الأحد، 14 يونيو 2009

خمسة شروط لكى تعصى الله بلا خوف من الحساب



إيميل وصلنى من صديقة عزيزة

وأردت مشراكتكم إياه

****

إذا دعتك نفسك إلى معصية الله فاعصه ولكن اليك خمسة شروط!

أقبل رجل إلى إبراهيم بن أدهم .. فقال :
يا شيخ .. إن نفسي .. تدفعني إلى المعاصي .. فعظني موعظة

قال إبراهيم :
إذا أردت أن تعصي الله فاختبئ في مكان لا يراك الله فيه!


فقال الرجل :
سبحان الله ..كيف أختفي عنه ..وهو لا تخفى عليه خافية!

فقال إبراهيم :
سبحان الله .. أما تستحي أن تعصي الله وهو يراك .. فسكت الرجل ..

ثم قال :

زدني!


فقال إبراهيم :
إذا أردت أن تعصي الله .. فلا تعصه فوق أرضه


فقال الرجل :
سبحان الله .. وأين أذهب .. وكل ما في الكون له!


فقال إبراهيم :
أما تستحي أن تعصي الله .. وتسكن فوق أرضه ؟

قال الرجل :
زدني!

فقال إبراهيم :
إذا أردت أن تعصي الله .. فلا تأكل من رزقه

فقال الرجل :
سبحان الله .. وكيف أعيش .. وكل النعم من عنده!

فقال إبراهيم :
أما تستحي أن تعصي الله .. وهو يطعمك ويسقيك .. ويحفظ عليك قوتك ؟
قال الرجل :

زدني!


فقال إبراهيم :
فإذا عصيت الله .. ثم جاءتك الملائكة لتسوقك إلى النار ..
فلا تذهب معهم!!


فقال الرجل :
سبحان الله .. وهل لي قوة عليهم .. إنما يسوقونني سوقاً!!!!!

فقال إبراهيم :
فإذا قرأت ذنوبك في صحيفتك .. فأنكر أن تكون فعلتها!

فقال الرجل :
سبحان الله .. فأين الكرام الكاتبون ... والملائكة الحافظون .. والشهود الناطقون
ثم بكى الرجل .. ومضى .. وهو يقول :
أين الكرام الكاتبون .. والملائكة الحافظون .. والشهود الناطقون!!!!!

****

أخيرا أحب أشكر المدونين اللى علقوا البوست اللى فات

وبعتذر عن عدم ردى عليهم يارب تسامحونى لأنى فعلا تعبانه

وبحاول التواصل قدر الامكان

تحياتى ليكم جميعا واتمنى انكم متنسونيش بالدعاء


هناك 24 تعليقًا:

أم مالك يقول...

اول تعليق بشرة خير ياايمان
اولا احب اطمن عليكى ربنا يجعلك فى احسن حال
بالنسبة للبوست
الاتستحى ان تعصى الله وتسكن فوق ارضه
اذا اردت ان تعصيه فلا تاكل من رزقه
خير الكلام ماقل ودل
جزاكى الله خير على التذكرة
دمتى بخير

عاشقه الرومانسيه يقول...

انا جايه اشكرك واعبر لك عن سعادتى اللى تعجز الكلمات توصفها
ربنا يبارك لى فيكى يااااارب

يااااااااه ياايمان
حسستينى انى ليا قيمه عند حد وينفذ لى طلبى
ربنا يخليكى ليا
بجد انا مش عارفه اقول ايه
شكرا بجد

ب ح ب ك

دعاء يقول...

شكرا للمشاركة يا ايمي
وشكرا للمرور عندي و زوقك معايا
ربنا يبارك لك
موااااااااااه

أحمـــــــــــــد أبو العلا يقول...

نقول الوووو

البوست جميل اوي
بصي ياايمان, وقت المعصيه الناس بتتناسى (مش بتنسى) احنا محتاجين صدق مع نفسنا

MaNoOoSh يقول...

ياااااااه
حمدا لله على سلامتك يا ايمان
والله وحشتيني جدا يا بنت الايه

ربنا يوفقك بكل خير يا ايمي وييسرلك كل عسير

تامر علي يقول...

شكراً على التذكرة .... أعاذنا الله واياكم من المعاصي وظلمتها والذنوب وغمها والآثام ووحشتها في القلب ونسأل الله لنا ولكم نوراً ويقيناً وأنساً بالله وعافية تباشر النفس والروح والبدن

تحياتي :)

ستيته حسب الله الحمش يقول...

زعلانة ومقهورة لأني كنت امبارح اول تعليق لكن مدونتك رفضت ان تنصاع لأوامري وتفتح التعليقات
المرة الجاية ها اجيب مطوتي معايا

سلامتك الف سلامة ربنا يكون في عونك وشدي نفسك كده وبلاش دلع

والا اقول لك اتدلعي براحتك وربنا يخلي سي السيد ههههههههههههههه

بوست جميل وربنا يجعله في ميزان حسناتك

ممممممممممممممممممممممممممممممؤ

ومازلتُ أتعلم يقول...

جزاكِ الله خيراً على التذكرة
تحياتى

مجرد مدونة يقول...

الله المستعان
لولا حسن الظن برحمة ربنا سبحانه وتعالى لكنا يئسنا من التوبة من زماااان
ربنا يسترنا ويغفر لنا

إيمان يقول...

أم مالك

منورانى ومرورك عندى دايما بستبشر بيه

هى لوجى فين

شكلها كده اتكعبلت كعبلتى

وجرالها اللى جرالى ومش هترجع لطبيعتها قبل خمس ست شهور صح ولا ايه
طمنينى عليها ووصليلها سلامى
ربنا يسعد ايامك ويفرحك بحبايبك دايما يارب

إيمان يقول...

عاشقه الرومانسيه

انتى بجد رقيقه قوى وحساسه جدا

انا اللى تعليقك اللى طلبتى فيه ارجع الشكل القديم اثر فيه جدا
وجالى فى وقت كنت محتاجاه جداا
ربنا يسعد كل ايامك
ويديم عليكى الحب والفرح يارب
وتفضلى دايما فى طاعة الله

إيمان يقول...

دعاء

اهلا بيكى حبيبتى

ربنا يديم علينا نعمة التدوين والفضفصه

ويعافينا من اى اكتئاب او ضيق نفس

يبعد بينا وبين التدوين

شكرا لمرورك الجميل

وربنا يهديلك الاحوال

إيمان يقول...

أحمد ابو العلا

الووووووووووو

انا مش هنا انا هناك

انا مش لقيانى بس لما اشوفنى والله لورينى

منور بجد

وعجبنى تعليقك جداا

تعرف ليه لأن المشكله ان مفيش صدق مع النفس
يعنى انا متأكده ان خمسين فى الميه من اللى قرأو البوست اعتبروا ان الكلام مش ليهم ده للعصاه الوحشين يعع
برغم اننا كلنا على معاصى
فيه اللى بيتوب وبيستغفر دايما
وفيه اللى بيرتكبها عن جهل
وفيه اللى بيستهبل وعامل عبيط
ومحدش نضيف ميه فى الميه
ومحدش معصوم غير الملايكه والانبياء

إيمان يقول...

منوش السكر

شكرالدعاءك الجميل

وكلامك اللى يرفع المعنويات

ربنا ميوقعك فى اللى انا فيه

ولا اقولك هو شر لابد منه يلا عقبال متتكحرتى زى

إيمان يقول...

تامر على

ماشاء الله عليك

ايه التعليق الجامد ده

ربنا يتقبل منك يا رب

اللهم آميييييييييييييييييييييين

إيمان يقول...

ستوته حبيبتى

كويس انك نبهتينى لموضوع التعليقات

اصلى فضلت شويه مش فاهمه وفضلت اقول

اكيد الناس نسيتنى خلاص

وكسروا ورايا قله او كوباية شاى بالنعناع

إيمان يقول...

مازلت اتعلم

شكرا على المرور

وشكرا على الدعاء

تحياتى

إيمان يقول...

مجرد مدونه

حسن الظن بالله نعمة كبيره

وامل كلنا نتعلق به

ربنا يغفرلنا جميعا ويبعد عننا المعاصى وما يقرب اليها

كاتب مصري يقول...

سبحان الله العظيم
سلم قلمك على هذه الكلمات
كيف نعصي الله ونحن إليه راجعون وليس لنا ملجأ إلا اليه
سبحانك ربي
ربنا يكرمك يارب
خالص تحياتي
ابقي نورينا باه

GiGi worled يقول...

ربنا يعزك بجد العنوان اصلا صعب
يارب مانعصاش ربنا ابدا
ازاى نفكر نعصاه بس احنا وحشين قوىىىىىىىىىىىىىىىىىىىىىىىىىىىىىىى
بحبك فى الله

بنوتة يقول...

السلام عليكم

فعلا الواحد من الوقت للتانى بيحتاج تذكرة
فان الذكرى تنفع المؤمنين
شكرا ليكى وجزاكى الله كل خير

....
ألف ألف سلامة عليكى
بجد والله انا قلقت عليكى ربنا يشفيكى
ويسلمك من كل سوء
أمين يا رب

تحياتى ليكى
وسلاااام كبييير

إيمان يقول...

كاتب مصرى

نورت المدونه وشكرا لمرور المميز

اعزرنى فى تقصيرى

دمت بكل خير

إيمان يقول...

GIGI
ربنا يكرمك ويعزك ويبعد عنك وعننا جميعا المعاصى ويرضى عنا ان شاء الله
بحبك فى الله وما كان لله دام واتصل ان شاء الله

إيمان يقول...

بنوته

أهلا بيكى بجد نورتينى وسعيده جدا انك لسه فكرانا
ربنا يسعدك ويبعد عنك كل سوء