الأحد، 24 أكتوبر 2010

جه منين !!!!!!!!!!!!!!!!!!!!!!


اللى عايز يعرف القنوات الدينية إتقفلت ليه يقرأ رواية ( ثلاثية غرناطة ) أو يقرأ تاريخ غرناطه أو يقرأ في التاريخ الأسلامي ماحدث بعد سقوط الأندلس .. وبعد ما يخلص يرجع ويقرأ الفتوحات الإسلامية وصلت لحد فين في أروبا ساعتها هيعرف الهلع من أي شئ يمت للدين الإسلامي جه منين حتى لو كان مجرد كلام عااااااااااااادى لناس مسلمين عاااااااااديين يفكرهم فقط بأنهم مسلمين
وليه رجاء ياريت بقى بعد متخلصوا خااااااااااااالص
أرجعوا بقى على رواقه وأقرأو سيرة الرسول عليه الصلاة والسلام هتشوفوا حكاية نجاح رااااااااااائعة إنسان واحد قدر بفضل من الله إنه في خلال 30 سنه يصنع هو وأصحابه رضى الله عنهم بذرة لإمبراطورية كبيرة.. من مفيش لا كان في إصلاح إقتصادي ولاإصلاح سياسي ولا كان في حتى لقمة عيش تسد جوعهم
كان فيه بس كتاب ربنا ودين الفطره إللى أصلح الداخل فصلحت الدنيا وما فيها ..وتأسست المدينة الفاضلة حلم الفلاسفة القديم الذي لم يتحقق ابدا لا قبل ذلك ولا بعد ذلك

هناك 10 تعليقات:

SHAPE YOUR LIFE (ABOALI) يقول...

عندك حق يا ايمان بجد
بس اقولك على حاجة برضوا
الاية حاليا مقلوبة ولازم نفهم دماغ الحكومة والدولة ونعرف نعاملهم ازاى
هى مش عاوزة قنوات تلتف حولها الناس والناس يبقوا كويسين ومحترمين وينتخبوا
هى عاوزهم جهلة فى كل شيىء علشان تسيطر عليهم دايما

علشان كده لما يجى واحد يفتح قناه
لازم يبقى عنده شوية مهارات من المحاورة والمناورة
مثال
يعمل برنامج عن الفنانين بعنوان هذا ايمانهم
والمحاور من تحت لتحت يسئل كام سؤال
يقوم يكشف تفاهة الفنان ده امام الشعب
وحوار مع مسئول مرة ويناقشه فى الجانب الايمانى وهكذا

لما تقابلى تافه ولا تستطيعى ان تتجنبية يا ايمان
يبقى العقل لازم يشتغل ويطلع اسس وطرق علشان يتعامل معاه

ربنا يهدى
ويجعل ليكى نصيب وهداية ممن تسطريه

غير معرف يقول...

كلامك كله مظبوط

تامر علي يقول...

محدش هايقرا حاجه يافندم ريحي نفسك :)))

بس برضو وللأسف مع اعتراضي الكامل والشديد مع غلق هذه القنوات واقراري انها افادت الكثير في محو اميته الدينية الا انها لم تكن تمثل الاسلام التمثيل الصحيح بل تمثيل جزئي .... وكفايه كده يعني :)

ٌرحيـــــــــــــــــــــــل يقول...

Exactly

It's meant to happen though

What to say it's sad


Allahomma 9ali 3ala Sayedna Mohammad of course no one will be like him

(Sorry I don't have Arabic on this computer)

Alaasalim2 يقول...

السلام عليكم

كلامك صحيح بالفعل فهم لا يخافون إلا من كل ما هو إسلامي
ومهما فعلوا وقفلوا وهاجموا فهم الخاسرون في النهاية

إيمان يقول...

أبو على

بجد عندك حق .. وده رايي برضو بس
ساعات بحس أن الموضوع فيه حصار بشكل غريب على كل شئ يمت للدين بصله معرفش ليه أو مكنتش عارفه ليه غير لما تاملت سيرة الرسول عليه الصلاة والسلام وتاملت رد فعل الغرب تجاه الإسلام والمسلمين اللى كانوا في بلاد وقعت تحت سيطرتهم

إيمان يقول...

يوميات شحات

مش كده برضو

نورت المدونه

إيمان يقول...

تامر على

أحيانا فى حالات عموم البلوى
بيبقى القليل أحسن من مفيش
أنا عموما مكنتش متابعه القنوات الدينيه لنفس السبب اللى ذكرته يا فندم .. بس المشكله الهلع اللى بيجي لأي حد لما يسمع عن شئ أنه إسلامي سوا بره ولا جوه ولا حتى عند الجيران
يلا العوض عليك يا رب

إيمان يقول...

رحيل
اللهم صلي وسلم وبارك على سيدنا محمد

نورتي المدونه .. يارب تكوني بخير

إيمان يقول...

علاء

مش مهم مين الخاسر المهم انهم يسيبوا الناس فى حالها
بجد حاجه بقت صعبه جداااااااااا