الاثنين، 9 فبراير، 2009

فاصل ونواصل {قلب من قلوب العوام}



يا ملكة الشوق.......اليك منى تحية ...اليك منى السلام
ياملكة الشوق .......أنا قلب من قلوب العوام
أشكو اليك يا غالية......فاسمعيني بحب و أهتمام
• أشكو اليكى شكوةّ...لا أستطيع البوح بها ..لا استطيع الكلام
أنا قلب عاشق.....يملأنى شوق ....يملأنى حب وغرام
انا ذبت شوقآ.......تهت دومآ... بين جرح والتئام
• انا ماعرفت الكرة يومآ....أنا بحر شوق وحنان
أتعبنى شوقى......... أتعبنى حقآ
وذات يوم ......حلمت أنى أصبحت ملكآ
• لدى قصر ....لدى خدم .....وبأمرى حكمآ
وبأنى صرت متوجآ.......فنو يت حربآ

أعددت ألاف الجنود.....أعددت جيشآ
• وحملت أسلحتى ...وجيشى ...ومشيت دهرآ
حاربت أشواقى ...فقتلتها...وعدت منتصرآ

أفقت من نومى .....غسلت وجهى
وحاولت أن أنسى انتصارى....حاولت عبسآ

وتملكتنى أفكارآ تؤرقنى...ماذا لو صرت منتصرآ
ماذا لو قتلت أشواقى........وفررت هربآ
أخاف على نفسى فتنةّ.........وأخشى من نفسى غدرا
فانقذى أشواقى ياغالية ...اليك منى من الأعذار ألفآ

• ما جئت أعلن حربآ,,على مملكة العظام
لا تصدقيهم,,أميرتى ,,لا تصدقى إنسان
• أنا جئت فارآ,,الى مملكة السلام
أنا مشتاق ,, أرجو لأشواقى الدوام
• تحية منى اليك ,, على منك السلام

تحية منى اليك,, يا ملكة الأشواق والأحلام


{ لحظه تجلىّ }

هناك 19 تعليقًا:

فكرة من الزمن ده يقول...

زي شعر نزارقباني الفكرة اللي تنفع خاصة وعامة يعني ممكن بلد ام محبوبة يمشي معاها بردو
والاسم معبر اوي عن المضمون قلب من قلوب العوام
جميلة استمري

عاشقه وغلبانه يقول...

اسلوب جميل اوي
والقافيه عجباني جدا
تسلم ايديكي يا ام البنات

انا رديت عليكي عندي لما علقتي علي الاسم
كنت اقصد بنات افكاري وانك ام البنات
ماقصدتش غيرك والله العظيم

عاشقه الرومانسيه يقول...

اذاجاءك هذا القلب فلا تتردى فى ان تمدى له يدك ان تحتويه بين احضانك
لانه نادر الوجود
فى عالم اصبح لا يعرف سوى الظلم والقسوه

ستيته حسب الله الحمش يقول...

الله الله يا ايمي
ده كلام جمييييييييييل قوي قوي
ومعاني مترابطة
اوعي تكوني نزار بس متنكر في صورة ايمان

أفقت من نومى .....غسلت وجهى
وحاولت أن أنسى انتصارى....حاولت عبسآ

هذا العاشق ما انتصر ولا تمنى انتصارا
هو بس كان في حالة خدر خرج منها ليعلن ان العشق مقرر اجباري وليس اختيار

بحبك قوي

إيمان يقول...

فكره أهلا بيكى
تصدقى أنا عمرى ما قرأت اى حاجه لنزار قبانى
سعيده ان كلماتى اعجبتك
على فكره انا مريت على المدونه بتاعتك قرات بعض حاجات وعجبتنى ... شويه وهعلق عليها
اهلا بيكى مره تانيه

البت المشمشية حلوة بس شقية يقول...

ايه ياعم الكلام الجميل اوى ده
كلام جميل والقافيه كمان
برافو عليكى
وشكرا انك نورتى مدونتى وابقى كررى الزيارة

إيمان يقول...

عاشقه وغلبانه
نورتينى ... سعيده جدا إن شعرى الرائع الضائع عجبك يلا من زوقك برده
وكويس إنك نورتينى ... بس إيه رأيك فى بناتى

إيمان يقول...

عاشقه الرومانسيه
إذا تمسكنا بحقنا فى الرومانسيه إكيد هيجى يوم نلاقى القلب إللى يستاهل إننا نمسك فيه بأيدينا وأسنانا
ومهما كانت قسوة الحياه وغلاستها هيفضل الحب أحلى حاجه فيها بس لما يكون للإنسان الصح وفى الوقت الصح
تحياتى وأمنياتى بالحب العاجل

إيمان يقول...

ياسلام يا ستوته
أولا : أنا مقرأتش لنزار حاجه خالص مالص بالص معرفش ليه ... يمكن علشان حسيت كده إن الست موجوده فى حياته علشان تزيده عشقا ليس إلا ... وأنا مقبلش أبدا حد يعاملنى كده .. علطول تطلع إيمان القويه المفتريه الشوارعيه ..اللهم ما أحفظنا
يمكن أنا ظلمت شعره ... بس أنا لما بتعصب مبشفش نزار ولا غير يارب يكون أكبر شاعر
وبعدين أنت بجد قارئه مميزه عندك كده نظره ... تصورى إنت بتفهمى
أنا كمان بحبك قوى متتصوريش أد أيه

إيمان يقول...

أهلا بالمشمشيه الشقيه
وصدقينى دى أقل حاجه عندى ... دى يا بنتى البيجامه
بجد مدونتك جميله .. وحسيت لما قرأت لك إن لسه فى بنات عاقلين والحمد لله ربنا يوفقك
تحياتى وإعجابى

رابطة مدونون من أجل فلسطين يقول...

خليك ايجابي وشارك معانا

من اجل عزتنا من اجل كرامتنا

من اجل ارضنا المستباحه

من اجل الاقصي

فنحن

رابطة مدونون من اجل فلسطين

http://bloggersforpalestine.blogspot.com/

MOSLEMA LELLAH يقول...

الله عليكي يا دكتور

إيه الإبداع ده كله؟

ياريت لحظات التجلي دي تفضل على طول

والله المدونات دي فعلا مفيدة لاكتشاف مابداخلنا من مواهب كامنه

في انتظار جديدك دائما

وعلى فكره ليا منك طلب

بما إنك عليمة بأمور التغذية ياريت تفيدينا وخصوصا فيما يخص الراغبات في عمل ريجيم بدون إزعاج

علشان أنا بزهق من تجهيز اكل معين للريجيم

ياريت تقدمي لينا دروس إلى جانب تاريخ مصر والخواطر بتاعتك

شكرا مقدما يابلدياتي يا عثل

romansy يقول...

ملكه السلام هذا هو اسمك
ملكه السلام هكذا رسمك
قد تكونى نفرتارى
قد تكون حتشبسوت
ولكن اراكى ملكه على قلوبنا
فامتلكيها اكثر

كلامك رائع

إيمان يقول...

مسلمه لله
بجد وحشتينى وبستنا تعليقاتك دايما
شكرا على المجامله الجميله دى ... بجد فرحت بيها
أما عن أمور التغذيه كان عندى فكره : إن إحنا نبدأ كلنا دايت مع بعض ونشوف إيه الأخبار وهجهزلك شوية حاجات قريب جدا .. إنتى تأمرى يا عثل
بس على الماش كده أكتر حاجه فى الدنيا بتخسس الحركه والرياضه ولو واظبتى على بعض التمرينات لمدة 10 دقائق بعد كل صلاة مفروضه يبقى المجموع فى اليوم 50 دقيقه رياضه ... مقولكيش ليهم تأثير قوى جدا
تحياتى يا صاحبة أجمل إسم (مسلمه لله )

إيمان يقول...

رومانسى
سعيده جدا .. جدا .. جدا بتعليقك وبإطراءك أتمنى إنى أكون فعلا أستحقه
تحياتى

فكرة من الزمن ده يقول...
أزال أحد مشرفي المدونة هذا التعليق.
فكرة من الزمن ده يقول...

انا مقصدتش انك تشبهتي بنزار انا قصدت انه فكرني باسلوبه وان الابداع متشابه وجمال الكلمات فيه نغمة
شكرا ياايمان على تشريفك ورايك في كلامي

مهندس / على درويش يقول...

إلي ملكه الشوق حديثي
لا تخذلي هذا القلب الولهان واستمعي اليه بأهتمام
أعطيه ما يحب من السلام
حدثيه عن معني الشوق وكيف حاله مع الأيام
واتركه يفكر في الكلام بطمأنان
حدثيه عن شوق مضي ...مضي عبر الأزمان
حدثيه ان خاض حربا فسيواجه كل الأزمان
حدثيه واتركيه يفكر في قدر الأيام
حدثيه واتركيه يفكر بطمأنان
وان ما فيه حاله فترة خاضها كثير من الأنسان
ولكن ما أعلن أحد قبله حربا
أو حمل سيفا وأعد جيوشا من الأيام
حدثيه عن معني الشوق وأتركيه يفكر بطمأنان

أرتجال/.....

إيمان يقول...

م/ على
لا لالا لالالا
وبعدين أغير
ربنا يحميك لأهلك
أتمنى أشوف إبنى الصغنون خالص شاب عاقل وموهوب زيك كده
شكرا على مرورك...وعلى إرتجالك