السبت، 14 مارس 2009

أحمد رئيس الجمهوريه ........الجزء الأخير


وافقت رئيسة الجامعه بألمانيا على أوراق أحمد ليبدأ رسالة الدكتوراه فقط كحاله إستثنائيه... عليه فقط أن يأتى بأوراق تثبت عدد ساعات
دراسته لكل ماده من جامعته بمصر ( يادى الوقعه ... السوده وقع فى إيد موظفين و روتين الجامعه بمصر ... تانى )
وبالطبع يا ساده لن أحكى لكم عن حجم المعاناه .. ولن أحكى لكم قصة ( الأستاذ روتين .. وأشياء أخرى) ..فأنتم فى غنى عن ذلك
ولكنها كانت رحله سياحيه رائعه تلك الرحله فى أروقة الجامعه المصريه ... كانت رحله عبر التاريخ
ولكن الله سلم وأستطعنا إنجاز المهمه بأسرع وقت ممكن ( شهرين ونصف أو ثلاثه ) لا أتذكر..
أرسلنا الأوراق لأحمد ....
ووصلت الأوراق بالسلامه ...... تحرك أحمد سريعا نسخ منها عدة نسخ وذهب فى اليوم التالى
للسيده الدكتوره رئيسة الجامعه الألمانيه .... عرض عليها الملف كاملا ... فطلبت مهله أسبوع لدراسة الملف الخاص به
بعد إسبوع إذا ...( ومالو إسبوع ...إسبوع ماشى)
ولكن خطرت لأحمد فكره .. لماذا لا يذهب بأوراقه تلك لرئيس الجامعه التى ذهب إليها سابقا .. لعله يعيد النظر فى قراره إذا
رأى الأوراق التى تثبت عدد ساعات دراسته .... بدت تلك الفكره جيده فى حينها.
وذهب أحمد فعلا إلى رئيس الجامعه ... وسبحان الله دائما يأتى الخير من حيث لا نتوقع
وافق السيد الدكتور رئيس الجامعه على أوراق أحمد ... وكتب له خطاب إستثنائى بالموافقه
وأيضا أرسل معه خطاب توصيه للسفاره ... لإعطاءه إقامه من أجل الدراسه
ولكن عليه أن يعود لمصر أولا ... ومن هنا يجدد إقامته .... ولكن يا ساده أحمد باشا هو الأخ الأصغر
لأخ أخر أنهى خدمته العسكريه للتو ....وبذلك فقد أصبح مطلوبا للخدمه العسكريه ولن يستطيع الخروج من مصر قبل إنهاء خدمته العسكريه .... ( شكله هيلبس فى الجيش ..)
عاد احمد لقاهرة المعز منذ عدة ايام .... هو الأن ينتظر شهر يوليو حيث ميعاد الخدمه العسكريه
كان يستطيع الفرار من الخدمه العسكريه ... كان يستطيع عدم العوده والهرب داخل ألمانيا وحتما
كان سيجد عمل حتى وإن كان غير مناسب .... ولكن هل تعتقدون أن مثل هذا التصرف قد يكون جيدا... لا أعتقد

أعزاءى هل تعقدون حقا ان أحمد شخص فريد من نوعه ....؟؟!!!
أنا لا أعتقد ... أحمد ليس أفضل من أى شاب هنا يقرأ هذه الكلمات الأن .. ليس نابغه عصره ولا فريد زمانه
حين كنت أسمع أخباره ... وأسمع عن خطواته الثابته نحو النجاح كانت تعترينى الحيره
فذات يوم ... كنت أفكر ان أحمد شاب عادى ..
أحمد هو نسخه طبق الأصل لكل شاب مصرى درس فى احدى كليات القمه المصريه
قلبه الحنون الرقيق قد يجعله يبكى من أقل جرح ... روحه الشامخه ونفسه العزيزه تجعله ( ياكل طوب ولا يمد إيده )
أتذكر الأن لحظات الألم والإنكسار التى كنت أراه يتخبط فيها تائها ... دموعه تكاد تقفز من عينيه .. الإحساس بالقهر
والظلم الذان كانا دائما يسيطران عليه ... أتذكر الأن أيام كان فيها وجهه شاحبا لا لون له من فرط الإرهاق
أتذكر حكاياته الضاحكه التى كانت تخفى ألما عميقا ..... حكايات كانت تبكينى دائما لم أضحك منها ابدا
أدعوا معى لأحمد ... ولكل شاب يسعى جاهدا لتحقيق حلمه


هناك 34 تعليقًا:

عاشقه وغلبانه يقول...

هيييييييييه


لوووووووووووووووولي



اول تعليق

زوجة عنيدة يقول...

اخيرا عرفت النهاية

بس دى مش النهاية دى البداية

بداية راجل جدع عايز يحقق حلمة لكن بشرف من غير هروب ولا استسلام ليأس

ما هو نفسة الغزيزة دى هى اللى هتوصلة وهيكون احسن من اى حد مد ايدة

لانه هيوصل بشرف ورافع وساعة ما يوصل ويطلع لفوق ويكون ليه اعداء نجاح يحاولوا يهدموه

هيعرف ساعتها نتيجة اصرار علىانه يكون جدع ويمشى سليم لان اعداء النجاح هيحتاروا فية مش هيلاقوا اى غلطه يهدموه منها

احمد هو دة ابن بلدى وابنى وابن كل اسرة مصرية ربت ولادها صح

دى مش النهاية ان شاء الله لما يخلص احمد الجيش ويسافر
لازم نعرف وصل لفين مش بعيد فى يوم نلاقية واخد نوبل ونيجى نهنى نبارك

وساعتها يبقى حتى احسن من رئيس ....

وكفاية كدة

بحبك يا احلى ايمى

عاشقه الرومانسيه يقول...

وبعدين بقى وياكى ياعاشقه

ماااااشى
انا بقى هاحجز التالت وامرى لله
اقرا وارجع

عاشقه وغلبانه يقول...

في شباب كتير زي احمد
وفي امثله لشباب فعلا بيتحت في الصخر علشان يبقي حاجه كويسه


ربنا يوفقه
ويسبعد عنه التجنيد

عاشقه وغلبانه يقول...

هههههههههههههههههههههههههههه
ههههههههههههههههههههه
انا حجزت وروحت عملت ساندوتش وجيت اقرا
هههههههههههههههههههههههههه
ههههههههههههههههه

عاشقه الرومانسيه يقول...

ماشاء الله
احمد مثل يحتذى به
ونعم الشباب
عزيمه
وامل
طموح
وسعى
ياريت كل الشباب يكونوا على مستواه ياريت

إيمان يقول...

عاشقه وغلبانه
طلعتى مش غلبانه خالص ماص
بجد منورااااااااااانى وضحكتينى وأنا كنت ببكى
زعلانه وفرحانه متفاءله جدا ومحبطه جدا
ربنا يكرمك بجد ضحكتينى
ها معندكيش عروسه لأحمد

إيمان يقول...

تعرفى يا عنيده
أنا بجد فرحت لما شوفت أحمد علشان وحشنى
بس حاسه وأنا بكتب البوست ده إنى بمسك دموعى بالعافيه...كان نفسى أقول لكل الشباب فيه أمل فى حل ..والله فى حل
إنتم تستاهلوا من نفسكوا ومن الدنيا كلها أحسن من كده بكتييييييييير
بس كل شئ نصيب والحمد لله أكيد فيه أمل
وربنا يستجيب لدعائك يارب
تعرفى أصل أحمد ده أصغر منى بخمس ست سنين
بس تربيتى بجد بحس إنه إبنى ..كنت بغطيه وأحطه فى سريره وهو أطول منى
وكفايه كده أحسن هعيط

ELMASRYA - MOSLEMA LELLAH يقول...

ماشاء الله لا قوة إلا بالله

بارك الله فيه الشاب ده وبإذن الله هيكون من أحسن الناس وأرقاهم وأرفعهم شأنا

ربنا يستر عليه من الخدمة العسكرية ربنا يستر بجد

حرام شاب محارب في الحياة بكل العناد الجميل ده مع الظروف وقرف وغباء الروتين يتأخر تلات سنين كمان علشان الخدمة العسكرية

هي طبعا شرف وضرورة لكل مصري إنه يجتازها لكن المفروض يكون فيه استثنائات للشباب الواعد الرائع ده

تمنياتي له بكل الخير والتوفيق والنبوغ

وطمنينا على أخباره دايما يا إيمان ياريت

دمتي سالمة

مهندس / على درويش يقول...

السلام عليكم
أحمد شخصيه جميله تتميز بالمرح والفرح وعدم الأنكسار
وأعتقد أن الشعب المصري فيه مثل كثير من هذه النوعيات بدليل أن الشخص حين يكون قادر على التحدي تراه يفعل ما لا يستطيع أن يتخيل هو نفسه أن يفعله
أحيانا نبكي وأحيانا نفرح ولكن سنظل دائما نتحدي شئ ما
قد يكون هذا الشئ بداخلنا
أو قد يكون هذا الشئ الذي من أجله نتحدي
وأحيانا أخري نسأل أنفسنا لما1ا نتحدي ؟نسأل أنفسنا لماذا نحب أن نكون مختلفين عن الأخرين ؟
لماذا ؟لماذا ؟
ما أجمل الكلمه التي يسمونها بالطموح
.....
وأتذكر كلمه تقووول
إن لم تسطع أن تضيف للحياة شيئا فأنت عبأ عليها


تحياتي

عاشقه وغلبانه يقول...

ها معندكيش عروسه لأحمد

________________________
ايمان
يؤسفني اطردك بره المدونه قبل ماتفرسيني

اووووووووووووووت

وبعدين استني هنا
زعلان ومحبط ليه ياكميل
بعد الشر عنك
ان شالله يارب اللي يكرهك
اضحكي بقي

احساس طفلة محبة للرومانسية بس واقعية يقول...

يا ايمان محبطة لية بس
احمد شاب ناجح وبيعرف يدور على حلول
وعلية افكار مشاء الله وربنا بيوفقة
وهو بيعمل اللى علية واكتر وطموح

اى نعم مر بلحظات يأٍ وحزن
بس كلنا بنمر باللحظات دى
وجميل انه يسيطر علي يأسة
فى الوقت المناسب ويقوم تانى ويحاول تانى

احمد زى باقى شباب مصر كلهم فى اخلاقة وحبة للنجاح
ولكنة يختبف فى كثرة محاولاتة وتفائلة وعدم اكتفائة بحبة للنجاح واصرارة للوصول الية

واكيد اكيد اداء الخدمة العسكرية مش هيكون عائق امام احمد واكيد هيكمل مشوار النجاح

ربنا يوفقة ويرزقة دئما بالتفاؤل والنجاح

انا مش عارفة اقولك اية
احسن حاجة بتعجبنى فى بوستاتك هى انها من الواقع
وكمان بتطبعى اسلوبك عليها وتطرحى الموضوع بشكل غير مباشر بجد تسلم ايدك يا قمراية مستنية البوست اللى جى

بنوتة يقول...

السلام عليكم
قصة جميلة بس بيتهيألى هي بالنسبة له مش النهاية
دى محطة هيتوقف فيها شوية ثم يواصل الرحلة
فكرتنى بواحد قريبى مش عايزة أقولك ابتدا ايه وبقى ايه
بس انا دايما بشوفه مثال للاصرار والنجاح
تحياتى
وسلام

dodda يقول...

ربنا يسهل له اموره

دا شخص يستاهل كل خير حتى لو هو مش متميز
احسن من كتييييييير بيكسلوا حتى يحاولوا

اما عن الجيش
حبقى اقولك يعمل ابه وان شاء الله يعدى منها سليم
وكله على الله

حسام غانم يقول...

جميل يا إيمان

رغم إني كنت متوقع إنه هيبقى رئيس جمهورية في الآخر

بس كانت هتبقى تقليدية جدا

تامر علي يقول...

ربنا يستر عليه وما تحطمش الخدمة العسكرية ما تبقى لدى أحمد من وطنيته ..... هاقولك سر .... تقوليه لأحمد من واحد أدى الخدمة العسكرية بنفس الروح (العبيطة دي)..... اهرب يا احمااااااااااد:)

ABOALI يقول...

انا لا احنى راسى
فدماء عروقى كبرياء
انا الحياه ورمز الفداء
انا من يصنع طريقى
ولا ادخر جهد" ولا اقول اصابنى عناء
واعرف يقينا" ان معى رب"
اذا دعيته فما احلى الرجاء
قطرات عرقى مسكا"
وعنوانا للعظماء
فيا من تضل الطريق
اجعل لك هدف"
واشحن قلبك بكل الروائح والحناء
تجد البمسة تلو البسمة
فلا يوجد ابوابا" تفتح للاغبياء


هناك حكمة تقول

إذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً" جميلاً" أسعدك


تلك الحكمة اهداء منى لك يا ايمان

فحتى ان ولم تكتمل الصورة
فيكفى اننا عرفنا قصة كفاح


تحياتى لقلمك

ستيته حسب الله الحمش يقول...

محبطة ليه يا قمر الليالي

وبعدين عندك بدل العروسة عشرة انتي مش شايفة كمية العاشقات وغلبانات ورومانسيات
نجيب ليكي منين تاني

ربنا ييسر لاحمد الحال ويعتقه من جيش صفية حلمي اللي بقى "لا والنبي يا عبده انا مش منهم يا عبده"

سلم لي على حمادة وعرفيني مااااااااااالك؟

assafo anaroze يقول...

ليس عندي ما اقةله غير اني احييه و امثاله العصاميين
مودتي
هي دعوة متجددة لسيادتك تشرفيني فارائك تسعدني

إيمان يقول...

عاشقه الرومانسيه
حبيبتى أهلا بيكى ومنوره دايما
ربنا يحميكى من كل حزن
ويبعد عنك كل شر

إيمان يقول...

ELMASRYA - MOSLEMA LELLAH
يمكن كل بدايه .. يلزمها نهايه
وكل شئ علشان نحس بقيمته لازم نتعب شويه فى أوله
ومحدش أبدا وصل بالساهل
شكرا لمرورك حبيبتى وتحيه من ليكى

إيمان يقول...

مهندس / على درويش
أهلا بمرورك الكريم .. وبكلماتك الجميله
معانى نغيب عنها كثيرا
إن لم تسطع أن تضيف للحياة شيئا فأنت عبأ عليها
شكرا لك وتقبل وافر تحياتى وإحترامى

إيمان يقول...

عاشقه وغلبانه
أهون عليكى تطردينى أوت
ماشى شكرا
ربنا يسامحك

إيمان يقول...

احساس طفلة محبة للرومانسية بس واقعية
بجد بتنورينى دايما .. وبحب كلامك اللى كله إحساسيس رقيقه..وحكمه فى نفس الوقت
أنا الحمد لله كويسه مفيش إحباط ولا حاجه
شكرا لإهتمامك
أتمنى أشوفك دايما بخير وسعاده يارب

إيمان يقول...

بنوتة
شكرا لمرورك اللى بيسعدنى جدا
إن شاء الله أيامنا تبقى كلها نجاح وتقدم

إيمان يقول...

dodda
ربنا يقبل منك يا رب
وإن شاء الله ربنا يبعد عننا كلنا أى حاجه وحشه
سبتلك إميلى ومكلمتنيش
مستنياكى علشان تقوليلى أحمد يعمل أيه فى الجيش
ولا أنتى صرفتى نظر

إيمان يقول...

dodda
ربنا يقبل منك يا رب
وإن شاء الله ربنا يبعد عننا كلنا أى حاجه وحشه
سبتلك إميلى ومكلمتنيش
مستنياكى علشان تقوليلى أحمد يعمل أيه فى الجيش
ولا أنتى صرفتى نظر

إيمان يقول...

حسام غانم
يلا حصل خير
هو دايما الواقع كده مليان قواقع
شكرا لمرورك وتقبل تحياتى

إيمان يقول...

تامر علي
ربنا يستر يا تامر
شكله لابس لابس
على العموم أنا بلغته النصيحه
وهو حر بقه

إيمان يقول...

ABOALI
مقبوله الهديه
كلماتك دايما بتعجبنى
ماشاء الله عليك
شكرا لأحاسيسك الجميله
ولكلماتك اللى دايما فى محلها

إيمان يقول...

ستوته حبيبتى
أنا الحمد لله بومب وبيفرقع كمان
متقلقيش عليه .. أنا تمام
السلام وصل لحماده وربنا يسهله
ويعتقه من جيش صفيه حلمى
قادر يا كريم

إيمان يقول...

assafo anaroze
يسعدنى مرورك دائما
على فكره أنا مريت على المدونه بتاعتك من زمااااااان وأعجبتنى جدا روح الوطنيه العاليه اللى ماليه المدونه
شكرا لمرورك مره تانيه
تقبل تحياتى وإحترامى

لجين أبو الدهب يقول...

ما شاء الله على الشاب ده بجد ..

واحسن حاجة انه عملها انه انتظر الجيش معلش حتى لو هايتخنق دلوقتى انما كده احسن مية مرة مستقبلا وهيجنبه مشاكل كتير جدا .. ناس كتير اوامى واقعيين فيها بسبب انهم هربوا ..

وما شاء الله على حماسه وانطلاقه جرى الدم فى عروق الدورة الدموية خاصتى D:

وخلنى افكر والله ابعت اوراقى لجامعات عن طريق النت ..

يمكن اكون انا التانية ..

جزاه الله خير ..

وجزاكِ الله خير ياايمى على نقل القصة وان شاء الله قدامه مستقبل واعد ..

وحشتينى جدا يايمى ..

دمتِ بخير ..

بحبك ددا ددا ..

إيمان يقول...

يا سلالالالام عليكى يا أجمل لوجى
كان فين تعليقك ده من بدرى .. يا رافعه معنوياتى
ومفرحانى
إنتى إللى كنتى وحشاااااااانى جدا
بحبك ددااااااااا