الخميس، 24 فبراير 2011

عشت وشوفت المصرى قبل الكل .. يارب لك الحمد والشكر من قبل ومن بعد .. وتحيه للقوات المسلحه

الرسالة الاخيره لهشام الجخ
نقلا عن الناس اللى شغاليين فى مصر للطيران والناس اللى راجعه من ليبيا يعنى شهود عيان .. مصر للطيران تعمل بكامل طاقتها لنقل المصريين من ليبيا على نفقة وزارة الخارجية وشركة مصر للطيران .. و الاولوية فى النقل على الطائرات للمصريين فقط ..يعنى المصرى قبل الامريكى والبريطاني والكل كليله .. الحمد لله يارب عشنا وشوفنا المصرى له تمن فى بلده وقبل الكل

هناك تعليقان (2):

تامر علي يقول...

ربنا يديمها علينا نعمة يا رب ومتبقاش كعادتنا شدة الغربال الجديد وبعدين ننام تاني

بالمناسبة أنا آسف جداً على عدم المشاركة في الفترة الأخيرة في مدونة الكتب التي أعتز بفكرتها جداً ولكن الأحداث الأخيرة ومحاولة المشاركة فيها شغلتني , على وعد بالتركيز في المرحلة القادمة :)

إيمان يقول...

الواحد يا أستاذ تامر اتلسع من كل انواع الشوربات لحد ما بقى ينفخ فى التلاجه ربنا يستر .. عندي ثقه غرييييبه في ان ربنا مش هيكسفنا وهنوصل للى احنا عايزينو ان شاء الله
بالنسبة لمدونة الكتب هى حظها كده بقى واللى جرى عليها جرى علينا كلنا
بس عندي فكره لو عندك خلفيه عن اى كتب او روايات بتتكلم عن انتفاضات الشعوب او المرور بفترات انتقاليه حتى لو كانت مزرعة الحيوانات لجورج اورويل ممكن تتكلم عنها او تلفت نظرنا نقراها يمكن نفهم اكتر .. لأنى فعلا حاسه انى مخي اتمسح نطلب منكم المعونه