الأربعاء، 18 مارس، 2009

صباح الغلاسه




بالأمس قررت أخذ اليوم أجازه ...( أستجم وأصحى براحتى )
فى الصباح أستيقظت مفزوعه على رنات الهاتف ...أمسكت بالسماعه وأنا أنظر إليها شزرا ... فتحت الخط وبمنتهى الغلاسه أجبت
أيوه .. ألو ..مين معايا
على الطرف الأخر : ازيك عامله أيه أنا عارفه أكيد إنتى لسه نايمه ..بس أنا لقيت نفسى فاضيه قولت أغلس عليكى وأصحيكى
قومى يا شيخه بطلى كسل ..إنتى مبتشبعيش نوم .. قومى ياله صحصحى أنا لابسه وجيالك
أنا : تنورى يا حبيبتى ( بينى وبين نفسى : منك لله يا بعيده الساعه لسه تمانيه الصبح طب سبينى ساعه ولا إتنين لأ وكمان جايه )
عشر دقائق بالتمام والكمال ..جرس الباب بيرن ( يا مفتريه ملحقتش حتى أغسل وشى )
أنا : إتفضلى إتفضلى ( على وجهى إبتسامه فى منتهى الغلاسه )
هى: أيه ده إنتى لسه مكعبسه كده ليه .. أيه الأشكال دى
أنا : هههههههه ( الإبتسامه على وجهى تزداد غلاسه )
دخلت صديقتى العزيزه جدا .. وإتجهت مباشرة إلى المطبخ قائله : روحى إنتى غيرى هدومك وإنضفى علشان نخرج
وأنا هعمل لنا كوبيتين نسكافيه
(يا لهووووووووى وكمان هنخرج )
تركتها بالمطبخ وإتجهت إلى حجرة النوم ... وتحضرت للخروج .. عدت لأجدها فى شرفة المنزل
أنا : شربتى النسكافيه أمال فين بتاعى
هى : إبقى إشربى بره بقه علشان نلحق نتمشى شويه
أنا : يا مفتريه أنا مش نايمه كويس والجو برد ..سيبك من موضوع المشى ده
هى : بقولك أيه .. أنا محضره نفسى ومعنوياتى إننا هنتمشى مش عايزه غلاسه
أنا ( بصوت منكسر وقليل الحيله ) : إللى تشوفيه
فى الطريق وأثناء التمشيه : إلتفتت إلى فجأه وقالت : بصى بقه بقولك أيه مش كل مره أنا إللى
أفضل أتكلم أتكلم وإنتى ساكته أنا تعبت من الكلام إتكلمى إنتى بقه
أخذت أفكر فى أى موضوع أتكلم فيه حتى يمر اليوم بسلام
أنا : هقولك أيه هو والله الإسبوع كان صعب جدا بنتى ضرسها كان وارم ...( ويا عينى عليه مكملتش الكلمه )
هى : إنتى هتقوليلى على وجع السنان ده انا إبنى الكبير بهدلنى أنا وباباه السنه اللى فاتت
( ساعه أو أكثر تحكى عن معاناتها مع أسنان أولادها ... ثم إلتفتت لى فجأه ) : بصى بقه بقولك أيه
أنا مش هفضل أتكلم أتكلم ... إتكلمى إنتى بقه
أنا بعد منسيت كنت عاوزه أقول أيه : يا ستى الواحد مش عارف يعمل أيه .. بحس اليوم قصير جدا
مبلحقش أعمل حاجه .. علشان كده ساعات بسهر أخلص شوية حاجات .. مع إن النوم بدرى لي...( راحت مقطعانى)
إنتى هتقوليلى ( وهاتك يا رغى لحد الساعه الثانيه ظهرا )
طبعا اليوم ضاع والأجازه ضاعت .. وودانى ضاعت .... وصباح الفل



هناك 68 تعليقًا:

طعمية سخنة يقول...

بلاش كلام عن الرغايين عشان انا منهم
و برضه وجع السنان انا اكتر واحد راح لدكاترة اسنان من اول ما اتولدت!
و بالنسبة للنوم للأسف مش لاقي منافسة في ان حد يكسر رقمي القياسي لعدد ساعات النوم!
سلام بقي عشان انا طولت المرة الجاية افصلي السلوك و اقفلي الموبايلات ! نصيحة مجربة و فشلت برضه

حسام غانم يقول...

هههههههه

ونعم الأصدقاء

أنا مش بحب الرغايين

أنا مش بحب الصحيان بدري

أنا بحب الأجازة

أنا بحب النيسكافيه

أنا بحب كتاباتك

ستيته حسب الله الحمش يقول...

ايمي
تعرفي اني لاحظت انك فعلا كلامك قليل
وبما اني توكاتيف قلت ايه تؤامي الصامت ده

بس الولية دي غاتيتة قوي "سوري باردون اسفة بس مصمصمة انها برضه غاتيتة"

الأحراج من اجل الصداقة واستمرارها وجدته شيء غير ذي جدوى على مر الأيام

بعد سنين من عشرتي للولو وزوزو ونونا العزيزات وجدنا ان اجمل شيء اننا نصارح بعض لو مشغولين او تعبانين .. عادي مش عيب

انا حد يجي يصحيني يوم الأجازة 8 الصبح
والله العظيم اشج بطنه من الكلية للكلية التانية ههههههههههههههههههههههههه

موسكينة ايمي الغولبانة

يالا بكره اجازة ومفيش صحيان للمدارس ثلاث ايام
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههيييييييييييييييييييييييييييييييييييييييييييييييييييييييييييييييييييييييييييهههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

dodda يقول...

use a caler id
:O)

or kill her
:O))))

د.خالدأمين يقول...

ههههههههههههههههههههههههههههه





كويس

علي فكره في ناس بتقول عليه رغاي



سلاموووز

القدر و انا يقول...

بنات افكارى
حمدا لله على سلامة وصولك من الاجازة
ياريت تفاجئى صديقتك بزيارة مشابهه علشان تحس بالمعاناة دى
ولو انى اشك انك تقدرى تعملى كده
فالغلاسة لها ناس معينة
تحياتى

Nasimlibya يقول...

طيب وايه حصل شربتي النسكافيه ولا لسه ؟؟؟؟


اااااااااااخ من الراغيين وقال ايه عايزك انتي اللي تتكلمي :(



اول زيارة ليا و حكررها مش تزهقي مني يا قمر


سلام :)

عاشقه الرومانسيه يقول...

هههههههههههههههههههههههههه
والله ضحكت كتير ياايمى
بس تعرفى؟
صعبتى عليا
ههههههههههههه
اصحابى الغلسين احيانا بيعملوها
بس بيجوا يشدونى من على السرير ويختاروا لى اللبس كمان
اصلى باتفق معاهم على الخروج وارجع فى كلامى تانى
فاصبحوا بيفاجئونى
بس 8 صباحا؟؟؟؟؟؟؟
نو يا ماما
ده انا اقطعهم

عاشقه الرومانسيه يقول...

ممكن سؤال غلس بجملة الغلاسه يعنى

فين البوست اللى كان قبل ده

امراه حمقاء

مش ده اسمه؟
دخلت مش لقيته

هو راح فى الوبا ولا ايه؟

ايمان روحي يقول...

ههههههههههههههههههه
بس الله يعينك
وربنا يخليلك صحبتك الشربات دي
بس انتي اكيييييد بتحبيها لانك لو مش بتحبيها والله كنتي رمتيها من شباك البلكونه
ههههههههههههه
يلا بقي
تعيشي وتاخدي غيرهه
تحيــــــاتي

الفقيرة إلى الله أم البنات يقول...

اعوذ بالله من الاحراج اللى يخلى الواحد مجهد وتعبان
يا ايمان فى حاجه اسمها مردش على التليفون
طالما تعبانه
مردش عندى أجازة
ومردش الساعة 8 الصبح
هو اختراع الايدى كولار مش عنكم
وش هيفرقع من الغيظ علشان حكاية هو انت نايمه صحيتك معلهش ويكمل المتصل الرغى فى التليفون
كأنه بيقول انت بتتفرجى على التليفون
لما حد بقى يصر يكلمنى ااقوله لما اصحى علشان مش سامعه ولا كلمة
واللى مش عاجبه..بعدين يبقى يعجبه
إيه الغلب ده
ايمان..محروق دمى منها علشان بنشوف كده كتيير

بس رد فعلى مختلف تمام غلس هنغلس وورينا الشطارة

بطلت كسوف فى الحق

احساس طفلة محبة للرومانسية بس واقعية يقول...

هاهاهاهاهاهاهاهاها
يا عينى يا ايمى
دا انا محدش يعرف يلاقينى الساعة 8 الصبح دى
لو اية حصل نونونونونو ابدا

بدافع سيف الحياء للاسف بنعمل حاجات كتير
بس عارفة فى حاجة اتعلمتها مؤخرا لو حد حب يستخدم معاكى سيف الحياء متسمعيش لية و اعملى اللى يتماشى مع حياتك واللى تكونى راضية عنة
عشان تكونى مرتاحة مش تقعدى تندمى على وقت مر كان ممكن تستفيدى منة حتى بالراحة

تقبلى مرورى

تامر علي يقول...

:)
ظريفة جداً صاحبتك دي أنا لو مكانك كنت أعمل عليها بحث باعتبارها كائن خرافي :)

بعد كده لما تسأل عليكي قوليلها معلش انا مش فاضية علشان عم "عشم" مات :)

أصل الناس اللي عشمانه قوي كده بتبقى معتمدة على عم عشم خالص ... موتي عم عشم ده وخلاص :)

د/عرفه يقول...

ههههههههههههه
لازم تتعودى على المرونه
الأصحاب اللى من النوع ده بيعلموا الصبر
وقوه التحمل
و...........
بلاش رغى كفايه
سلام

ABOALI يقول...

كرسى فى الكلوب
وعندك واحد عناب
مع سكر زيادة علشان الشباب
وماتنساش التسالى
كيلو لب وسودانى
والساخن عليك
ماهو برضوا راجع ليك
وافتح معانا راديو اف ام
هانسمع احلى صوت وصويت
وكله ماشى
ضرس وارم
سنان ومكن
ومافيش داعى للحقن
وصبح صبح يا عم الحاج


صباح ال غلا سة

كاتب مصري يقول...

هههههههههههههههههههههه صباح النور يا ستي بس ايه فسحى تتحسدي عليها ههههههههههههههه
ربنا يكون في عونك
مودتي

ELMASRYA - MOSLEMA LELLAH يقول...

منمن حبيبتي

زعلتيني منك

كده برضه؟

دي ستيتة بتقول ان أنا وانتي وهي شبه بعض وتوائم

تعملي كده برضه في نفسك؟

بصي بقى الصداقه حلوة لكن الصديق الحقيقي لازم يراعي صديقه وما يتصرفش معاه تصرف يتعبه ويجهده

أنا عن نفسي مافيش حد يقدر يتصرف معايا كده نهائي

فيه قوانين للصداقه واللي مايلتزمش بيها ياخد استمارة 6

تعرفي بقى أنا مش شاطره في ايه؟

لما حد بيكلمني على الماسنجر بتكسف قوي وببقى مش عارفه أخلص ازاي وبضطر للاستمرار في الكتابة والمناقشه

بس والله حاطه خطة علاج للموضوع ده

ايمان حبيبتي تأكدي إن الدنيا تحتاج إلى قدر وافي من البرود والوقاحه لأن فيه ناس تخاف ولا تختشي

دمتي سالمة

ايوشة يقول...

ههههههههه تعرفى ساعات اكون هموت وعايزة اقابل العيال اصحابى بس لما بنتقابل بحس دماغى خلاص فصلت شحن بس يكن السبب انى انا اللى اتعلمت الصمت وهما زى ما هما متغيروش

زوجة عنيدة يقول...

ايمى حبيبتى

وحشتينى والحمد لله انا بقيت كويسه

لا يا ايمى انتى غلطانة انا استغربت من البداية انك قولتيلها تعالى

كان المفروض من الاول ان تعتذرى
يا حبيبتى الكسوف مش هيفيدك

انا معودة اصحابى وحتى اخواتى انى مش بقول حاجة او بوافق على حاجة مجاملة ابدا

يعنى حتى لو طلب حد منى حاجة لوقلت اة يبقى موافقه فعلا

ولو لاء يبقى مش موافقة

يعنى من غير كسوف ودا احسن ليكى وليهم
والرغى دة اكيد انتى اتعودتى عليةمش اصحاب من زمان
استحمليها يا ستى مش انتوا اصحاب
وحشتينى يا احلى ايمى

MǿиY El-Shreef يقول...

هههههههههههههه

معلش معلش .. استحملي اهو ع الاقل طلعتي غيرتي جو

بس صعب اوي من 8 الصبح :D

ربنا يهدي سرك يا اوختشي :D

ٌرحيـــــــــــــــــــــــل يقول...

اتجنن ! حبيتها، أمانة سلميلي عليها والله انها عسسسل !

MaNoOoSh يقول...

صحيح فعلا صباح الغلاسة فى يوم الاجازة
ههههههههههههههههه
انا اصلا لو عايزة اكمل نوم بقوم افصل التليفون وانام تانى
وحشتينى قوى يا منمن
سلام

أحمـــــــــــــد أبو العلا يقول...

ههههههههههههه
ياعيني
دانتي عانيتي كتير في اليوم ده

يعني صحيان بدري وتمشيه في البرد وكمان رغي

انتي استحملتي ازاي؟
هههههههههه

لاااا ربنا يكون في عونك
ومعرفتيش تتصرفي؟
يعني زقه كده قضاء وقدر قدام عربيه رايحه ولا جايه

ههههه

ربنا يستر

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

هاني النجار يقول...

أهو هو ده عيب اللي ينام ويسيب تليفونه مفتوح
او السماعة مش مرفوعة
يتقلق منامة، وتضيع أحلامه
والناس تاكل ودانه كمان

تقبلي مروري

إيمان يقول...

طعميه سخنه
بجد إسم يجوع جدا
أهلا بأول زياره .. معلش بقه جت فيك
صاحبتى الرغايه انا بحب رغيها جدا
بس بصراحه .. مكنش وقتها خالص
مش عايزه احسدك على ساعات النوم
ربنا يخليهالك
منور ..زرت مدونتك وعجبتنى جدا

إيمان يقول...

حسام باشا
منور .. مشكرين جدا على المجامله
انا بقى بحب النسكافيه
وبحب انام براحتى
وبحب اقرأ كتاباتك بجد والله

إيمان يقول...

ستوته حبيبتى وروح قلبى
على فكره انا مش قليلة الكلام ابدا مطلقا انا بس باخد شوية وقت لحد ما افك .. بخاف ارغى على راحتى للناس اللى بحبهم يزهقو منى
وبعدين صاحبتى دى جامده موت .. دى كانت بتكلمنى من اول الشارع يعنى جايه جايه حتى لو مردتش على التليفون كنت هلقيها بتخبط على الباب
أصلى وقعت بلسانى وقولتلها انى هاخد أجازه
تحيا ستيته حره مستقله

إيمان يقول...

دودا الجميله
بجد بحبك
انا بفكر كيل هير وأخلص

إيمان يقول...

القدر و انا
بجد منورانى يا رب دايما
تتصورى يبقى حل تحفه أروح أزور صديقتى العزيزه
فجأه وياريت اكرر الزياره مرتين تلاته ورا بعض
علشان تحرم تصحينى الساعه 8 الصبح تانى

إيمان يقول...

Nasimlibya
أهلا وسهلا يارب ضيف عزيز دايما
انا شربت النسكافيه ب13جنيه على حسابى
وكان فى البيت ببلاش...تكملة الغلاسه

إيمان يقول...

عاشقه الرومانسيه صديقتى العزيزه
ربنا يسامحها بجد كنت محتاجه أنام
بالنسبه للبوست اللى فات كان خاطره بتكلم
فيها عن حاله من حالات الحزن اللى ممكن تصيب
الإنسان .. فوجئت إن كل الناس فكرين إنى أنا
اللى بعانى وحاسه بالحماقه ...هههههه
وأنا والله العظيم فل الفل ولله الحمد
قلت شيليها أحسن

إيمان يقول...

إيمان روحى
أهلا بأجمل وأحلى روح
أنا فعلا بحب صاحبتى دى
علشان كده بتحمل حراكتها

إيمان يقول...

أم البنات
وحشتينى جدا اهلا بيكى
صديقاتى العزيزه كانت بتكلمنى من اول الشارع
وكانت هتيجى هتيجى سواء رضيت ام لا
وسواء رديت على التليفون او لا
دى وعد مكتوب يا حبيبتى
بحبك فى الله ربنا يسعدك ويحمى البنات

إيمان يقول...

احساس طفلة محبة للرومانسية بس واقعية
ده نصيب يا بنى وعد ومكتوب قضاء وقدر يعنى
على العموم هى كانت خروجه مش بطاله
منوره يا قمر ربنا يسعد كل ايامك

إيمان يقول...

تامر علي
تصدق بالله انا كنت فعلا بفضل افكر بينى وبين نفسى
هى الست دى بتفكر إزاى ..
نفسى والله أخنق الحج عشم ده علشان نخلص
تحياتى وتقديرى للأفكار النيره

إيمان يقول...

د.خالدأمين
هو أنت من النوع الرغاى
مش واضح يعنى ده أنت مفيش مره علقت هنا
بأكتر من سطرين تلاته
على فكره دى تهيئات ... أنت راجل تمام جدا
على فكره صحبتى بلدياتك ..دى أعز صاحبه ليه
على قد مهى بتبقى مزعجه ساعات
بس جدعه جدااااا وصحبتها ممتعه جدا وانا بصراحه بموووووووووت فيها

إيمان يقول...

د/عرفه
أولا حضرتك ترغى زى ما أنت عايز المدونه مدونتك
ثانيا فعلا النوع ده من الأصحاب بيعلم الصبر
وقوة الإحتمال يعنى متعدد الفوائد
منور يا دكتور والله يارب دايما

إيمان يقول...

ABOALI
صباح الفل على عيونك وعيون الشباب
وياريت كوبيتين عناب
بس بلاش تمشيه فى البرد علشان عايزه أنام
هههههههه
ههههههههههه
منووووووووور

إيمان يقول...

كاتب مصري
ماشى يا أستاذ إبراهيم بتضحك عليه
ربنا يسامحك ..مش هدعىيلك بفسحه زيها
مع غنها يعنى مكنتش بطاله
أنا بس كنت بتتاوب بسرعة أرع مرات فى الدقيقه
أهلا بيك بعد الغياب
واضح إنك مشغول جدا
ربنا يعينك
بس يعنى أبقى إسأل
تحياتى وتقديرى

إيمان يقول...

مسلمه حبيبة قلبى وتوأمى الجميل
أنا مكنش قدامى أى مفر .. أنا طبعا كان ممكن أتصرف بشكل تانى وأريح دماغى.. بس أنا حسيت إنها
فى مود سيئ ومحتاجه للخروجه دى .. صعبت عليه يعنى
لو كنتى مكانى إنتى أو ستيته أؤكد ليكى كنتم هتعملوا زيى بالظبط صدقينى
متزعليش نفسك يا قمر أدينا شمينا هوا
بحبك فى الله وربنا يديم الموده

إيمان يقول...

ايوشة
أنا وإنتى مشتركين فى هذه المشكله أنا كمان إتعلمت الصمت علشان كده ساعات أصحاب بيزعلو منى
منوره أيوشه هانم الجميله يارب منورااااااانى دايما

إيمان يقول...

زوجة عنيدة
عااااااااا دى كانت تحت البيت
يعنى لا مفر لامفر لامفر
على العموم أدينى إتمشيت شويه فى الهواء الطلق
عااااااااااااا

إيمان يقول...

MǿиY El-Shreef
ههههههههه
ويهدى سرك يا أختشى
يلا أدينا إتمشنى شويه فى الهواء البرد
منورررررررررررره جدا
يارب أشوفك دايما

إيمان يقول...

ٌرحيـــــــــــــــــــــــل
شكلك فرحانه فيه
ماشى هسلملك عليها ولو حبيتى هصاحبك عليها
بس مترجعيش تعيطى وتقولى ياريت اللى جرى ما كان
وحشااااااااانى موت موت

إيمان يقول...

MaNoOoSh
بجد وحشاااااااانى
وبفرح جدا لما بشوفك هنا
لوسمحتى انتى واخده غياب
وعليكى واحد
بحبك

إيمان يقول...

أحمـــــــــــــد أبو العلا
شوفت اللى حصلى بعيد عنك وعن السامعين يارب
وبعدين وحياتك فكرت فى موضوع القضاء القدر ده
بس الست عندها أولاد
منور يا باش مهندس

إيمان يقول...

استاذ بيرم المصرى
سعيده جدا بمرورك
وكل عام وحضرتك بالف خير
ولا سلام مع اليهود

إيمان يقول...

هاني النجار
أهلا بيك ضيف عزيز ودائم إن شاء الله

blue-wave يقول...

ههههههههههههههههههههههههههههه
اقولك على حل
قاطعيها:))

assafo anaroze يقول...

ايمان
كيفك مليحة
تعيشي و تاخذي غيرها يا ايمان
مودتي
في انتظارك

aidy يقول...

بصراحة اول ما قريت البوست ده فطست لعى نفسي من الضحك

لسبب ما

وهو ان ليا صديقة عملت معايا نفس الموقف من خمس ايام بس هههههههههههههههههههههههههههههههههههههههههههههههههههه


ربنا يديم المعروف

تحياتى ..,,

سمكه واحده يقول...

ربنا يكون في عونك يا شيخه
انا لو منك
كنت نمت

لجين أبو الدهب يقول...

ياررررررربى ..

انا ما اكرهاش فى حياتى اد النوع ده ..

اللى يجى فى يوم ويشقلبلى نظام حياتى خلاص بيتحط فى البلاك لست على طول ..

ما حبش حد يقتحم حياة الناس بالشكل ده ..

الله يكون فى عونك ومعلش يوم الاجازة راح ..

تتعوض ان شاء الله ياأيمى ..

دمتِ بخير ..

Lady E يقول...

هههههههههههههههههههههه طيبة طيبة يعني

انا لما بقرر ان النهاردة اجازة يبقى اجازة ولو 100 صاحبة اتصلت بيا مش برد عليهم او برد وبعتذر عن الخروج ومش عيب اصلا انك تقولي لصاحبتك انك عايزة ترتاحي النهاردة
يا ايمي كفاية طيبة تضرك

أبو العريف يقول...

صباح الصدااااع
احلي حاجه بجد عجبتني في الموضوع ده
الصوره اللي فوق دي
والعربيه اللي بتستهبل فوق دي
عربيه وعامله نفسها كوبري

إيمان يقول...

blue-wave
ههههههههههه
نفسى أقاطعها وحياتك
بس مش عارف
لك وحشه

إيمان يقول...

aidy
كويس يعنى أكيد حاسه بيه
ههههههههه
بجد حاسه إنى معرفتش أوصف
مدى الغلاسه
منوره يا جميل

إيمان يقول...

إسافو
أنا بخير
إنت كيف الأحوال
كويس إن مدونتك بخير
تقبل تحياتى وتقديرى

إيمان يقول...

سمكه واحده
المره الجايه وحياتك
هسبها وأنام طبعا
يا مرحبا يا مرحبا نورك غطى على الكهربا

إيمان يقول...

لوجى العسل
يالا هو ده اللى حصل
وحياتك إنتى إن شاء الله الأخيره
وحشااانى يا قمر

إيمان يقول...

Lady E
منورررررررررررررره جدا
خلاص يا جميل وحياتك أخر مره
أسيب الموبيل جامبى
وحشتينى

إيمان يقول...

أبو العريف
ههههههههههههههه
هههههههههههههههه
ههههههههههههههههههه
تصدق بالله الصوره دى فكرتنى بصاحبتى جدا
أصل صاحبتى دى دايما تستهبل برضو
وتعمل نفسها صاحبتى الأنتيخ
وهى بصراحه صاحبتى اللدوده
هههههههه
بجد دمك شربات

ريكو يقول...

أزيك يا ايمى
اااااااااسفة جدا على الغياب
بس بس طبعا ليكى حق تنسينى
بس واللة الظروف يعنى والجوابات كانت كدة شوية
على فكرة يا ايمى
انا زيك كدة بالظبط زوجى بيقوللى انى بايعة دماغى لكل الناس
يعنى اي حد سواء مالعيلة أو برة العيلة محتاج لودان على طول يستلف ودانى لحد مااختفت اصلا هههههههه
لكن فكرةصحبتك الجبارة اللى فرضت عليكى الصحيان والخروجة والمشى والمواضيع كمان دى بايخة أوى أوى
كل سنة وانتى طيبة بمناسبة عيد الام يا جميل
تحياتى وحبى

إيمان يقول...

ريكو
أنساكى إزاى يعنى شكلك بتستعبطى زى صاحبتى
بجد مش إنتى اللى يتنسى
غيبى زى مانت عايزه
وإتأخرى براحتك بس طمنينى عليكى كل شويه
بجد بحبك فى الله
ربنا يديم المعروف والمحبه

ريكو يقول...

امين يا رب يديم الود والمعروف دايما يا ايمى
لكن انا مأقدرش أكون زى صاحبتك واتعبك معايا بجد ماتهونيش عليا يا ايمى لأنك بجد حد حلو ونظيف قوى صعب تلاقية كتير
انا الحمد للة كويسة
ورجعتلك اهه ومش هامشى من على باب مدونتك
ههههههههههه
لأ خلاص هسيبك تنامى علشان ماتدعيش عليا انا كمان
بحبك في اللة

د.خالدأمين يقول...

امممممممممممممممممممممممممممممممم


صاحبتك بلدياتي




مش عارف


هو انتي عارفه انا منين



طب بالله عليكي يا شيخه لتعرفيني بيها



هههههههههههههه




لتكون بنت عمتي





ممكن قوي












ليه لا







بس انا ماليش عمه




طيب اسيبك بخير

عمرو السمنى يقول...

تسلمليناا موضوعااتك
ويسعدنى بنقل موضوعك لى مدونتى ده بعد ازنك اصل بموووت فى الرخامه