السبت، 28 فبراير 2009

شيدت لغرورك قصرا.....لك الثناء والعمر الطويل



أنا التى قبلت منك الإهانه
• وشيدت لغرورك قصرآ
وبنيت أحلامى بين راحتيك
وأرتضيت منك ظلمآ
• أنا التى قالت .. حبيبى أطلب تجاب
لن يأتيك منى نفيآ
أنا التى ربت رجالآ
• وقالت بُنى لا تكن جبانآ
ثور... حطم ... إعلن عصيانآ
على النساء... فى كل زمانآ
• فهن بالرفق .. يتمردن .. إغتناجآ
فلا يأخذك بهن حنانآ
ونادى عليهن ... بأم فلانآ
• أنا التى أرضت بالقليل
أكتفيت بشكوى ... وبعض العويل
إحتضنت إنهزامى كطفل يتيم
• فلا تهتم
إصفع .... أركل ... ثور ... وحطم
لك الثناء .. والعمر الطويل


تنويه : لست أنا هذه المرأه خالص مالص
لحظة تجلىّ

هناك 58 تعليقًا:

د.خالدأمين يقول...

اول تعليق

هههههههههههههههه


ارجع بقي اقري البوست اللي انا متاكد انه جامد جدا

عاشقه الرومانسيه يقول...

احجز التانى وامرى لله
اروح اقرا وارجع حااااالا

عاشقه الرومانسيه يقول...

الكلام جميييييل جدا يايمى
بس صعب ومؤلم قوى
ده اتكتب باحساس امراه موجوعه جداااااااااااااااا
ابدعتى ياايمى
جمييل
بس انا عايزه اعرف ده يخصك ولا مجرد خاطره
من باب الاطمئنان بس عليكى

بحبك يااجمل ايمى فى المدونات كلها

احساس طفلة محبة للرومانسية بس واقعية يقول...

لحظة تجلىّ
لا يا ايمان مش ممكن
دا احساس صعب جدا
ومؤلم جدا وقاتل جدا
وصفتى الاحساس بشكل مباشر جدا
وجسدتى صورة هذة السيدة فى كلماتك
يارب بس تكون خاطرة مش اكتر

تقبلى مرورى

د.خالدأمين يقول...

الموضوع اشطه خالص

والله الكلام شديد شديد

مهندس / على درويش يقول...

• وقالت بُنى لا تكن جبانآ
ثور... حطم ... إعلن عصيانآ
على النساء... فى كل زمانآ
::::::::::::::::::::::::::::

قلملك يثبت انه مازال يستطيع التعبير عن أي شئ

الكلام ممكن يكون من الواقع لكني أعتقد أنه ليس بهذه الشده وهذا النكران وبكل هذه القوة والبهتان


فالنساء الأن يتمتعن بقوة حصانيه وبرلمانيه وقوانين خلع لمن تأبي منهن الأهانه


لا أعتقد أيضا أن توجد نساء تستطيع أن تتحمل كل هذا المرار وهذا العصيان وكأنه أحلي ما في الدنيا
فتحس عليه أبناؤها



كل ما أستطيع أن أقوووله أنه لو وجدت تلك الأنسانه فهي حقا لا تستحق الأهانه فهي تستحق أن تكون جوهرة مصانه



تقبلي مروري
على درويش

بنوتة يقول...

السلام عليكم
ما شاء الله عليكى بجد
رائعة بجد تسلم ايدك وقلمك ودماغك
تحياتى ليكى

بسمة انور يقول...

كلامك قوى اوى وحساس جدا

تسلم ايدك يا احلى ايمى

لجين أبو الدهب يقول...

لالالالا ..

بجد ما شاء الله ..

القصيدة حلوة جدا بالرغم انها بتعبر عن حالة ألم بس راااائعة ..

انا قرأت معلومة قبل كده ان الشعر دائما بيكون فى ابهى صوره فى تجسد لحظات الحزن او الالم ..

بس بجد رائعة ياايمان ..

ربنا يبارك فيكِ ويديم إبداع قلمك ..

دُمتِ بخير ..

أطلع بقى اقرأها تانى D:

SHAPE YOUR LIFE (ABOALI) يقول...

كل ده
ومن يظلم هذا الكائن الرقيق
فهو منى وانا منه
راجعى كلماتك بنيتى
فالكلام محتاج تدقيق

وممكن اسمعك كلمات تعبر عن روح رجل صديق

يا رفيقة المهد
يا رفقية الارض
يا رفقية الدرب
يا رفقية القلب
يا رفقية السكن وكل السكنات
يا رفيقة الرحمة وكل الرحمات
يا رفقية اللحظه وكل اللحظات
يا رفقية الوقت وكل الاوقات
يا رفقيه البسمة وكل البسمات
يا رفقية الضحكة وكل الضحكات
يا رفيقة الذكرى وكل الذكريات
يا رفيقة الهمس وكل الهمسات
يا رفيقة الغد والامس
لا تملك حروف الكلمات
إلا إحتضانك
يا تؤام روحى
يا حـــــــــواء




يااااااااا عينى
هى فين حواء وفين ادم
ربنا يرحمهم بقى

تحياتى

Ahmed يقول...

أيمان
كلام جميل

بس على فكره
الراجل مبيحبش المرأه اللي من النوع ده
الراجل بيعامل المرأه اللي من النوع ده على أنها جزء من ممتلكاته فقط

لكن الحب الحقيقي مبيتوجدش من غير احترام متبادل

ولا ايه رأيك

ريم نامت خلاص ولا ايه؟
مكانك في التعليقات عندي محجوز والعداد بيعد

dodda يقول...

ويا رب ما تكونى الست دى
بتاتا بتاتا
ونا من بكره حجيب بلدوزر واهد القصر على نفوخه
:0(

ٌرحيـــــــــــــــــــــــل يقول...

اووف اوووف اووووووف، لا حووول كل ده جواكي، بصراحة اللي يزعل ايمان كأنه زعلني، الله يهديييه ويديم المحبة.

تامر علي يقول...

إصفع .... أركل ... ثور ... وحطم
لك الثناء .. والعمر الطويل

***************
تنويه : لست أنا هذه المرأه خالص مالص
لحظة تجلىّ
****************

مش عارف ليه حاسس في علاقة بين الجملتين .... بس كله إلا الركل :) صعب قوي

ريكو يقول...

ياااة يا أيمان !!!!!!!!!
أية كل الثورة دى؟؟؟؟؟؟؟؟؟؟
بجد رائع اوى الكلام حاسة انة حقيقى بيصرخ
بس صعب أوى اللى حست بكل الالم دة تحس ابنها ايضا على ظلم النساء
فالنساء هن أولى المخلوقات بالرفق والحنان
فهن كما قال الرسول علية الصلاة والسلام
رفقا بالقوارير
فنحن قوارير لا تتحمل كل العواصف تلك وللا أية رأيك
تحياتى للحظة التجلى تلك
كل الحب والتقدير لكى يا أجمل أيمى

أم فريده يقول...

ايمى حبيبتى انما قريت الكلام الجميل دة
من اول ما كتبتية

بس انا وصلتلى معانى مختلفة
مش عارفة لية مش وصل معانيها ليا الا دلوقتى

انا هقولك على اللى فهمته

هى ام ربت وتعبت على ابنها بس ربته بطريقة غلط بطريقة ياخد ولا يعطى

ودة كان عادى بالنسبة ليها لدرجة انها بتطلب منه انه يكون بالقسوة دى على كل النساء

لو هو دة المعنى فعلا


دى ام قاسية اوى

بس كالعادة اسلوبك رائع لاء دة فوق الرائع

لكى حبى واحترامى

إيمان يقول...

د/خالد أمين
أهلا بيك
أول تعليق
منور دايما يا دكتور

إيمان يقول...

عاشقه الرومانسيه
صديقتى العزيزه
أولا : مش أنا الست دى خالص مالص والله العظيم
أنا بس حسيت الحاله دى قوى مع واحده أعرفها
كويس ربنا يستر ومتقرأش البوست
أنا بس فى جزء بتاعى وعشته قوى علشان مبقاش كدابه
وبنيت أحلامى بين راحتيك

• أنا التى قالت .
. حبيبى أطلب تجاب

لن يأتيك منى نفيآ

بس بينى وبينك ومالو برضه
تحياتى ليكى وشكرا على الإهتمام

إيمان يقول...

احساس طفلة محبة للرومانسية بس واقعية
شكلك زعلانه ومش عاجبك الكلام
بس والله دى حاله حقيقيه
واحده ست جوزها طلع عنيها وعين إللى جابوها
ولما خلفت ولد وكبر وإتجوز فضلت تقول له
شد عليها يا هايف يا خايب
دى بكره تركبك وتدلدل رجليها
تلاقيها بتحوش من وراك لم إيدك عليها شويه
لحد ما خربت البيت والولد جاتله حاله نفسيه
ده مثال من أمثله كتير شفتها
تحياتى يا جميل وبلاش لحظة تجلىّ خليها
لحظة عكننه

إيمان يقول...

مهندس / على درويش
الكلام ممكن يكون من الواقع لكني أعتقد أنه ليس بهذه الشده وهذا النكران وبكل هذه القوة والبهتان

هو مش بالقوه دى لأن الشعر دايما لازمن يركز على المصيبه إللى فى الموضوع
الحماوات بعد ما يطلع عينهم مع أزواجهم يطلعوه على مرتات أولادهم أكيد أنت شفت الحاله دى كتير جدا
ثانيا : ساعات الست بتبقى خلاص إنقطع عليها خط الرجعه ..لا تراجع ولا إستسلام
ملهاش أهل وملهاش عائد مادى وأولادها كتير
خلاص بقه لا خلع ولا حصانه ولا حماره ولا أى حاجه هتنفع .. ملهاش متوى يا عينى
وأكيد شفت الحاله دى برده كتير
شكرا على المرور يا باش مهندس

إيمان يقول...

بنوتة
وست النبات
أنا إللى تحياتى ليكى
على الإطراء والتشجيع
إللى يساوى عندى كتيرررررررر

إيمان يقول...

ABOALI
والله يا فندم أنا مقصدتش الناس المحترمين
إللى زى صديق ساعتك وزى ناس كتير أعرفهم شخصيا
أنا بتكلم عن فئه مندسه ودخيله
لالالالا إنت فهمتنى غلط والنعمه
وبعدين أنا مفهمتش السطرين إللى فى أول التعليق
أرجو الإفاده ... ربنا يكفيك شر الفضول
تحياتى لكل حوا ولكل أدم المؤدبين المحترمين إللى مبيمدوش أديهم ولا لسانهم

SHAPE YOUR LIFE (ABOALI) يقول...

ايمان
كيف حالك

السطرين فى الاول
كلام استنكارى ان يصل الحال الى هذا الحد
وفعلا هناك البعض ممن يحمل صفة الذكورة يفعل هذا لاءنه لا يعرف معنى للرجوله

اما عن رجل صديق

اى صديق حواء يعنى


ارجو ان اكون قد اوضحت ونجحت

الضرب وسيلة فى بعض الاحيان
واللسان الممدود كناية عن فقد لقيمة الانسان


تحياتى

Unknown يقول...

اشكرك على مرورك الجميل بمدونتى
واسمحيلى اضيف مدونتك للبلوج ليست عندى

إيمان يقول...

ABOALI
يا سلالالالالالالالالالام الفهم نور بردك
مشكرين على التوضيح الفصيح
أفهم من كده أن الكلمات دى بتاعتك
أمال فين الكلام الجامد ده من مدونتك
لالالالا أنا أحتج وأعترض وأستنكر
وشكرا جزيلا للتوضيح
تحياتى

إيمان يقول...

BAsMA
شكرا لمرورك الرقيق
يا أحلى البنات

إيمان يقول...

لجين أبو الدهب
يا سلالالالام قولى كمان يا لوجى
مشكرين على التشجيع
بجد شكرا شكرا شكرا

إيمان يقول...

لوجى
نسيت أقلك حاجه
شكرا شكرا شكرا
بجد إطرائك طول رقبتى
بس الحمد لله مش أنا الست إللى حالتها منيله
دى والله بجد مش أنا
بريئ يا بيه

ساره يقول...

انتي بس ارسليها عندي
لمده 10 ايام اعملها اعادة تأهيل
وهى اللي راح ترجع تهد القصر اللي شيدته فوق راسه :)

إيمان يقول...

Eng. Ahmed Abo El-Ella
جميله دماغ المهندسين دى بيجيبوا من الأخر
أصل والد ريم مهندس صميم زى الكتاب مابيقول
أنا معاك تمام التمام .. الراجل غالبا مبيعرفش
يحب الست إللى من النوع ده...يمكن ميقدرش يستغنى عنها .. بس مبيحبهاش
أعرف واحد كان متجوز واحده أذكى منه وعقلها أكبر منه..وناجحه عنه
فضل يحطم فيها .. وكل ما تقولو حاضر يتنرفز أكتر
ويضايق أكتر .. والعلاقه بينهم تتوتر أكتر
لأنه وبكل وضوح كان محتاج واحده تكمله ويكملها
مش مسخ .. يكنس ويمسح ويكوى ..ويقول حاضر بدون إقتناع
أحييك بجد على دماغك العاليه

إيمان يقول...

dodda
ونا من بكره حجيب بلدوزر واهد القصر على نفوخ

أيوه كده هم دول الستات التمام ولا بلاش
بجد بتعجبينى موت موت

فتــافيت (رحاب الخضري) يقول...

ههههههههههههه ليه هي كوخة ديه حتي عثثثثثثثثل

بس بجد بموت في النوع ده

ست عثثثثثثثثثثثل

وبوست جامد جدا

إيمان يقول...

ٌرحيـــــــــــــــــــــــل
رحيل هنا يا دى الهنا يا دى الهنا
وحياة رحيل عندى محدش مزعلنى
والله ده طيب وإبن حلال وأنا إللى مطلعه عينه
إنتى أكتر واحده لا زم تكون عارفه أنا أد أيه
مطلعه عينه
على الله بس ميقلبش عليه
ربنا يستر
منوره يا رورو

إيمان يقول...

تامر علي
إصفع .... أركل ... ثور ... وحطم
لك الثناء .. والعمر الطويل

***************
تنويه : لست أنا هذه المرأه خالص مالص
لحظة تجلىّ
****************

مش عارف ليه حاسس في علاقة بين الجملتين .... بس كله إلا الركل :) صعب قوي



***

ماشى ماشى
دليل عقلى بقه والحاجات دى
بس بجد ملهمش علاقه ببعض خالص مالص بالص
حفظنا الله وأياك شر الركل
منور يا أستاذ تامر

إيمان يقول...

ريكو
بس صعب أوى اللى حست بكل الالم دة تحس ابنها ايضا على ظلم النساء

**هى دى النقطه إللى حبيت أبينها هنا
إن إزاى الحموات ..(والله حماتى عسل لحد يفهمنى غلط)
غالبا هم إللى بيحرضوا أولادهم على زوجاتهم
وأكيد إنتى شوفتى الحالات دى كتيييييييير
سعيده بمرورك جدا يا ريكو
ومش عارفه ليه لما بتنزلى بوست جديد مش بيبان عندى...على البانر إللى فى شمال المدونه
بحبك فى الله يا أرق ريكو

إيمان يقول...

زوجة عنيدة
هو تقريبا المعنى إللى وصللك قريب جدا من المعنى إللى أقصده
إللى قصدته هو إن المرأه المهضوم حقها غالبا
هى إللى بتبقى السبب لأنها بتخللى جوزها هو محور حياتها الوحيد .. وده فى حد ذاته مش شيئ وحش الوحش إنك تخلى ده يمسح شخصيتها ويمحيها تماما
المشكله بقه إن الست دى لما بتيجى تربى راجل
بتربيه إنه يبقى جامد وخشن كده ويدبح لمراته القطه
من اليوم الأول علشان ميبقاش طرطور
شكرا على الإطراء اللى بجد بيسعدنى جدا ويشجعنى جدا

ELMASRYA يقول...

ليه كده يا عم يابتاع الخواطر انت؟

كده برضه يا إيمان؟

هان عليكي تتخيلي النموذج المنكسر الضعيف الراضي بالذل والهوان ده يا إيمان؟

أينعم هو نموذج موجود لكن أودي وشي فين قدام عضوات جمعية المرأة المتوحشة؟

تقهقر يا روميل واكتبلنا عن الستات الجدعان اللي الواحده منهم بعشر شنبات

أبعتلك صورتي علشان تقدري تكتبي عنهم كويس ؟

بس أرجوكي ماتخوفيش بيها الحفاريت

وبعدين فين باقي تاريخ مصر ؟بجد مشتاقه للتكملة

خالص مودتي وتحياتي

حسام غانم يقول...

الكلمات قوية جداااااا

بس مش فاهم المقصود للأسف

ستيتة يقول...

بعتذر اليومين اللي فاتوا كانوا شقى شغل وبيت
بس انا قرأت الخاطرة امبارح قبل ما انام
هو انا اقدر مدخلش اشوف ضحية مجتمع نسائي شيزوفرينيا

الست تشوف اصناف القهر في حياتها .. ويصعب عليها انها تربي انسان يحترم جنس النساء

بمعنى اشمعنى انا .. لازم مرات ابني تشوف اللي شفته

اكبر عداوة هي عداوة المرأه لبنات جنسها

عجبتني وتحفة وفهمتها وحسيتها وبعبببببببببك

إيمان يقول...

اصحى يا مصر : اسلام ديو
أهلا وسهلا...وشكرا على المرور
تحياتى

إيمان يقول...

ساره
أيوه كده عايزين تعاون
عربى ضد الرجاله المفتريه
والمحترمين على راسنا من فوق
أهلا بالمبدعه ساره هانم
منوووره

إيمان يقول...

فتافيت
منوره يا فتافيت
يا عثثثثثل
أنا بردك بقول كده
هو أنا قولت حاجه غير كده
دى ست زوق زوق زوق

إيمان يقول...

ELMASRYA - MAMA EVE
وحياتك إنتى لنزل تاريخ مصر البوست إللى جاى
أو إللى بعده بالكتير
أما عن جمعية المرأه المتوحشه فستيته قالتلى
إنى لازمنى شوية تأهيل الأول
هتأهل بقه وأجيلكم نكتب عن الستات إللى ماليه
مجتماعنا الستات الجدعان إللى بميت راجل
فى إنتظار الصوره هحكم بقه لما أشوف
مع إنى عارفه إنك قمر من غير ما أشوف
وحياة النعمه وحياة النعمه بحبك فى الله

إيمان يقول...

حسام غانم
أهلا أهلا منور يا أستاذ حسام
ولا يهمك أنا قلت أكتب شعر تشكيلى
شبه كده الفن التشكيلى إللى محدش فاهمه
بتفزلك شويه من نفسى
منتوش أغراب بقه

إيمان يقول...

سوتيته حبيبتى
أنا قلت محدش هيفهمنى غيرك
يا توأمى العزيز أنا خلاص
متنازله عن الدلو .. متعرفيش جدى يتبنانى
سماح على التأخير .. إنا كان عندى إللى عندك
وزياده..توأم بقه
بجد وحشتينى ..

عاشقه وغلبانه يقول...

انا برضو في لحظه تجلي مخلياني مش شايفه قصادي
ههههههههههههههههههه


دايما اسلوبك متميز يا ايمان ومتجلي ع الاخر

وحشاني موت
تحياتي

Lady E يقول...

كويس انك لستي هذه المرأه خالص يا قمرايا

بتعجبني جدا كلماتك في لحظات التجلي

الفقيرة إلى الله أم البنات يقول...

إيمان
طبعا كلام منطقى جدا"
مهو اللى بتربى الرجال سيدة واللى بيكون طبعه سيئ وقاسى ومتعجرفه تربية سيدة
منا لينا يعنى
وان كنت ارى بعض السيدات تنصح ابناؤها الذكور ان يكونوا ذوى خلق ورحمة مع زوجاتهم..اسالها
تقول الله يسامح حماتى ربته علشان يعذبنى فصعبان على بنت الناس يعذبها إبنى

منا فينا يا ايمان
تسلم إيديك وعلى مفرداتك
والشعر الذى يناقش قضيه مش كلام وخلاص
دمتى بخير

حروف يقول...

ممممممممممممممممم اية الكلام القوي دة بس انا مفهمتش الحاله ايه؟؟؟؟؟؟؟؟؟؟؟؟؟؟؟؟؟؟؟؟؟؟
واكتر اللي عجبني
أنا التى قالت .. حبيبى أطلب تجاب
لن يأتيك منى نفيآ
أنا التى ربت رجالآ

إيمان يقول...

عاشقه وغلبانه
ألف سلامه عليكى من التجلى
يارب تقومى بالسلامه
بجد المدونه كانت مضلمه من غيرك

إيمان يقول...

ليدى هانم
أنا عارفه إن اللحظه دى بالذات مش على مزاجك
تتعوض بقى إن شاء الله
إزيك إنتى عامله أيه
حاسه كده إنك مش تمام

إيمان يقول...

الفقيرة إلى الله أم البنات
يا سلالالالالام
أنا مستنيه رأيك إنتى بالذات
ورأى ستيته ..علشان عارفه إن إنتم
إللى هتفهمونى يا حبيبى يا أصحابى

إيمان يقول...

حروف (دلو مرة ثانية وجرح ثاني سابقا)
الحاله حالة ستات كتير فى مجتمعنا العربى إتظلموا من أزواجهم ومع ذلك
بتربى إبنها على إنه لازم يبقى شديد كده وجامد
ولو حب ولا إتجوز لازم يجمد كده علشان ميبقاش دلدول لمراته
ولو حست أنه بيحب مراته شويتين تبقى عماله تاكل فى بعضها
وبعدين ولا يهمك ..شعر إيمان يا حبيبى
زى الفن التكعيبى..
منورانى يا دلو يا شكيكه

فكرة من الزمن ده يقول...

القصر الذي بنته لا يسكنه الا امير وبالطبع ليست هذه اخلاق الامراء
جميلة لحظة عبد المتجلي بتاعتك تسلم ايدك يا ايمان

إيمان يقول...

فكرة من الزمن ده
شكرا على مرورك
يا فكره بس أيه فكره عبقريه
أيه رأيك فى عبد المتجلى رايق مش كده

hasona يقول...

مكسوفة تقولي انك هذه المرأة

ماشي
هاكمل القراءة وأجي

أصل أنا شوية من فوق لتحت وشوية من تحت لفوق

إيمان يقول...

hasona
وحياة النعمه الغاليه
لست أنا هذه المرأه خالص مالص
وبعدين هم فين الرجال إللى ربتهم
ده هو حتة ولد يدوب 6 سنين
ربنا يستر
شكرا على المرور
وتحياتى

hasona يقول...

لك الثناء والعمر الطويل
سي السيد
نسخة من الزمن الجميل

ههههههههههه

وشهد شاهدة من أهلها

وكما تدين تدان

أنثي تربي جيل بأكمله
كما تربت
فيهم من تمرد