الأربعاء، 19 أغسطس 2009

الأميرة النائمة والأمير المصري ...... 2


كبير المهرجين


ما سمعته الأميرة عن مصر وحضارتها وروعة حدائقها وصفاء جوها كان كثيرا ... وما سمعته عن المصريين و تقدمهم كان أكثر .. يكفي أنهم أستطاعوا الحفاظ على موقع دولتهم بين الامم كدولة عظمى مئات السنين ... هم بحق يملكون كل عوامل النجاح والتقدم فالمصريين يتميزون بذكاء فطري .. يحبون العلم والتعلم حد الهوس .. يقدسون العمل كقيمة وليس سببا للقمة العيش .. يبجلون علمائهم ورجال الدين في دولتهم حد التقديس ... تتميز مدنهم بدقة التصميم و الاهتمام بالتفاصيل .. فالمصريين شعب لا يترك شيئا للصدفه أو للظروف
كم كانت فخورة حين أختارها أمير مصري وفضلها على كثيرات غيرها .. وكم كانت سعادتها حين كانت تستعد للانتقال للعيش في مصر وبين أهلها ... وجودها الأن فى مصر واستعدادها للبحث عن زوج مصري شيئا يخفف عنها كثيرا .. انه أمر بحق يستحق العناء ..
بهذه الروح العالية بدأت الأميرة رحلتها في البحث عن ابن الحلال ..
خرجت الأميرة من حجرتها تبحث عن مخرج للقصر .. فدارت يمينا ويسارا .. تاهت بين طرقاته وسراديبه حتى استطاعت الخروج اخيرا .. كانت الشمس قد أشرفت على المغيب حين وجدت نفسها وسط زحام غريب ألات حديدية تجري يمينا ويسارا .. الناس يتحركون بسرعة وارتباك وكأنهم مصابون بمس أو أصيبوا جميعا بجنون ما .. وجوههم تكسوها علامات الهم والاحباط .. أو الغضب أحيانا يتكلمون بعصبية غريبة تظهر التجاعيد فى وجوههم حتى الشباب منهم لم تخلو وجوههم من أثار التجاعيد والارهاق والاعياء أحيانا
لا أثر لتلك الحدائق الغناء التي سمعت عنها .. ولا لرائحة الهواء النقي .. الهواء هنا لها روائح غريبة.. أصابها الانقباض فجأة .. وبدأت تشعر أن مهمتها لن تكون مهمة سهلة
صورة كبيرة وضعت بمكان واضح من الميدان .. ذُيلت بكلمات ثناء وتبجيل لا تقال الا للأمراء أو أصحاب الشأن العظيم .. أصابها المنظر بما يشبه الصدمة كانت الصورة لكبير المهرجين والذي كان يعمل بالقصر لدى والدها .. لكنه تغير كثيرا .. يرتدي ملابس غريبة يبدو فيها أنيقا للغاية وقد خلع قبعة المهرجين الشهيرة .. وأتخذ وضعا يُظهر الجدية .. وعلى شفتيه إبتسامة باهتة للغاية ولكنها تضيف للصورة شيئا ما لعلها تزيد من الجدية المفتعلة التي يحاول إظهارها .. تغير مظهره كثيرا ولكنها عرفته على الفور فقد كان أكثر المهرجين قدرة على التهريج وإختلاق النكات ... أعطاها ذلك بارقة أما لعل والدها أرسله ليساعدها .. فلتبحث عنه إذا .. قد يفيدها وجود أحد ما تعرفه .
إستجمعت شجاعتها واستوقفت أحد المارة لتسأله عن صاحب تلك الصورة ولماذا هو مشهور ولماذا كل هذا التبجيل .. إبتسم الرجل ثم إتسعت ابتسامته وما لبثت تلك الابتسامة أن تحولت لضحكات هستيرية .. ألا تعرفين من هذا إنه .. إنه ..هاهاهاهاهاهاهاهاها ... ثم أكمل طريقة دون أن يجيبها أو يتوقف عن الضحك
لم تيأس الأميرة ولكنها إستوقفت فتاة هذه المرة حتى يكون الأمر أقل حرجا .. ثم سألتها بشكل جدي وهي تشير إلى الصورة هل تعرفين هذا الرجل وهل تعرفين أين يسكن
صمتت الفتاة قليلا بعد أن أصابها الذهول ثم قالت ( لا حول ولا قوة الا بالله العلي العظيم .. ألا تعرفين من هذا .. وتريدين عنوانه أيضا لاحول ولا قوة الا بالله العلى العظيم )
تجاهلت الأميرة ما قالته الفتاة وكررت سؤالها مرة أخرى أين يسكن هذا الرجل ..فأجابتها الفتاة ونظرات الشفقة تملأ عينيها .. إنه يسكن فى مصر الجديدة ثم هزت رأسها وأنصرفت وهي تتمتم ( لا حول ولا قوة الا بالله )...
إذا هو فى مصر الجديدة .. يا مسهل


يتبع

هناك 46 تعليقًا:

بسمة انور يقول...

اول تعلــــــــيق

هقرء وارجع

بسمة انور يقول...

ليه كده يعنى

انتى بتشوقينا ليه

القصه بجد مشوقانى اعرف نهايتها

مستنيا الباقى

احساس طفلة محبة للرومانسية بس واقعية يقول...

مش ممكن يا ايمى
افكارك دى بتجبيها منين وبتصغيها ازاى
بقالى كتير مش قريت لك حاجة كدا
بس المرة دى شكل الحكاية كبيرة واسلوب جديد مش محتلف عن اسلوبك اللى انا عرفاه بس الفكرة قوية

مستنين نشوف حصل اية للاميرة وياترى هتلاقى مصرى بالموصفات دى ولا اية الظروف ؟

يارب تكونى بخير
تقبلى مرورى

د.خالدأمين يقول...

مش عارف ارد واقول ايه


بس بجد انتي مبدعه والقصه شيقه جدا


واللع العظيم دون مجامله





هايل الاسلوب





ومنتظرين القادم ان شاء الله



انتي درستي ادب؟




اسلوب الختم والتشويق يدل علي كدا



باي

assafo anaroze يقول...

يسعد مساك
متابع معاك القصة يا ايمان
في انتظار تتمتها
مودتي

القدر و انا يقول...

ايمان
فكرة رائعة للتعبير
إختلفت عن كل التوقعات للاسلوب القصصى
بجد مبدعة
بس ياريت تكون حلقات يومية
زكى بيها علينا يا إيمى .. ده حتى رمضان كريم

ستيتة يقول...

ههههههههههههههههههههههه
ربنا يستر ومترحش للمهرج بيته وهي شايلة تورتاية زي احمد حلمي في نأسف للإزعاج
ههههههههههههههههههههههههههههه

كل سنة وانت طيبة يا جميلة
وخلاص انا عرفت انت بتكرهي الأميرات وها تدخليها اللومان

Alaa يقول...

i like your shorties *wink* keep them coming and happy ramadan

تامر علي يقول...

هو فعلاً كبير المهرجين :)))

بس هو ماعدش بيقعد في مصر الجديدة ده قاعد في شارم على طول :)))

تحياتي :)

Hajar Jackoub يقول...

:D يا إيماااااااااان كملي بسرعة عايزة أعرف شو حصل!!؟؟
ملحوظة: انا حليت مشكلة التعليقات في مدونتي

assafo anaroze يقول...

رمضان كريم و كل عام و انت بالف خير
ربنا يدخل عليك و علينا باليمن و السعادة و الخير و البركات
ربنا يدخل عليك و علينا و احنا في صحة جيدة و عافية
مودتي

غير معرف يقول...

ايمان الحبيبة
كل عام وانتى الى الله اقرب
ويكملك ايامك بالف خير
وانا متابعةعن الامير والاميرة
اكملى وتحياتى

مجرد مدونة يقول...

السلام عليكم
كل عام وأنتم بخير بمناسبة الشهر الكريم بلغنا الله وإياكم الشهر على خير .. وسأعود إلى الموضوع لاحقا إن شاء الله

سارة احمد يقول...

حلو اوي ياايمان...تسلم ايدك مستنين الباقي...كل سنة وانت طيبة...رمضان كريم

Ahmed يقول...

الله الله
كبير المهرجين
وانا اقول برضه كل لما بتشوفه بنضحك ليه

القصه شدتني واتشوقت

أبو العريف يقول...

ههههههههههههه

حلوه قوي بجد

تسلم دماغك

بس يا خوفي يا بدران

لا المهرج يقرااااها



سيبك انت

رمضان كريم

إيمان يقول...

بسمة أنور

بجد منورانى أول تعليق للمرة الأولى على التوالى
انتى مستنية الباقى وأنا مستنيه متبعتك يا قمر
وعايزة رأيك بجد بس فى الأخر
وكل سنه وانت طيبة صيام مقبول ورمضان كله مغفرة ان شاء الله

إيمان يقول...

رمضان خير وبركة ومغفرة وتوبة على الناس كلها
العرب كيان واحد مهما حصل والحب بينهم رغم هنهم ماهما حاولوا يعملوا العكس
نورتنى بالزيارة

إيمان يقول...

احساس طفلة محبة للرومانسية بس واقعية

يا أهلا يا أهلا عايزة أعرف أنتى بقيتى بتغيبى فين
كل سنة وانتى وسومه وابو سومه وكل حبايبك بخير وسعاده
تعليقك اسعدنى جدااااااا وجالى فى وقت غريب كنت محتاجه اى دعم نفسي
شكرا لمرورك اللى بجد دايما بيسعدنى

إيمان يقول...

د. خالد أمين

بجد أخجلتم تواضعنا يا فندم

وبعدين دى اقل حاجه عندى دى البيجامه

بجد شكرا لتعليقك المشجع جدااا

وشكرا لمرورك اساسا وانك اهتميت

وكل سنة وانت طيب وبخير وصحه وسلامه

سلام مربع لميت غمر

إيمان يقول...

أسافو
كل سنه وانت طيب

يسعدنى جدا انك متابع يارب تكون بخير دايما

سمسمه يقول...

كل عام وانتى بخير
رمضان كريم
نورتي مدونتى واسعدنى تشجيعك
تسلم ايدك

Tarkieb يقول...

هي بس الاميرة دي لو سافرت دولة اوربية حتعرف ان مصر زي الصومال في نظر العالم دول هو بس احنا اللي اتربينا ع الشوفينية وفاكرين نفسنا ياما هنا وياما هناك واحنا لا حاجة تذكر واغلب من الغلب كل حياتنا عايشة على تزوير الحقيقة من ا يام رمسيس اللي زور نصره في موقعة قادش والحقيقة كانت انه مفيش معركة اصلا....خليها تنام تاني وحتحلم ان المهرج هو زعيم المهرجيين ومستيين الباقي ولو انه كلنا بنعشق الاحلام

ٌرحيـــــــــــــــــــــــل يقول...

والخيبة ! انتــــــــــــــي عايزة تروحي فشربة ميه!! يا خرااااشششششششششششيييييييييييييييييي
إيمان! انتي بعدج على قيد الحياة ولا اعتقلوووج!!؟؟؟

قال كبير المهرجين قال، دستوووور يا اسيادنا!

ما عليج استمري و نحن معك ، اذا اختفيت بنسويلج مدونة تطالب بالافراج عنج.

يــوم جــديد يقول...
أزال المؤلف هذا التعليق.
hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

برامج تدريبية وتطويرية يقول...

رمضان كريم إيمان..وتعالو نعمل خير وتشاركونى مع كل متابعينك على

http://healthyegyptians.blogspot.com

وربنا يوفقك ويوفقنا جميعا لما فيه صالح الأمة الإسلامية والعربية

عاشقه الرومانسيه يقول...

ممكن اقولك انك وحشتينى وامشى على طول؟
هشششششششششش
مش هاعمل صداع
وهارجع تانى اشوف البوست ده
بس جيتى على بالى قلت اطمئن عليكى
وحشتييييييييييينى

عاشقه الرومانسيه يقول...

ايمى
انا جيييييت
قريت الجزء الاول والجزء التانى
وفى انتظار الباقى

تحياتى ياقمر

إيمان يقول...

القدر وأنا

كل سنة وانتى طيبة

شوفتى الحلقات اليوميه

طيب تنفع شهريه

عيد سعيد عليكى وعلى كل حبايبك

إيمان يقول...

ستوته

طبعا هتروح بالتورتايه أمال هتروح بأديها فاضيه يعنى
ربنا يستر عليها وعلى كل الاميرات اللى ذيها
كل سنة وانتى طيبة يا ست الستات النت عندى كان فاصل بنغير الشركه
ولذلك كنت فاصله أخر تلات أربع حاجات
وحشتينى يا ست انتى

إيمان يقول...

maddie

كل سنة وانتى طيبه شكرا لمرورك

وعيد سعيد عليكى وعلينا جميعا

إيمان يقول...

تامر على

اممممم ... مين بيقول شارم .. أيه اللى جاب شارم لكبير المهرجين لالالا أنت فهمتنى غلط خالص .. ربنا يجعل كلامنا خفيف على سكان مصر الجديده وشارم

إيمان يقول...

هاجر يعقوب

معلش يا جميل النت كان فاصل عندى من أول رمضان
كل سنة وانتى طيبة يارب رمضان يكون مر بخير عليكى
وكل سنة وانت طيبة وبخير

إيمان يقول...

أم مالك

ربنا يخليكى ويبارك فيكى دايما دعواتك بتفرح قلبى
متنسنيش بالدعاء اليومين دول
وكل سنة وانتى بخير وسعادة

إيمان يقول...

مجرد مدونة

كل عام وانت بخير وكل المسلمين لله أقرب

عيد سعيد ومبارك على الناس كلها

منتظرة رأيك ان شاء الله

إيمان يقول...

سارة أحمد

فينك يا سارة وحشتينى جدااا

شكرا على تشجيعك وكل سنة وانت طيبة انتى وكل احبابك

إيمان يقول...

أحمد أبو العلا

كبير المهرجين يبقى لازم تضحك لما تشوفه

كل سنة وانت طيب وربنا يستر

إيمان يقول...

أبو العريف

سيبك انت كل سنة وانت طيب رمضان خير ومغفرة علينا جميعا
وعيد سعيد على كل الحبايب
واللى يقرا يقرا ربنا معاه

إيمان يقول...

سمسمه

عيد سعيد عليكى يا جميل مدونتك بجد جميلة

إيمان يقول...

تركيب

وحياتك انت الصومال أحسن على الاقل هم متعاطفين معاهم
وبعدين من غير متسافر الاميرة كله باين حضرتك
وبعدين عرفت منين انها هترجع تنام تانى
منور المدونه وكل سنة وانت طيب

إيمان يقول...

رحيل

أنا بالفعل معتقله بالبيت

لا تخافى كله تمام

كل عام وانتى بخير يا ست البنات

إيمان يقول...

يوم جديد

نورتى المدونة يا جميل

متشكرين على المساعدة هتعبك معايا

أحسن من النصب

كل سنة وانت طيبه وعيد مبارك عليكم وعلينا

إيمان يقول...

hasona
رمضان رحمة ومق=فغرة عليكم وعلينا

وكل عام وانت بخير

شكرا على التذكره جعلها الله فى ميزان حسناتك ان شاء الله

إيمان يقول...

Dr.Dalia Hikal

مدونة مميزه جدااا

ربنا يوفقك ويجعله فى ميزان حسناتك

متابعه معاكى ان شاء الله لكن معلش النت كان فاصل عندى

كل عام وانت بخير وسعاده وللامام دائما

إيمان يقول...

عاشقة الرومانسية

انت كمان وحشتينى وعلى بالى دايما

النت كان فاصل عندى

كل سنة وانتى طيبة وبصحة وسعادة