الخميس، 5 فبراير، 2009

تاريخ مصر من زماااااااان ..... <الحلقه الأولى>

يمتد تاريخ مصر إلى قديم الأزل ... وقد ذكر الله عز وجل مصر فى كتابه الكريم بضع وعشرين مره إما بالذكر الصريح او بالرمز ... ولمصر ذكرا فى التاريخ حتى من قبل طوفان نوح عليه السلام ...
أحببت أن ألقى معكم نظره على ذلك التاريخ ... فهل من متابع...
يقال أن أرض مصر كانت فى بادئ الأمر <قبل أن يسكنها البشر > ... مغطاه تماما بماء النيل تنبسط ماء النيل على بلاد الصعيد بداية من بلده { فى منطقه بين أسوان والنوبه } إلى أرض مدينة الفسطاط



صوره لمدينة الفسطاط فى العصور العربيه


.... ومع مرور الزمان بدأت ماء النيل فى الإنحصار نتيجة لظهور بعض الموانع التى إعترضت سريان ماء النيل إلى بعض المواضع من مصر ... فجفت الأرض فى تلك المواضع وأصبحت صالحه للسكن فسكنها الناس... وأستمر إنحصار ماء النيل شيئا فشيئا حتى إمتلأت أرض مصر بالمدن والعمائر فى تلك الأماكن التى إنحصر عنها ماء النيل وسكنها كثير من الناس ... وكان الناس قبل ذلك يسكونون فى مغارات حفروها فى جبل المقطم وكانت عباره عن مغارات تتسع الواحده منها لمدينه كامله بعضها من بعض حتى أنه إذا دخلها أحد دون دليل يدله على المخرج هلك لا محاله ... وكانت مدينة منف من أول المدن التى سكنها الناس فى مصر بعد مغارات المقطم ويقع مكانها الأن < قرية ميت رهينه ـ مركز البدرشين ـ محافظة الجيزه

ويقال أن مصر كانت جرداء لا زرع فيها ولا نبات ... حتى كان أن وهبها { متشولح إبن أخنوخ إبن برد إبن مهلاييل إبن فتيان إبن أنوس إبن أدم }...
إلى طائفة من أولاده فلما نزلوا بها وجدوا ماء النيل قد سد ما بين الجبلين ووجدوا مساحه من الأرض قد إنحصرت ماء النيل عنها فجفت من الماء وأصبحت صالحه للسكن فسكنوها وقاموا بزراعتها فأثمرت و أخرجت خيرا كثيرا وبدأ من حينها إعتماد الزراعه كمهنه مهمه لأهل مصر.........وللحديث بقيه

>صور من قرية ميت رهينه









الحلقه القادمه < أصل تسمية مصر بهذا الإسم>

هناك 20 تعليقًا:

الفقيرة إلى الله أم البنات يقول...
أزال أحد مشرفي المدونة هذا التعليق.
عاشقه وغلبانه يقول...

مصر هي امي ونيلها هو دمي
بس دمي بقي فيه حاجات وحشه كتير اوي
وماما مش بتديني مصروف
اهئ اهئ
بس ماحدش بيكره ماما
اهئ اهئ

إيمان يقول...
أزال المؤلف هذا التعليق.
إيمان يقول...

عاشقه وغلبانه
مفروض خفة الدم المليانه ذكاء دى ... تخدى عليها فلوس من ماما ... بس نعمل أيه ماما أعصابها تعبانه اليومين دول علشان جوزها إللى هو مش بابا بيخونها مع ماما أمريكا .... ربنا يهدى
عاجبك كده

ستيته حسب الله الحمش يقول...

طبعا انتي متعرفيش أنا بحب تاريخ مصر القديمة قد ايه
وعليه انا طبعا اول المتابعات
يالا بالتوفيق

MOSLEMA LELLAH يقول...

أنا جيت اهو يا إيمان

ولقيتك حاطه موضوع بعشقه

أنا مدمنة تاريخ

شدي حيلك بقى وورينا عظمة مصر

تعرفي كمان ايه اللي عجبني هنا ؟

لقيت أم البنات حبيبتي وأختي الجميلة ستوتة والدكتورة الغلبانه آنسه عاشقه الرومانسية العاقله

بجد فرحت قوي بيهم

يللا بقى كملي يا دكتورة إيمان

تــحــيــاتــي

عاشقه الرومانسيه يقول...

اكيد بعا هتابعك يا ايمى لانى بجد استفدت بمعلومات جديده جدااااااا
مش تتاخرى بباقى الموضوع
متشوقه جدا اعرف اصل تسميه مصر بالاسم ده
ربنا يبارك لك
ياررررب

بنوتة يقول...

السلام عليكم
أحييكى على الموضوع الجميل والصور كمان
أنا بحب التاريخ جدا وبالذات الفرعونى والاسلامى
تحياتى ليكى

MaNoOoSh يقول...

(ادخلوا مصر ان شاء الله آمنين)
انا اكتشفت ان اللى عايشين جواها ومن اهلها هم اللى مش آمنين
مصر زمان كانت غييييييييير دلوقتى خالص.. رغم ان لسة والله الشهامة موجودة شوية والواحد ساعات بيلاقيها.. ربنا يستر على مصر

إيمان يقول...

ستيته حبيبتى ...
دائما تشجعين وتدعمين ... دمت بخير يا أحلى الستاتيت

إيمان يقول...

مسلمه ... سعيد جدا جدا بوجودك هنا ...يا رب أقدر أجمع معلومات تكون فعلا مهمه .. ومفيده
هستناكى ... دمتى فى حفظ الله

إيمان يقول...

عاشقه الرومانسيه ... نورتينى
كلامك أسعدنى جدا جدا ... إن شاء الله هجمع الموضوع قريب جدا وبجد شكرا على إهتمامك.. يا قمر
وربنا يسعدك ويحققلك كل أحلامك ..واخده بالك من كل أحلامك دى ..

إيمان يقول...

بنوته
كنت مستنياكى ... أهلا بيكى .. بجد سعيده إن الموضوع عجبك يا رب الأجزاء إللى جايه تعجبك أكتر
تحياتى

إيمان يقول...

مانووش
بجد لما تخرجى من مصر .. وتزورى أى بلد تانيه تحسى إنك سمكه وخرجت من الميه ... تحسى إن الحياه فى مصر حياه حقيقيه مش لعبة بيوت زى إللى كنا بنلعبها زمان
كنت بسمع الكلام ده من الناس إللى بتسافر بره وأضحك عليهم وعلى كلامهم ... بس بجد الحياه فى مصر خدمه 24 ساعه
ربنا يحميها ويحمى أهلها ويهديهم ويصلح حالهم
وإنتى إزيك عامله .... أهلا بيكى يا قمر أوعى تغيبى عليه ... تحياتى

ABOALI يقول...

التاريخ حاضر الامة ومستقبلها
ونتيحة فقدان قراءة التاريخ حدثت الفجوة بين الاجداد والاحفاد
معرفة الحاضر يبدء بالتعمق والعبرة من الماضى

تحية راقية على مجرد التفكير فى تعريفنا وتذكرينا
بالبلد الذى نسيناه
فاصبحنا نبيعه ونتقول عليها باءشد المعانى


اشكرك

romansy يقول...

قول الزمان ارجع يا زمان
مصر طول عمرها هتعيش جميله

إيمان يقول...

ابو على

أهلا بيك .. سعيده جدا بمرورك مدونتك بجد رائعه وتستحق المتابعه
لنفس الأسباب اللى ذكرتها إنت ... أنا فكرت أتتبع تاريخ مصر منذ بدأ الخليقه علشان نعرف أد أيه مصر لها تاريخ مرتبط تماما ببداية البشريه وبداية الحياه فى الأرض ونعرف أن مصر مر عليها أزمات أشد بكتير من اللى احنا فيه ودايما كانت بتكمل وبمنتهى القوه
تحياتى وإعجابى

إيمان يقول...

اهلا بيك رمانسى ..
سعيده ان الموضوع عجبك اتمنى ان الاجزاء القادمه تعجبك

biberss222 يقول...

احب تاريخ مصر جدا جداو خصوصا ان
اسلوبك جميل ف سرد القصص
ان شاء الله نتابع

إيمان يقول...

biberss222
أهلا بيك .. شكرا على المجامله التى أسعدتنى حقا
بجد سعيده لإهتمامك
أتمنى إن الحلقات القادمه تعجبك
سلامى