الجمعة، 23 أبريل 2010

كيلو بتنجان


بالصدفة وقعت يدي على أجندة عام2001( في هذا العام تخرجت و تزوجت بعد التخرج بشهرين )  
في هذه الأجنده دونت بعض القوائم المختلفة لأشياء كنت أود فعلها أو أشياء كنت أود شرائها ودونت أيضا بعض الكلمات والأفكار وشوية شعر حلمنتيشي
وقد راعني ( حلوه راعني دي ) ما قرأت في أجندتي العزيزة وعرفت أد أيه غيرني الزواج و وساعدني على تحقيق أحلامي
أنا مش هعلق أنا هسبكم أنتم تعلقوا

مايو 2001
يجب أن أبدأ في وضع جدول لمراجعة المواد
أريد أن احصل هذا العام على تقدير أمتياز جميل أن التقدير النهائي في كليتنا العزيزة
يحسب بالرجوع لتقدير أخر عام علي أن اراجع أولا
1- الكيمياء البيولوجية
2_ الفارما كولجي
3_الفارما كوكنوزي
يجب أن أركز في مذاكرة الفارما كوكنوزي فدراسة الأعشاب الطبية شئ مهم جداا أشعر أنه قد يشكل تغيرا في مفهوم العلاج وصناعة الأدوية في مصر والعالم
باقي المواد سأرتب جدولها في وقت لاحق


يونيه 2001
كلمات أعجبتني
يجب أن تكون أنت التغيير الذي تود أن تراه
انك لن تكون سيد نفسك حتى يكون بمقدورك وضع إهتمامك حيث تريد ولن تسعد أبدا حتي يصير بمقدورك أن تحدد ما ستفكر فيه الساعة القادمة
إن إرادة الاعداد للفوز أهم من ارادة الفوز
كل شخص يعيش من خلال بيع شيئا ما
ان الشخص الخجول هو اكثر الناس أنانية على وجه الارض
كن انت الحدث
لا تعيش في الماضي الا اذا كنت تريد ان تشعر بالذنب ولا تفكر في المستقبل الا اذا اردت ان تخاف انما ركز على الحاض اذا اردت ان تكون سعيدا
كلما عرقت وقت السلم وفرت الدم وقت الحرب


يوليه 2001
روايات وكتب أريد شرائها
الرحيق المختوم
التذكرة
حديث الصباح والمساء لنجيب محفوظ
ليالي ألف ليلة لنجيب محفوظ
قلب الليل

بعد صفحة
قائمة بعواصم الدول العربية
وتأريخ لبعض الأحداث المهمه





يونيه 2001
باقي على الزفاف شهرين
مطلوب شراء
1_ 2 شبشب حمام
2- طقم دواسات للحمام
3_شنطة بني وأخرى (أوف وايت )
4_ صندوق للقمامة
5_ طقم معالق للإستعمال اليومي
6_ قماش الستائر


أغسطس 2001
باقي على الفرح عشرة أيام
تذكري الإتصال بالكوافير وتأكيد الموعد
تحضير شنطة السفر
شراء حذاء مريح للخروج في النهار
شراء إيشارب أزرق للطقم الفحلقي

30 أكتوبر 2001

الخامسة فجرا

جئت اليكي لأصفح عنك
وأوقظ شوقا مضى وأستكان
ألملم بعضا وأنثر بعضا
يثور بقلبي هواك طوفان
أحمل زهورا وأشلاء حلم
ظل بقلبي رغم الزمان
وخوفا بقلبي يلهو بعقلي
ويملأ حولي كل المكان
أقبلت ضحكا .. ترى تذكريني؟
وتذكرين مثلي كل ما كان
كيف ألتقينا وكيف أفترقنا
وكيف تبعثر فينا الحنان
وكيف أنتفضنا من الذعر لما
تفرق شمل العاشقان

توقف الالهام عند هذا الحد

واضح أني كنت فاضية ومفيش ورايا حاجه


ديسمبر 2001

سوبر ماركت

زيت 18 جنيه
برسيل 32جنيه
سكر
ارز
مناديل مطبخ
بريل
شاور جيل
شامبو
دقيق
فانيليا
جيلي
صلصة و مربى
كمفورت ومناديل حمام

يناير 2002

طلبات الاسبوع

عيش
جبنة بيضاء
جبنة رومي
2 كيلو بانيه
كيلو لحمه مفرومه
فرخه
3كيلو طماطم
2كيلو خيار
2كيلو تفاح
2كيلو موز
3 كيلو لبن

مارس 2002
قائمة العزومة
صينية لازنيا
فراخ مشوية
ارز بسمتى بالخضار
صينية بطاطس باللحمة
سمبوسه بالجبنة واللحمة المفرومة
لحمه بارده
طاجن بامية باللحمة الضاني


مايو 2002
طريقة عمل بسكوت النشا

بعد صفحتين

طريقةعمل البتي فور
فى نفس الصفحة
طريقة عمل كيكه بالكريم كراميل

يونيه 2002
التجهييز للسفر

تتبيل البانيه والشاورمة
فتح العيش ووضعه في كيس مغلق
زجاجات عصير وكانزات

زى ما يكون مسافرين فى الصحرا:(


أغسطس 2002

مطلوب شراء

2 فرخه وسط بلدي
كيلو خيار
علبة طحينة
مفارش بلاستك للسفرة
علبتين زبادي
عشر بيضات كبيره
كيلو بتنجان رومي لعمل ( بابا غنوج )
مريلة مطبخ
فوط للمطبخ


وللأسف الأجندة خلصت






 

هناك 6 تعليقات:

assafo anaroze يقول...

يسعد صباحك يا ايمان
يا رب تكوني دايما سعيدة
جميل جدا ان نحتفظ باشياء لنا كانت من بين الاساسيات اللي بنعملها
بس مش شايفة ان كل همك في الاكل
ههههههههه
اتمنى لك السعادة الدايمة
مودتي

عاشقه الرومانسيه يقول...

يالهوى ياايمى؟
بعد الجواز بيبقى التفكير كله فى المطبخ والتلاجه بسسسسس؟؟؟؟؟
لا ياستى مش لاعبه مش عايزه اتجوز
وكويس ان الاجنده خلصت قبل ما الاقى قايمه فيها بامبرز وسيريلاك وكريم تسلخات
هههههههههههههههههههههه


ملحوسه هامه
وحشتينى قووووووووووى

يــوم جــديد يقول...

يا نهارك أبيض يا إيمان
البوست دا يتعلق عليه ازاي
أعلق أقول ايه دا هو معلق على نفسه

هو 2002 دي كانت عام الأكل
أيوة كده يا شيخة مش تقولي لي كوكنوزي :)
إلا صحيح هي كليتك العزيزة دي ايه صيدلة؟

عارفة واحنا في الكلية كنا مرة بنتكلم عن أمهاتنا لما بيتكلموا في التليفونات وبالذات لما يكلموا أمهاتهم كلنا كنا مش متخيلين هو احنا ازاي ممكن حد يكون كل كلامه في التليفون هتطبخي ايه النهاردة ،طيب عارفة وصفة كويسة للشاورما ، بتحطي خل ولا مش بتحطي ، كيلو اللحمة جبتيه بكام
واحنا طبعا كلنا كان كلامنا في التليفون عن المذاكرة أو المحاضرات والدكتور قال ايه وشال ايه وحط ايه أو عن المستقبل والأحلام والفارس أبو كوبيه (الحصان دا قدم أوي) وعالم تاني خالص

أظن أجندتك بعد قدوم حمزة مفيهاش ورق تكتبي عليه ولا وقت تكتبي فيه ممكن تلجئي في المرحلة دي للتسجيلات الصوتية

وحشتيني قد عدد مرات سفلتة طريق السويس :)
رومانسية فظيعة أنا

غير معرف يقول...

طيب مالها بس الاحلام ماهي حلوه ولسه قدامك وقت طويل تحققيها

ربنا معاكي وتقدري تكملي احلامك

تحياتي

ستيتة يقول...

مش حسني دايما يقول لك متطلبات المرحلة
والخطة الخمسية
ولما تنتخبوني في 2012 ها اعمل كذا وبعدها في 2016 ها اكملكم مسيرة التنمية
اما في 2020 ها اكمل مع ولادكم ما بدأته معكم :)
كل انسان عنده شيء اسمه متطلبات مرحلة
ولو عرف متطلبات كل مرحلة صح ها ينجح جدا
واحنا صغيرين نقرأ نبقى نمينا سخسيتنا
واحنا اكبر نتجوز نبقى جبنا راجل نشاكله بدون دفع فلوس
واحنا اكبر نخلف ونربي ونبمبرز يبقى جيبنا عيال تشغل الساعات الفاضية الكتييييييييييييييييييير اللي سايبها لنا جوزو
واحنا أكبر نسرح الراجل وعياله كأنهم قطط ونتفرغ لجمالنا وبشغتنا بعد ما يكون الزمن عدى وفات
مراحل يا حلوة
مراحل
حمزة اخباره ايه
والولاد بيعملوا فيه ايه احكي لي :)
وحشاني

تامر علي يقول...

والله أنا شايف ان شخصيتك اضيف لها حاجات واهتمامات اكتر مش قل منها بالعكس زادت :) ليه ؟ لأن الإهتمامات الأولى لازالت قائمة في الباك جراوند :) والاهتمامات الجديدة لأن لها صفة الاستعجال اصبحت في الفورجراوند :) لكن حقيقة الأمر ان الحياة أثقلتك وزادتك حنكة (حلوة حنكة دي ) لاسيما وهي حنكة بتنجانية بحتة :)

هييييييه دونيا :)

تحياتي :)