الأحد، 15 فبراير، 2009

أنا مدمنه ... بجد مش هزار


انا مدمنه وأعترف....قصتى مع الإدمان قصه طويله بدأت منذ سنوات بعيده .... ولم تنتهى حتى الأن .... لم أحاول يوما أن أقلع عن إدمانى
ولم ألجأ إلى أحد طالبة للعلاج أبدا ..... مشكلتى مع الإدمان هى أننى وقعت فريسه له فى لحظة ضعف .... ولكنى لم أصل إلى القوه الكافيه حتى الأن لازلت ضعيفه .... ضعيفه جدا وخاصه حين أحاول الإقلاع ..... أنا بدون عقارى الذى أدمنته أشعر بالضياع التام والإنهزام الخالص
تزداد حيرتى حين أحاول فهم أسرار تلك القوه الرهيبه التى أستمدها من إدمانى الذى تمكن منى تماما .... حتى اننى لا أرى أى أمل فى أن أشفى من هذا الإدمان يوما ..... أشعر بإنفعال رهيب حين أتخيل نهاية حياتى وأنا أمسك بعقارى الذى يبعث النشوى فى روحى التائهه فى هذا العالم الكبير .... ذلك العالم الذى أشعر وكأنه وحش عظيم الهيئه قوى البنيان يسحقنى فى كل لحظه يقتل أحلامى العريضه بدون رحمه ويلتهمها حيه
لا ينقذنى من قسوته شيئا غير أدمانى
تبدأ قصتى مع الإدمان حين كنت فى المرحله الثانويه .... كنت فتاة رقيقة المشاعر تحب كل شيئ حولها .... حتى أوراق الشجر ...ونجوم السماء ... ولكن كل شيئ رقيق دائما ما يكون سهل الكسر .....
وألمت بى تجربه قاسيه .... كادت أن تسحقنى .... جعلتنى أرى العالم على حقيقته ... كائن متوحش رهيب .... رأيت الأصدقاء إنقلبوا اعداء
ورأيت الأهل غرباء.... عصفت بى أفكار سوداء عن جدوى حياتى وما قيمة العيش بهذا العالم المخيف ..... أحلامى ..طموحى ما نفعهم إذا كنت لا أرى أملا فى تحقيقهم يوما
فكرت فى الإنتحار ... ولما لا ... ولكن إيمانى بالله منعنى {لماذا يا رب حرمت قتل النفس ..أليس هذا الجسد جسدى أليس من حقه أن يستريح}
فهمت حينها المعنى القرآنى {فيه أشخاص متشاكسون } .... بعضى يمزق بعضى هكذا أصبح حالى
من رأنى حينها لم يعرفنى من فرط ذبولى .... غير الكبت ملامحى تماما ....لم أعد تلك الفتاه الصغيره التى لم يتعدى عمرها السادسة عشر
بدوت وكأنى فى الخمسين أو أكثر.....فى تلك المرحله بالذات فكرت فى الإدمان .... وفى كل مره يبعدنى عنه شيئا
حتى كانت ليله مقمره من ليالى الصيف .... عافنى النوم .... وأخذت أفكر لماذا لا أجرب الأن ... وخاصه ان بيتنا لا يخلو من بعض الأشياء التى تساعد على بعث النشوى فى الجسد ....عزمت يومها أن أجرب وما يضيرنى إن جربت ... ولم لا نعم سأجرب
قمت من فراشى .. توجهت مباشره إلى حجرة المعيشه حيث توجد العقاقير....إمتدت يدى الصغيره حينها ....إلى أحد أدراج مكتب أبى
لا أخفى عليكم شعرت حينها برهبه وتردد كادا أن يثنيا من عزمى .... ولكنى صممت على إنهاء ما جئت من أجله ....
بدا الدرج وكأنه خالى تماما من أى شيئ سوى العقار .... فأمسكت به مسرعه وكأن به نجاتى
كان عقارى الأول هو كتاب { الدعاء المستجاب ... للشيخ عبد الحليم محمود} ... قلبت صفحاته فى عجاله ولم يزل فى نفسى شيئ من تردد
ولكن لما لا أجرب الدعاء لله سبحانه وتعالى ... أليس الله مالك السماوات والأرض وما بينهما ... لماذا قد يحرمنى الله مما اطلبه منه
إنه يحبنى ..أشعر بحبه لى فى كل لحظه حتى وإن لم أعترف
توضأت وصليت ركعتين ... وأخذت أدعوا إلى الله بكل ما أتمنى ... إختلطت مناجاتى لله بالشكوى حينا والرجاء حينا.... أدعية من السنه النبويه وأخرى إرتجالا .... قرأت فى كتاب الدعاء المستجاب أن من شروط إستجابة الدعاء عدم تعجل الإجابه وإلتزام الدعاء فى الرخاء قبل الشده .... فقررت أن ألزم الدعاء ليلا نهارا ... قررت أن أدعوا الله بكل ما يخطر ببالى وبكل ما أتمنى
ولم يمر وقت طويلا حتى رأيت ما وعدنى به ربى حقا .... كنت أدعوه والح عليه فى الدعاء وكلى رضا بما سيكتبه الله لى .. أليس هو من يعلم مالا نعلم .. ولم يمر وقتا طويلا حتى أرى أحلامى حقيقه .. وكأنى أمسكت بعصاة سحريه ما إن تلمس حلما حتى تجعله حيا نابضا بالحياه
أدمنت الدعاء ... أدمنته تماما ... لم أستطع ان أقلع عنه يوما
يارب اعرف أوصل الطريق...(من تعليق أم البنات)
يارب الطريق يبقى مش زحمة
يارب الراجل ميزعقش ويقولى اتأخرتى
ساعات بتكسف من ربى من كتر ما أنا كثيرة الدعاء
الدعاء يااااااااااااه (إقتباس من أبو على)
كلمة تصل بين الاحبة
كلمة تصل بين خالق و مخلوق
كلمة تصل بين عابد ومعبود
كلمة بها اليقين
كلمة بها الاعتراف
كلمة بها الضعف
كلمة بها القدرة
كلمة بها الخشوع
كلمة بها التقوى
كلمة بها السعادة
كلمة بها البهجة

وياااااااا لها من كلمة
اذا وضعت فى ميزان ادراكنا
وتحققت شروطها
يااااااااا سعد اطب مطعمك تكون مستجاب الدعوة

من استجاب لدعاء يونس فى بطن الحوت
من استجاب لدعاء موسى ربى انى لما انزلت من الخير فقير
من استجاب لدعاء زكريا ربى لا تذرنى فردا
من استجاب لدعاء ادم انى ظلمت نفسى
من استجاب لدعاء ايوب حين مسه الضر
من استجاب لدعاء عيسى وانزل لها المائدة
من استجاب لدعاء سيد الخلق وهدى له الاحبة
من استجاب لدعاء عائشة حين ظلمها الناس
من استجاب لدعاء من اشتكت زوجها
من استجاب لدعاء الضعفاء
من استجاب لدعاء الاتقياء
من استجاب للمظلومين
من استجاب للمحرومين
من
من
...
انه رب العرش والسموات




هناك 42 تعليقًا:

Ivo Serentha and Friends يقول...

Greetings from Italy, good luck

Hello, Ivo

إيمان يقول...

hiiiii Ivo
greetings from egypt

الفقيرة إلى الله أم البنات يقول...

إيمان الدعاء شئ رائع رائع وإدمان لايباريه ادمان ليتنا ندمن العبادات كلها يا حببتى

قلت أكيد تقصد مدمنة نت..او قراءة
بس مخطرش على بالى ادمانك الرائع ده
ربنا يزيدك من فضله يا حبيبتى

انا لا حيلة لى مع مرض إبنتى إلا الدعاء...الدعاء وسؤال الناس الدعاء والدعاء للغير بظهر الغيب
هكذا وجدت ان الدعاء لى وليس على
لدرجة اكتشفت كل شيه
يارب اعرف أوصل الطريق
يارب الطريق يبقى مش زحمة
يارب الراجل ميزعقش ويقولى اتأخرتى
ساعات بتكسف من ربى من كتر ما أنا كثيرة الدعاء
ولكن ما ينفر منه البشر محبب عند الخالق وله المثل الاعلى وليس كمثله شئ سبحانه وتعالى عما يصفون

طلب صغير تأكدى من الادعيه لان هناك ادعيه فى السوق مكتوب عليها الدعاء المستجاب...توجها مش صحيح
وتلزمك بأعداد معينه..وهذا ليس فى السنه
يعنى تأكدى انه ليس له توجه وخاصة كتاب باسم احمد عبد الجواد

التصوف شئ رائع ولكنه
أمر من 3
إما يأتى بافضل من السنه وهذا مستحيل
او اقل من السنه يبقى السنه افضل
أو يجب مثل السنه يبقى اخد بالسنه

لان التصوف فيه حواليه جدل
ولا احب مواضيع الجدل
ولكن الادعيه اللى باعداد وارقام بلاش منها
وربنا يرزقنا الدعاء المتقبل والعمل المقبول

جزاك الله عنا خير يا إيمان

إيمان يقول...

ام البنات
بجد بحبك فى الله ربنا يشفى بنتك يارب
انا مبدعيش بأى ادعيه غير من القرأن والسنه وبنات أفكارى ...بكلم ربنا سبحانه وتعالى وانا موقنه من الاجابه أيا كان شكلها ... بدعيه و انا كلى امل انه سبحانه وتعالى معايا
انا معرفش حاجه عن التصوف كل اللى اعرفه انه لا يكتمل ايمان المرء حتى يكون الله ورسوله احب اليه مما سواهما
دمت بكل خير يا رب

عاشقه الرومانسيه يقول...

ما اجمل ادمانك
الدعاء سلاح المؤمن حقا والله
ومن علامات رضا الله عن العبد ان يلهمه الدعاء

بنوتة يقول...

السلام عليكم
يا رب أكون زيك ويكون المسلمين كلهم زيك
أنا سمعت شيخ قبل كده قال ان الدعاء عبادة وان ربنا بيحب العبد يلح عليه في الدعاء
اسلوب عرضك للموضوع دايما مميز
تحياتى ليكى

ستيته حسب الله الحمش يقول...

يا سلاااااااااااااااام
يارب يارب اجعلني على نفس ادمانها
يارب ما تحرمني التذلل اليك والقرب منك
ونعم الأدمان .. بيصلح الحال .. وبيعدل المايل .. ويقرب البعيد .. ويجيب المستحيل لحد الأعتاب

الحمد لله ياربي ان علمتني انك ربي
الحمد لله ياربي أني أوقن أنك ربي
الحمد لله ياربي أن ليس لي سواك

لو تعرفي كنت محتاجة كلامك قد ايه

انا يا حبي ابان جامده وضحوكة ولكن ليس منا من يخلو من ابتلاء

اللهم راضني بكل ما كتبت ولا حول ولا قوة الا بالله

بوست رااااااااائع .. فعلا أجمل شيء حصلي دخولي المدونات .. ومن توفيق ربنا لي يكتب لي شوية ناس سكر وعسل الواحد معاهم فعلا بيشحن البطارية

بحبك .. خدي دي ع الهوا مباشرتا موووووووووووووووووووووووووووووووء

ABOALI يقول...

ههههههههههههههههه
كنت وانا اقرء اقول فى النهاية هايكون ادمان الحب والعشق والغرام
بس النهاية جاءت نهاية فى وجهة نظرى نهاية لاءنسان سوى
ادرك قيمة انه انسان فعمل بما موجود فى القراءن
الدعاء يااااااااااااه
كلمة تصل بين الاحبة
كلمة تصل بين خالق و مخلوق
كلمة تصل بين عابد ومعبود
كلمة بها اليقين
كلمة بها الاعتراف
كلمة بها الضعف
كلمة بها القدرة
كلمة بها الخشوع
كلمة بها التقوى
كلمة بها السعادة
كلمة بها البهجة

وياااااااا لها من كلمة
اذا وضعت فى ميزان ادراكنا
وتحققت شروطها
يااااااااا سعد اطب مطعمك تكون مستجاب الدعوة

من استجاب لدعاء يونس فى بطن الحوت
من استجاب لدعاء موسى ربى انى لما انزلت من الخير فقير
من استجاب لدعاء زكريا ربى لا تذرنى فردا
من استجاب لدعاء ادم انى ظلمت نفسى
من استجاب لدعاء ايوب حين مسه الضر
من استجاب لدعاء عيسى وانزل لها المائدة
من استجاب لدعاء سيد الخلق وهدى له الاحبة
من استجاب لدعاء عائشة حين ظلمها الناس
من استجاب لدعاء من اشتكت زوجها
من استجاب لدعاء الضعفاء
من استجاب لدعاء الاتقياء
من استجاب للمظلومين
من استجاب للمحرومين
من
من
...
انه رب العرش والسموات

لك كل التحية على البوست المميز المعبر عن نقاء السريرة

احساس طفلة محبة للرومانسية بس واقعية يقول...

دا اجمل ادمان فى الدنيا
ربنا يزيدك
لان الدعاء بيريح القلب
ويلهم العقل الصفاء
وينير دنيتنا ويصبرنا
بارك الله فيك
تقبلى مرورى

مهندس / على درويش يقول...

لا أمللك إلا أن أقووول
اللهم أجعلني مثلها وأدمن الدعاء

لجين أبو الدهب يقول...

ما شاء الله ..

ما اجمله من ادمان ..

وياريت كل الناس تبقى مدمنة ..

الدعاء والله فيه لذة ..

سبحان الله ربنا عزوجل لما يحط انسان فى موقف ذل لانسان تانى يبقى الانان اصعب شعور مر عليه ده ..

ويبقى يتمنى انه ينسى هذا الموقف ..

الا الذل لله فيه لذة تجعلك تحب الذل لله عزوجل ..

بوست رائع اختى ايمان ..

جزاكِ الله خير ..

دُمتِ بخير ..

تامر علي يقول...

والله كنت لسه بدور على عنوان مستشفى جمال ماضي ابوالعزايم لعلاج الادمان أول ما بدأت أقرا بس الحمد لله خلاص :)

لاء فعلاً والله الدعاء به شيء غير موجود في أي شيء آخر في هذا العالم ... وهو إنه بيجعل الانسان في تواصل مباشر وحي مع خالقه ...مع صانعه ... مع ملك الملوك الذي بيده ملكوت السماوات والأرض.
ده معنى كبير جداً مش أي حد يحسه إلا اللي جربه ..إحساس لذة الأنس بالله ونعيم الوصل به لو علمه المحرومون منه لماتوا من الحسرة .
فعلاً ونعم الأدمان يا إيمان :)

dodda يقول...

ربنا يكرمك بكل خير
بس بصراحه
كلمه الادمان لا تتناسب بالمره مع الدعاء
فالادمان هو لاشياء مضره يجب الاقلاع عنها

ارجوك لاحظى ان فى ناس متربصين بكل مسلم واللى انت كاتباه ممكن يتاخد على محمل اخطر مما تتخيلى

للاسف انتى ممكن تكونى متعرفيش ان فى مجموعه من المدونين ومتنصرين وبيحاربوا الاسلام

انا اتفاجئت ان ابسط حاجه ممكن يتبنى عليها مصيبه من خيال مريض
وكلمه ادمان تجعل من الدعاء عاده
الا ان الدعاء وسيله وطريق للقوز برضا الله

بالتوفيق

إيمان يقول...

dodda
اهلا بيكى وشكرا لتنبيهك
لكن أنا كل اللى قصدته هو شد الإنتباه
لأنى لو قلت فضائل الدعاء مثلا محدش هيفكر يقرى الموضوع
على العموم المسيحين والمسلمين مشتركين فى عبادة الدعاء
والدعاء لما يكون بينقلك إحساس رائع إزاى ميبقاش عاده ووسيله وإدمان كمان
أسفه إن كانت كلمة إدمان دمها تقيل بس انا حسيت انها هتنقل المعنى اللى حبيت اوصله
شكرا لمرورك ولإهتمامك

إيمان يقول...

عاشقه الرومانسيه
ربنا يجعلك من مستجابى الدعاء ويفتح لك أبواب الخير يا رب
ويكملك بعقلك يا حبيبتى

إيمان يقول...

بنوته أهلا بيكى يا ايتها الكاتبه البنوته
ربنا يجعلنا جميعك من الصالحين المصلحين دائما
دمت بكل خير وسعاده

إيمان يقول...

ستيته حسب الله الحمش
أعلن من موقعى هذا أننى غيرت الدلو وبقيت جدى
إيه ده ... بجد بحبك ومقدرش أعيش من غيرك
بجد مش كلام
أنا فعلا يشرفنى ويسعدنى إنك شايفه إنى شبهك
بحبك فى الله حب كبييييييييير أوى

إيمان يقول...

أبو على
إسمحلى أضيف تعليقك على التدوينه...مش هضيفه غير بعد موافقتك
مش لاقيه كلام أزيده على تعليقك
الدعاء عالم سحرى لا يدخله إلا من رحم ربى
ربنا يجعلك من الصالحين المصلحين فى الأرض...أمين يارب العالمين

إيمان يقول...

إحساس طفله
أهلا بيكى
ربنا يحببنا فى طاعته ... ويجعلنا جميعا من مستجابى الدعوه
مرورك اسعدنى جدا

إيمان يقول...

م/على درويش
زينة شباب الحى
ربنا يجعلك من السبعه الذين يظلهم الله يوم لا ظل إلا ظله
تحياتى .. وتمنياتى بالثبات على الطاعه حتى الممات

ريكو يقول...

ازيك يا ايمان
كنت قاعدة بقرأبشغف وعمالة اجرى بالسطور علشان اعرف السر الحقيقى اللى يروى رمقى وأول ما وصلت للحقيقة ما عرفتش اقول غير ما شاء اللة ربنا يزيدك ويزدنا ويتقبل منك ومنا خالص الدعاء اللهم آمين
تحياتى وحبى الكبير لك فى اللة

إيمان يقول...

لجين أبو الدهب
أهلا بيكى ... أسعدنى مرورك
وأسعدنى تعليقك جدا
تعرفى الذل لله أجمل إحساس مكن يمر بيه الإنسان فى عمره كله
بس نعمة القرب لله ونعمة الخشوع ولذته ... لا يعرفها إلا من ذاقها
ربنا يعمر قلبك بالإيمان ... ويرفع شأنك فى الدنيا والإخره .. اللهم آمين

إيمان يقول...

تامر على
ههههههههه
ضحكت عليك
(..ده معنى كبير جداً مش أي حد يحسه إلا اللي جربه ..إحساس لذة الأنس بالله ونعيم الوصل به لو علمه المحرومون منه لماتوا من الحسرة )...كلامك ده ملوش غير معنى واحد إنك منهم(أقصد اللى ذاقوا لذة الأنس بالله) يا لئيم
ربنا يجعلك من أهل الجنه علشان كمان تتمتع بلذة النظر إلى وجهه سبحان وتعالى.

إيمان يقول...

ريكو حبيبتى
أزيك أنتى ... أحبك الذى أحببتنى فيه
ربنا يزدنا جميعا حب له سبحانه وتعالى ولرسوله الكريم
ويجمع قلوبنا دايما على طاعته
ويباعد بينا وبين خطيانا كما يباعد بين المشرق والمغرب
دمتى بكل حب وود .. وسكينه و سعاده

حنان سعيد يقول...

سعيده جداا باني في مدونتك
وعجبتني كتير جداا
وبجد اتشيت جداا لموضوعك
ومع كل حرف بقرئع كان قلبي بيدق جامد
في الاول قلت لا اكيد مدمنه حاجه تانيه وجيه في بالي قربك لربنبنا
بس بلقيسردك للقصه كان بيزيد من حرتي
وحمدت الله جداا على نهياتها
بجد انا مابشوفش ابدااا اجمل
من دعاء الله عز وجل
واستخارته عند الاقبال على اي شيئ في الدنيا
ربنا يكرمك
وتحياتي لك

Lady E يقول...

عاااااااااااااااا وقعتي قلبي في اول البوست وحسيت اني مش مصدقه وضغطي وطى عااااااااااااااا

وذبول وعقار مااااااشي سماح المرة دي علشان بحب اسمك اوووووي وعلشان برج الدلو وكمان علشان الدعاء
ربنا يكرمك على الدعاء ياااااارب وان شاء الله يكونلي نصيب من دعواتك (شوفتي انا طماعه ازاي) :)

مهندس / على درويش يقول...

شكرا ايمان
لدعائك لي بالثبات

وان شاء الله تكوني انتي كمان من السبعه الذي يظلهم الله في ظله

كاتب مصري يقول...

يا شيخة خضيتيني قلت مدمنة ايه دي بس لسة صغيرة ياريت كلنا نعرف ندمن الدعاء مكانش ده يبقا حالنا
الحمد لله على كل حال
بجد وقعتي قلبي وعرفتي تشديني للآخر
حلوة جدا واعمليها كل مرة هههههههههه
مودتي

ABOALI يقول...

بوستك جميل وهايل
وتعليقى مجرد تعليق على تفاعل مع بوست مميز
لك حرية الاختيار فى اى شيىء ترغبى فيه

إيمان يقول...

حنان سعيد
أنا إللى بجد سعيده جدا بمرورك من هنا
تصورى الكلمه الطيبه فعلا شيئ رائع .. كلامك الجميل
خلى يومى كله سعيد ... بجد مش ببالغ
بما إنى بقه مريت فى مدونتك ... فأناعرفت إنك إنسانه مرهفة المشاعر..وفهمت ليه قلبك كان بيدق جامد ... ربنا يحميلك طيبة قلبك ويدمها عليكى نعمه ... يا رب
وكمان ربنا ميحرمكيش أبدا من الناس إللى بتحبيهم

إيمان يقول...

ليدى هانم
سماح .. سماح .. يا ست الملاح
وسلامة ضغطك
مش هعملها تانى
كانت جنونه وراحت لحالها
أما عن الدعاء بقه ...( يارب يا ليدى تلاقى اللى يحبك وتحبيه ويجمعك بيه فى حلاله ويسعد أيامك معاه... وتبقى كاتبه كبيره ومشهوره تنفع الناس... ويثبت قلبك على الإيمان ... ويجعلك من الصالحين .. المصلحين ) آمين .. آمين
قولى آمين

إيمان يقول...

م/على درويش
بجد دعائى ليك من قلبى .. ربنا يثبتنا جميعا
ويجعلنا من صحابة الرسول الكريم فى الجنه إن شاء الله

إيمان يقول...

كاتب مصرى
يا قهلا ... يا قهلا
حمدا لله على السلامه
معلش خضيتك ... ده انا كنت بهزن معاك
حد برده يا خد على كلام الدلو
نورتنا والله وإبقى كررها
إلاهى ما يحرمك من حبايبك .. ويفتحلك الأبولب المقفله
ويحبب فيك خلقه ... بجد الدعوتين دول بفرح أوى لما تيتا تدعيلى بيهم
ربنا يوفقك فى مشوارك الصحفى

إيمان يقول...

شكرا يا أبو على ... معلش بقه هنقلبك فى التعليق بتاعك
خلى بالك من كومنتاتك

~ dr.Sondos ~ يقول...

الحبيبة إيمان
ماشاء الله أسلوبك أكثر من رائع
جزيتِ خيرا على ماذكرتينا به
محقة أخيتى
( ضل من تدعون إلا إياه )

إيمان يقول...

د/سندس
( ضل من تدعون إلا إياه )
يا سلالالالالالالام هو ده اللى كنت عايزه أقوله بالضبط
مع إن فى ناس عاتبتنى على موضوع الإدمان والعقاقير
بس أنا كان قصدى كده .. إن الإنسان فى وسط حيرته وضياعه .. بيدور على الراحه فى اماكن بعيده كل البعد عن أسباب الراحه
زى إللى ملقاش عيش .. فإشترى جرجير
بجد نورتينى
وأسعدنى مرورك
ربنا يجعلك ممن يفقهُ قولهم .. ويرفع شانك فى الدارين ..آمين يا رب العالمين ..أللهم أستجب

romansy يقول...

الله الله الله
على الدعوات الجميله دى

إيمان يقول...

منور يا أستاذ رومنسى
أهلا أهلا أهلا
رومنسى باشا ... يارب تحقق كل أحلامك وتبقى من سعداء الدارين الدنيا والأخره.. ويجعل الجنه مسواك أللهم امين يا رب العالمين

Lady E يقول...

آمين

ربنا يكرمك ياااارب ويستجيب منك الدعوات الجميلة دي

CLEOPATRA TOURISM GUIDE يقول...

ده ادمان رائع ومفيد جدا

تعرفي يا ايمان أنا بحس بسعاده وانا بدعي امتى؟

وقت نزول الأمطار بتعتريني فرحه وسعاده غامره وبحس براحه شديده بعد انتهائي من الدعاء

موضوعك جمييييييييييييل

وتذكير لينا بعدم الابتعاد عن الدعاء لأنه من العباده

سلمت يمبنك

و..تــحــيــاتــي

إيمان يقول...

كيلوباترا المتخفيه
أهلا بيكى وحشتينى
ربنا يزيدك تقوى وإيمان
ويرزق سعادة الدارين
بحبك وحشتينى

إيمان يقول...

ليدى حبيبتى
ربنا يجعلنا جميعا من مستجابى الدعوه