنا يبارك لك فى عمر والدتك يا ايمان ويحفظها ليكِ ويحفظك ليها ..آمين..

دمتِ بخير ووالدتك والجميع ..

إيمان يقول...

ليدى

كويس انك عرفتى توصلى

وانا بقول الليدى هانم راحت فين

يارب منورانى دايما

وربنا يحميكى لمامتك ويخليهالك يارب

ويفرحها بيكى وتخلص منك فى بيت العدل

يارب
مووووووووووووووه

إيمان يقول...

لوجى

شكرا لدعواتك الجميله

ويارب اقدر فعلا استغل الفرصه

ومترجعش الدنيا تلهينى تانى

ربنا يحميلك كل حبايبك

وتعيشى دايما جميله من الخارج ومن الداخل

إيمان يقول...

هاجر يعقوب

بر الوالدين كثيرا ما ننسى هذه الكلمه

ادام الله عليك صحبة والديك فى الدنيا

وجعل طاعتهما سببا لدخولك الجنه

وجمعك بهما فى الجنه بصحبة النبى الكريم

تحياتى

دعاء يقول...

وقعتى قلبى بجد يا إيمان
ربنا ما يحرمك منهاويحنن قلبكو على بعض
انتى بجد اسلوبك جميل
دعاء

إيمان يقول...

مصريه حبيبتى

الحمد لله انه طلع كابوس

بس بجد تعبت اوى لحد ما صحيت

هحاول اعمل بنصيحتك واغتنم ايامى مع ماما

مصريه مش عايزاكى تزعلى منى انا بجد بعزك جدااااااا
ومحبكيش تزعلى منى ابدا
وعلى فكره انا سعيده بعتابك جدااا
لانه معناه انك مش ناويه تزعى:)صح

إيمان يقول...

منوش

ويا بخته بقى اللى يقدر يسامح.. حقيقى هيستريح من قلبة ويعيش سعيد.

بجد يا بخته يارب كلنا نقدر نسامح بعض

ومهما حصل منسمحش للقسوه انها تملا قلوبنا

البوست اللى انتى كتبتيه كنت حاسه بيه جدااااا
وحسيت انك عبرتى فيه كويس قوى
ربنا يسعدك يا منوش انتى وكل اللى تحبيهم يا رب

إيمان يقول...

د/ عرفه

معلش يعنى الحلم هو اللى كان كده

يارب يسعد ايامنا جميعا ويبعد عنا الكوابيس والاحلام المأساويه(:
منور يا دكتور

إيمان يقول...

أبو على

امك ثم امك ثم امك
قالها يتيم
شعر بها حين بلغ العلا
وافتقد الام وبكى

جميله كلماتك يا ابو على جميله بجد

ومعبره جداااااا

يارب منورنى دايما بتعليقاتك المميزه(:

دمت بود وسعاده
تحياتى وتقديرى

إيمان يقول...

عاشقه وغلبانه

هههههههههههههههه
ههههههههههههههههههه

الحقيقه ده ورق حائط

اصلى بحس انه اسهل

هوب افرد هوب الزق

وبعدين انا اشتريت لحاف جديد

علشان اتغطى مش عايزين احلام تانى
هههههههههههه
منوره وحمدا لله على السلامه

إيمان يقول...

القدر وانا

اسفه جداااا لأنى أثرت أحزانك

لكن وجب عليه تذكير كل ابن بأمه وفضلها

وبأنه مقصر فيها وبالرغم من اى خلاف ممكن يصوره الشيطان لازم نتواصل وننعم بوجود اهلنا معانا

شكرا لوصيتك وان شاء الله هعمل بيها

ربنا يجمعك مع احبابك فى الجنه يارب

إيمان يقول...

ملكه بحجابى

منورانى واهلا بيكى فى اول زياره

يارب منورانى دايما

وشكرا للتعليق الجميل

إيمان يقول...

تامر على

لماذا لا نلتفت ونعطي لأعزائنا قيمتهم الحقيقية في حياتنا إلا بعد فقدهم .... سؤال أزلي بلا إجابات شافية

هذا هو بالضبط السؤال الذى وددت طرحه

لماذا هل يملك احدكم الاجابه

فنحن غالبا لانعرف الاجابه الا بعد فوات الاوان

تحياتى وتقديرى

ٌرحيـــــــــــــــــــــــل يقول...

إيمان!

فزعتيني!! جد والله وقف قلبي وبكيت... الله يهديج ويطول لج في عمر الوالدة... بس معاج حق 100% خاطرتج هذي صحصحتنا لأمور كثيرة.
الله يعطيج العافية.

إيمان يقول...

ريكو

اجمل شىء فى الدنيا ان تجدى من ترمى علية اعبائك دون الشعور بالخوف او الحرج او الخيانة والطعن هذة هى امك

ردك افحمنى تماما وبجد مش لاقيه كلام ممكن يكون ليه معنى بعد كلامك وتجربتك
ربنا يلهمك الصبر ويجعل مثواها الجنه
ويعوضك بحضن احبابك واولادك ويحميهم ليكى
احبك فى الله

إيمان يقول...

عاشقه الرومانسيه

الحمد لله الف مره انه طلع حلم

شكرا لدعائك يا قمر وربنا لا يحرمنا من احبابنا ابداااااا

إيمان يقول...

خالد شوقى

شكرا للمتابعه

وللتعليقات المشجعه

وشكرا لعرضك المساعده بجد ده من كرم أخلاقك

سعيده جدا بوصولك لمدونتى

تحياتى وتقديرى

إيمان يقول...

حبيبتى ام مالك

لكن كله الا الام والانشغال عنها
باب من ابواب الرحمة موجود بوجودها ويغلق بفراقها

كلماتك هى الحق بعينه فمن يسمع ومن يرى

مهما كان بيننا وبين امهاتنا فأكيد الدافع وراءه هو الحب لذلك يجب ان يكون الحب ايضا دافعا للقاء والتسامح والتواصل تحياتى لكلماتك التى تقطر حكمه وعقل
سعيده بمرورك اعزك الله

إيمان يقول...

ادم المصري

شكرا لمرورك الجميل

ولكلماتك المشجعه

يارب منورنى دايما

إيمان يقول...

أسماء أحلام فى وجدانى

جميييييييييل قوى تشبيهك للحلم بأنه

مكان مخيف روحناله ورجعنا بسرعه

بجد تشبيه ميطلعش الا من شاعر

دمت مبدعا ومتألقا

تحياتى وتقديرى

إيمان يقول...

ساره احمد

ربنا يخلى اهلنا بجد هم سندنا

وملناش غيرهم يحبنا من غير اى شروط

متخافيش الحمد لله ربنا ستر وطلع حلم

إيمان يقول...

ريم

شكرا لمرورك اللى اسعدنى جدا

جميل المعنى اللى قولتيه

يارب يصلح ما بينا جميعا

منوراااانى ويارب دايما

إيمان يقول...

م/ أحمد

تعرف ساعات بتكون السعاده والبركه فى ادينا وحاوالينا ونفضل نلف وندور فى دواير مغلقه وبعدين نرجع تانى عند نفس نقطة البدأ
منور يا هندسه وبجد تعليقك مميز جدااا

إيمان يقول...

نور

الله جميله القصيده قوووى اول مره اسمعها

بجد رائعه

شكرا لمرورك المميز دائما

دمت بصحه وسعاده

إيمان يقول...

دعاء عبد الفتاح

هههههههههههه

معلش خضيتك بس والله كان حلم صعب قوى

ربنا يكرمك ويحفظك

وشكرا على المرور والتعليق

إيمان يقول...

رحيل

تسلمى من كل مكروه

ربنا يبعد عنك الدموع والحزن دايما

حبيبتى كل اللى اتمنيته ان الناس تحس باللى حسيته يمكن حد يتغير
منوره يا جميل يا رب دايما

بنت مصر يقول...

يعني ينفع كده

اول مرة ازورك وتخليني اعيط .. ينفع كده :)

اوعي تضيعي يوم من غير ما تسألي عن مامتك وتقوليلها أد ايه هي مهمة عندك وأدايه انتي بتحبيها

الأهم من أنك تحبيها هو انك تحسسيهاوتبوحي ليها بالحب ده لأن هي في حاجه لأنها تسمع الكلام ده منك بصورة مباشرة

ربنا يخليهالك ويخليكي ليها

romansy يقول...

ما اصعب ذلك الحلم
وما ابشعه
كم نتمنى ان لا يتحقق
وتبقى لنا الام
نوراه تلك الحياه

غير معرف يقول...

كلماتك مؤثرة جداا

ياه حسيت بكل كلمة قولتيها

ربنا يطول بعمر امهاتنا يارب

دمتِ رائعة

إيمان يقول...

بنت مصر

معلش متزعليش تتعوض ان شاء الله يا جميل

بس بلاش دموع وحياتى .. صدقينى وأنا

بكتب البوست بكيت كتييير

وكل مره كنت بعيد قراءته كان بيبكينى

بس بجد منورانى

ويارب دايما

إيمان يقول...

رومانسي

سعيده جدا بمرورك

جميل تعليقك

ويارب منتحرمش من حضن امهاتنا أبداا

تحياتى ودمت بكل ود

إيمان يقول...

نوااااااره

بجد منوره جدا

شكرا لمرورك

ويارب يخليلنا جميعا أمهتنا فى صحه وسعاده

ويبعد الشيطان عن بيوتنا

آميييييييييييين يارب العالمين

assafo anaroze يقول...

ايمان
كعادتي هذه الايام اكون دائما المتاخر على ادراجاتكم لكن اعذروني بجد نظرا لارتباطاتي الدراسية
*****
ايمان
لا نحس بقيمة الشخص الا بعد فقدانه و نقول يا ليت يعود الزمان الى الوراء لنعوض ما فاتنا منه لكن انذاك يكون قد فات
اما اذا كان هذا الشخص اما او ابا فكيف سنسامح انفسنا اذا فقدناهم و نحن على خصام و عدم وفاق معهم
ايمان ذاك الحلم الذي حلمته هاتف نداء من الاعماق لتحاولي ما امكن ان تستغلي الاوقات للتواصل مع امك و تعرفي ان العمر يسير و لا ينتظر احدا و لا يجدد الايام بعد زوالها
مودتي

حقى اهرتل يقول...

انا بس كنت عايز اعرف هما كام بنت جابتهم افكارى وبعدين هيه افكارى دى عزيزه عليكى اوى كده هههههههههههههه
جميلى البوست استمرى

إيمان يقول...

أسافو

ذاك الحلم الذي حلمته هاتف نداء من الاعماق لتحاولي ما امكن ان تستغلي الاوقات للتواصل مع امك و تعرفي ان العمر يسير و لا ينتظر احدا و لا يجدد الايام بعد زوالها

كلماتك لمست عقلى وقلبى شكرا لتواصلك اسافو وفقك الله فى دراستك وكان فى عونك
زيارتك تسعدنى فى اى وقت
مودتى

إيمان يقول...

أ / أحمد

ههههههههههههه

والله أفكارى دى عزيزه عليه قووووووى

أصلها طول النهار والليل واكله دماغى

وبناتها رايحين جايين فى عقلى لما خلاص

مبقتش عارفه أعدهم

قولت لو سميت المدونه باسمها تتلم شويه

يمكن

بجد منور تشرفت بزيارتك الكريمه

لاسع افندى يقول...

حرام عليكى وقعتى قلبى
الحمد لله انه حلم بس اكيد هيصحى ناس كتير مش حاسه بنعمة الام




تقبلوا تحياتى ومرورى