الأحد، 26 أبريل 2009

يلا نقضى أجازة سعيده ... قولوا آمييييييييين


منذ عام تقريبا شاهدت فيلم أمريكى عن الأجازات

وإزاى الأجازه ممكن تغير حياة الانسان وتخليه يبدأ من جديد

.. قصة الفيلم

أثنين من النساء واحده عايشه فى أمريكا والتانيه فى

إنجلترا كل واحدة فيهم بتعانى فى حياتها من مشاكل شايفه

ان ملهاش حل ... بشكل أوبأخر كل واحده بتفكر تطلع أجازه

بيتعرفوا على بعض عن طريق النت وبتروح كل واحده تعيش فى بيت التانيه

لمدة اسبوعين .. كل واحده بتكتشف فى بيت التانيه وحياتها

حاجات جميله صاحبة البيت الاصليه بسبب عوامل كتير

مبقتش شيفاها.. وكل واحده الأجازة بتغير فيها حاجات كتير

وهم الاتنين بيرجعوا لحياتهم اليوميه بعد الاجازة بروح تانيه

والمشاكل اللى كل واحدة ماكنتش لقيالها حل بتكتشف ان الحل

كان فى ايدها من البدايه

طبعا من ساعة ما شوفت الفيلم وانا نفسى فى أجازة

وكل ما أحس أنى تعبانه أو فى حاجه عايزة قرار أقول

هفكر فيها على رواقه لما أطلع أجازة(قال يعنى

وبعد طول انتظار وبعد خلاص ما كنت قربت أفقد الأمل

هطلع اجااااااااازه إدعولى تبقى أجازة سعيدة

طبعا هحاول أتابعكم على قد ما أقدر

لكن أسبوع او عشر أيام وهرجع

أنا بجد فرحانه بالاجازه ادعولى

هتوحشونى كلكم وهفتقدكم جدااااااااااااا

سلااااااااااااام مؤقت على احسن ناس




) ...

هناك 26 تعليقًا:

Ahmed يقول...

ان شاء الله تبقى أجازه سعيده

SHAPE YOUR LIFE (ABOALI) يقول...

يااااااااا عينى على المتعة
اولا
اهئنك على الشكل الجديد فى المدونه
وده برضوا من التغيرات اللى بتكون جميلة فى حياتنا

اما الاجازة
فعند من يستغلها ويعرف كيف يتثمرها تكون متعة

فاءتمنى منك
ان تضعى برنامج للاجازة
والالولويات اثناء الاجازة


ويكن فى بالك ان من يخرج الى الاجازة
كمثل فيشة الكهرباء
التى تفصل من الكهرباء
فحاولى ان تفصلى بين العمل وبين الاجازة

ولك كل الدعوات بالغوص فى الراحة النفسية والذهنية طوال عمرك وليس الاجازة فقط ت

تحياتى

لجين أبو الدهب يقول...

ايه ده ؟؟؟؟؟؟؟

احنا فينا من كده ؟؟

طب نزلى الجزء الاخير طيب :(

عامة اجازة سعيدة عليكى يارب وان شاء الله تتبسطى ولو حصل اى حاجة اوعى تقولى عين المدونين D:

ربنا يبارك لك فى اجازاتك استكتعى بيها بجد على اد ما تقدرى ..

انا اخدت يوم واحد بس اجازة الاسبوع اللى فت رجعت فرش جدا ..

ترجعى بالف سلامة وما تغيبيش عنا علشان بتوحشنى بجد اوى ياايمى ياعسل ..

ومبروك على النيو لوك بتاع المدونة ..

وفى انتظارك حبيبتى ..

assafo anaroze يقول...

اجازة سعيدة يا ايمان
اتمنى تكوني مبسوطة
اتمنى ما تكون اجازة من التدوين و متابعة المدونات
مودتي

حسام غانم يقول...

يااااااااه

أجازة

أنا سمعت الكلمة دي فين قبل كده

ادعولنا نخلص السنة دي على خير :)

ٌرحيـــــــــــــــــــــــل يقول...

تروحيــــــــن وترجعين بألف سلامة...

أكيد بترجعين من الاجازة محملة لنا بهدايا تدوينية دسمة! صوري صور واااايد واحكيلنا كل المواقف العجيبة اللي بتستوي وياج.

نترياج :)

GiGi world يقول...

يارب تكون احلى اجازه فى حياتك ويفرجك بيها يارب
دعواتك وحضرتك مسافره

MǿиY El-Shreef يقول...

ياااااااارب تكون اجازه سعيده وترجعي بالف سلامه

هتوحشييييييييييينا يا ايمي

ومبروك النيوولوك

ممممموواه

MaNoOoSh يقول...

ان شاء الله يا ايمى تكون اجمل وامتع اجازة
بالتوفيق يا قمر

تامر علي يقول...

ايه النيولوك الجميل ده ... حلو بجد ...عمال أدور على نيولوك بقالي شهرين مش لاقي:)

أوحش حاجة في الأجازة إننا بنرجع منها للشغل تاني :) ياريت متفكريش التفكير السلبي ده في الأجازة علشان تكون خالية من المنغصات :)

مع أطيب التمانيات بأسعد الأوقات :)

مهندس / على درويش يقول...

لا.لا.لا.لا.لا.لا

المنظر دا جامد والتحديث اللي اتعمل هنا ملوش حل

أما بالنسبه للأجازه فهي أحلي أيام نمر بها وهي أكثر الأيام التي نتذكرها في حياتنا إن كانت تلك الأجازات أراحتنا من اشياء قد كانت تؤلمنا

وأحيانا أخري تحتاج عقوانا لأستراحه ولو بسيطه

دمتي بكل خير

ويارب تكون اجازن جميله

د/عرفه يقول...

أجازة سعيدة
ان شاء الله
وبلاش تحكيلنا على اللى حصل علشان متعديش تغظينا
ههههههههههههههه
أنا خايف عليكى من الأر والحسد بس


ومبروك
الشكل الجديد
للمدونة

ستيتة يقول...

وها تسبينا متشوقين لنهاية الحدوتة
ماشي ماشي

اجازة سعيدة زي العسل مليانة حنان وريم واسلااااااااااااااااام كمان
ههههههههههههههههههههههههههه

ها توحشيني قوي

الفقيرة إلى الله أم البنات يقول...

تروحى وترجعى بالف سلامه
ولا تنسى الدعاء فأنت على سفر
ان شاء الله ربنا يتقبل منك
خلى بالك من نفسك ومن الاولاد
واستمتعى وافصلى خالص ولا تفكرى فى اى شئ الا بع الرجوع
خليها فترة استراحه..علشان تبدأى من جديد
ربنا يبارك فى وقتك ويجعلها سفريه جميله ان شاء الله

القدر و انا يقول...

ايمى
يارب اجازة سعيدة جدا
ترجعى لنا بعدها باحلى البوستات وارق الكلمات
بس نصيحة عشان تكمل الاجازة بحق اقفلى الموبايلات من اجل الاستمتاع بلا وجع راس
والف مبروك النيو لوك للمدونة
جميلة جدا

ELMASRYA - MRS WRITER يقول...

أجازة سعيدة بإذن الله

هتوحشيني يا إيمان

عندك حق التغيير مطلوب وبيخلينا نرجع لبيتنا تاني أنشط من الأول وعندنا رغبة في العطاء والتجدد

تعرفي أنا أوقات كتير من غير ما آخد أجازة بغير في شكل البيت ووضع الأثاث وبشعر بسعادة كبيرة وبكون نشيطه جدا ومبسوطة من التجديد اللي عملته

منتظرة حكاياتك عن الأجازة

خالص تحياتي

احساس طفلة محبة للرومانسية بس واقعية يقول...

يسلام يسلام يا ايمى

اجازة يعنى طاقة ونشاط وتجديد افكار

ربنا يسعدكم بيها

وتروحى وترجعى بالسلامة وتكونى مبسوطة

وترجعى تحكلنا عنها مش تسبينا كدا

تقبلى مرورى

عاشقه الرومانسيه يقول...

(وش مزبهل جدااااا)
ايييييه ده
هى دى مدونة ايمى؟
لالالالالالالالالالالالالا
مش معقووووول
ايه التغير ده
انا بقالى كتير مش جيت بس مش للدرجه دى يعنى
المهم
انا عايزه باقى الحدوته
عاااااااااااااااا
ماليش دعوه بقى هه
طيب خلاص علشان انتى بس مخنوقه وانا حاسه بيكى هاقولك اجازه سعيده
ربنا يسعد قلبك ويجعل ايامك كلها هنا وفرح ياااااقمر

بحبك
هتوحشينى موووووووت

عاشقه وغلبانه يقول...

honey moon...)))

عاشقه وغلبانه يقول...

honey moon...)))

dodda يقول...

انا بحب الفيلم ده اوى
مع انه مستحيل يحصل فى مصر...

ربنا يسعدك

ريكو يقول...

السلام عليكم
أولا الف مبروك يا ايمى على الشكل الجديد خالص دة بجد انا توهت جوة المدونة
ثانياترجعلنا بالف سلامة ويا رب تكون اجازة سعيدة تنعمى فيها بكل الهدوء والدفء الاسرى والتفكير العميق فى كل ما تودين
لكن اللى مأثر فيا يا أيمى أنى اخيرا بعد ما قدرت ادخل للمدونات تانى ألقاقى سافرتى وسيبتينا
بس مش مهم المهم انك تكونى بخير وسعادة
دمتى جميله

Mony يقول...

بصراحة


من غيرلاقر ولا حسد


يا بختك باأجازة

انا بالنسبالي اجازة جميلة و سعيدة و اعيد فيها تفكيري تكون من غير اي التزامات خالص
علشان تكوني بعقل صافي


للأسف مابيتوفرليش الأجازة اللي من النوع ده خالص

حاولي تستمتعي علي قد ما تقدري


الأيام الحلوة مابتتعوضش
:)

د. ياسر عمر عبد الفتاح يقول...

أجاااااااازة
يارب تبقي سعيدة وتستمتعي بيها

وعقبالنا يااااااا رب

ٌرحيـــــــــــــــــــــــل يقول...

ها طمنينا شو الاجازة؟ انشالله تكونين مبسوطة :)

خالد شوقي يقول...

علي فكرا انا كمان نفسي في اجازه و اتمنالك اجازه سعيده بس علي فكره واضح ان دمك خفيف اوي يا ايمان سلام