الأحد، 8 مارس، 2009

الرسول (محمد صلى الله عليه وسلم) ...... فى شقتى الجديده


دعاء هى إنسانه مسلمه ....عاديه جدا ..... لا تختلف كثيرا عن غيرها

.... إلتزامها الدينى تعتريه حالات صعود وهبوط كغيرها كثيرون

لم نشعر يوما أنها أكثر إلتزاما منا .... ولا أنها أفضل منا فى أداء السنن أو

الطاعات .... شيئا وحيدا كان يميزها عن غيرها ....

شيئا كنا نتعجب منه أحيانا ..... ولكننا كنا نحسدها عليه


فقد كان لديها إعتقادا راسخا .... بأن الله سبحانه وتعالى يحيطها دائما


برعايته وحمايته ... لم تخشى المستقبل أبدا ... حتى فى اشد المحن


كانت تحتفظ دائما بهدوئها ..... وبإبتسامه تمتلئ بالرضا


كان أيضا لديها إعتقاد بأن الرسول الكريم ( محمد صلى الله عليه وسلم)


حى بيننا ...يشعر بهمومنا وأوجاعنا ... وأنه عليه الصلاة والسلام على علم بأحوالنا جميعا المطيع منا والعاصى

ولكنه دائما أقرب لمن يصلى عليه كثيرا

ويقرأ سيرته دائما .... لذلك إحتفظت بكتاب ( الرحيق المختوم )


بجوار سريرها تقرأمنه قليلا قبل النوم بعد أن تقرأ بعض الأيات القرأنيه.... تواظب على ذلك وكأنه وصفه طبيه لمرض مزمن

كانت إعتقادات دعاء بالنسبه لنا أشبه بأطياف وخيالات

نعرف أن ما تعتقده قريب جدا من الحقيقه .... ولكن ليس لهذا الحد


ليس لدرجة أن الرسول الكريم صلى الله عليه وسلم ..(يشعر بهمومنا وأوجاعنا)....وإن كان فكيف ؟!!.... لم نفهم دعاء أبدا حتى

حدث معها شئ غريب جدا .... على الأقل بالنسبة لنا


كانت دعاء بعد زواجها تسكن فى (شقه إيجار جديد)

تدفع لها إيجارا مرتفعا ... مما يرهق ميزانية أسرتها جدا .. وفى بداية


كل عام يضيف صاحب الشقه (10%) من أصل الإيجار


وبمرور الأعوام أصبح إيجار الشقه مرتفع جدا ... لذلك


فكرت هى وزوجها فى شراء شقه جديده ( بالتقسيط)

على أن يدفعا مبلغا من المال كمقدم .... والباقى على أقساط


باع الزوج سيارته .. وباعت هى ذهبها .. وقاما بدفع المقدم

( وهكذا أصبحا على الحديده ) ... لم يتبقى سوى مبلغ بسيط


لتشطيب الشقه ... غير أنهما أصبحا ملتزمين بدفع أقساط الشقه الجديده

أضف عليها إيجار الشقه التى يقيمان فيها أصلا .. كان عبئا ماديا رهيبا


ولأول مره منذ تعرفنا على دعاء نراها مضطربه تخشى المستقبل

تبدو كمن يحمل هموم الدنيا .... وعبثا حاولنا أن نعيد إليها هدوئها


.... ولكن فجأه وبلا مقدمات رأينا دعاء وقد إستعادت

هدوئها تماما ورأينا على وجهها إبتسامة رضا واسعه جدا.....


سألناها بلهفه هل إنتهيتم من تشطيب شقتقم الجديده

فقالت : لا

هل حصل زوجك على أى دعم مادى

فقالت : لا

ولماذا أنتى راضية وسعيده هكذا إذا

فقالت : بالأمس رأيت رسول الله صلى الله عليه وسلم

واقفا فى شقتى الجديده ومعه أبو بكر الصديق وعمر بن الخطاب

وعلى بن أبى طالب ....

رأيت الرسول يشير لكل منهم إلى جزء من الشقه ... وكأنه

( عليه الصلاة والسلام ) يكلفهم بالإشراف على

إنهاء تشطيبات هذا الجزء .... كان عليه الصلاة والسلام

متحمسا جدا لإنهاء التشطيبات سريعا

ألم أقل لكم الرسول قريب منا جدا ..جدا .. أكثر مما نتخيل

هو حى بيننا بسنته .. وبحبه لأمته

وبالفعل إنتهت التشطيبات فى شقة دعاء الجديده ... بشكل سريع

جدا .. وبأقل التكاليف

لم يمضى شهر تقريبا ... حتى كانت دعاء فى شقتها الجديده

وبلا أعباء ماديه ... وكانت شقتها تلك إذا ما دخلناها شعرنا

براحة نفسيه عجيبه



يا حبيبى يا رسول الله طبت حيا وميتا ... أنت رحمة للعالمين

فصلوا عليه وسلموا تسليما كثيرا .... عليه الصلاة وأذكى السلام




الرحيق المختوم : كتاب فى سيرة الرسول ( صلى الله عليه وسلم )

هناك 54 تعليقًا:

أحمـــــــــــــد أبو العلا يقول...

ياااه
اتأثرت فعلا
تخيلي لو الرسول جه وزار كل واحد فينا في بيته
ياترى هنقدر ندخله بيتنا ولا هيكون في بيتنا اللي مش عايزينه يشوفه

محتاجين نستحضر ده في حياتنا

بنوتة يقول...

السلام عليكم
اللهم صلى وسلم وزد وبارك عليه
اثرت فيا جدا جدا
ومصدقاها جدا
بجد حلوة أوى القصة ربنا يجازيكى الخير ويباركلها ويباركلك
وكل سنة وانتى طيبة
تحياتى ليكى
وسلام

حسام غانم يقول...

عليه الصلاة والسلام

كل سنة وانتوا طيبين

ABOALI يقول...

دق الباب
فقلت من؟ بالباب
فقال ضيفا" كريما" ذو اخلاق
ففتحت الباب
فوجدت العبير والياسمين وروائح رغداء
لم تستوعبها انفاسى
وقلت هل انا امام انسان
ام ملك من عند الرحمن
ام انى احلم وانا فى الاوهام والهباء
فقال لى
هون عليك
فأنا حبيبك ومصطفاك
جاء اليك
طالبا" الرجاء
قولت اانت تتطلب الرجاء؟؟
قال
الا تعلم انه من اجلك بعثت بالرسالات
و امُد اليك يدى واسقيك
واقربك منى و اُدنيك
لذا جئت اليك
لاءنى وجدتك هناك بعيد
تبتعد عنى
فظننتك مريض
قولت ادق بابك
اعودك
فاءنت منى قريب
فلا تجعلنى انتظر
وخذنى فى احضانك
فاءنا حبيبك ومصطفاك
ولا تجعلنى بعيد



صلى عليك الله يا خير الانام

yara يقول...

بجد الله عليكى مش هقول غير كده
من زمان مسمعتش الاسلوب ده ولا الاحساس ده
رغم ان اسلوبك بسيط لكنى بحس كلامك بشكل غريب مما يؤكدلى انه من القلب فعلا .....
طبعا الرسول صلى الله عليه وسلم حى بيننا بسيرته وادعو الله ان يجعلنا ممن يقبل عليهم بابتسامه فى الاخرة.
ةةشكرا ليكى بجد وعلى مواضيعك وبارك الله فى دعاء وامثالها

صلى الله على محمد.......صلى الله عليه وسلم

إيمان يقول...

أحمـــــــــــــد أبو العلا

أنا كمان إتأثرت جدا لما تذكرت الموقف ده
وتأثرت أكتر من تعليقك ... تخيل فعلا لو الرسول
( صلى الله عليه وسلم ) زار كل واحد فى بيته
هنعمل أيه ..................

إيمان يقول...

بنوتة

كل سنه وإنتى طيبه ومؤمنه ومصليه وكل المسلمين بخير وأمان
اللهم صلى وسلم وبارك على سيدنا ونبينا محمد عليه الصلاة والسلام

dodda يقول...

اللهم صلى عليه

البوست جميل يا ايمان بشكل مش عادى

مع انه مؤلم بالنسبه لى بشكل شخصى جدا..
مر وقت طويل وانا اتوق شوقا لرؤيا الرسول "ص"
ولا اراه ..
ربنا كريم ودعاء صاحبتك دى ربنا يكرمها
شخصيه فعلا جميله
ربنا يديم المعروف
-----

GiGi يقول...

اللهم صلى وسلم وبارك عليك ياحبيبى يارسول الله
يارب يسامحنا على ذنوبنا ويارب سامحنا على ذنوبنا واكتر ذنب اننا نحس اننا لوحدنا فى الدنيا وان ربنا استغفر الله مش معانا
ربنا يرحمنا
تحياتى لوعتك دايما وتحياتى لدعاء ربنا يعزها ويكرمها يارب

إيمان يقول...

حسام غانم
كل سنه وانت طيب وبخير وكل المسلمين بخير وسلام
وصلى الله وسلم على نبى الرحمه محمد

فليسيتى يقول...

كم هى رائعه كلماتك يا ايمان بارك الله فيكى وادام عليك رجاحه العقل وجمال الاسلوب والاحساس الراقى .
اللهم صلى وسلم وبارك على سيدى وحبيبى محمد اشرف المرسلين.
وان شاء الله مدونتك هضيفها عندى وباذن الله هتابعها دوما .
تحياتى لقلمك الراقى

ghorBty يقول...

السلام عليكم

اللهم صلي وسلم وبارك

ما شاء الله ربنا يثبت يقينها

ومن يتوكل علي الله فهو حسبه

ومن هنا تأتي الطمئنينه وهدوء النفس

بارك الله فيك

غربتي

عاشقه وغلبانه يقول...

انا نفسي اشوف الرسول صلي الله عليه وسلم في المنام
يمكن تكون دي امنيه حياتي
يمكن انا مش علي درجه الشيوخ والائمه والناس اللي علي درجه تقوي عاليه اوي بس انا انسانه عاديه بتتمني ده
دمعت من احساسي بفرحتها

عاشقه الرومانسيه يقول...

والله جسمى كله قشعر وانا بقرا البوست
ربنا يرزقنا رؤية الحبيب المصطفى

يــوم جــديد يقول...

ما شاء الله
تشطيبات بإشراف الصحابة
لعلع كان صدق قلبها
لعلها صدقت الله فصدقها الله
لعله إيمانها الحق
وليس الإيمان بكثير صوم ولا صلاة بل ما وقر في القلب وصدقه العمل
أحلى تذكير بالمولد النبوي الشريف
جعله الله في ميزان حسناتك

ستيته حسب الله الحمش يقول...

كل عام وانتي بخير
القصة مؤثرة جدا
يابخت دعاء
وكل اللي ربنا بيديهم بشارات دعاء

اللهم ارزقنا رؤية الحبيب دنيا وآخرة
تحياتي لك ولأسرتك يا قمر في ايام مباركات

احساس طفلة محبة للرومانسية بس واقعية يقول...

كل سنة وانتى طيبة يا ايمان

عارفة العنوان شدنى اوى
لان مين مبيحلمش انه يشوف سيدنا محمد فى المنام
دى راحة نفسية رهيبة ربنا يرزقنا اياها
و اسقنا شربه هنيئه مريئه من يد نبيك شربة لا نظما بعدها ابدا

تقبلى مرورى

إيمان يقول...

ABOALI

ما أجمل كلماتك ..أبكتنى وحركت مشاعرى جدا
أللهم صلى وسلم وبارك على سيدنا محمد وعلى أله وأصحابه وسلم
كل التقدير لك ولقلمك

إيمان يقول...

yara

أهلا بيكى فى مدونتى المتواضعه
سعيده جدا برأيك .. وبمرورك
تقبلى تحياتى .. جمعنا الله وإياك
بالنبى الكريم فى الجنه إن شاء الله

إيمان يقول...

dodda
ربنا يكتبلك رؤية النبى الكريم فى الدنيا والأخره
بس بجد خليكى واثقه إن إحساسك ده .. الرسول عليه الصلاة والسلام عنده علم بيه .. هو فعلا قريب مننا جدا ,, صلى الله عليه وسلم
ساعات بتيجى الرؤيه فجأه .. وفى وقتها ربنا يكتبهالك

إيمان يقول...

GiGi
تعرفى يا جيجى .. معرفش إزاى حد يجمع ما بين حب الله والنبى والمعصيه فى وقت واحد... كلنا بنحب ربنا أوى وبنحب الرسول جدا طب إزاى بنعصى .. وإزاى بننسى إن ربنا معانا فى كل لحظه .. وإنه أحن علينا من نفسنا بجد أحن علينا من نفسنا
يارب يهدينا جميعا ويجعل الجنه مثوانا جميعا
ويجمعنا بالنبى فى الجنه

MaNoOoSh يقول...

ربنا يرزقنا بشفاعة الرسول ويارب نقتدى باخلاقة دايما
كل سنة وانتى طيبة يا منمن وربنا يرزقك بكل خير

إيمان يقول...

فليسيتى
أشكرك جدا لكلماتك المشجعه
تحياتى ليكى
أللهم إجعل دعوانا أن الحمد لله
وصلى وسلم وبارك على أفضل الخلق محمد

إيمان يقول...

ghorBty
وعليكم السلام ورحمة الله وبركاته
سعيده جدا بمرورك ..وبتعليقك
ربنا يثبتنا جميعا على طاعته
دمت بكل ود وسعاده

د/عرفه يقول...

ما شاء الله
قصه مؤثره جدا
ودى حلاوه الإيمان
وحلاوه التوكل على الله

تامر علي يقول...

قصة جميلة جداً .... فعلاً الإيمان بالغيب هو أول صفات المؤمنين ... أن تؤمن بأن الله معك يجعلة معك فعلاً ... أن تؤمن بإنه يذكرك فتذكره ... هكذا يجب أن تكون العلاقة الإيمانية الفعالة وليست مجموعة "أماني" جوفاء بدون أثر ..... صديقتك صدّقت فصُدّقت .... قلما يمكننا أن نحول الشعارات إلى واقع ملموس ... شكراً على هذا المعنى الجميل :)

BAsMA يقول...

عليه افضل الصلاة والسلام

بجد اسلوبك جميل جدا
اثرتى فيا اوى

Beram ElMasry يقول...

الاخت العزيزة . إيمان
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحبين
وكل عام وانتم فى سعادة وسرور
لك تحياتى والسلام عليكم ، ولا سلام مع اليهود

لجين أبو الدهب يقول...

ما شاء الله تبارك الله ..

ادمعتى عينى يايمان ..

بجد رؤيا جميلة جدا .. كفاية رؤية النبى صلى الله عليه وسلم ..

وإيمانها واتصالها بربنا بالشكل ده ..

انا بحس كده زيها .. بس باختلاف شوية بس مش عارفة ليه حاسة على طول انى مع تواصل مع النبى صلى الله عليه وسلم حاسة شاعر بحالى وقريب منى ..

وانى لما القى السلام عليه بيرد عليا ..

بجد بوست مؤثر اوى وفى مكانه يايمان ..

جزاكى الله كل خير عليه ..

دُمتِ بخير ..

حررروووف يقول...

كل سنة وانتي طيبة
وقصة جميله جدا
دمتي بالف خير ويعادة وفرح

hasona يقول...

السلام عليكم

كلماتك جميلة ومؤثرة جدا

وتنبهنا الي أهم نقطتين

كيف تحب أن يراك النبي ( عليه الصلاة والسلام)وأين ستستقبله ؟؟

ما هي الطريقة التي تريد أن تموت عليها؟؟

،،،،،
الفكرة دي قرأتها قبل كده
أو سمعتها لأحد شيوخنا
وكان بيقول
لو دق جرس الباب
ونظرت من العين السحرية
فرأيت الرسول (عليه السلام)
هل ستدخله في الحال
أم ستحرج من الوضع اللي أنت عليه ؟؟
التليفزيون شغال علي أغاني خليعة وغير محترمة
وهناك مساوئ كثير داخل وخارج الشقة
ولو ظبطت الحال داخل الشقة ودخلته
وفجأة تذكرت
أن زوجتك أو أختك أو بنتك خارج الشقة
متبرجة ولابسة لبس غير محترم(مش لابسة)) يمكن
وجاء ميعاد رجوعها
وتوقعت أن يراها النبي هكذا

يااااااااااااااه

حيرة كبيرة

كيف تود أن يراك النبي

واذا أردت أن تري النبي !!! ماذا تفعل ؟؟
وقد قال في حديثه ((من رآني فقد رآني فإن الشيطان لا يتمثل بي))

كيف تحب أن تموت ؟؟ وكيف تفكر في ملقاة الله
وما سيرتك التي ستتركها في هذه الدنيا
،،،،

كل سنة وانت بخير

تحياتي

الفقيرة إلى الله أم البنات يقول...

اللهم صلى وسلم وبارك على سيدنا محمد وعلى آله وصحبه وسلم
اللهم صلى وسلم وبارك على سيدنا محمد صلاة تفتح بها ابواب التيسير وتغلق بها ابواب التعسير..صلاة دائمه بدوام ملكك

إيمان ربنا يكرمك صديقتك دى ويسعدها ويراضيها

جزاك الله خير دائما تكتبى لناالمفيد

إيمان يقول...

عاشقه وغلبانه
إن شاء تشوفى الرسول عليه الصلاة والسلام
فى الدنيا و الأخره
ربنا يمتعنا جميعا بصحبته فى الجنه

إيمان يقول...

عاشقه الرومانسيه
يارب كلنا نشوف النبى عليه الصلاة والسلام

إيمان يقول...

يــوم جــديد
وليس الإيمان بكثير صوم ولا صلاة بل ما وقر في القلب وصدقه العمل

ياليتنا جميعا نصدق على ما فى قلوبنا بعمل صالح

تحياتى وشكرا على المرور

ELMASRYA - MOSLEMA LELLAH يقول...

ماشاء الله لا قوة إلا بالله

ربنا يبارك في دعاء ويحفظها بحفظه الكريم هي وأسرتها

قصة جميلة قوي يا إيمان

تبعث على السكينة في النفس والراحة والطمئنان للقلب

دمتي سالمة

إيمان يقول...

أجمل ستوته
كل عام وإنتى بخير وصحه وسلامه
إنتى وكل أسرتك ..وكل المسلمين فى كل الدنيا
اللهم ارزقنا رؤية الحبيب دنيا وآخرة

إيمان يقول...

احساس طفلة محبة للرومانسية بس واقعية
أللهم اسقنا شربه هنيئه مريئه من يد نبيك شربة لا نظما بعدها ابدا
يارب يتقبل منك ومننا جميعا صلاتنا وصيامنا
تحياتى وحبى

إيمان يقول...

MaNoOoSh
أهلا بيكى وبعودتك بينا .. وكل سنه وإنتى طيبه
وبخير ..مسلمه طائعه متقيه
أللهم أمين

إيمان يقول...

د/عرفه
أهلا بمرورك الكريم
ربنا يجعلك من الصالحين المصلحين
يارب ..تكون من الناس إللى هتقابل ربها بقلب سليم

إيمان يقول...

تامر علي
كل عام وأنت أكثر طاعه لله ..وللجنه أقرب
القصه دى كتبتها .. تضامنا معاك فى فكره
أحياء السنه .. وأحياء ذكرى الرسول صلى الله عليه وسلم
تحياتى وتقديرى .. جعله الله فى ميزان حسناتك

إيمان يقول...

BAsMA
كلماتك عن الرسول صلى الله عليه وسلم
هى إللى فكرتنى بالقصه دى
أنا بجد بشكرك
ربنا يحميكى ويباركلك فى حياتها كلها

إيمان يقول...

أستاذ/ بيرم المصرى
كل عام أنت وكل من تحب وكل المسلمين بخير
مرورك الكريم بيسعدنى جدا
لك كل التقدير والإحترام
ولا سلام مع اليهود

إيمان يقول...

لجين أبو الدهب
جميل أوى إحساسك بالنبى عليه الصلاة والسلام
يارب يديم نعمته عليكى
وتكونى بصحبة النبى عليه الصلاة والسلام فى الجنه
إن شاء الله

إيمان يقول...

العروسه حررروووف
أهلا بيكى وكل عام وإنتى بخير وسعاده
دمت بكل ود

إيمان يقول...

hasona
كلامتك أدمعت عينى ..واثرت في جدا
أللهم أرزقنا وإياك قبل الموت توبه
تحياتى وكل عام وأنت بخير

إيمان يقول...

الفقيرة إلى الله أم البنات
اللهم صلى وسلم وبارك على سيدنا محمد وعلى آله وصحبه وسلم
اللهم صلى وسلم وبارك على سيدنا محمد صلاة تفتح بها ابواب التيسير وتغلق بها ابواب التعسير..صلاة دائمه بدوام ملكك
رزقنا الله وإياكى الإخلاص .. وجمعنا بنبيه الكريم
فى الدار الأخره
كل الحب و الإحترام ليكى لقلبك

إيمان يقول...

ELMASRYA - MOSLEMA LELLAH
أللهم اصلح حالنا جميعا فى الدنيا والأخره
أهلا بيكى ..وبكلماتك إللى دايما بحس إنها من القلب
شكرا لمرورك إللى دايما بيسعدنى

زوجة عنيدة يقول...

علية افضل الصلاة والسلام

انا مش قدرت اقرا البوست الجديد من غير ما اقرأ
دة
جميل اوى ارتباطها بالرسول علية الصلاة والسلام

الحمد لله ان ربنا وقف معاها

تحياتى ووحشتنينى

ٌرحيـــــــــــــــــــــــل يقول...

والله دمعت عيوني وأحس بقشعريرة في كل جسمي... أمانة سلميلي على دعاء، الله يحفظها!
كلنا نحب الرسول بس للأسف ناسينه... اللهم صل على محمد.
أشكرج وااايد على أنج شاركتينا هالقصة :)

إيمان يقول...

زوجة عنيدة
الله سبحانه وتعالى .. عند حسن ظن عبده به
دعاء كان داخلها يقين كبير وإيمان كبير بالله ورسوله
أعتقد إن ده سبب تميزها
ربنا يكرمنا جميعا بصحبة نبيه فى الجنه إن شاء الله

إيمان يقول...

رحيـــــــــــــــــــــــل
شكرا لمرورك حبيبت ...حفظك الله وجعلك من عباده الصالحين المصلحين
وصلى اللهم وسلم وبارك على نبيك الكريم محمد وعلى اله و أصحابه وسلم

assafo anaroze يقول...

افضل الصلاة و ازكى التسليم عليك يا حبيبي يا رسول الله
اكيد لما نعتقد بحاجة اعتقاد جازم مش حيشكل فرق اننا نعيش في ازمة و مشاكل لاننا متاكدين ان ده قدرنا و نصيبنا
بس في سؤال حينوجه للجميع : هل ما نعيشه يوميا من انتهاكات و جوع و فقر قدر علينا و نصيب لازم نرضى به عشان ده اللي عاوزو ربنا ام هناك شيء غير مظبوط يوجد في الدنيا ديه
اكيد في حاجة غلط لان بلداننا و الحمد لله غنية بكل الثروات بس الغلط فين
الغلط في التوزيع غير العادل للثروات الغلط ان الاقلية من الراسمال بيعيشوا في نغنغة و بحبوحة و في ثراء فاحش
و الاقلية زي حالاتنا بتعيش في ازمة و ما تلاقيش حتى عيش حافي عشان تسد بيه رمقها
عرفت المشكلة فين
مش في الاعتقاد لاننا كلنا بنعتقد بوجود الله و الرسول و بنحبهم
بس الغلط في اللي بيحكمون و ينهبوا ثرواتنا و يستغلوا فقهائهم و اعلامهم عشان يقولوا لينا ان ده قضاء و قدر
مودتي
اتمنى انك تشرفيني في مدونتي

إيمان يقول...

assafo anaroze
أهلا ومرحبا بيك ضيفا عزيزا
الموضوع إللى إنت بتتكلم فيه كبير ..وشرحه يطول
ربنا سبحانه وتعالى خلق الإنسان كريم ولا يقبل له الإهانه أبدا..حتى لو كان فيه إبتلاء بيكون لفتره وبيعدى
فى مشكله فى الحكام وأسلوب الحكم فى بلادنا العربيه لن أنكر ذلك لكن فيه نقطتين عايزه أوضحهم
أولا : هذكر مثال هنا فى مصر
1 ـ الدوله بتوفر دقيق مدعم لأفران العيش وبكميات كويسه جدا ...اللى بيحصل إن الموظفين بيسربوا جزء كبير من الدقيق للسوق السوداء
ونرجع نعيط ونقول العيش مش كفايه فى الحاله دى الحكومه بتكون عملت إللى عليها ماديا بس متابعتش التنفيذ زى الاب اللى بيصرف على أولاده من غير ميربيهم ..بس كده الحكومه والشعب مشتركين فى الجريمه ..
2ـ انا شخصيا كنت بشتغل فى المراكز الطبيه الحكوميه وأنا بنفسى كنت بروح أجيب طلبيات للصيدليه إللى كنت بشتغل فيها والحكومه كانت بتوفر كل الأدويه المهمه .. لكن اللى بيحصل انها بتروح للى ميستحقهاش

ثانيا وده الأهم : نحن أمه أعزها الله بالإسلام فمن إبتغى العزه فى غير دين الله أزله الله ..كام واحد فينا بيبتغى العزه فى دين الله ..كلنا بنبتغى العزه فى مال أو جاه ..أو غيره
لكن الموضوع شرحه يطول ولكل منا قناعته وإتجاهاته ...
تحياتى لوطنيتك العاليه .. أنا شخصيا بشجع الفكر السياسى جدا..من لم يهتم لأمر المسلمين فليس منهم
دمت بكل ود وخير وسعاده
وفى انتظار اراءك دائما