الثلاثاء، 10 فبراير 2009

تاريخ مصر منذ بدأ الخليقه ..... الحلقه الثانيه


فى الحلقه الأولى ... ذكرنا أن أرض مصر كانت مغطاه تماما بماء النيل حتى بدأ ماء النيل فى الإنحصار شيئا فشيئا وبدأ حينها تأسيس مدينة منف
وظهرت فيها الزراعه .. ولكن على نطاق ضيق
وظلت أرض مصر على حالتها تلك عدة أعوام وكانت مصر تسمى فى الدهر الأول ....{ جزله }
ومع مرور الزمان إزداد إنحصار النيل وزادت مساحة الأرض الصالحه للسكن....ولكن مجرى النيل لم يكن معتدل الجريان إنما كان ينبطح ويتفرق فى الأرض بشكل غير منتظم حتى يصل إلى النوبه
ويذكرأبو الحسن المسعودى فى كتاب {أخبار الزمان }... أن أبناء أدم عليه السلام عندما تحاسدوا و بغى عليهم أبناء قابيل إبن أدم (عليه السلام)
قام بقراوس بن مصريم بن مركابيل بن دوابيل بن عرياب بن أدم بالفرار ومعه بضع و سبعين إنسان من بنى عرياب بن أدم وكانوا كلهم من الجبابره ( وهم أقوام أجسادهم هائلة الحجم والهيئه وأعمارهم قد تتعدى الألف عام ) ......... وأنطلقوا جميعا يتزعمهم بقراوس يبحثون عن أرض تصلح للسكن ..... فما زالوا يمشون حتى وصلوا إلى النيل فأطالوا المشى على ضفافه ..... فلما رأوا إتساع البلد حوله أعجبهم ذلك .... فقالوا هذه بلد زرع وعماره .... فسكنوا أرض مصر وإستوطنوا فيها وبنوا فيها الأبنيه المحكمه وأقاموا الصنائع العجيبه ... وعينوا بقراوس بن مصريم حاكما عليهم فسمى أرض مصر بإسم أبيه مصريم بن عرياب بن أدم ( وكان ذلك قبل طوفان نوح عليه السلام )
وكان بقراوس عالما وله حكم على الجن يطيعون أمره ... وكان قد إطلع على بعض من علوم أدم عليه السلام ..... قال تعالى{ وعلم أدم الأسماء كلها}. البقره 31..وفى تفسير ابن كثير صــــــ51 الأسماء كلها أى أسماء الأشياء كلها ذواتها وصفاتها وأفعالها
وبهذا إستطاع بقراوس بن مصريم أن يسيطر على ملك مصر دون الجبابره الأخرون وملوكهم .. وبعد أن إستقر له ملك مصر
وأمر بقراوس أتباعه ببناء مدينه فى موضع خيمته وسماها أمسوس
فقطعوا له الصخور من الجبال واستخرجوا الرصاص من الأرض وبنوا المدينه ... وأقاموا فيها أعلاما طول كل منها 100 زراع وعمروا الأرض وزرعوها
ثم أمرهم ببناء المدائن والقرى .... ثم حفروا النيل وهندسوه وكان كما ذكرنا غير منتظم الشكل ... وساقوا منه الأنهار إلى مواضع كثيره فى مدنهم التى بنوها ... وساقوا منه نهرا إلى مدينتهم ( أمسوس ) يجرى فى منتصفها
وكان كل هذا قبل حدوث طوفان نوح عليه السلام والذى أغرق الأرض جميعا وهلك كل من فى الأرض إلا الصالحون

صور لسفينة نوح بعد إكتشافها عن طريق بعثه عند جبل الجودى فى تركيا

ويعتبر ما كان بعد الطوفان بدايه جديده للارض جميعا
قال تعالى { وقيل يا أرض ابلعى ماءك } سورة هود 44
أنظر تفسير ابن كثير صـــــ221

الحلقه القادمه : بداية مصر بعد الطوفان



المراجع : 1 ـ المواعظ والإعتبار للمقريزى
2ـ تفسير ابن كثير
3 ـ أخبار الزمان لأبو الحسن المسعودى
4ـ بعض المواقع التاريخيه

هناك 28 تعليقًا:

بنوتة يقول...

السلام عليكم
اشكرك جدا جدا على المعلومات الجميلة والمفيدة جدا
تحياتى ليكى

ستيتة يقول...

جميلة يا أيمي
بس عاوزة اسالك الحاجات دي من كتاب واحد ولا من كذا مرجع
يبقى جميل قوي لو كتبتي اسم المرجع جنب الكلام ويسلام بقى لو جبتي المحقق منه

تسلم ايدك ومستنية اللي بعده

عاشقه الرومانسيه يقول...

كلام جميل كلام معقول ما اقدرش اقول حاجه عنه

طبعا مش تاريخ بلدى حبيبتى لازم يبقى جميل
ربنا يزيدك من علمه
ويجعله فى ميزان حسناتك ياقمرى

romansy يقول...

عارفه انى اول مره اعرف المعلومات دى

مع انى بحب اقرى التاريخ

بس منتظرين المزيد

إيمان يقول...

بنوته
شكرا على متابعتك ... يارب تكونى مستفيده بجد

إيمان يقول...

ستيته حبيبتى
بجد شكرا على التوجيه
المشكله ان المصدر الأساسى هو المواعظ والإعتبار { الخطط المقريزيه } وعلشان اتحقق من كلامه براجع بعض الأيات القرأنيه المرتبطه بالفتره اللى بيتكلم عنها وبعدين أتكد من تفسير الأيات فى ابن كثير .. المشكله إنه مش ذاكر الأيات دى ... والكتب مش مرتبطه ببعضها ... الموضوع أقرب ببحث بس الخطط المقريزيه لحد دلوقتى هى المصدر الأساسى ... علشان كده معرفتش أذكر المصدر ... بجد أسفه
تحياتى تحياتى

إيمان يقول...

عاشقه الرومانسيه
تصدقى إن مصر من أول الدول العظمى فى التاريخ وتعتبر فعلا أم الدنيا لأنها من أول الدول الحقيقيه فى الكره الأرضيه .... تصدقى

إيمان يقول...

رومانسى
شكرا على المتابعه ... وسعيده بإطرائك
يارب الموضوع يكون عجبك

ريكو يقول...

السلام عليكم
جميل أوى الموضوع وشيق جدا
كل التقدير لمجهودك
فى انتظار المزيد

إيمان يقول...

ريكو
وعليكم السلام ورحمة الله وبركاته
شكرا لمتابعتك واهتمامك بجد أنا سعيده باهتمامك جدا جدا جدا

فكرة من الزمن ده يقول...

سرد شيق ومعلومات موجزة والاهم هو الهروب من المط الممل في اماكن اخرى
معلومة جديدة عرفتها اشكرك بشدة عليها وهي فعلا ان ليهه مصر ام الدنيا فعلا معاكي حق انها من اولى الدول في العالم اللي اتاسست على اساس حتى قبل الطوفان
شكرا لكي وفي انتظار التكملة ومتغيبيش علينا
اسفة اذا كنت باكتب غلط بس لما بانتبه باحذف كلامي واعدله معلش

إيمان يقول...

فكره
شكرا لمتابهتك .. ولتشجيعك
أتمنى إن الموضوع يكون بجد عاجبك
إن شاء الله الحلقه الثالثه قريبا
أتمنى لكى كل التوفيق

الفقيرة إلى الله أم البنات يقول...

ايمان رائع
تصورى أول مرة أعرف ان مصر اسمها على إسم حد
بجد بجد رائع اللى كتبته ومنترين معاك الباقى ...برافو عليك
كملى يا حبيبتى و
كلنا بنموت فى تراب مصر

إيمان يقول...

أم البنات
أهلا ..أهلا... والحمد لله على السلامه
بجد كلامك شجعنى إنى أكمل لأن الموضوع شائك شويه لأنى بحكى التاريخ من وجهة نظر العلماء المسلمين ... وإللى طبعا بعتبر القرأن من أهم المراجع
وطبعا فى بعض الأمور اللى ممكن تتعارض مع التاريخ منوجهة نظر علماء الغرب ... فممكن بعض الناس تتهمنى انى بخرف
على العموم انا نيتى خير والله اعلم بالنوايا
بجد نورتينى .. وشجعتينى ..بحبك فى الله

Lady E يقول...

اولا مبرووووك ع المدونة اللي بجد جميلة وسعيدة اني عرفتها

ثانيا : عرفت انا حبيتك من اول تعليق ليه اصل انا كمان برج الدلو :)

ثالثا : هاجي تاني ان شاء الله اقرا البوست والمدونه كلها

ادم المصرى يقول...

معلومات جميله جدا وبجد الواحد بيكون سعيد وهوا

بيقرأ حضاره بلدو الجميله اقوى واقدم حضاره فى العالم

احييكى على ما اصدرتيه لنا وفى انتظار التفوق القادم

ومرسى على مرورك بمدونتى جدا

إيمان يقول...

ليدى
فى انتظار تعليقاتك ومتابعتك ... لما نشوف
أنا قولت برده ... أكيد دلو

إيمان يقول...

أدم المصرى
شكرا لمرورك ...منتظره متابعتك

Lady E يقول...

بجد معلومات جميلة جدا وقيمة جدا اول مرة اعرفها
وكنت دايما عايزة اعرف ليه مصر اسمها مصر؟؟ عرفت من البوست ده

بجد تسلم ايدك

ومنتظرة الحلقه الجاية بداية مصر بعد الطوفان

غير معرف يقول...

ايه المعلومات دى ... انا اول مره اعرفها
تسلم ايدك
منتظر الحلقه القادمه ... على نااااااااار

إيمان يقول...

ليدى هانم
بجد منورانى
سعيده جدا جدا برأيك
أتمنى إن الجزء القادم يعجبك يارب

إيمان يقول...

غير معرف
المره الجايه إن شاء الله تبقى معرف
أخجلتم تواضعنا المتواضع

الفقيرة إلى الله أم البنات يقول...

إيمان
أحبك الذى احببتينى فيه
وطبعا اكتبى من وجهة النظر الإسلاميه مهو احنا مسلمين قبل كل شئ
وسيبك من الغرب ومن التخاريف والتزوير

إيمان يقول...

أم البنات
شكرا للتشجيع
ومين فينا مش محتاج للتشجيع فى كل شيئ
بجد بحبك فى الله
والحمد لله على نعمة الإسلام

مهندس / على درويش يقول...

موضوع جميل فعلا يستحق التقدير والأحترام فكلها معلومات لم تكن في العقول
فقد انرت لنا عقولنا بالنسبه لتاريخ أرضنا
واحنا بنطلبك انك تكملي
لأننا كل المعلومات دي اول مرة نعرفها
فلا أملك إلا ان أقوووول
جزالله خيرا

إيمان يقول...

م/ على دروسش
تشجيعك حمسنى جدا إنى أكمل وخاصه إن الموضوع بجد صعب
شكرا على إهتمامك
وشكرا على متابعتك

الـمــصــــريـة - عاشـقــة الـجـنــة يقول...

الله على مجهودك ده يا ايمان

روعه روعه روعه

كل المعلومات جديده عليا تماما ومستمتعه بيها جدا

استمري يا ام ريما انا متابعاكي

بالنسبه للريجيم موضوع الحركه صعب عليا لاني عامله جراحه في العمود الفقري

على فكره انا ليا كذا اسم غير مسلمه لله ماتتلخبطيش بقى

هما 15 اسم بس لل خمستاشر مدونه بتوعي

يعني لو مالقيتيش مسلمه لله اوعي تفتكري اني نسيتك هتلاقيني دخلت وعلقت بس باسم تاني

خالص مودتي وقبلاتي لكي ولريما

إيمان يقول...

مسلمه .. وعاشقه الجنه
يا سلام يا سلام على الأسامى .. ربنا يجعلك من أساميكى نصيب
سعيده جدا جدا إن الموضوع عاجبك ..يا كليوباترا هانم .. وانت الخبيره بتاريخ مصر
إن شاء الله الحلقه التالته هتكون فيها معلومات أشد
بالنسبه للحركه..مش مشكله إن شاء هعمل بوست نتشارك فيه كلنا ونخس مع بعض ..الصيف جاى بقه وهتبان الفضايح
منتظراكى دايما إوعى تغيبى عليه كده تانى
تحياتى وقبلاتى أنا وريما