الأربعاء، 15 أبريل 2009

بلاد ما وراء الحزن ......


بلاد ما وراء الحزن .. مجموعة قصصيه رائعة للأستاذ / تامر على صاحب مدونة

الدنيا ريشة وقلم

وهى أصداره الأول ( على ما أعتقد ).. وتعتبر المجموعة بداية جيدة جدا للكاتب حيث

تحتوى المجموعة على سبعة عشر قصه قصيرة لكل منها أسلوب سرد

مختلف .. وتناقش موضوعات مختلفة .. تم عرض الموضوعات بشكل جيد جدا

لا يخلو من التشويق وبعض الخيال

نتمنى للأستاذ /تامر على مزيدا من التقدم .. وفى انتظار الإصدار القادم ... المجموعة متوفرة فى دار آفاق للنشر والتوزيع75 شارع القصر العينى .. المجموعه متوفره على ملفات وورد من يرغب فى الحصول عليها يرسل ايميله للكاتب على tame472@gmail.com

من أكثر القصص التى أعجبتني قصة ( السر ) .. أترككم مع جزء منها

الســــــــــــر

مع نسمات المساء العليلة التى تبعث فى نفسك شعورا لا نهائيا بالملل والخدر

حينما تحس أن ما مضى من حياتك لم يكن بهذا القدر من النجاح أو الفشل

الذى أردت له أن يكون ... عندها تتمنى شيئا ما يكسر هذه الرتابه وهذا الضجر المترسب عبر سنين عمرك على جدران حياتك الماضية

جلسا في صمت تتخلله كلمات قصيرة حول نقلات قطع الشطرنج أمامهما

لم يكن أى منهما يدرى حقيقة مشاعره تجاه الأخر لذا كانت فترات الصمت أطول من تلك المصحوبة بكلمات ... وبلا مقدمات هدم ( حسان ) ترتيب القطع على الرقعة بكلتا يديه ونظر إلى ( صبري ) نظرة جعلت الأخير يتجمد للحظات

_ ما رأيك لو نكسر هذا الملل ونلهو قليلا ؟

_ .................كيف ؟

_ سوف نلعب كما لم نلعب من قبل

_ ..............

_ نظرية الحافز

_أكمل .............

_سوف نلعب بدافع ما .. دافع قوى

_ وما هو دافعك يا سيد حسان ؟

_الخاسر فى المرة القادمة يتعين عليه إفشاء سر ما .. سر لا يعلم

أحد عنه شيئا .. شئ ما بين الشخص ونفسه .. شئ من تلك الأشياء

التي لا تقال يا سيد صبري .. إنك تعرفها بالطبع

نظر إليه صبرى قليلا ثم قال

_ومن يضمن أن المهزوم سيقول الحقيقة أو سيقول أي شئ أصلا ؟

_ كلمة الشرف ... ينتعاهد على ذلك بالشرف

فكر صبري قليلا ثم أردف

_ليكن يا سيد ( حسان ) ليكن ... فلنبدأ

أصبحت الأمور مختلفة الأن .. لم تعد كما كانت من قبل .. ساد الصمت

الثقيل .. كل نقلة كانت تحمل كرها ..أو حذرا .. أو قلقا .. أو كل ذلك

لكنها أصبحت مختلفة بالتأكيد .. لم يعلم أى منهما كم مر من الوقت أو كيف مر

لكنها كانت دقائق من ذلك النوع الذي يحمل السنوات بداخله .. كل منهما

يفكر مليا في السر .. ذلك السر الذي يخفيه ..ذلك السر الذى سيفشيه هل سيكذب؟

لماذا علينا أحيانا أن نواصل أشياء لا نريد إكمالها ؟.. لماذا نصنع قوانيننا الخاصة التي لا تلزم أحد سوانا.....................................إلى نهاية القصة



هناك 28 تعليقًا:

MaNoOoSh يقول...

ايه دة انا اول تعليق
هيييييييييييه
وانا اقول ايمي مختفية لية!!!!
اتاريكي مشغولة بقراءة المجموعة القصصية.
بس شكلها مجموعة شيقة.. عقبال ما نشوف أول كتاب ليكي ان شاء الله يا ايمان يا عثل

assafo anaroze يقول...

ثاني تعليق و لي الشرف المرة الجاية اكون اول تعليق

assafo anaroze يقول...

صباح سعيد يا ايمان
ايه ده دنا دلوقتي اريت الشويتين دول من القصة و منين حاجيبها بقا دنا في المغرب و القصة بمصر
ارجوك لو القصة اتعملت على رابط للتحميل انك ترسليه الي
مودتي

لجين أبو الدهب يقول...

وبعدييييييين بقى ؟؟

يعينى انا مش هاعرف اجيب الكتاب اعمل ايه دلوقتى :(:(:(

بس واضح انها قصص قصيرة ممتعة ..

عقبالك كتاب ياايمى ..

دمتِ بخير ..

SHAPE YOUR LIFE (ABOALI) يقول...

بلاد ما وراء الاحزان
فيه بلاد فعلا كده
تشوفها بعينك
وانت مش مصدق
تحسها بقلبك
وهى فى فكرك
تتمنى تكون فيها
تحضنها وتحابى عليها
تصنعها وتشكل فيها
وتقول انا لازم يكون معايا
بذور نماء
ارميها فى كل شبر فيها
واشوفها بتكبر
والله الله عليها
وانا مبسوط باللون الاخضر فيها
تشم وتقول كمان
حياتى بدايتها الان
عاوز انسى بلاد الاحزان
وابنى جنة ليا فى بلاد ماوراء الاحزان



فعلا يا ايمان
عاوزين نبنى بلد احنا اللى نبدر فيها البذور
كلماتى اتبنت على العنوان بتاع القصص
وباين
انى تامر على
قصصى محترم يبرع فى ادئه
ربنا يوفقه


تحياتى

شاب كــ طخين ـــــا يقول...

عايزين تانى (وش بيتنطط ) :D
مجموعه قصاصيه جامده
وواضح من البوست ده انها جميله اوى
سلام

MǿиY El-Shreef يقول...

انا قريت ف مدونة استاذ تامر وواضح انه ماشاء الله عليه طريقه كتابته جامده جدا

القصه عجبتني وبجد ياريتك كملتيها

ان شاء الله اما انزل ابقى اشتريه

ميرسي يا ايمي

حسام غانم يقول...

ياااااااااه

واضح إنه كتاب قوي فعلا

ألف مبروك لتامر

وعقبالك :)

تامر علي يقول...

طيب ليه الفضايح بس :)))))

عموماً ماشي .... بس أنا ما استاهلش نص الكلام الكبير ده ... عموماً مردودالك في أول أعمالك انت كمان قريباً:)

تحياتي :(

ستيتة يقول...

تامر علي يا متواضع
استنى على ما اصيح لك انا بقى
بطل انتخه وورينا انتاج جديد
انا لسه جايبة المجموعة النهاردة وها اقرأها على مهلي

تسلم ايدك يا إيمي يا افضل واجمل صديقة

عاشقه الرومانسيه يقول...

الف مبروك للاستاذ تامر على
على اصدار الكتاب
وعقبالك ياقمر

فين بقى باقى القصه بتاعه ست الحته
؟؟؟؟؟؟؟؟؟؟
منتظراها اهو

إيمان يقول...

مانوووووووش
منوره يا قمر
جمييييييييله قوى عبد قنزحه وتفيده زوفاش
بجد مسخره
انا فعلا مختفيه ومسحوله وكل الحاجات
يومين وهارجع ادعيلى
انا جايه اقرأ الجزء القبل الأخير بتاع قصتك
بلما نشوف اخرتها مع تفيده اللذيذه

إيمان يقول...

اسافو
منور يا باشا

بصراحه المجموعه تحفه

ومكتوبه حلو جدا وموضوعاتها مميزه

تحس ان اللى كاتبها متمكن من ادواته

ممكن تامر ينزلها فى مدونته

ولو عنده مانع استاذنه ابعتهالك فى ايميلات

كل شويه واحده

انت تأمر

إيمان يقول...

لوجى الجميله

انا زى ما قولت لاسافو

هنحاول مع تامر ينزلها فى المدونه

ولو يعنى كان عنده مانع ابعتاهالك على الإيميل

يارب يسمع منك واطبع كتاب كده جميل ومحندق

وطبعا هبعتلك نسخه فورا

دعواتك يا قمر

إيمان يقول...

ABOALI

بصراحه كلماتك دايما رائعه

ومعانيها قويه جدا

انا اللى واثقه اننا فى يوم هنقرأ كتابك

وغالبا هيكون فى التنميه البشريه فى الإسلام

واكيد هيكون كتاب تحفه وهيكسر الدنيا

يارب بالتوفيق دايما وللأمام

علشان نبنى بلدنا بادينا

إيمان يقول...

أمبارح كان عمرى عشرين

ماشى هنشوف وش بيطنطط

بس بجد المجموعه تحفه

متشكرين جدا على المرور العثل

إيمان يقول...

مونى
انتى بجد عسل والله بجد

روحك حلوووووه قوى ربنا يحميكى

المجموعه تستاهل انك فعلا تشتريها

وأ/تامر بجد اسلوبه حاجه تانيه خالص

ما شاء الله عليه

عقبلنا يا رب

بحبك

إيمان يقول...

حسام غانم

اهلا وسهلا
هقبال لما نشوف كتبك ان شاء الله

دكتور وكاتب ساخر

اكيد هنشوف كتب رائعه وكتيره

إيمان يقول...

تامر علي

فضايح !!! أه طبعا فضيحه انك تكون كاتب جميل بالشكل ده ولسه معملتش غير مجموعه واحده
ومليكش اى اصدارات تانيه
وكمان حضرتك متخفى وعامل فيها انك واحد من عامة الشعب
على فكره والله وبدون مجامله
أصحابى اللى ملهومش فى الليله اساسا دخلوا المدونه عندى ولما شافوا الموضوع دخلوا على الرابط بتاع مدونتك
وعجابهم جدا جدا كل مواضيعك واسلوبك فى الكتابه لدرجة انهم قرأوا أغلب المواضيع عندك
واخدوا عنوان دار آفاق علشان يجيبوا المجموعه بتاعتك وكان نفسهم انك تكون طابع روايه او حاجات اكتر زى شهرزاد مثلا
شوفت انا بنقلك رأى الجمهور
يعنى ده مش رأيى انا لوحدى خالص
ربنا يوفقك وتبقى كاتب مشهور وده ان شاء الله قريب
بس ابقى افتكرنا والنبى
تحياتى وتقديرى

إيمان يقول...

ستيته حبى وتوأمى

شوفتى تامر عامل نفسه واحد من عامة الشعب

انا عايزاكى تخلصى المجموعه تعمليله فضيحه

كبيييييييييييره

بحبك يا اجمل ستوته فى تاريخ الستاتيت

وعقبال كتابك اللى انا واثقه انه هيكسر الدنيا

تامر علي يقول...

يا فندم من غير استئذان :) المجموعة كلها تحت أمر أي حد يطلبها على ملفات وورد ..أي حد عاوزها يبعتلي ميل على tame472@gmail.com وأنا ابعتهالو على طول ان شاء الله

أي خدمة :)

إيمان يقول...

عاشقه الرومانسيه
متشكرين على السؤال
صاحبة واجب والله
انا بس اليومين دول مشغوله جدا جدا
لكن ان شاء الله افضى وأتحفكم بالجزء التانى
من ست الحته بس لو سمحتوا كل اللى يجى يجى
بايديه فاضيه من غير بيض وطماطم او طوب
كله يقرا ويحط فى قلبه ويسكت او اقله بلاش حد يرمى طوب لو سمحتوا

إيمان يقول...

تامر على

يا سلاااااام كلك ذوق والله

متشكرييييين جدا على حسن تعاونكم

الف شكر

الفقيرة إلى الله أم البنات يقول...

إيمان انت جميله قوى
وعلى فكرة عاوزة ااقولك اجمل شئ فى الدنيا اننا نكون اصحاب اصحبنا
واصحاب الحق
وندافع عنه
الحقيقه انا قرأت قبل كده فى مدونة استاذ تامر بس الحقيقه مش برد لان اوقات وقتى لا يسعنى
واعجبت بالجو اللى فى المدونه والنشيد الذى ينساب فيها ويعطيها جو مريح
وبخصوص قراءت المجموعة القصصيه ان شاء الله اقدر اشتريها واقرأها فانا لدى كتب كثيرة اريد قرائتها
وليس لدى الوقت..ولكن ان شاء الله سأحاول
مبارك للاستاذ تامر على المجموعة القصصيه وعلى الصحبه التى تعلن عن ابداعه لوجه الله
ما أجملها صفات نفتقدها

اريد ايميلك ضرورى

۩ Nour ۩ يقول...

السلام عليكم...
ازيك يا ايمان ان شاء الله بخير دايماً...

لفته جميله منك جدا يا ايمان...

وربنا يوفقك يا تامر ونقرا لك كتير جداً..

طيب واللى فى اسكندرية يقدر يشتريها من فين ؟


دمتم بخير..

إيمان يقول...

الفقيره لله حبيبتى

بجد انا مستحقش كل الكلام الجامد ده

انتى اللى جميله علشان كده بتحسى بالجمال فى اقل

حاجه

ربنا يكرمك كلامك اسعدنى جدا

وبعدين يسعدنى اكتبلك ايميلى هكتبه عندك

ان شاء الله

بحبك فى الله وربنا يديم المحبه يارب

إيمان يقول...

Nour

أهلا بيكى يا نور
انا الحمدلله بخير يا رب انتى كمان تكونى بخير
عقبالك ان شاء الله تصدرى اول أعمالك
وبرضو هنعملك هليلهلأنك بجد بتكتبى حلو جدا
ربنا يوفقك
لا أعتقد انه ممكن تشتريها من اسكندريه
ممكن لو راسلتى تامر على الايميل اللى فوق
هيبعتهالك على ملفات وورد
تحياتى ليكى ويارب دايما بخير

assafo anaroze يقول...

شكرا يا ايمان و اتمنى ترسليها الي بعد موافقة صاحبها
مودتي