الأربعاء، 8 أبريل 2009

نظرية الناس اللى ميتسموش فى السيطره



قرأت فى كتاب
الأمير لمكيافللي نظريه رائعه يستطيع بها

الأمير (أمريكا أو إسرائيل مثلا) السيطره على المدن التى كانت

قبل إحتلالها تعيش فى ظل قوانينها الخاصه
( العراق أو فلسطين مثلا أو حتى الشرق الأوسط)

يقول مكيافللي أنه لا سبيل لحكم مثل هذه المدن إلا بثلاثة سبل

1_تجريد هذه المدن من كل شئ ( واخدين بالكم تجريدها من كل شئ )

2_أو يذهب الأمير المحتل ليقيم فى ربوعها بنفسه

3_أو أنه يسمح لأهلها بالعيش فى ظل قوانينهم الخاصه

ولكن بعد أن يخلق فيها حكومه تعتمد على الأقليه المواليه للحاكم وتدرك

مثل هذه الحكومه أنها تعتمد فى بقائها على صداقة هذا الأمير وحمايته

لذا فهى تبذل بالغ الجهد للحفاظ على مثل هذه الصداقه

ولكن يحبذ مكيافللي السبيل الأول .. إذ لا وسيله للحفاظ على مثل هذه المدن

إلا عن طريق تجريدها من كل شئ لأنها ستجد دائما الحافز على العصيان

باسم الحريه وباسم أعرافها القديمه التى لن يسدل الزمن عليها سجف النسيان

فإنه لن يستطيع أن ينسى أهلها أسم مدينتهم أو أعرافها إلا إذا مزقهم شر ممزق

وفرقهم شيعا .. فهم دائما سيظلون ذاكرين هذه الأعراف ينشدونها بلا ملل

أعزائى هل تجدون حقا أدنى تشابه بين هذه النظريه
( اللوزعيه ) وما تطبقه أمريكا

من نظريات فى المنطقه .. أوما تطبقه إسرائيل فى فلسطين

هل نحن الأن حقا أمه يتم تجريدها من كل شئ .. كل شئ حتى القيم والأخلاق

حتى الأمل فى غد افضل ..


تنويه : كتاب الأمير لمكيافللى كتاب سياسى قديم يرجع اليه كثير من الزعماء والقاده
فى العالم الكتاب تم تأليفه منذ 400 عام

هناك 38 تعليقًا:

مهندس / على درويش يقول...

احجز الأول



وبعدين التعليق

مهندس / على درويش يقول...

والتاني كمان

د/عرفه يقول...

مش هتحجز التالت على
هههههههههههههه

د/عرفه يقول...

نتكلم بقى
فعلا مهم اوى ان احنا نعرف عدونا بيفكر ازاى
موضوع جميل فعلا
بس ياريت يكون فى حد يتعظ
من الكلام ده

حسام غانم يقول...

والله هو الكتاب ده أنا سالفه من القبلاوي صاحبي بقالي فترة

ولسه مخلصتوش

بس كتاب رائع جدا

وبيعتمد إن نفس النظريات دي بتتكرر منذ فجر التاريخ

بس اللي يتعلم بقى

لجين أبو الدهب يقول...

من 400 سنة ولسه السياسة بتتطبق واحنا ما اتعلمنش ..

ياااااااااربى ..

بس البند التالت ده مطبق علينا بثلث ..

انا شايفة ان امريكا بدأت تطبيق البنود معانا من تحت لفوق ..

وبما انه مش محتاج يقيم بنفسه فى ربوعه لانه غائب حاضر بحكامنا ما شاء الله عليهم ..

فالبند التالت متحقق شووووور والمبدأ الاول بيتحقق الان ..

حسبنا الله ونعم الوكيل ..

جزاكِ الله خير ايمى على نقل المعلومة ..

دمتِ بخير حبيبتى ..

لجين أبو الدهب يقول...
أزال المؤلف هذا التعليق.
شاب كــ طخين ـــــا يقول...

زى ما قولتى فيه تشابه كبير بين الاذكره ميكافللى وبين الابتعمله فينا امريكا دلوقتى
على الاقل تجريدنا من قيمنا وثوابتنا

بس من 400 سنة ولسه شغال
ده الراجل ده دماغة كانت رهيبة اوى

دمت بكل خير
سلام

ستيتة يقول...

السؤال بقى لما كل البشر قرأوا كتاب ميكيافيللي وكمان اللي مقرأش يقدر يقرأ
طب ليه احنا ماشيين ع الخطة تفصيليا
هل بلغ بنا الضعف مبلغه اننا منتقدرش نحيد سم عن طريق خراب مرسوم
ده عامل كأن واحد واخدك يرميكي في البحر وانتي عارفه وفاهمة ومع هذا سايبه له ايدك وماشية معاه

استسلام ضعف خوف عمالة كل دول هم سر مشينا في اتجاه البحر مباشرة

اللهم اصلحنا واستعملنا ولا تستبدلنا

SHAPE YOUR LIFE (ABOALI) يقول...

فى مقولة لسيدنا عمر بن الخطاب قال فيها
كنا اذلة فاءعزنا الله بالاسلام فاءن ابتغينا العزة فى غيره اذلنا الله

ونحن اتجهنا الى الغرب اتجاه بلا وعى ناءخذ منه مالذ وطاب ولكن ليس فى اتجاه التقدم والعلم
وانما الاباحية وغيره

وهناك قول للرئيس الامريكى روزفلت يقول فيه

لن يستطيع احد ان ياءخذ حريتك الا اذا اعطيتها له


يا امتى
قد لعبت بكى الامم
وانتى خير الامم_
فهل لك من طريق نجاه
ام ستظلين اضحوكة الامم_
يا من تبحث عن الحياه
ابدء بمنهج انزله
رحمان رحيم
من سبع سموات
على نبى هو والله رحيم
نور" ورحمه منه
هو السراج المنير
ان اردت النجاح
فعليك بالدين
ان اردت النجاح
فعليك بالدين
ان اردت الرزق
فعليك بالدين
ان اردت العزة
فعليك بالدين
وان اردت الله
فعليك باءضاة شمعة قلبك
لترى انه فيك
وهو اليقين


بوست ذو هدف ومعنى احييكى عليه
وله مغزى
فلك كل الشكر والتحية


تحياتى

احساس طفلة محبة للرومانسية بس واقعية يقول...

بنشبة اية انتى بتحكى واقع حالنا اليوم
مش من 20 سنة حتى مش 400

بس قوليلى انتى اية اللى وداكى هناك
خليك واقعية بس مش اوى كدا
بعدين ندور عليك منلقكيش
هتقلقينا عليك لية
:)

جد بقى
انا اعتقد ان فى مشكلتين
الاولى انهم عارفين وفاهمين هم بيعملوا اية
والتانية اننا احنا كمان عارفين هم بيعملوا ابة
وعارفين ان الحال كل يوم اسواء من اللى قبلة
بس ساكتين وماشين

ساكتين وماشين لية ؟
الخوووووووووووووف والضـــــــــــــــعف يهدو احسن بلد ويدمروها ودول بقى متأصلين فينا

زى ما يكون طفل خايف من عقاب مامتة فماشى بيبكى من غير صوت وراها

تقريبا احنا اصبحنا كدا للاسف
تقبلى مرورى

مهندس / على درويش يقول...

انا أري أنهم فعلا طبقوا هذه النظريات علينا نحن فقد جردوا منا بعض القيم والمبادئ التي كان من المروض ان نحافظ عليها ونتحلي بها

فاصبحنا نحن الأن نري تقدم الغرب ونحاول جاهدين مطابقه افعالنا بأفعالهم لعلنا نواكب العصر الذي يعيشون فيه والذي يسمونه بعصر الحريه

فاصبحنا نقلدهم في ملبسهم العاري وأشياء أخري يستحي حتي القلم من ذكرها

ولكن وللاسف نحن تضيع من بين ايدينا أخلاقنا
نراها كل يوم تنساب بين أقدامهم ليمحو أي اثر لها
فواخجلاه مما فيه أمه نحن منها وفيها
امه بعضها لا يريد الحفاظ والأخر يريد الحفاظ وهنا أيضا تظهر باقي كلمات الكاتب في التفرقه بين أفراد الشعب والأمه الواحده


الموضوع جميل تحياتي

تامر علي يقول...

المبادىء الميكافيلليه للأسف لايتم تطبيقها بواسطة الإمبرياليه العالمية المتحسدة في شخص أمريكا أو أوروبا أو اسرائيل لكن (للأسف) يتم تطبيقها داخلياً بالحرف الواحد فكل الغايات وإن كانت غير شرعية أو حتى (حقيرة) أحياناً تبرر لنا الوسائل المؤدية إليها ...فالشرطي يعذب من أجل (الأمن) .. والحكومة تزور من أجل (الاستقرار) ... والموظف يرتشي من أجل (تحسين الدخل)
بصراحة أنا لا ألوم على أي قوى في سعيها للحصول على مصالحها من أعدائها بالشكل الذي تراه ملائم ..لكن ألوم على من باع نفسه للشيطان بلا ثمن الا بمجرد حياة من الضنك

تحياتي على هذا العمل الرائع والرؤية الثاقبة:)

إيمان يقول...

مهندس / على درويش

أهلا بيك فى أول تعليق وتانى تعليق
والتعليقات كلها مش خساره فيك المدونه مدونتك
يا باش مهندس
أما بالنسبه لعمايلنا السوده ومشينا ورا الغرب
فى اللبس المنيل والمظهر
دى قصه شرحها يطول
الموضوع أشبه بقصة البيضه والفرخه
التعليم مفيهوش اى شئ ليه علاقه بالدين ولا الأخلاق
والتلفيزيون قايم بالواجب وزياده
الأهل مشغولين بلقمة العيش
ولو قعدوا مع أولادهم بيقعدوا علشان يذاكرولهم
طيب تيجى منين الأخلاق والقيم
امال تفتكر تجريد الأمم من الخلاق يجى ازاى
يجى بالسياسه واللعب على كبير وطولة البال تبلغ الأمل

إيمان يقول...

د/عرفه
يعنى على الأقل كل واحد يبدأ بنفسه
يخلق لنفسه حلم كبير وهدف
ويحارب علشانه
اكيد احنا بعد عشر سنين لو 10% ممنا حققوا أحلامهم
حالنا يتغير أكيد
أعتقد ان ده أضعف الإيمان
مش فكره برضو ولا ايه رأيك

مسدس صغير يقول...

والله كلام يستحق القراءة
بصراحة كده انا محبش حد يقعد يتكلم فى موضوعات تافهه وفى الاخر منطلعش من الموضوع بحاجة
انا شايف ان التدوين ده رسالة ولازم نكملها على اكمل وجه.
اما بالنسبة للموضوع فهو اكثر من رائع
نظرية ميكافيللى هذه مطبقة فى منطقة الشرق الاوسط بحذافيرها
مبدأ " فرق تسد "
انهم لا يجعلون الناس فى بلادنا شيعا فحسب انهم يجعلوهم شيعا متناحرة متقاتلة حتى لا تقوم لهم قائمة فى يوم من الايام وهذا هو الواقع الاليم الذى نحياه
ان ميكافيللى فى نظريتى هذه قد فسر لنا عملية الشرق اوسط الجديد وخارطة الطريق واشياء اخرى لا يراها الا صاحب العيون.
احييكى على البوست الرائع وكفى

عاشقه الرومانسيه يقول...

سياسه؟
تانى ياايمان؟؟؟؟؟
انا ماليش فى السياسه يااختشى
مش خوف والله ولكن عدم فهم فيها
السياسه صداع وانا مش بحب الصداع
انا واحده رومانسيه وبسسسس
ارجعى بقى للبوستات الجميله بتاعتك ومتعينا

MǿиY El-Shreef يقول...

ماهو هما بيعرفوا يستفادوا من كل حاجه ويطبقوها صح

وبالذات لو الحاجه دي تخدم مصالحهم ورغباتهم ف السيطره ع كل حاجه

واحنا طبعا ماعندناش ف قادتنا اذكيا يقدروا يقروا كتاب زي ده ويستخلصوا منه فوايده وحكمه

ومنها الطرق المضاده للحجات المذكورة ف الكتاب

بيتهيألي انه موجود ف مكتبه كل قائد عربي

بس مين الي يقرا

يارب تكوني بخير يا ايمي

وحشتيني

assafo anaroze يقول...

سيدتي
بالفعل نحن في مسار تجريدنا من كل قيمنا و ثقافتنا و حضارتنا
لسنا وحدنا بل العالم كله يسير نحو تنميط ثقافة العالم باجمعه في اطار ثقافة الراسمالية و عولمة الثقافة في ظل هذه الانظمة التابعة لسادتها الراسماليين
مودتي

blue-wave يقول...

هم يجيدون فن السيطرة
ونحن نجيد فن الإستسلام

القدر و انا يقول...

ايمان
موضوعك جامد جدا وخطير
الحقيقة انا باتفق مع تاملر على فى رده
الناس فعلا اخده اسوء ماكتب ميكافيلى عن الغاية تبرر الوسيلة مهما كانت هذه الوسيلة
ربنا يصلح احوالنا واحوال المسلمين
متسلم ايديك

ايمان روحي يقول...

بجد والله من القهر مش عارفه شو احكي
بس حسبي الله ونعم الوكيل عليهم ولاد المفتريه دول
ههههههههههههه
مفروووووووووووسه
والعالم لسه نايم
ياري يصحوا يارب
تحيــــاتي

MaNoOoSh يقول...

فعلا يا ايمان احنا يتم تجريدنا من كل القيم والاخلاق الصالحة
ولكن للاسف بارادتنا الحرة.. ولا نلومن الا انفسنا فى النهاية.
تحياتى يا قمر

إيمان يقول...

حسام غانم
الكتاب فعلا يستحق القراءه
لكن انا حسيت ان دى اكتر فقره تهمنا
الكتاب عموما مش كبير
حاول تقراه اكيد مش هيعجبك
هههههههه
منور يا دكتور

إيمان يقول...

لجين أبو الدهب
بصى يا بنتى الموضوع مش موضوع 400 سنه
القصه اننا رغم وجود الكتاب بين ادينا
الا اننا فله وفى الطراوه
بحبك ومعلش المره دى سياسه بس الكلمتين وجعونى
جدا وفهمت ان اللى بيحصل تظبيط من الكبير أخر حاجه وسمعنى أغنية وطنى حبيبى

إيمان يقول...

أمبارح كان عمرى عشرين
شوفت أربعين سنه والكتاب بتاعه لسه بيبيع
زمانه جمع ثروه مهوله
ههههههههه
ههههههههه
راجل فحيت موت

إيمان يقول...

ستيته حبى الكبير
لما بقرأ تعليقاتك بيجيلى ازبهلال
لأن الاسئله اللى حضرتك بتسأليها دى
هى أول شئ نط فى دماغى فورا اول لما قرأت
هذا الكتاب
غريب حالنا غريب جدا

إيمان يقول...

ABOALI
ايوووووووووون هو ده الكلام يا فندم
العزه فى دين الله بس
وأى شئ تانى ممكن يجلب لصاحبه الزل مش العزه
تسلم ايدك
واسمحلى اضيف جزءمن التعليق للبوست

إيمان يقول...

احساس طفلة محبة للرومانسية بس واقعية
يا سيتى بقه ادينا بنتفك معاكم بكلمتين
يعنى تفتكرى هما ليهم لازمه ولا هيغيروا حاجه
خليها على الله
بحبك مووووووووووووه

إيمان يقول...

تامر على

بصراحة أنا لا ألوم على أي قوى في سعيها للحصول على مصالحها من أعدائها بالشكل الذي تراه ملائم ..لكن ألوم على من باع نفسه للشيطان بلا ثمن الا بمجرد حياة من الضنك


يا سلاااام انا شخصيا هذا رأيي وغلبت أفهمه للناس طبعا محدش عبرنى كل واحد يهمه جدا انه يطلع مظلوم
اى قوى بتسعى لتحقيق ذاتها انا احييها واحترمها
والمفروض اسأل نفسى انا بقه عملت ايه
ولزمتى ايه

إيمان يقول...

مسدس صغير
سعيده جدا بمرورك وبتعليقك المميز جدا
انا أتفق معك جدا فى موضوع التدوين
وفعلا الحج مكيافيللى فسرلنا البلاوى اللى بتحصل
تحياتى ودمت بكل ود

إيمان يقول...

عاشقه الرومانسيه
معلش يا جميل
هنقلب المحطه على برنامج غير الجزيره
قريبا جدا انتظرونا

إيمان يقول...

مونى السكر

بيتهيألي انه موجود ف مكتبه كل قائد عربي

بس مين الي يقرا

طبعا اكيد الكتاب موجود فى مكتبة كل قائد
بس يعنى هم فاضيين للكلام الفارغ ده
اكيد لأ
منوره يا جميل

إيمان يقول...

assafo anaroze
المشكله ان العالم كله يعانى من ضياع
القيم والأخلاق وكانها عدوى لا يمكن السيطره عليها
وأخطر شئ ضياع القيم والأخلاق
لأنها دايما هى اللى بترد الإنسان للطريق السليم
وقت اللزوم

إيمان يقول...

blue-wave
خير التعليقات ما قل ودل فعلا كلمتين من الأخر
تسلم ايدك
دمت بكل ود وسعاده

إيمان يقول...

القدر و انا
منوره يا جميله
انا كمان اتفق مع راى تامر على جدا
وخصوصا فى الجزء الأخير
اللهم انا نسألك العفو والعافيه فى الدنيا والأخره
قولى آمييييييييين

إيمان يقول...

ايمان روحي
ربنا على الظالم والمفترى وابن ال.........
وحسبنا الله ونعم الوكيل

إيمان يقول...

MaNoOoSh
ايووووووووووووه
ولا نلومن الا انفسنا
صح صح جدا