الأحد، 17 مايو 2009

ما هى عاصمة إسرائيل .... سؤال إجابته سهله





الفكرة هي ... كيف نربى أولادنا

وماذا نعلمهم وكيف نبنى شخصيتهم..؟

حدث اليوم أمامى مشهد عجيب طفل فى السادسه

ذكي قوي البنية رياضي يتلقى ضربات مهينه من أحد

أصدقاؤه .. العجيب أن الطفل الذي يضرب طفل ضعيف وجبان جدااا

والطفل المضروب أقوى وأذكى وأكثر قدرة على إتخاذ القرار

ولكنه تلقى الضربات فى صمت مخزي جداااا ولم يحاول

المقاومه نهائيا بل كان خائفا نوعا ما

مع العلم أن أهله وكما أعرفهم لم يربوه على الجبن

ولكنهم أيضا لم يعلموه الشجاعه

شاهدوا الفيديو وشاركوني الرأي

ترى أين الخلل ....؟وكيف يتجنب الأهل تكرار مثل هذا الموقف

مع إبنهم مرة أخرى دون أن يعلموه العدوانية ؟


هناك 78 تعليقًا:

لاسع افندى يقول...

اولا يسعدنى ان اكون اول المعلقين واشكرك على زيارة مدونتى والتعليق على الرباعيات

ثانيا اعتقد ان الشجاعه مصدرها العقل والقلب وليس لها علاقه بضخامة الجسم واعتقد ان الانسان لايكون شجاعا الا اذا كان واثقا من نفسه لذا يجب ان نربى اولادنا على الثقه فى النفس والقدره على اتخاذ القرار والشجاعه فى وقتها لانها احيانا تكون مهلكه



تقبلوا تحياتى ومرورى

لاسع افندى يقول...

بجد الفيديو تحفه

أم البنات يقول...

ايمان
انا مبهوره فعلا مبهوره
ربى يحفظه
كبار بيقولوا اسرائيل
مش عارفه اعلق من انبهارى

ربنا يرزقنا القدره على تعليم اولادنا الحق
وان لا يتركوا حقهم
ربى يسعدك فى الدارين

د. ياسر عمر عبد الفتاح يقول...

سبحان الله
ده أنا كنت بحاول أجيب العواصم قبله .. بس معرفتش
مع إني عو فريق المعلومات العامة في الكلية من زمان والمفروض الحاجات دي حافظها كلها ..
ربنا يحفظه ويكرمه
وياريت أهله يحفظوه القرآن لأنه شكله ربنا يبارك سريع البديهة وقوي الحفظ

مفيش إسرائيل .. دي فلسطين
طيب خلوه يقول لحكامنا الأجلاء

ستيتة يقول...

الطفل اللي انضرب بكره مش ها يضرب بإيده لأ عقله ها يخليه يعرف ازاي يرد هجوم من غير ما يبقى همجي

مفيش شيء اسمه مخليهوش جبان بس معلموش الشجاعة
التعليم مش تلقين لكن ابوه بيتصرف ازاي هو ده التعليم
هل عندهم في البيت وجهات نظر بتطلع في مناقشات والا كل كلمة دي حاجات كبيرة عليك بكره تفهم

واخيرا عاوزة اقول لك كلمة
قليل من العدوانية في زمن خطف الأطفال بقى زي شرا علبة جبنة نستو مش وحش
افضل ابني يبقى احمر العين عن اني اخلف عيل اشوفه بينضرب لمجرد ان معظم الناس مش بتربي عيالها على الخير والتقوى

الفيديو مرضاش يفتح معايا
تقريبا اللاب توب ها يعملها ويضرب ربنا يستررررررررررر


مممممممممممممممممممؤ

عاشقه الرومانسيه يقول...

بسم الله ماشاء الله
ربنا يبارك لاهله فيه
ولد عسووول خالص
ده حافظ دول وعنده سنتين
انا شحطه عندى 26سنه مش حفظاها
فعلا اهم شئ التربيه
ربنا يبارك فيه يااارب
عجبنى قوى ياايمى الفيديو وحملته عندى
امموووووووه

دعاء يقول...

إيمان
ربنا يبارك لأهله فيه و نشوف أولادنا زيه كدة
أحمد ابنى ,داخل على6 سنين,لما الأولاد كانو بيضربوه انا كنت اقوله اللى يضربك أو يشتمك سيبه وامشى ومتردش عليه,لكن باباه كان يقوله لأ..اللى يضربك اضربه واللى يشتمك اشتمه.انا مش عارفة ايه الصح.
أوقات الأهل نفسهم مش بيعرفوا ايه التصرف السليم.أو ايه اللى المفروض يزرعوه فى اولادهم بس اللى اعرفه انه لما بدأ يرد عليهم محدش بقى بيتعرض ليه.
ربنا ألهمنا الصواب..
دمتى بخير

MaNoOoSh يقول...

بسم الله ماشاء الله عليه
ربنا يحميه يارب ويبارك لأهله فيه.. ويجعل الجيل القادم من الذرية الصالحة ويرزقنا منهم يارب


وأنا اعتقد ان المفروض نعلم ولادنا ازاى ياخدوا حقهم بدون افتراء وقت اللزوم.. وازاي يبقى عندهم رحمة وقت اللزوم ودة بإننا احنا شخصيا نكون كدة قدامهم.
مرسي على مشاركتنا الفيديو اللى يفرح دة يا ايمي
سلام يا قمر وربنا يبارك لك فى أولادك وتفرحى بيهم فى كل خير

ومازلتُ أتعلم يقول...

جزاكِ الله خيراً
ولد عسول خالص
وحافظ عواصم كتير
انا كنت بحاول اقولهم معاه ومش عرفت
تقبلى مرورى

SHAPE YOUR LIFE (ABOALI) يقول...

الفأر له دور جبار حينما يفكر
والاسد له دور صغير عندما يستعرض عضلاته

الحياه والتفاعل معها ليس لها علاقه بالسن

خذى مثلا
الارقم بن ابى الارقم الذى كانت داره ملتقى الرسول (ص) مع اصحابه
كان سنه 9 سنوات

اسامة بن زيد ادار الحرب وعمره 23 وفى الجيش من
ابو بكر الصديق
عمرو بن الخطاب

وغيرهم

عندما دخل احد وفود القبائل يوما على احد الخلفاء
تقدم احد الوفود طفل
فتعجب الخليفه
فقال له الطفل
نحن قوما اذا بلغ الصبى فينا الفطاما
خر له الجبابرة ساجدينا



على العموم
التربيه والتعليم
نقطه ليس لها ابعاد

وعندما جعلنا لها ابعاد اختل الميزان


ولكن هذا يعطينا الامل باءن لدينا
مساحة كبيرة للتصحيح والعمل على الرقى وحمل الرايات ثانيا


الفيديو طبعا رائع
ولكن الاروع ان يصنع ذلك الطفل عاصمته الخاصه
لتكون له سكن وملجأ

يا ترى انتى عاصمتك ايه ؟


تحياتى

د. ياسر عمر عبد الفتاح يقول...

نسيت أرد علي الطفل اللي انضرب
زمان لما كنت برجع البيت وأهلي يعرفوا إني اتخانقت
كانوا قبل أي حاجة بيقولي
أخدت حقك؟
ولو كنت انضربت كانوا بيزعقولي جامد ويقولولي لازم تضربه
واحد صاحبي تاني كان أبوه بينزله تاني يقله إنزل إضرب اللي ضربك ومترجعش غير لما تاخد حقك
طبعاً إني أخلي المشكلة توصل للتشابم بالأيدي يعتبر ضعف من الطرفين
لكن مدام وصلت
يبقي لازم نتعامل بنفس اللغة
الأهل لازم يعلمواإبنهم رياضة دفاع عن النفس و يخلو ليه شخصية في بيته و يعلموه ثقافة المرؤة واشجاعة والجدعنة و(الرجولة)

د/عرفه يقول...

الفديو جميل فعلا

ومهم اوى ان الواحد يربى اولاده مظبوط
لخلق جيل عارف حقه فين
وايه المطلوب منه
والله الطفل ابهرنى جدا
وقال اللى ممكن ميقلهوش شباب كتير

يارب
يرزق الامة بجيل صالح
يكون سببا فى رفع شان الامة

Ahmed يقول...

فاقد الشئ لا يعطيه
لو التربيه من الأصل هزوزه, الأبناء هيوصلهم نفس التربيه

ازاي نربيهم؟
للأسف ديه مسأله صعبه ومخيفه جدا جدا جدا

الأطفال بيقلدوا الآباء في كل شئ

ازاي بأه أكون صح ميه في الميه قدامه 24 ساعه؟

الموضوع مش سهل ومحتاج مجهود جبار

Ahmed يقول...

الفيديو اكتر من تحفه

كل طفل بيكون ليه ملكه وموهبه

الآباء محتاجين يكتشفوها ويشجعوها

وليد يقول...

اكيد التربية مهمة جدا لان جيل الاطفال هذا هو المعقود عليه الامل ومن شب على شىء شاب عليه ولقد رايت فديو لمدرسة فى الكيان السيهودى يعلمون اطفالهم العنصرية من الصغر ويقنعونهم ان دولتهم من النيل للفران فما نقنع اطفالنا نحن الان !!!!!!!!!!!

غير معرف يقول...

يؤبر قلبي

الطفل زي العسل ربنا يحميه ويحفظه

ماشاء الله عليه

تربية الابناء مهمة جدا وعلى كلا الوالدين تعليم ابنهم الشجاعة والمباديء الصحيحة

ربنا يرزقني بالذرية الصالحة

تسلم ايدك عالبوست والمقطع

تحياتي

ELMASRYA - MRS WRITER يقول...

ماشاء الله لا قوة إلا بالله

ربنا يبارك في الطفل ده ويحميه

ويبارك في والديه

أساس التربية صحيح
ـــــــــــــــــــــ
ثقة بالنفس
جريء
يزرعوا داخله حب وطنه العربي ككل
الإهتمام بالثقافة
عدم الخشية من قول الحق

حقيقي أنا سعيدة جدا لوجود ناس في وطننا العربي بتفطر ازاي تنشيء أبنائها بشكل صحيح

ياريت الكل يفهم كده ويطبقه

مافيش مستحيل طالما بقيت الحياة

موضوع جميل جدا يا إيمان

دمتي سالمة

دعاء يقول...

انا بعلق تانى لأنى عرفت من علىYou Tube ان الولد وأهله عايشين فى كندا.
ييجوا يتفرجوا على المولودين ومتربيين فى الدول العربية.يمكن ميعرفوش عاصمة بلدهم ايه.

غير معرف يقول...

أحيانا حين نربي ابناءنا نجهل تفكيرهم فنحاول ان نربيهم كما تربينا أو كما علمنا ابوينا واحيانا اخري لا ننقل تجارب الحياه لهم طمعا منا من ان يتعلموها بمفردهم كما تعلمنها نحن

ولكن هنا الخطأ الكبير فالزمان مختلف والأخلاق معييرها أختلفت وتدنت ...فلم يعد شئ كما كان عليه في الماضي

فحين نري كل هذا ولا نعلم ابناءنا فن التعامل مع الحياه فنحن لم نكن نستحق ابدا ان ننجب

لأننا بذالك قد وضعنا اقدام ابناءنا على طريق لا نعلمه وما دام الجهل هو البدايه فلا تنتظر ابدا ان يكون العلم حليفك

اخاف ان اطيل فأكثر الحديث والحديث في هذا لا نهايه له

تحياتي
مدون مش فاضي

إيمان يقول...

لاسع أفندى

نورت المدونة

أعجبنى رأيك جداااااااااا

أعتقد بالفعل أن الشجاعة مرتبطة بالثقة بالنفس ارتباط وثيق حين يكون الانسان واثق من نفسة يفكر بشكل جيد
ويتخذ القرارات بشكل جيد ولا يرضى لنفسة بعاملة لا تليق بها

تحياتى وشكرا للمشاركة

إيمان يقول...

أم البنات

أنا كمان مبهورة جدااا

مبهورة بالابن والاهل الاتنين ومبهوره انهم منتبهين ومركزين للدراجادى
اللى خلانى أستغرب أكتر أنهم عايشين فى كندا زى ما المدونه الجميله دعاء قالت

إيمان يقول...

د/ ياسر

عندك حق

لازم الاهل يعلموا ابنهم رياضة دفاع عن النفس ويعلموه ثقافة المرؤة والجدعنه
والرجوله

إيمان يقول...

ستوته

رأيك ملى دماغي بصراحه

الطفل اللي انضرب بكره مش ها يضرب بإيده لأ عقله ها يخليه يعرف ازاي يرد هجوم من غير ما يبقى همجي

هو بس القلق انه يوصل متأخر او ميعرفش يتصرف
وقليل من العدوانية عندك حق بقى شئ ضرورى فعلا

إيمان يقول...

عاشقة الرومانسيه

يارب يصلح حال المسلمين جميعا

ويصلح حال أطفلنا اللى بقت حالتهم أصعب من الكبار

منوره يا قمر
الفيديو والمدونه كلها تحت أمرك
مووووووووووه

إيمان يقول...

دعاء

صدقينى بابا أحمد هو اللى صح علشان كده الاب مهم فى حياة ابنه
وأكيد أنتى فهمتى كده لما شوفتى انه محدش بقه يتعرض لأحمد
حلو ان الطفل يتعلم يدافع عن حقوقه
حتى لو بهدل الدنيا شويه
منورانى دايما
وشكرا لمشاركتك الجميله

إيمان يقول...

منوش

وأنا اعتقد ان المفروض نعلم ولادنا ازاى ياخدوا حقهم بدون افتراء وقت اللزوم.. وازاي يبقى عندهم رحمة وقت اللزوم ودة بإننا احنا شخصيا نكون كدة قدامهم.

لالالالالا ماشاء الله عليكى امال لما يبقى عندك اولاد هتعملى ايه لابجد كلام فى الجون ومهم جدا ان الام او الاب يبدأ بنفسه
ربنا يصلح حال المسلمين جميعا يارب

إيمان يقول...

ومازلت اتعلم

انا شخصيا معرفتش اقول انا اصلا مبعرفش احفظ
ماشاء الله عليه
شكرا على المرور

إيمان يقول...

أبو على

الفأر له دور جبار حينما يفكر
والاسد له دور صغير عندما يستعرض عضلاته

كلام اكتر من رائع فعلا لو الطفل زكى وبيفهم مع الوقت اكيد هيعرف يتصرف صح وياخد حقه صح
تعليقاتك دايما لها معنى ومغزى مهم
واحيانا بحس انها ممكن تبقى بوست لوحدها
تحياتى ودمت بكل ود

إيمان يقول...

د/عرفه

يارب
يرزق الامة بجيل صالح
يكون سببا فى رفع شان الامة

اللهم آمييييييييين يارب العالمين

إيمان يقول...

م / أحمد

كلامك صح ميه فى الميه انا ساعات بتفاجأ ببنتى بتتصرف فى بعض المواقف زى باباها بالظبط وبتقول نفس كلامه رغم انى مببقاش فاكره هى سمعته او شافته امتى

ازاي بأه أكون صح ميه في الميه قدامه 24 ساعه؟

الموضوع مش سهل ومحتاج مجهود جبار

وهى دى المشكله الحقيقيه فعلا انت حطيت ايدك على الجرح كلنا بنزهق بعد شويه وبنفقد تركيزنا

إيمان يقول...

وليد الاسلام _هويتى اسلامية ومدونون من اجل فلسطين

شكرا على المرور والمشاركه

المشكله ان احنا مبنعلمش ولادنا اى شئ
يعنى ممكن منقولش لهم الحقائق بس على الاقل نعلمهم ازاى يبقوا اصحاب رأى
يمك فى يوم يوصلوا للحقيقه لوحدهم
انما احنا بنعلمهم الهيافه والسطحيه
يا رتنا بس نسيبهم حتى على طبيعتهم

أحساس لسه حى...كلام من جوه روح لكل روح يقول...

عزيزتى

اول حاجه الواد ده سكر وربنا يحفظه

تانى حاجه انا عاوز احى اهله لانهم بالتاكيد بيشجعوه على الحفظ ده وبيحببوه فيه

تالت حاجه على موضوع الطفلين اللى حكيتى عنهم ان الطفل وهى صغير مش قوته اللى بتحكمه شخصيته وشجاعته وجرئته

علشان كده الاهل ممكن يعملوا حاجات كتير فى طفلهم تقويه وتقوى شخصيته

اخر حاجه

احيكى على التعليق اللى بعد الفيديوا لانك عرضتى فكرة جميلة للمناقشة

تحياتى

سلام

تامر علي يقول...

فعلاً قد يكون الانسان عنده كل مقومات التفوق لكن ليس عنده القدرة على استخدام تلك المقومات ...مثل شعوبنا العربية ...عندها كل الامكانات البشرية والطبيعية لكن .... كما هو الحال في ذيل الامم

الحل هو جرعة توازن لتوضيح الخط الرقيق بين العدوانية والردع ... والعنف وحق الرد

تحياتي للطرح المثمر :)

إيمان يقول...

نوارة

الولد ماشاء الله عليه

لم أصدق أنه فى الثانية ابدااا

ربنا يحميه يارب ويرزقك ويرزقنا كلنا بالذريه الصالحة يااااااااارب

إيمان يقول...

المصرية حبيبتى

جميل كلامك قوى

جميل انك وضعنى الموضوع فى نقط

يارب يصلح حال الامه الاسلاميه جمعاء

ونبطل نختلف على الفاضيه والمليانه

إيمان يقول...

أه يا دعاء بقى عايش فى كندا

تفتكرى ممكن يكون السبب انه عايش فى النضافه أهله رايقين ومركزين
انما احنا مسحولين مش عارفين حتى نقول للولاد تصبحوا على خير
بنقولهم اتخمدوا بقه نامت عليكم حيطه
حاجه بجد تزهق

إيمان يقول...

مدون مش فاضى

فحين نري كل هذا ولا نعلم ابناءنا فن التعامل مع الحياه فنحن لم نكن نستحق ابدا ان ننجب

كلام رائع رائع كيف نفكر فى الانجاب قبل ان نفهم كيف نعلم ابناءنا فن الحياة

تحياتى

إيمان يقول...

أحساس لسه حى...كلام من جوه روح لكل روح

اولا شكرا على المرور

ثانيا مشاركه مميزه احيك عليها

ثالثا اتمنى انها متكونش الزيارة الاخيره ونشوف حضرتك دايما هنا
تحياى

إيمان يقول...

تامر على

اه حال امتنا العربيه

انت كده فهمت قصدى

والحل هو جرعة توازن لتوضيح الخط الرقيق بين العدوانية والردع ... والعنف وحق الرد

تحياتى وشكرا

غير معرف يقول...

ايمان حبيبتى
اولا ازيك وعاملة ايه
يارب تكونى بخير انتى واسرتك الكريمة
بالنسبة لضرب الولاد
فعلا لازم ولابد واكيد نعلم العيال الدفاع عن النفس ونبث فيهم الشجاعةوفعلام تعليم الكاراتيه
وغيره من العاب الدفاع عن النفس
اصبحت ضرورية
بالنسبة للفيديو لاتعليق سوى
باسم الله ماشاءالله
بالنسبة للجين فيه شوية ظروف
وستعود على اول الاسبوع
تقبلى تحياتى

غير معرف يقول...

معلش ياايمان كتبت لك على لوحى
بس علشان مايحصلش عندك لبس
انا بعد الرد دخلت عند لوجى
وجدت موناليزا اللى بتسال
وانا اللى حصل معى اللبس
وفرصة برضه تتطمنى على لوجى
وشكرا

assafo anaroze يقول...

الله يا ايمان
طفل ذكي جدا
واجابته عن عاصمة اسرائيل ممتازة
مودتي

إيمان يقول...

أم مالك

أهلا بيكى

أنا طبعا كنت مستغربه على غياب لوجى

وقلقلت عليها وقولت يمكن فى اخبار حلوه ولا حاجه

لكن ستيته كانت كاتبه فى بوست من بوستاتها ان لوجى الجهاز بتاعها بايظ وانها هتغيب شويه علشان كده مسألتش عليها لأنى فهمت ان الجهاز عندها فيه مشكله
سلميلى عليها واحنا فى انتظارها
شطرا لمشاركتك ولمرورك

إيمان يقول...

أسافو

شوفت ماشاء الله فى اطفال فى امتنا

ممكن يكون فيهم امل

تحياتى

احساس طفلة محبة للرومانسية بس واقعية يقول...

مشاء الله
ربنا يحميه ويقدرنا نخلى كل اولادنا كدا
بصى الموقف غريب يعنى اية اللى يخلى طفل ضعيف يضرب طفل اقوى او اذكى هل هو على حق ولا دى حاجة هو متعلمها
يعنى مش بس نفكر فى الطفل القوى اللى مش بيرد لا كمان الطفل اللى بيضرب دا اية

اما اللى انضرب رأيي انه يمكن بعد كدا يتعلم ازاى يتصرف سواء انه يضرب
او بأستخدام عقلة بس هيخسر حاجات كتير
مقابل الوصول لتصرف تانى غير السلبية

موضوع مهم يا ايمى اكيد بيعتمد على تصرف الاب والام ومدى توافق كلمهم وتربيتهم مع تصرفاتهم

تقبلى مرورى

۩ Nour ۩ يقول...

السلام عليكم..
بالنسبه للقسم الاولى.. الفيديو ..فذلك ما يجب فعله وتوصيله الى اطفالنا لاننا فى ذلك الوقت نريد جيل رجال فاعلين وليس مفعول بهم..فالتربيه الصحيحيه بعيدا عن اساليب التشويش هى المفتاح ..

بالنسبه للقسم الثانى..لا نعرف التسامح ابدا كمصطلح فى حياة الاطفال وانما خد حقك لتثبت وجودك والا قيل عليك جبان وضعيف ..ولكن نتعامل مع انفسنا بعدوانيه ونعلم جيدا الدفاع عن النفس ومع الاعداء يختلف النظر !!

دمتِ بخير

فاطمة إبراهيم يقول...

طفلُ نابغة..
وأعتقد أن للبيئة والتربية أثر كبير في نشأته..
ففي كندا أعتقد أن البيئة هناك حاضة ومحفزة على الثقة والجرأة وقول الحق ما دمت واثقاً منه..
أتمنى لهذا الطفل مستفبلاً زاهراً..
وتدوينة ولقطة معبرة فعلاً ، تجعلني أدعو أن يكون أطفالي مثل هذا الطفل وأفضل..
إيمان العزيزة مدونة رائعة ومتنوعة سأضيفها إلى مفضلتي حتماً..
تحيتي..

akeed يقول...

ما شاء الله عليه ربنا يحفظه لأهله فعلا التربيه للأطفال ليس بالامر السهل ويحتاج الى تركيز و متابعه دقيقة


تحياتى

Lady E يقول...

بسم الله ما شاء الله

ربنا يبارك فيه ويحميه طفل عسول اوي

زمان وانا في كي جي 2 كنت بسمع الأطفال الولاد زمايلنا بيقولو بابا قالنا اللي يضربك اضربه

اما بالنسبة للبنوتات فكانو بيعلمونا اننا نقول الله يسامحك والكلمة دي بتكون شجاعه مش خوف او جبن

دول نموذجين من التربية يا ايمي

مجرد مدونة يقول...

الفكرة جميلة
يا ريت نربى أولادنا على العفو عند المقدرة وكظم الغيظ وعلى إعطاء كل شىء قدره لا يزيد، يعنى بصدق أنا لو واحد شديت معاه فى الكلام فضربنى أحسن رد عندى إنى أبتسم وأقول له جزاك الله خيرا..

زى ما حصل للشيخ يعقوب زمااااان، كان مرة راكب أتوبيس فشافه شاب وكانوا واقفين مفيش مكان للجلوس فالشاب كان ماسك فى البتاعة اللى بتبقى نازلة من السقف دى عشان اللى واقفين

فلما شاف الشيخ وماكانش يعرفه ضربه بالبتاعة دى جات فى وش الشيخ فابتسم وقال له :"جزاك الله خيرا" قال له أنا آسف يا عم الشيخ

بعد شوية عملها تانى الشيخ ابتسم وقال له : "جزاك الله خيرا"

بعد شوية عملها تالت مرة الشيخ ابتسم وقال له جزاك الله خيرا
فالشاب قال له: "انت خنقتنى"!!

المهم الشيخ بيقول ان الشاب ده دلوقتى من خيرة الشباب الملتزمين ما شاء الله

فالإحسان فى كل شىء رائع

أحلى بنات يقول...

دة الموضوع دة محتاج نقاش ومدونة لوحدها
عشان كدة انا هاختصر
بس الذكاء والتفكير
دول في طبيعة الطفل
يعني مش معقول طفل مثلا عقله على قده تقومي مخلياه ذكي
وكمان ضخامة الجسم والعضلات يعني مش انت اللي هتعمليهم
اما ازاي تخليهم شجعان معنديش فكرة
انا شخصيا اتولدت كدة شجاعة وجريئة


اتمنى تزوري المدونة


وتشرفيني

ريكو يقول...

الله أكبر ما شاء الله
يا رب كلنا نتمتع بهذه الثقه فى الله والايمان بالقضيه كما يتمتع بها هذا الصغير البريء
ليته يحسم القضيه عندما يكبر ويقوى
كل التحيات والحب

(حلـم) يقول...

لبوست جميل ومايحملة اروع ومن فكر في هذا الرسم بدون شك اروع مدونة مميزة وستكون علي مفضلتي للامام..حلم..

عاشقه الرومانسيه يقول...

انا جايه اسئل عليكى بسسسس
تعرفى انك وحشانى قووووى؟
وحاسه انى بقالى مُده ماجتش هنا
وتعرفى كمان ان شكل المدونه القديم وحشنى اكتر

طيب انا عايزه اقولك بحبك يااجمل اخت ممكن؟

ٌرحيـــــــــــــــــــــــل يقول...

يجننننن، فديته عسل اللللله يحفظه... أحبه.

لجين أبو الدهب يقول...

هو النقطة زى ما انتى قلت فعلا ياايمى ..
اننا مش كفاية نربى ولادنا على عدم الجبن ولازم نربيهم على الشجاعة كمان ..

ومن غير عدوانية ..

يعينى اعلمه مش كل من هب ودب يضربه .. وانه مش واحد دفعه ولو دفعة بسيطة يروح مديله علقة ..

اليو تيوب عاجبنى جدا ما شاء الله ..

ايمى وحشتينى جداااااااا ..

يارب تكونى بخير ..

دمتِ بخير ..

MaNoOoSh يقول...

ايه يا ايمي الكسل دة؟؟؟

فين بوستاتك الجديدة.. وللا انتى مشغولة؟
على العموم ربنا معاكى يا قمر
مممممممممممممواه

غير معرف يقول...

ايمان حبيبتى
الغيبة طولت مش واخدين على كده
يارب تكونى بخير وتطمنينا

عاشقه الرومانسيه يقول...

ايمى انتى فين كل ده؟
انا بدأت اقلق عليكى
انتى بخير؟
طيب بالله عليكى تطمنينى
يااااااارب خير

خالد شوقي يقول...

فعلا اكثر من رائع .. الولد ماشاء الله مبهر جدا.. فعلا يا ايمان معاكي حق لازم نعلم اولادنا يكونوا شجعان و دا حيفرق كتير جدا في علاقاتهم بالاخرين بل و بمستقبل بلدنا كمان

خالد شوقي يقول...

بس فينك يا ايمان .. واضح انك من ايام مدخلتيش علي المدونه .. لعل الماتع خير..

عموما ياريت نطمئن عليكي .. و اكرر ما سبق ان ذكرته : لو انك تحتاجي اي مساعه في مجال النشر انا مستعد و يشرفني ذلك .. لان فعلا كتاباتك تستحق النشر .

تامر علي يقول...

إيه الغيبة الطويلة دي؟؟؟؟

لعل المانع خير ان شاء الله

لو الامتحانات برضه ...كان الله في العون :)

تحياتي :)

إيمان يقول...

أحساس طفله

كلامك قريب جدا من الحقيقه

أعتقد أن الطفل الذى ضرب هناك ما دفعه لذلك
أيضا الطفل الاذكى والاقوى أعتقد ان هناك نقصا ما شعر به هو ما جعله تحمل الا هانه فى صمت

إيمان يقول...

نور

أهلا بوجودك وأرائك المميزه دائما دمت موفقه

إيمان يقول...

فاطمه

أهلا بمرورك دائما

وشكرا لإطرائك دمت بكل ود وسعادة

إيمان يقول...

akeed

أهلا بمرورك تحياتى ودمت بود
أسفه على تأخرى فى الرد على التعليقات ولكن ظروف صحيه طارئه المعذرة

إيمان يقول...

ليدى

اعتقد ان مبدا اللى يضربك اضربه ده سليم جداااااا
أما بالنسبة للبنوتات فأنا شخخصيا من كى جى تو وأنا اللى بيضربنى بضربه واللى مبيضربنيش كمان مفترية بقه
لكن صدقينى ساعات البنات كمان مفروض اللى يضربهم يضربوه ويكسروه من الضرب كمان

إيمان يقول...

مجرد مدونة

رأيك سليم جدااااا
لكن صدقنى مينفعش مع كل الناس ولا فى كل الاحوال فى ساعات ناس فهمها ضعيف وتربيتها ميعرفوش فيها يعنى ايه انسان مردش عليه علشان مؤدب
جميل الاسلوب اللى قولته ورائع
لكن تعلم تطبيقه صح هو ده اللى احنا مفتقدينه ومنعرفوش لأن التربيه الاسلاميه اختفت من حياتنا من زمااااااااااان
تحياتى

إيمان يقول...

أحلى البنات

هو فعلا الموضوع يرجع للطبع أكتر

لكن لما يكون الجبن مش طبيعه و وتلاقيه بقى اسلوب حياه
هى دى المشكله
منورانى ويارب دايما

إيمان يقول...

ريكو
تعرفى اكتر شئ عجبنى فى الفيديو هو موضوع الثقه ده جميل جدااااا
ياريت كلنا بهذه الثقه مع قضيانا
وحشتينى جدااا

بنوتة يقول...

السلام عليكم
وحتينى جدا جدا
حلو أوى الفيديو بجد ربنا يبارك في أهله
ويحفظ الولد ويا رب ذاكرته دى تنفعه في العلم وتفيده في المستقبل
تحياتى ليكى
وسلام كبيير

إيمان يقول...

حلم

أهلا بمرورك
تحياتى دمت بود وفى انتظارك دائما

بـِصَمتـِـ أميرة ــــى يقول...

الفيديو تحفة بجد
ماشاء الله
:)

تقبل مرورى

(ملكة بحجابى )

إيمان يقول...

عاشقه الرومانسيه
تعرفى انا كمان وحشنى شكل المدونة القديم وبفكر ارجعه بجد مفتقداه جدااا
بجد سؤالك عليه فرحنى جدااااا
معلش انا كنت تعبانه جداااااااا
ولازلت لكن انا هنالنكم وحشتونى جداا
ادعلى ابقى كويسه الحمد لله انا مش عيانه بس تعبااااااااااانه جداااا

إيمان يقول...

رحيل
جميل الولد ماشاء الله ربنا يحميه
ويحفظه
منوره

إيمان يقول...

لجين انتى اللى وحشتينى جدااااا
انتى كنتى غايبه فين
يارب يكون المانع خير او خبر حلو
ولا ايه

إيمان يقول...

منوووووش

وحشتينى شكرا على السؤال يا جميل
أنا الحمد لله كويسه لكن كنت مشغوله ومسافره وعيانه وكل الحاجات مره واحده

SHAPE YOUR LIFE (ABOALI) يقول...

عاصمة اسرائيل سؤال اجابته سهله

لاءن اين ايمان وافكارها
سؤال اجابتة مش سهله

وحشااااااااااااااانا كتير