الخميس، 19 فبراير 2009

عملية ربط مخ ....... مره تانيه



أستيقظت اليوم مضطربة الأفكار... مرتبكه المشاعر ...
جسدى يؤلمنى ... وكأنى لم أنم ...حالى هكذا فى اغلب الأيام...ولكن اليوم
أخذت أفكر فى حالى ما هو العلاج لحالتى تلك ...
يا إلاهى جربت كل شئ ولم ينجح معى شيئ
ولكن خطرت لى فكره مجنونه لماذا لا أقوم بعملية ربط مخ ..
نعم عملية ربط مخ على غرار عمليات ربط المعده
لعل عقلى يتوقف عن التفكير فيما حولى ...
حتى لا أتذكر حالنا فى مصر وحال إخوتنا فى كل البقاع الإسلاميه ...
حتى لا أفكر فى مستقبل أولادى .. حتى يتوقف عقلى عن توقع ماذا سيحدث فى المستقبل >>> وأتصور لو أن العمليه نجحت وتوقف عقلى عن التفكير المستمر ... سأفكر فى القيام بعملية غسيل مخ أيضا كمرحله ثانيه ... لأنظف عقلى من كل الأفكار التى علقت به .. وكل الذكريات السيئه التى مر بها
ما رأيكم فى هذه الفكره أليست حلا حتى لا تصاب عقولنا بتخمه فى الأفكار .. ففى بلادنا العربيه لا نحتاج للعقل كثيرا كل ما نحتاجه هو اللسان ... وممكن نعمل عملية تطويل لسان إذا لزم الأمر

هناك 58 تعليقًا:

احساس طفلة محبة للرومانسية بس واقعية يقول...

هى فكرة جميله جدا يا ايمان
بس تتنفذ ازاى دى
صعبة اوى
ممكن يكون فقدان ذاكرة مؤقت
ويكون لية حبوب لفقدان الذاكرة
زى اى دواء عادى كدا
وكدا نقدر منفكرش لفترة زمنية معينة
وبعدها نرجع نفكر تانى
ربط مؤقت يعنى
:)

تقبلى مرورى

*البت المشمشية *حلوة بس شقية * يقول...

طبعا عندك حق كدة
نطول لسانا
ونرفع الشببشب كمان اذا لزم الامر وطبعا هيلزم انتى مش شايفة اللى بيحصل حوالينا ولاايه

ABOALI يقول...

لو تخيلتى العقل مثل برميل له فتحتان
الاولى فى اعلاه من الجنب والثانيه فى اسفل من الجنب
وكانت الفتحة الاولى تعبر عن ما ندخله داخل العقل
وكانت الفاتحة الثانيه تعبر عن ما يخرج منا سواء كلام و تعابير و احاسيس وهكذا
فاءذا نفذنا ما طرحتيه
سنقفل الفتحه العلويه وتستمر الفتحه السفلى
يعنى مافيش مدخلاات جديدة ستتدخل
ويبدء المخزون الذى فى البرميل فى النضوب ويصبح الكلام الخارج كلاسيكى معتاد وتحدث الفجوة بين انواع التفكير والاجيال كما الان


المطلوب سيدتى هو رفع سرعة بروسيسور العقل و رمااته لكى يتقن ما يدخل ويخرج منه ليكون فعال ومنتج ومؤثر


هذا رأيى

احتمال برضوا
بس التفكير فى التجديد كويس برضوا

وتذكرى ان حب الوطن من الايمان

Lady E يقول...

بالنوسبة للبوست اللي فات بعد الشر عليكي من الفلسعة يا قمرايا متقوليش كده والله ازعل منك
وانا ليدي e بس اسمي مش ايمان :)

وبالنوسبة للنوم اللي مش متظبط حاولي تاخدي مشروب سخن قبل النوم ولو ينفع دش سخن وهتلاقي نفسك استرخيتي وكل لما تجيلك افكار اهربي منها انك تقرأي قران او تسبحي او تذكري ربنا واكيد الشيطان مش هيسيبك وهيخليكي تنامي علشان متكمليش ذكر نياهاهاها دي وصفة مجربة على فكرة

Lady E يقول...

لاع لاع لالالا لاع انا او حد جه شاااااف البوست

الاقي كل الناس دي ردت قبلي عااااااااااا

Eng. Ahmed Abo El-Ella يقول...

عملية ربط المخ ممكنه
لكن عملية تنظيف المخ مستحيله

مستحيل تقدري تتجاهلي الوضع اللي حوالينا

مستحيل تقدري
ولو قدرتي ابقي قوليلي ازاي عشان لو ينفع اعمل زيك

ستيته حسب الله الحمش يقول...

طيب ما نتوكل على الله ارخص ما نيجي نربط النفوخ يطلع الخيط مش نضيف ولا البنج زيادة ولا تتسرق الكلية واحنا فاتحين النفوخ؟

فيه حلول لبكره نتيجة لأخلاقيتنا وسلوكيتنا
وفيه حلول مايقدرش عليها غير الخلاق

ومونكن برضه ياأوختشي لو ماأجدناش التوكل نجيب قطنة بأسيتون ونضف الدماغ

حااااااااااضر ها اكلمهم لك

عاشقه وغلبانه يقول...

انتي شوفيلنا دكتور ابن حلال يعمل العمليه دي والسألي تتكلف كام
وحاولي تجيبلنا اقل سعر
وقوليله انك جايبه زباين كتير
يعملنا تخفيض
وانا معاكي في الموضوع ده

بس انا مش عايزه ربط انا عايزه افضي الجمجمه خالص
هههههههههههههههههههه

لجين أبو الدهب يقول...

الأنسان سمى بهذا الاسم من النسيان ..

من لطف الله بنا عزوجل أن خلق فى عقولنا النسيان ولكن فى بعض الاشياء لا يكون نسيان كامل ..

أحيانا أتذكر اشياء مر عليها أمد طويل ..
وأتذكر كيف صرت الأن .. وكيف كنت أشعر وقتها أن هذه نهاية العالم وأعظم كروبى ..

وكيف هى الان مجرد ذكرى بين طيات عقلى .. وأحمد الله عزوجل أن جعلنى أنسى صعوبة ألمها وشدته ولكنه جعلنى أتذكر أن وقتها كنت أشعر بالألم لحمده عزوجل كل تذكرته ..

كثيرا ما كنت أنوى مثلك حبيبتى أن أربط عقلى فلقد أجهدنى من كثرة تفكيره وانشغالى بما حاولى ..

نجحت فى ربط عقلى عن بعض الأشياء ..

وأشياء أخرى أبت وهى التى ربطت عقلى بها ..

وظل التفكير مستمر كما هو ...

حبيبتى ايمان ..
دعِ عقلك يفكر وعندما يشتد عليك ذكريه بلطف الله عزوجل ..

جزاكِ الله خير على البوست الجميل ..

دُمتِ بخير ..

* على فكرة قصيدتك البوست اللى فات أكثر من رائعة عجبتنى جدا وقلت اعلق هنا مع البوست ده ..

الفقيرة إلى الله أم البنات يقول...

موضوع يحتاج تفكير
ليه لاء
اهو حاجه تريحنا من وجع الدماغ المستمر
بس تطويل اللسان لاء
علشان لما هنربط المخ ..مش هيقدر يدى إشارات
للسان يشتغل

ربنا يفرج كروبنا جميعا ويخرجنا منها على خير

بنوتة يقول...

السلام عليكم
هو احنا فعلا في اوقات بنحتاج للربط بس ده مستحيل لان حتى لو نمنا عشان نبطل نفكر بتلاقي الحلم بيفكر معاكى وبتشوفي ايللي بتفكرى فيه
في فيلسوف قال اذا أردت ان اتوقف عن التفكير سوف افكر كيف لا أفكر
موضوع مميز كالعادة
تحياتى ليكى

مصــــري يقول...

أختي العزيزة ايمان

أحيانا أشعر اني قادر عن التوقف عن التفكير ولكن هيهات.
ربط المخ كما ذكرتي هو الاستحالة ذاتها لأنكي ساعتها ستتوقفين عن قراءة الجرائد ومشاهدة النشرات.
وستحاولين ابعاد الصور المؤلمة عن ذهنك.

ثم
لاشئ

من يسير جانب الحائط قد أُذي بالفعل.
اذا فصدق المتنبي حين قال

لو لم يكن من الموت بـُداً
فمن العجز أن تموت جباناً

لا أستطيع ان أجد كلمات تصف سعادتي بضمي لينك مدونتي للقائمة الجانبية
ألف مليون شكر


تحياتي
أسامة

إيمان يقول...

إحساس طفله
المشكله فى كمية الافكار الامتناهيه ..
إللى عمال على بطال رايحه جايه فى دماغ الواحد
مش عايزه اوقفها ..ومفيش حاجه معينه عايزه أنساها
انا عايزه أخف شويه .. أعمل عبيطه يعنى
مفيش بلبيع تخلى الواحد يفكر عادى بس نص كم على ما أوسوم يعنى
تحياتى ليكى ..ولمتابعتك الجميله ..يا جومر

إيمان يقول...

المشمشيه الشقيه
اهلا أهلا وحمدا لله على سلامتك
يا جامد يا جامد يا بتاع الشبشب إنت
بموت أنا فى البنات الجامدين دول
أصل محبش أبدا .. البنت الغلبانه دى
أيوه لسان وشبشب لأى حد يتعدى حدوده
نورتى بلوجر كله وحمدا لله على سلامتك

إيمان يقول...

أبو على
المطلوب سيدتى هو رفع سرعة بروسيسور العقل و رمااته لكى يتقن ما يدخل ويخرج منه ليكون فعال ومنتج ومؤثر
أيون هو ده هو ده الحل نزود رامات
دايما تفحمنى كده
طيب طيب نشوف مهندس بقه بدل دكتور

GiGi يقول...

ياريت بس قولى بس على الدكتور وفى اي مستشفى بس مش صعبه تعال نقول للحكومه بس وهى هتفرح بينا قوي
انا فعلا ساعات بحس اننا بنموت مخنا من التفكير بحس انه بيقولنا ارحمونى شويه
تحياتى
بد بحبك قوي ياطيب حد عرفته

مهندس / على درويش يقول...

عمليه ربط مخ
فكره جديدة للتخلص من أرق النوم

بس تفتكري بعدها هنعرف ننام

مش عارف !!!!!!!!!

GiGi يقول...

على فكره اناعلقت فبل كده عند حضرتك بس مش عارفه فين التعليق
انا بس كنت بقولك فيه انك رقيقه وجميله وبحبك جدا جدا جدا

ريكو يقول...

واللة يا ايمى فى أوقات كتيرة الواحد من كتر الضغوط بيحس أنة محتاج يفصل وانة لو ما عملش كدة بجد يمكن يحصلة حاجة
لكن يا ايمى بيتهيألى فى زمننا دة احنا مش محتاجين عملية ربط مخ لأ دا احنا عايزين عملية تشغيل مخ علشان على الاقل نقدر نصنع قوتنا بادينابدل الكسرة والذل اللى احنا عايشين فية دة وللا اية رأيك
مودتى وحبى الدائم

عاشقه الرومانسيه يقول...

وانتى قدرتى فعلا توقفى عقلك ياايمى؟
طيب ازاى يااختى
والله انا ماقادره
نوفوخى هيفرقع من كتر التفكير
والله بفكر فى اى موضوع حتى وانا نايمه
حاسه ان دماغى مش بتقف خالص
وحاولت اوقف تفكيرى كتير واصفى افكارى
بس للاسف فشلت

ياريتنى اقدر
اشكرك على كلامك الجميل فى رد تعليق
البوست اللى فات
انا كمان باحبك قوى ياايمى
وربنا عالم

dodda يقول...

امممم
انا ياختى مبسوطه بمخى
ال اربطه ال!!!!!

انا ركبتله كارت ميمورى حنلاقى دع مكتوب قى تعريف البلوج بتاعى
:0)

اوعى حد يضحك عليكى وبعملك عمليه سندوتش مخ

إيمان يقول...

ليدى حبيبتى
يا أوختشى جربت كل الحاجات ومفيش فايده
متنسيش انا صيدلانيه .. والأعشاب دى لعبتى
المشكله فى الأفكار إللى مفيش بد عنها إللى
بتدخلك حتى فى الأحلام ..وتقومى الصبح كأنك منمتيش
أما بالنوسبه .. لموضوع أول تعليق ولا يهمك مكانك
محفوظ ..دنتى صاحبة بيت قصدى مدونه يا قمر

إيمان يقول...

Eng. Ahmed Abo El-Ella
ربنا يسامحك .. كان عندى أمل
وبعدين ماله الوضع إللى حوالينا
ده وضع جميل ولطيف وظريف وحسين ومحمد باشا
والله لو مبطلتش انا هاديك رقم أحمد اخويا
علشان تصدق إنكوا كربونه من بعض حتى هو عنده 24سنه زيك
ربنا يسامحكوا إنتوا الإثنين

إيمان يقول...

طيب ما نتوكل على الله ارخص ما نيجي نربط النفوخ يطلع الخيط مش نضيف ولا البنج زيادة ولا تتسرق الكلية واحنا فاتحين النفوخ؟

فيه حلول لبكره نتيجة لأخلاقيتنا وسلوكيتنا
وفيه حلول مايقدرش عليها غير الخلاق

ومونكن برضه ياأوختشي لو ماأجدناش التوكل نجيب قطنة بأسيتون ونضف الدماغ

أه لازم نتوكل على ربنا ونؤمن إن لأى مجتهد نصيب
ولازم أى حد هيتعب حتى ولو كان تعبه فى التفكير فى حاله وحال دينه وبلده لازم ربنا هيفتحها عليه ومن وسع ... وأى حد أى حد مخلص وبيحب لأخيه ما يحبه لنفسه .. لازم هيوصل ويعمل حاجه ليها قيمه فى الدنيا بنت ستين فى واحد وأربعين دى
ما شاء الله عليكى يا ستيته الحكمه وحسن الخطاب دول نعمه كبيره ومسؤليه كمان ربنا يقدرك
بحبك وحياة عمر وريما

إيمان يقول...

عاشقه وغلبانه
سلامة جمجمتك يا حبيبتشى
بعيد الشر عنك وعن السامعين
أدينى يومين تلاته كده وأرد عليكى فى الموضوع ده
يمكن نلاقى سعر كويس فى الصين ولا الهند
لما نشوف

إيمان يقول...

لجين
نجحت فى ربط عقلى عن بعض الأشياء ..

وأشياء أخرى أبت وهى التى ربطت عقلى بها ..

وظل التفكير مستمر كما هو ...

حبيبتى ايمان ..
دعِ عقلك يفكر وعندما يشتد عليك ذكريه بلطف الله عزوجل ..

يا سلام حكم والله حكم .. أيه الناس دى
والله إنتوا خساره فى البلد
عقل ودين ومشاعر لألألأ ده كتير بجد والله مش مجامله
أما بالنسبه للبوست إللى فات بجد شكرا على التشجيع سعيده جدا إنه عجبك
أصل فيه ناس لامتنى علشان كئيب
يلا بقه إن مكنتش هكئب أصحابى هطلعوا على مين

إيمان يقول...

الفقيرة إلى الله أم البنات
شوفتى بقه أنا دماغى نضيفه إزاى
يارتنى كنت جراحه كنت خلصت الموضوع ده ودى
وبلاش كمان لكل حبايبى
عايزه أسالك على حاجه ..هو إنتى مالك ؟
حاسه كده إنك مش تمام مش فى المود يعنى
لعل السبب خير ..أنا مش حشريه أنا بس بطمن عليكى
بحبك فى الله ..وبتطمن لما بأشوفك هنا أى والله العظيم

إيمان يقول...

بنوته
وعليكم السلام ورحمة الله وبركاته

في فيلسوف قال اذا أردت ان اتوقف عن التفكير سوف افكر كيف لا أفكر
أه بجد هوه ده إللى بيحصل معايا بقعد أفكر هو انا ليه بطلت افكر هو انا بقيت معنديش إحساس ولا إيه
حلو التفكير حلو يمكن نطلع بحلول للإحنا فيه
تحياتى ليكى ولتاجك إللى هجاوب عليه بس شويه كده لما تجينى الشجاعه

إيمان يقول...

مصرى
لو لم يكن من الموت بـُداً
فمن العجز أن تموت جباناً
صدقت .. العجز كل العجز ان تموت جبانا
والله إنتم يا شباب بلدى جواهر والله جواهر
ربنا يحميكو ويبعد عنكم العين قادر يا كريم
وكمان يبعد عنكم كيد الكائدين إللى بيزرعوا الهيافه والسطحيه فى عقل وقلوب ولادنا وإخواتنا
لينك مدونتك إللى عندى ..بجد وبدون مجامله
شرف ليه ووسام على مدونتى .. إن فى اقلام فى بلدى بالنضافه دى
ربنا يزيدك ويحميك .. وتحقق كل أمنياتك وأكتر

إيمان يقول...

GiGi
تعالى نقول للحكومه بس وهى هتفرح بينا قوي

أه والله دى هتفرح قوى ... ويمكن كمان هتبعتنا نعملها فى الخارج على نفقة الدوله

بجد يا جى جى أنا مستحقش كل الكلام الجميل ده
إللى خلى أساريري إنشرحت ورقبتى بقت متر ونص
ربنا يكرمك .. ويسعدك

إيمان يقول...

مهندس / على درويش

تفتكر إنت هنعرف ننام
وتفتكر هى فعلا فكره حلوه
متهيألى .. ولامش متهيألى حاجه
خلينى ساكته بقه لأحسن هخبط فى الحلل
والقلل..وكل المسؤلين الكبار.. يوه أصدى كل أصحابى الطوال

إيمان يقول...

ريكو إللى زى من زمن فات
يا مراحب يا مراحب
لأ دا احنا عايزين عملية تشغيل مخ علشان على الاقل نقدر نصنع قوتنا بادينابدل الكسرة والذل اللى احنا عايشين فية....أنا معاكى فى هذا الكلام جدا
وشكلى هصرف نظر عن الموضوع ده
نورتينى وأنستينى

إيمان يقول...

عاشقه الرومانسيه
لأ يا حبيبتشى معرفتش أبطل تفكير ولا هعرف فى سنتى
يالا وعد ومكتوب وإللى مكتوب على الجبين لازم تشوفه
ام رجلين
بحبك خالص

إيمان يقول...

dodda

يا دودا يا جامد
أنا شوفت حكاية كارت الميمورى إللى إنتى مركباه ده
وجيت أعلق عليه ..علشان أسألك مركباه فين وبكام
راح البلوج معلق وشلنى
ممكن بقه تقوليلى فين وبكام

MRS WRITER يقول...

هههههههههه

حلوة حكاية العرب مش محتاجين عقل دي ولسانهم طويل

على العموم أنا الموضوع ده كان على بالي من اول امبارح

كنت بقول عايزة أخللي مخي يبقى زي البالونه لما نفضيها من الهوا

وده علشان أنفذه بعمل خطوتين

الأولى : بكتب كل المواضيع اللي زاحمه تفكيري في أجنده

ثانيا بفوض أمري لله وبقول بلاش وجع دماغ ربنا يقسم الخير

أصل المواضيع تااي بتبقى شاغلانا عادة يا إيمان لا نملك القدره على حلها لان لو كانت الحكاية كده كنا حليناها وفضينا عقولنا

قولي يارب وفيه حاجه مهمه مع اولا وثانيا انك تتعلمي ازاي تكوني بارده قوي لدرجة التلامه

حاولي وهتدعيلي

تحياتي

الفقيرة إلى الله أم البنات يقول...

تصدقى يا إيمان انت خضيتينى جدا"
جدا"
لانى مش فى المود
خالص
سبحان الله لما القلوب تشعر ببعضها من غير رؤية
والله بحبك فى الله جدا"

للأسف انا فى حالة انحسار نتى احاول ان لا اذهب مع الوبا...ممكن فجاة تلاقينى اختفيت
علشان كده بلزم نفسى بالتواجد علشان مرحش هناك

إيمان يقول...

MRS WRITER

الأولى : بكتب كل المواضيع اللي زاحمه تفكيري في أجنده

ثانيا :بفوض أمري لله وبقول بلاش وجع دماغ ربنا يقسم الخير
يا اهلا يا أهلا
تصورى كنت لسه بفكر فيكى والله بجد .. ومتسألنيش ليه
لسه كنت هازور مدونتك حالا..سبحان الله
بالنوسبه لأولا وثانيا...تسلم العقليه الفزه بجد نصيحتين إللى هم .. بجد أنا عن نفسى هعمل بيهم إن شاء الله

تتعلمي ازاي تكوني بارده قوي لدرجة التلامه
دى بقه لو كونتى عرفتى تعمليها قوليلى إزاى
أصلى فشلت فى هذا فشل زريع
نورتينى وانستينى وأفدتينى جدا جدا

إيمان يقول...

أم البنات
لألألألألألألألألألأ وبا أيه بجد إحنا منستغناش عنك
وعالم التدوين من غير روحك الطيبه هيبقى ملوش
طعم خالص .. لا وحياتك صحصحى معانا كده
ولا أيه ..هنديلك ستيته تشوف شغلها معاكى

صوت من مصر يقول...

للاسف مخى بيظفلط مش عارف اربطه
جميل يا ايمان
على فكره انتى فتحتى البلوج يوم 24/1
يوم عيد ميلادى

إيمان يقول...

صوت من مصر
حاسب على مخك
ليتظفلط يقع فى التراب
وبعدين منعرفش نغسله
وتبقى مصيبه .. رهيبه
سعيده بمرورك

د/عرفه يقول...

علشان كده دايما بيقولوا المجانين فى نعيم
ربط مخ زائد غسيل مخ
طيب هيتبقى فيه ايه؟؟؟؟؟؟؟؟؟؟
فكره جديدبس مش ناوى اجربها

على العموم انا بدعو الناس لانهم ممكن يعملوا دعايا للمدونات بتاعتهم معانا على المنتدى المفتوح
وان حطيط مدونتك معانا
العرض لمده محدوده يا تلحقه يا متلحقهوش

تامر علي يقول...

في اقتراح أسهل وهو تعاطي حبوب "منع الفهم" ودي بتتاخد حبة كل 5 دقايق علشان احنا مصايبنا كتير وكل ما تحصل مشكلة ممكن نبلبع حبايه .

(على فكرة في ناس كتير حوالينا معمولهم غسيل مخ بجد)

فكرة رائعة وتنفذ فوراً:)

مهندس / على درويش يقول...

انا أفتكر أنها فكرة مش حلوة
والسبب

أنه لا حاضر لأمه تجهل ماضيها
ولا مستقبل لأمه تنسي فضائلاها


أظن هذه الكلمه تحمل معني كبير لو دققنا النظر فيها

حسام غانم يقول...

هههههه

يا دماااااغك

ربط مخ

جديدة دي !!

تحياتي ..

~ضحكة ألم~ يقول...

اوافقك الراي لم نحتاج عقولا ما دمنا لن نستخدمها ..ونعيضها بلساننا

:)

إيمان يقول...

د/عرفه
أهلا بك ثم اهلا ثم اهلا
شكرا عميقا جزيلا جميلا على إضافة رابط مدونتى
أدعو معك كل المدونين المحتاسين لدخول تلك المدونه
لنتعرف على الأقلام الجميله المميزه بسهوله
أما بخصوص العمليه بتاعة ربط المخ
إنت الخسران لأنى ناويه أصعد الموضوع للجهات المسؤله
إللى أكيد هتعجبها الفكره .. ويمكن يعملوها لينا
بالخارج على نفقة الدوله
يمكن نبطل نتفزلك ..ونطالب بحياه إنسانيه عاديه
ونبقى كلنا متمرطين ولكن مبسوطين زى سكان العباسيه إللى حالتهم ..ميه ميه
تحياتى ..وبجد بشكرك جدا جدا

إيمان يقول...

تامر على
حلوه حكاية حبوب منع الفهم دى ..أسهل برده
وكمان هتخلينا نبطل نفهم بس نص نص
يعنى هنتحكم فى مستوى فهمنا وإدركنا
وعلشان نبطل شقاوه ..ونبطل نغلب ماما حكومه
أما عن غسيل المخ ..فالموضوع مش محتاج عمليه
الإعلام ونظام التعليم.. قايمين بالواجب والزياده
تحياتى

إيمان يقول...

مهندس / على درويش

أنه لا حاضر لأمه تجهل ماضيها
ولا مستقبل لأمه تنسي فضائلاها
المشكله إن إحنا لو عرفنا ماضينا هنتنطط على خلق الله وهنفتكر نفسنا يعنى .. ممكن نعمل حاجه
ونغير وجه الكون زى ما الصحابه عملوا
وبعدين دى تبقى كارثه قوميه لا نهائيه
وشيئ ميصحش خالص مالص بالص
تحياتى يا بلدياتى

إيمان يقول...

حسام غانم
أيه رأيك بقه
مش بجد الستات فى مصر
أصحاب رأى ودماغ
بجد نورتنى أنا زورت مدونتك
عجبتنى جدا وعجتنى مواضيعك
تسلم إيدك

إيمان يقول...

~ضحكة ألم~
صدقتى عزيزتى .. هنعمل أيه بالمخ
موراهوش غير وجع القلب
نورتينى وأنستينى
وأتمنى دايما أشوفك .. يا أيتها البنوته الجميله

MaNoOoSh يقول...

لا طبعا بلاش العملية دى..
طب افرضى ذكرياتك الحلوة كمان ضاعت
لا خلينا كدة بمخنا بحلوة ومرة احسن
واللى مش عاجبنا منخلوش وخلاص.. علشان يفضل مخنا نضيف

إيمان يقول...

MaNoOoSh
يا مراحب بإللى غايب
نورتى يا منوشه
على رأيك خلينا كده احسن
لحسن ينسوا فوطه ولا مقص فى مخنا
نقوم ننسى الحاجات الحلوه
ونقعد مفوطين ومقصقصين

اصحى يا مصر : اسلام ديو يقول...

ردى للى عايش فى مصر : ولله كفاية مخنا اساساً ضرب من حاجات كتير اولها المياه السامة اللى بنشربها واللحمة الفاسدة اللى بناكلها وحتى الخضروات المهجنة والمسرطنة وحاجات كتير اوى ، على ما اعتقد هما هيخلونا نشيل دماغنا ويتاجروا بيها زى الكلاوى علشان نسدد ديون مصر :D
دمتم سالمين وبخير

blue-wave يقول...

ههههههههههههههههه
حلوة حكاية تطويل اللسان دى:))

حرووووووووووووف يقول...

نورتيني اولا بمرورك عندي يا دلو يا اختي ثانيا نزولا علي كلام صحابنا البوجرية اللي اجتمعوا عليا فساعود الواحد مش عارف ياخد اجازة يعيط مع نفسيتة هما بعضيهم لوحدهم
بلنسبة للبوست بتاعك مش نقدر نعمل غسيل للنخ عشان نمسح ذكريات سيئة لانن في ذكريات بردوا حلوة وحياتنا كلها ذكريات لو عملنا كدة يبئا حياتنا بتضيع ونبئا بردوا سلبيين وبنريح نفسنا احنا كدة كدة مش عارفين نريح نفسنا ولا كدة نافع ولا كدة نافع بس فكرة تطويل اللسان ممكن بردوا هي العمليات عندكم بكام عشان عايزة اكبر مخي واصغر قلبي وميسعش غير الناس اللي بتحبني وبحبهم

إيمان يقول...

اصحى يا مصر : اسلام ديو
مش مشكله لو هيسددوا ديون مصر ماشى
أحنا وكلوينا ودماغنا فداكى يا مصر
نورتنى يا إسلام
أهلا بيك

إيمان يقول...

blue-wave
أهلا بيك فى أول زياره هنا
يا مرحبا يا مرحبا نورك غطى على الكرهبا
أنا كمان عجبانى حكاية تطويل اللسان دى
أهو الواحد .. ينمى مواهبه
نورتنى وأتمنى أشوفك دايما

إيمان يقول...

حرووووووووووووف
اكبر مخي واصغر قلبي وميسعش غير الناس اللي بتحبني وبحبهم

تتصورى إنتى بتفهمى
إللى إنتى بتقوليه ده حل ممتاز
علشان نظبط الموضوع من الأول
قبل ما يبقى فيه ذكريات ومكريات
وكلام فاضى
نورتينى وأهلا بيكى دايما .. ولو أنى مش شايفه داعى للأجازه