الخميس، 12 نوفمبر 2009

لم يستدل على العنوان


تركتك بلا ندم .. بلا ألم .. لم أحزن على فراقك ولو للحظة .. بقدر حبي لك بقدر ما كانت سعادتي حين استطعت الهروب منك .. لم ألتفت لأودعك أو حتى لألقى عليك نظرة أخيرة ( ليتني فعلت )..
غريبة انت يا حبيبتي كيف أستطعتى جعل قلبي قاسيا الى هذا الحد .. أحببتك منذ تعلمت الحب أحببتك قبل حتى أن أعرف معنى كلمة أحب .. أحببتك بكل ما فيكي .. كنت قاسية لحد لم اتحمله .. فعلتي كل ما بوسعك لتبعديني عنك لتقتلي حبى لك ..
غريب أمري معك !!! كان حبى لك يزداد كلما زادت قسوتك ربما الخوف من الفراق هو ما جعلني أتمسك بك حتى أخر لحظة وأتحمل منك كل هذه القسوة ..
تغير قلبي دون أن أدري تغير دون استئذان تعلم منك حبيبتي .. ضاع حبك بداخلي .. لم أجده
بحثت عنه كثيرا .. كنت أخاف الفراق !!
ولكن ذات صباح لم أعد حزينا لم أعد خائفا لم أعد أحبك .. تركتك بلا ندم بلا ألم بلا دموع بلا وداع .. فقط تركتك
وإبتعدت قدر استطاعتي إبتعدت بقدر محبتي إبتعدت بقدر ألمي وشوقي .. إبتعدت حتى لا أراك ولو فى أحلامي .. فلتذهبي الى الجحيم ..لالا لالا يكفيني الفراق
لقد نسيت حبك الى الأبد ( هكذا إعتقدت ) ..!!
ترى لماذا قلبي خاويا فارغا !! لماذا أصبحت كالضائع اذا !! لماذا انت فى أحلامي دائما!! .. لماذا أنت معى دائما !! أراك وأسمعك فى كل شئ حولي لماذا أكرهك أذا !! لماذا أكرهك !! ..لماذا كل هذا الغضب .. متى ستخرجين من دمي .. متى ستغادرين قلبي .. متى الخلاص حبيبتي ؟
هنا بدأت حياة رائعة لم أحلم بها يوما .. حين أتذكر حياتي معك ينفطر قلبي ألما كنت أتمنى هذه الحياة معك .. ترى حبيبتي هل فات أواننا معا هل كتب على الشقاء بحبك حتى نهاية عمري .. هل كتب علينا الفراق حتى النهاية .. ترى حبيبتي هل تذكريني .. هل تسألين عنى .. هل تشتاقين الى كما أشتاق اليك .. هل تسأل شوارعك عنى .. هل توقف نيلك حزنا على فراقي ..
لم يعد فيكي شيئا يغريني بالعودة .. ولن أعود حبيبتي .. ولكن متى سأتخلص من شوقي اليك متى سأتخلص من شوقي لشوارعك لليلك لزحامك لكل ما فيكي لماذا أنت لماذا أنت حبيبتي ..
لماذا يابلادى أحبك لماذا ولدت هكذا .. ولماذا أنت قاسية هكذا!!!.


هناك 17 تعليقًا:

SHAPE YOUR LIFE (ABOALI) يقول...

قولت سـأهاجر
قالوا تهاجر
انت من كتب عن حب الوطن
ياتى يوم وتهجره
اكانت شعارات
ترفعها ثم تهجره
اجعلت عالمك ممزوج بحبه
ثم فى لحظات تصبح من دون وطن
فعلا خدعنا فيك
ونفاقك قد ظهر
وقفت من بعيد ناظرا
وحروف قلبى تتسارع
حتى ترد وتقول لست انا
من يوجه له هذا الكلام
ولكنى وقفت حتى ينتهى كلامهم
قالوا لا لن ينتهى مهما قولت
فانت لك هنا وطن
احميه ان قسى عليك يوما
فانك انت انت
الذى قولت قسوة الوطن
هو حنان وضمة
ودائما لك جنة
نعم انا قولت هذا
واليوم اقول
نهجر الاوطان لحب الاوطان
وتكفى تلك الكلمات
من ينسى وطنه
فهم يستحق الهوانى
وانا لن انساه
لن انساك يا وطنى
وسارجع ثانية
وسيظل حبك فى شرايانى
ولكنى لن اكتب
عن نفسى مدافعا
واسجل فى دفاتر الزوار
حبى واعتزازى
فليست من يكيل بمكيالين
ومن قال ان حبك
بقربى منك
وابتعادى عنك
فعلمك يا وطنى قلبى
فوق ذرات دمى اسمك
وتحرسه جفون عيونى
سأهاجر
فنحن نهجر الاوطان لحب الاوطان




تمر علينا لحظات قاسية نتفاعل مع اوطاننا
نشكوها نهجرها
ولكننا لن نستطيع ابدا البعد عنها مهما طالت السنون وتعاظمت احداثها


موضوع رائع فعلا لم يستدل على عنوان فيه

احساس طفلة محبة للرومانسية بس واقعية يقول...

اعااااااااااااااااا
انا قعدت 3 سنين عقبال ما عرفت لية :(
قعدت 3 سنين مش فاهمة اصلا هو اية التناقض اللى جوايا
قعدت 3 سنين بقول فى امل بحلم وقال اية انا اللى هغيرها لما اغير من نفسى
قعدت 3 سنين وانا عايزة ارجع

وبعد زيارة لمدة 3 اسابيع ليها تراجعت خفت حسيت بالضياع لكل حلو كنت مشتاقة لية فيها ملقتهوش حتى الشعب بقى قاسى اوى بقت الضحكة فى وجة اخيك بتسمى جنون بقت المشاكل والجرائم واللاخلاق هى اللى سائدة

حلمت وحلمت وصحيت على منظر مرعب خلانى ابعد عنه صحيتى مارد جوايا بيقولى بلاش ترجعى وشبحة اللى بيقولى ارجعى يا ايمى

انا مش عارفة اقولك اية البوست دا قاتل بالنسبالى عشان حقيقة جوايا حساها اووووووى ملهاش حل لانها محسومة وفى النهاية كل البلاد الاخرى ما هى الا محطات هتنزلنا فى بلدنا فى الاخر

دمتى بكل خير
تقبلى مرورى

غير معرف يقول...

موش عارفه هي قاسيه علينا ولا ولادها هما اللي قاسيين على ولادها العلابه

جميله كلماتك

--------------------

على فكره اول ما دخلت مدونتك ضحكت جداااااا

عارفه ليه ؟

كنت بشوف مدونتك عند د.ستيته وكاتبه ايمان وبناتها .... قلت دي واحده وبناتها عاملين مدونه .... وانا مش بحب قوي لمدونات اللي يكتب فيها كذا واحد علشان شخصيه المدونه مابتبقاش واضحه

قريت تعليقك عندي ... ولما دخلت لاقيتك انتي ايمان وبناتك منورين بجد :))

مدونه جميله .... تحياتي لقلمك

blue-wave يقول...

كلمات رائعه
ابكتنى قسوتها
تحياتى

ستيتة يقول...

خدتي انتي بالك من حدوتة المصريين
كل ما تقسى شوية
نلعن خاش ابوها
برضه نشتاق
ونلزق
وان خرجنا منها نقعد نكتب فيها مرثيات
نرجع لها
تبدأ تاني تخبط فينا
وكل ما الزمن يعدي خبطاتها تبقى اقوى وعجائبها تفوق الخيال

هو فيه بلد على وجه الأرض يمشي فيها مترو براحته بدون سائق لحد ما يقطع كيلومترات ويخبط اللي يخبطه ومفيش شيء او حد يوقفه
دي عجيبة زي عجائب الدنيا السبعة

اسكتي اسكتي
قلبتي عليا المواجع
انا خايفة انا اللي اولد :)

إيمان يقول...

أبو على

أقول ايه بس تعليقاتك مينفعش غير انها تبقى بوست لوحدها بجد ماشاءالله عليك
حب الاوطان ده شئ فى دم كل انسان طبيعى بس مصر بالذات غير كل الاوطان بنحبها قوى اكتر ما اى حد بيحب بلاده وبنكرهها قوى اكتر من اى حد ما بيكره بلاده يمكن الكره ده نوع من انواع الحب يمكن لو كنامش بنحبها قوى مكناش زعلنا منها قوى كده
تحياتى لكلماتك المميزة دائما

إيمان يقول...

احساس طفله

تعرفى المشكلة فين ؟
المشكله فى اننا مهما شوفنا بنحبها بنحب ليلها اللى غير اى ليل بنحب زحمتها ودوشتها بنحب ترابها اللى خانقنا ليل نهار بنحب أهلها رغم تكشيرتهم وبوزهم اللى بقى شبرين ونص
بنحب والحب دايما أعمى ودايما مؤلم وخصوصا لو حبيبك قاسى وبايع ومنتاش فارق معاه
انت تعبانه لأنك من جواكى عارفه انك مينفعش ترجعيها تانى
طيب ايه رأيك فى اللى فيها وعايز يخرج منها رغم انه عارف انه وهو بعيد مفيش حاجه هيكونلها طعم ايه رأيك فى اللى عارف انه هيتألم ومع ذلك بيدور على اللم وياريته طايله
ده حتى الهم مرضيش بيه
منورانى دايما
ويارب ايامك كلها هنا وسعاده سواء هناك او فى مكان

إيمان يقول...

فتاه من الصعيد

بجد نورتينى ونورتى بناتى :)

أنا شخصيا لما شوفت اسمى عند د/ ستيته قولت ايه انا معنديش غير بنت واحده ليه بناتها ورجعت فضلت اقلب فى المدونه عندى يمكن الاقى حاجه خليتها افتكرت كده لحد ما لقيت العنوان :)
تعرفى انا فى اول مرة دخلت عند افتكرتك واحده صاحبتى من الصعيد كان بتحب الكتابه توقعت انك هى
مرتحتش غير لما كلمتها وعرفت انها مش انتى اصلى بجد بحب بنات الصعيد موووووووت وبيعجبونى موووووت
سلام مربع للصعيد واهل الصعيد وحريم الصعيد

يــوم جــديد يقول...

حبيبتي
لست أحبك لأنك الأجمل
لأن هناك أجمل منك
ولست أحبك لأنك الأحن
لأن هناك أحن منك
ولست أحبك لأنك الأوفى
فقط أحبك لأنك أنت
أحبك كما تحب الأم وليدها
رغم تعب شهور الحمل وألام الولادة ومسئولية التربية
لكنها تحبه مهما فعل

متألقة يا إيمان

عاشقه الرومانسيه يقول...

لان دى الفطره اللى ربنا خلقنا عليها
حب الوطن ده فى الدم مهما يحصل منها

إيمان يقول...

blue wave

أهلا بيك
سعيده بمرورك
للأسف هى بالفعل حقيقه مبكيه

إيمان يقول...

ستوته حبيبتى

بعد الشر عليكى ان شاله الجودزيلات الوحشين وانت لا
حدوتة المصريين حدوته تضحك وتبكى وملهاش اول من أخر الحل فى ايد ربنا قادر على كل شئ
قادر يرحمنا برحمته يجى زلزال يشيل الناس الوحشين بس والناس الحلوين لا

إيمان يقول...

ميمى واحمد

طيب حاضر ماشى

إيمان يقول...

يوم جديد

أحبك كما تحب الأم وليدها
رغم تعب شهور الحمل وألام الولادة ومسئولية التربية
لكنها تحبه مهما فعل

تفتكرى هو ده الحب اللى قتل
شكرا لكلماتك المميزه وتعليقك الرائع

إيمان يقول...

عاشقه الرومانسية

يارب تكونى بخير دايما

حب الوطن فعلا هو الفطره

لكن مصر بالذات مختلفه كل واحد بيحب بلده
بس المشكله فى مصر ان لها سر غامض متعرفيش تنسيها حتى لو مش عاجباكى حتى لو كرهتيها حتى لو زهقتى منها
تعرفى انتى تبعدى عن البحر وتتحرمى منه للأبد
ومتشوفيهوش تانى الا فى الصور

د. ياسر عمر عبد الفتاح يقول...

أحاسيس صعبة أوي
بس هتعمل إيه
بلدنا ,, وغصب عننا هنفضل نحبها

إيمان يقول...

د / ياسر

منور المدونة

هى فعلا بلدنا وهنتحمل طبعا

لكن نقول ايه الصبر حلو

تحياتى لقلمك المبدع دائما