الاثنين، 2 فبراير 2009

رؤيا غريبه




لم أرى والد جدتى {والدة أمى}... سمعت عن أخلاقه وهيبته كثيرا ولكنى بالطبع لم أراه
وذات ليله منذ عدة سنوات رأيت رؤيا غريبه حدث فيها ما يلى
المشهد الأول
المكان : بيت كبير يجمع أسرتنا وأسرة خالى وأسرة خالتى {أحفاد والد جدتى }
ونحن أبنائهم وعددنا 14 حفيدا مجتمعين فى حب ووئام{على غير العاده طبعا } .... نساء العائله يعددن الطعام
والرجال يتحدثون فى أمور مختلفه

المشهد الثانى
فجأه: تحول المشهد إلى مشهد مختلف تماما .... وكأنها بيوت ثلاثه منفصله تماما عن بعضها ولكنها قريبه من حيث الموقع فى كل بيت تسكن أسره من الأسر الثلاثه {أسرة خالى و أسرة خالتى وأسرتنا } .. منفصلين تماما كل فى شأنه {محدش معبر حد خالص }
وبين البيوت الثلاثه وقف جدى { رجل ذا هيبه ووقار.. طويل القامه ... جميل الوجه ... يبدو فى الخمسين أو أكثر } تبدو على وجهه علامات الحزن والأسى ملامحه أقرب للغضب
إقتربت منه وأنا أتفحص عباءته البنيه
أنا : مالك يا جدى
جدى {رحمه الله} : زعلان .. زعلان قوى
أنا : زعلان ليه يا جدى حصل أيه
جدى : زعلان علشان البركه خلاص هتتشال من بيوتكم
أنا : تتشال ليه إيه إللى حصل
جدى : علشان قلوبكم مبقتش نظيفه زى الأول
المشهد الثالث
أروقة مشفى لم أره من قبل ... حيث أسمع نبأ وفاة جدى { رحمه الله } وأرى جدتى واقفه تبكى والدها بحرقه .... إنتهت الرؤيا
ورغم مرور سنوات طويله على تلك الرؤيا ....إلا. اننى أتذكرها جيدا
وأتساءل دوما .......... هل لتلك الرؤيا علاقه بما حدث بعد ذلك من إنفصال عائلى للأسر الثلاث ..... وهل فعلا نزعت البركه من بيوتهم بعد ذلك
وهل حقا ترتبط البركه بطهارة القلب؟؟؟؟؟؟؟؟؟؟؟؟؟؟؟؟
وبعدين هى أيه البركه دى ... يمكن راحة البال ولا يمكن الستر والصحه ...ولا البركة هى ان الناس تحس بطعم كل حاجة حلوة فى الحياه وتستمتع بحلال ربنا, وأكيد أكييييييييييد مرتبطة بطهارة القلب وصفاء النية وحسن العمل كمان.
ولما البركة تروح من حياة الناس بتبقى الحياه ماسخة والناس ماسخة وكل حاجة وجودها زى عدم وجودها..... ولا هي أيه بالضبط وبيعملو بيها أيه ؟؟ ... أكيد محدش فاكر.. لأنها بالفعل إختفت من بيوت كتير ومن زمن طويييييييييل
...........................قصه حقيقيه.........................

هناك 12 تعليقًا:

عاشقه وغلبانه يقول...

انا بحب جدا جو الاسر الكبيره والعائلات من جدود واولاد واحفاد يجتمعون في العديد من المناسبات
بالفعل قل جدا وذلك لانشغال كل واحد من افراد العائله ده بهمه ومستقبله ومستقبل اسرته
اكيد التجمع ده بيضيف نوع من الترابط ناتج عن الخوف علي بعض وحب الخير لبعض
اكيد طول ما القلوب نضيفه الناس هاتتجمع
والعكس

علي فكره انا ماليش في تفسير الاحلام
ههههههههههههههههه

ستيتة يقول...

من حقك ياأيمي تفتكري الرؤيه لأنها مفسرة نفسها
اسوء ماحدث في زماننا "اللي كله ولله الحمد سيء" هي الفرقة بين الأخوات اللي بنشوفها
وساعات لما ابص قوي اقول يعني ناس عاشوا في بيت واحد .. كلوا شربوا لعبوا اتخنقوا ضربوا بعض خافوا على بعض
ازاي بعد ده كله بمجرد الزواج يتحول أخي أو أختي لمخلوق غريب عني .. ده انا اقرب ليه من اي حد .. ده انا وهو نشترك في نسيج الجسم والدم

تعرفي ان في حالة الليوكيميا (الأكيوت مش عارفه بالعربي تبقى ايه؟) أن الوحيدين اللي ممكن يتاخد منهم نخاع العظم لأمكانية الشفاء هم الأخوات الأشقاء؟ فقط الأخوات .. طيب ده دليل على أيه؟
ربنا يصلح احوالنا جميعا ويوحد قلوبنا على حب صلة دمنا ويحببنا لبعض ويبارك لينا في بيوتنا

MaNoOoSh يقول...

البركة هى ان الناس تحس بطعم كل حاجة حلوة فى الحياه وتستمتع بحلال ربنا, وأكيد أكييييييييييد مرتبطة بطهارة القلب وصفاء النية وحسن العمل كمان.
ولما البركة تروح من حياة الناس بتبقى الحياه ماسخة والناس ماسخة وكل حاجة وجودها زى عدم وجودها
انتى فكرتينى بجدى الله يرحمة, لما اتوفى مبقتش العيلة تتجمع ولو ان جمعتهم بتعمل مشاكل ومصايب بس على الاقل كنا احنا ولاد العم وولاد الخال بنتجمع ونقضى أيام متتنسيش ابدا.

بنوتة يقول...

السلام عليكم
أحييكى على طرح الموضوع وأنا ان فعلا الرؤية مفسرها نفسها
ربنا يبارك في بيوت المسلمين ويجمع شملهم
تحياتى ليكى
على فكرة أنا نزلت الجزء التالت من المهمة صعبة

إيمان يقول...

المشكله يا عاشقه إن حتى لما الأسر بتتلم ..بيبقى مفيش روح العائله معرفش ليه ... يمكن علشان الناس بقت قلوبهم مش تمام ... غيره وحسد وكل واحد في داخله أشخاص متشاكسون... بجد منورانى يا عاشقه

إيمان يقول...

بجد يا ستيته أنا كمان مش فاهمه ... هل ممكن أخت تخسر أختها علشان الغيره وليه ... وممكن أخ يسرق ميراث أخوه إزاى ... معرفش أى حد بيعمل كده بيفكر إزاى ........... ربنا يرحم أمة الإسلام .. اللهم ألف بين قلوبنا وبارك لنا فيما رزقتنا

إيمان يقول...

مانوش إسمحيلى أضيف تعليقك على البوست .... بجد أنا شوفت البركه وحسيت بيها ... وحسيت بيها كمان لما إتشالت .....فرق كبيرررررررررررررررررررررر

إيمان يقول...

بنوته شكرا على الزياره ... ربنا يعمر بيوتنا بالموده والحب .....جميله أوى قصة مهمه صعبه ... أنا هقرأها لما أرجع لأنى خارجه ... تحياتى ليك وتمنياتى بمستقبل جميل فى الكتابه إن شاء الله

الفقيرة إلى الله أم البنات يقول...

عارفه ي إيمان البركه هى كل اللى قلتيه واضافته منوش واتكلمت عنه ستوته
عارفه يا ايمان البركة
هى الرضا بكل شئ وأى شئ صغير ولا كبير
حلوة ولا مر
رضا
والبركة دى بتتنزع من حياتنا لما نبعد عن ربنا زى اى حاجه حلوة وجميله تروح مننا
والله كل ما اشوف حاجه غريبه ارجع اشوف إيه سببها
الاقى اننا بدنا عن ربنا
وأخدتنا الدنيا
يارب بارك فى حياتنا برضاك

ايمان دمتى بخير وكل مواضيعك مميزة فعلا والله

MaNoOoSh يقول...

ولا يهمك يا عثل
انتى تامرى بس
وربنا يرجع البركة فى ايامنا تانى

إيمان يقول...

مرورك أسعدنى جدا يا أم البنات ... ربنا يبارك لك غى أولادك وفى حياتك كلها

إيمان يقول...

متشكره أوى يا منوش نردهالك فى الأفراح إن شاء الله