السبت، 11 أبريل 2009

ست البنات والليالى الملاح .... 1



ست البنات هي أجمل فتيات شارعنا .. أكثرهم ذكاء وأخفهم ظلا ذكائها من نوع خاص جدا ... روحها الجميلة تجعل صحبتها غاية في المتعة
عفويتها التي تفاجئك تجعلك حين تقابلها للمرة الأولى تشعر وكأنك تعرفها منذ سنوات
في طفولتها كان جمالها رائعا .. حتى أنه كان لدى الجميع يقينا بأنها وعندما تخطو خطواتها الأولى نحو الأنوثة سيقف الخطاب ببابها بالمئات
ولتكتمل الروعة كانت ست البنات متفوقة في دراستها ... فحصلت على مجموع كبير في الثانوية العامة مما أهلها للالتحاق بإحدى كليات القمة
وأحتفل الأهل والجيران
وذهب الجميع لتهنئتها بالنجاح والتفوق وعلى لسان الكل كلمة واحده
( عقبال العريس ) وكأن النجاح لن يساوى شيئا إذا لم يكن هناك عريس
وبالرغم من كل شئ داعبت الكلمة أحلامها ولمست وترا حساسا في أعماقها .. فصارت تنتظر ( هذا العريس ) أناء الليل وأطراف النهار
تتفحص ملامحها في المرآة بين الحين والأخر لتتأكد من أنها تستحق
عريسا مناسبا
تحلم به وتنتظر أن يظهرلها فى أى لحظه
وشيئا فشيئا وبالرغم من تفوق ست البنات وإنشغالها التام بالدراسة إلا أن كل شئ في حياتها أصبح يتمحور حول ( عريس الغفلة ) .. وعلى كل حال لم يكن هناك ما يدعو للقلق فست البنات تستحق أفضل العرسان
ولكن وعلى غير المتوقع إطلاقا .. لم يأتي هذا العريس .. وطالت غيبته
حتى بدأ القلق الصامت يسيطر على الأجواء .. وكثر الهمز واللمز ولسان حال الجميع يقول
( فين العرسان )
فإذا قابلتها خالتنا إحسان نظرت اليها بشفقة بالغه وهى تمط شفتيها
في تعجب .. وبدلا من أن تلقى التحية تبادرها بكلمات غاية في الرقة
( هي العرسان إتعمت فى عنيها ولاإيه ..ياعينى عليكى يا حبيبتي ربنا يفرحك ) ولا يخلو صوتها من نبرة أسى على ما آل إليه حال ست البنات
أما الحاجه سعاد فهي امرأة طيبة القلب يعتقد أهل شارعنا أنها امرأة كلها بركة دعواتها مستجابه .. كانت كلما قابلت ست البنات لا تبخل عليها
بالدعوات فتقول بصوت يملأه الخشوع والأسى ( يا حبيبتى يا بنتي ربنا يسعدك ويرزقك بابن الحلال ويطمن حبايبك عليكى )
أما الست فوزيه والدة ست البنات فقد كانت تتظاهر بالصلابة وتتدعي عدم القلق .. ولكن قلقها كان واضحا جليا لكل من حولها فهي دائمة النقد والتوجيه للمسكينة ست البنات ( إلبسي كذا .. متلبسيش كذا .. إعدلى ضهرك .. إفردى جسمك وانتى ماشيه .. وطى صوتك .. انتى بتاكلى كتير كده ليه .. انتى مبتكليش كويس ليه ........إلخ )
وبلغ بها القلق مداه بعد خطبة مروه صديقة ابنتها .. وهي الأقل جمالا وذكاءا
وبدلا من أن يصبح ( العريس ) مجرد أمنية جميلة أو حلم رقيق صار ضرورة وإلا سيتم إتهامها بالعنوسة مع سبق الإصرار والترصد
وبالرغم من انها لم تبلغ عامها الثالث و العشرين بعد .. وبالرغم من إنشغالها بدراستها إلا أنها ولكونها فتاة جميله ومن أسرة محترمه فهي إذا وبمعايير السوق ( حالها واقف ) .. لم يشفع لها تفوقها ولا دماسة أخلاقها
ولا كونها من أسرة محترمه بل بالعكس قرر أهل شارعنا وبناء على ذلك
إعطاءها عدة شهور قليله قبل أن تتخرج من الجامعة وإلا سيتم إطلاق لقب عانس عليها حتى ولو تأجل إستخدامه علنا لعدة سنوات أخرى
وفى خضم هذه المعمعة .. جاء الفارس المنتظر على حصانه الأبيض
!!!!!!!!!!!! ... أقصد في سيارته الحمراء يحمل كعكة من النوع المفتخر جدا ... ولأن غيابه كان قد طال ولأن الجميع كانت تقتلهم لهفة الإنتظار فلم يطيل الأب التفكير ولم يدقق في السؤال ... وتمت الخطبة بشكل سريع
بين أجواء غاية في الروعة والرومانسية تألقت فيها ست البنات بفستانها الوردى و بدت وكأنها أميرة من زمن الحكايات .

يتبع
.

هناك 45 تعليقًا:

MaNoOoSh يقول...

اول تعليييييييييييييق
مش عارفة حاسة لية ان الحكاية دى اخرتها عياط
اصلى شفتها كتير وعيشتهل مع ناس بحبهم
ربنا يستر ومتطلعش نكد بقى

إيمان يقول...

MaNoOoSh
اهلا اهلا
اتطمنى خاااااااااالص
القصه ولو أنى مش عايزه أحرقها
بس مش عياط خااااااااااالص
بس يعنى لازم يكون فى شوية عياط قبل اللى مش عياط
بحبك ومنوره يا قمر

Lady E يقول...

( عقبال العريس ) وكأن النجاح لن يساوى شيئا إذا لم يكن هناك عريس

ههههههههههه انا شكلي كده اعرف ست البنات
هما الناس اصلا مبتسبش حد في حاله

قصة جميلة جدا بجد وانا محضره حاجة شبه القصة دي في الكتاب بتاعي بس بأسلوب ساخر :))))

تسلم ايدك بجد ودي مش مجاملة

وبعدين ليه مش بتزوري البلوج بتاعي عاااااااااا

لجين أبو الدهب يقول...

23 سنة وهايطلق عليها لقب عانس !!

ليه ان شاء الله ..

انا متفائلة بالقصة خير ..

وإنه هايبقى تحقيق حلم جميل ان شاء الله ..

يارب يكون كده ياايمى ..

متابعة حبيبتى ..

SHAPE YOUR LIFE (ABOALI) يقول...

احكى يا باشا وقول
عن ست البنات وكل اللى فات
احكى
عن الاسرة وجيران الحته
احكى عن الانوثه
والبنت الحلوه النانوسه
احكى عن التعليم
والتفوق والريجيم
احكى عن الام
فين كان الاب
احكى عن الاصحاب
وفين كانوا الاحباب
احكى عن الواقع
واكيد الدنيا فيها قواقع
احكى عن العريس
فارس بين قصرين
احكى عن ست البنات المصريه
اللى قلبت كيان الوطينة
حبة يمين وحبة شمال
حبة شخصية وحبة برجوازيه
احكى عن ست البنات
وماتنيش
ان لكل راجل الان
ست ستات مش ست بنات


منتظر الحكايه

شاب كــ طخين ـــــا يقول...

لسه مخلصتش كليه وهتبقى عانس ليه
بس وصفك للست البنات جميل اوى
شايفها حد طيب وجمييييل اوى

بس زى ما قالت مانوش شكلها فيها عياط :D

قصة جميله يا ايمان
ومتابع
يارب تتجوز وتروح بيت العدل بخير بس قلبى مش متطمن :D

فى رعاية الله
سلام

wesoooooooooo يقول...

السلام عليكم
ربنا يستر والنهايه تبقى سعيده
انا متفائله خير ان شاء الله
تقبلى مرورى
تحياتى

MǿиY El-Shreef يقول...

شكل النهايه هتخليني اجيب علبه المناديل جمبي

عاااااا

والنبي يا ايمان ماتزعلي البنيه

ماصدقت تفرح

بس بجد انا اصلا زعلت عليها

وفرحت اما جه العريس

بس طريقه دخلته دي

ربنا يستر

مستنيه

احساس طفلة محبة للرومانسية بس واقعية يقول...

تؤتؤتؤ انا عارفة انك هتخليفها واقعية
بس سعيدة او على الاقل مفيهاش عياط
صح :)
فى ست البنات في زيها كتير مجربتش احساسها بس عارفة قد اية المجتمع بيظلم ساعات وقد اية بيحكم بقسوة تسيطر عليها افكار وعادات خاطئة يارب بابها ميكونش اتسرع اوى لحسن بدل جرح العنوسة يبقى معاه جرح مشاعر كمان

كملى يا ايمى بستمتع وانا بقرائلك قصة على اجزاء

تقبلى مرورى

غير معرف يقول...

ربنا يسترها علي ست البنات ومايطلعش عريسها ده حد وحش هي تستاهل كل خير بس فعلا مجتمعنا رغم تغير معتقدات كتير عنده الا ان وجود اي عريس يشغل بالهم اكتر من وجود عريس مناسب ترتاح ليه ست البنات وتحس معاه انه فعلا ونيسها............ شيماء العسيلي...............

۩ Nour ۩ يقول...

السلام عليكم ..

ما بين عقلاً مزهراً ببستان المعرفة وتألق يضاهى لمعان الماس يرادو ست البنات ذلك الاحساس المستمد من ذعر من يسرسب لها ذلك القلق وما يخلفه من احساسً داخلياً ليزرع الوانا هشه من اليأس المخلوظ بعلامات الاستفهام بالنظر لمن يقطن بحيها..

لتجد نفسها تنعت بلفظ يكبر قبلها الطفولى..
ولكن جل ما نخشاه أن تكون بوابة الاحلام القت لها ببعضاً من احلامها لتتهشم على ضخرة الواقع الاليم..

عزيزتى إيمان مررت من هنا...
وفى انتظار ما رادو ست البنات وما خبأته لها الايام فى جواربها العميقة.. وما تحوية الحكاية من قضايا..

دمتِ بخير ..

assafo anaroze يقول...

ايمان
ربنا يجيب العواقب سليمة من تتمة هذه القصة
لان استعجال الشيء دون وصول زمن وقوعه يعاقب بحرمانه او مشكلة منيلة حتجي على نفوخه
مودتي

Ahmed يقول...

سيارته الحمراء?
وشيكولاته من عند بشانيل؟!!!
هيا بتبدأ كده

تامر علي يقول...

قصة متكررة فعلاً ... تفسيرها الوحيد هو القضاء والقدر ... أحياناً أتعجب من بعض الشباب الذي يتمتع بكل المواصفات التي ترشحه لزواج مثالي ..ثم يكون للأقدار تصاريف أخري

ربنا يسترها من التسرع :)

الشموع البيضاء يقول...

اييييه ده بقااا فين الباقى
منتظريييييين
تحياتى لقلمك الحساس الراقى

إيمان يقول...

ليدى هانم الجميله
مين قال انى مبزورش مدونتك طبعا بزورها دايما
انا بس مش بعلق لأنى حسيت فى الفتره الأخيره انك مشغوله جدا وان التعليقات بتكون لود عليكى
يارب نفرح بكتابك قريبا
ويكسر الدنيا
ونقف طوابير ناخد التوقيعات
قولى آمين

إيمان يقول...

لجين أبو الدهب
يا سلااااااااااااااااام عليكى
وعلى روح التفاءل تبعك
ان شاء الله خير
ويعنى مقدرش اقولك توقعك سليم ولا لأ
بس يارب متزهقوش منى ولو ان شكلكم زهقان من دلوقتى

إيمان يقول...

ABOALI
اممممممممممممم
شكلك زهقان والله بس طيب هنحكى

وبعدين الأب مش بعيد

لكن انت عارف الرجاله فى المواقف دى بيفضلوا الصمت عقل وحكمه بقه
يعنى يارب لو فى عندك اى ملاحظه عن سياق القصه
متخليهاش فى قلبك قول علطول رأيك يهمنى جدا
تحياتى وتقديرى

إيمان يقول...

أمبارح كان عمرى عشرين
منور جدا وسعيده بمتابعتك جدا
يارب يعنى متزهقوش منى
وطولوا بالكم معايا
هى القصه فيها عياط طبعا
وكمان فيها حب وفرحه وحاجات كتييييييير
ربنا يستر ومتتخنقوش منى

إيمان يقول...

wesoooooooooo

ان شاء الله ياجميل النهايه هتكون بنت حلال
غريبه جدا كلكم خايفين من النكد كده ليه
سعيده جدا بمرورك
يارب ضيفه دائمه

عاشقه الرومانسيه يقول...

حكايات ايمى
اثاره
تشويق
ومتعه
هههههههههههههه
يابنتى حرام عليكى بطلى تعليقينا كده
عموما كل شئ نصيب
وانا شخصيا التجارب اللى باشوفها حواليا علمتنى الصبر
فى انتظار الباقى ياقمر

إيمان يقول...

احساس طفلة محبة للرومانسية بس واقعية
بجد بحبك بتفهمينى علطول من غير سؤال
بصى هى القصه هكتبها بشكل مطابق للواقع تقريبا
لأن عندى يقين ان الواقع اكثر تشويقا واثاره من الخيال الف مره الواقع فيه الحب والكره والنجاح والفشل كل شئ ممكن تلاقيه فى قصه واحده ودايما الواقع نهايته مبتكونش حزينه وغالبا هو مالهوش نهايه أصلا غير بنهاية الحياه

إيمان يقول...

شيماء
كلامك بجد عاقل جدا
المهم عندنا يكون فى عريس وخلاص طيب هل العريس ده مناسب ولا لأ
هو ده السؤال اللى بنحاول نستهبل ومندورش على إجابته
يارب تنورينى دايما

إيمان يقول...

Nour

وعليكم السلام
ايه النور ده كله بجد نورتى كل المدونات بقلمك
اسجل اعجابى بكلماتك المنمقه الى أبعد حد
يارب منورنى دايما

إيمان يقول...

assafo anaroze

استعجال الشيء دون وصول زمن وقوعه يعاقب بحرمانه

اها هو انت كنت معانا ولا ايه

ولا عندك الحاسه السادسه

إيمان يقول...

أحمـــــــــــــد أبو العلا
هههههههههههه
ههههههههههههه
هههههههههههههههههه
شيكولاته من باشانيل !!!!
والله الحقيقه هى كانت تورتايه من ساليه سوكريه
بس انت عارف خفت الحاج صاحب بلوجر يفتكره اعلان
وتبقى مشكله الشهر ده بايظ اصلا مش ناقص

إيمان يقول...

تامر علي

قصة مكررة .!!! امممممممممممممممم
طيب ماشى ربنا يسامحك
طبعا النصيب دايما غلاب والخيره دايما فى اختيار الله سبحانه وتعالى

إيمان يقول...

الشموع البيضاء
اممممممم
يعنى والله الباقى
قريبا جدا انتظرونا
ايه النور ده كله

إيمان يقول...

عاشقه الرومانسيه
أولا غايبه عن أول تعليق
ثانيا مش عقب الإثاره والتشويق
هو فى ايه انتى قالبه عليه ليه
مش كفايه عاشقه وغلبانه
عااااااااااااااااااا

تامر علي يقول...

على فكرة
متكررة ...غير مكررة

متكررة يعني فيها تجربة انسانية تتكرر ...انما مكررة يعني قديمه:)

انا أقصد الاولى طبعاً:)

إيمان يقول...

تامر علي
طيب منكم نستفيد والله
انت عارف اللغه بتاعتى يعنى
متسمحليش اعرف الفرق بين مكررة ومتكررة
الحمد لله كنت لسه محضره كوباية شاى بالنعناع
بس شوفت التعليق ده
مليش نصيب أنحرف
الحمد لله

ELMASRYA - MRS WRITER يقول...

حبيبتي إيمان اللي غاوية تكتب حكايات جميلة وتسيبني منتظرة بلهفة باقي حكاياتها

وحشتيني ولو انك مالاحظتيش غيابي عن مدونتك رغم إني من المتابعين

على العموم سبب غيابي هتلاقيه هنا في مدونتي بنات أفكاري

http://banatafkarie.blogspot.com/

بالنسبة لست البنات مش عارفه ليه خايفة يكون استعجال أهلها إنها تتخطب علشان الناس ماتقولش عليها عانس هيورط ست البنات في جوازه مايعلم بيها إلا ربنا

أتمنى إن ظنوني تكون في غير محلها ويسعد ست البنات هي وكل بنات المسلمين

خالص مودتي ودمتي سالمة

dodda يقول...

اولا الصوره حلوه اوىىىىىىى

والحكايه كمان
لس ربنا يستر عليها وعلى كل البنات
اصل اللهفه ع العريس دى بتجيب
ورا!!!

إيمان يقول...

المصريه حبيبتى
مين ده اللى مالاحظش غيابك
والله واخده بالى جدا جدا
بس قولت يعنى أكيد مدونتى مبقتش تعجبها
حقها برضو يابت بلاش تبقى رخمه وسبيها براحتها
والله هو ده السبب انا بس حسيت انك عايزه تبعدى
فسبتك براحتك .. ولو انى كنت زعلانه جدا ومفتقده وجودك جدا
على العموم وحشتينى مووووووووت وحمدلله على سلامتك يا قمر
يارب تبطلى غياب شويه وتركزى معانا

إيمان يقول...

dodda
اهلاااااااااااااا
اهلااااااااااااااااااا
بجد وحشاااااااااااااانى جدا
حمدا لله على السلامه
منوره يا دودا
يارب تكونى قضيتى اجازه تدوينيه جميله
كويس ان الصوره عجبتك لانها عجبانى جدا

Lady E يقول...

بالعكس انا بفرح بالتعليقات مش بتكون لود ولا حاجة
ردي بس وبلاش تبقى حجة التلميذ مسح السبورة نياهاهاها
وبعدين أقولك سر المفروض انتي ودكتر ستيتة اللي تعملوا كتب لأن ما شاء الله اسلوبكم متميز جدا ويفوق اسلوبي في الكتابة بمرااااااااحل
منتظرة باقي قصة ست البنات

Lady E يقول...

ايون وكمان هعتبر ده وعد ان لما ان شاء الله اعمل الكتاب واعمل حفلة توقيع تحضريها :))

احلام بس عايزة اخد وعد من دلوقتي :)

يــوم جــديد يقول...

أول حاجة : الصورة حلوة أوي
تاني حاجة : كلماتك منتقاة بعناية والأحداث متسارعة ومفصلة في آن واحد
ثالت حاجة : عجبتني أوي القصة ومنتظرة الباقي
رابع حاجة : للأمام دائما يا حبيبتي

عاشقه الرومانسيه يقول...

واضح ان فى تراجع فى اول تعليقات بالنسبه للعاشق
ان كانت رومانسيه ولا غلبانه
التعليق الاول اصبح بالنسبه لى حلم
عاااااااا
مش باعرف امارس هوايتى
بس انا عن نفسى ظروفى بتيجى معاكى كده
اعمل ايه بس؟
والله غصب عنى ياايمى النت بعافيه شويتين وانا ظروفى مع الشغل مكعبله شويه
بس مش نسياكى برضه ياقمر
حد يقدر ينسى روحه
(:
دعواتك
بحبك

GiGi world يقول...

قصه حلوه
مستنيه على نار اللى بعد كده

إيمان يقول...

ليدى السكر
شكرا على التشجيع
بجد كلامك الجميل أسعدنى جدا
ولايهمك انا بس والله فهمتك غلط
خلاص كدا استبينا
وزال سوء الفهم
شكرا على المتابعه يا ست البنات
موووووووووووه

إيمان يقول...

يــوم جــديد
أهلا بالحلوين
شكرا على المتابعه الجميله
والقراءه المميزه
تحياتى ليكى ولمدونتك الجميله

إيمان يقول...

عاشقه الرومانسيه
تنورينى فى اى تعليق التانى الأول العاشر
المدونه مدونتك تنوريها هو ده المهم
بحبك

إيمان يقول...

جى جى
اهلااااااااااا
حمدالله على السلامه ياجميل
نورتينى وانستينى
يارب القصه بجد تعجبك
يهمنى جدا نقدك لو فى حاجه مش تمام

ريما الشهري يقول...

\

\

ايمي..

شوقتينا للأحداث

ان شاء الله تكون سعيدة

ننتظرك ياسوسنة البلوجر

دمت بخير