الأربعاء، 18 فبراير 2009

قلبى فقيرا ........(يا مصر)


لماذا لا أرحل.......؟؟؟
فأفتح دروبآ .....وأزرع ورودآ
ولكن بعيدآ.....كبعد السماء
لماذا البقاء..........؟؟
وكل الدروب كئيبة حزينة
وقلبى فقيرآ.....يحس الخواء
وأسأل نفسى نهارآ وليلآ لماذا البقاء...؟؟؟؟؟؟
فبالأمس كنت..كضى ابتسامة
كأنى أطير مثل اليمامة
فأصبح الحزن لى كالعلامة
فلماذا البقاء.........؟؟؟؟؟؟؟؟؟



وهل تستحق الدروب أنتظارآ.....؟
وكيف سيمضى الليل نهارآ........؟؟؟؟
ترى ما الخطيئة,,وأين الحقيقة...؟؟

لدى اعتراف!!!!!.. عرفت الخطيئة
لعل الخطيئة ..قلب كبير....يحب المعالى... يسمو يطير.
لعل الخطيئة...قلب رقيق..يعشق يومآ ...فيلقى المصير
لدى اعتراف....قلبى يخاف
يخاف انتظارآ ولو فى النهار.
..يخاف انهيارآ...يخاف القرار
يأبى البقاء .....ويخشى الفرار

كأن الخلاف بينى و بينى .............. كأن الخيانة منى لنفسى
ترى هل رحيلى من فرط يأسى........... لعل الرحيل هو كل فرصى
على كل حال...علىّ البقاء ........... علىّ التزام ,,,علىّ وفاء
لعل السعادة هنا فى الخفاء............ تفتش عنى,,,تريد اللقاء

بس بردك بحبك يا مصر
بلادى وإن جارت على بحبها
وأهلى وإن ضنوا على بموت فيهم


لحظة تجلىّ

هناك 36 تعليقًا:

بنوتة يقول...

السلام عليكم

الكلام رائع جدا
بجد احساسك ما شاء الله عليه عالى جدا
ربنا يحفظك ويكرمك
بس بلاش نبرة التشاؤم
على فكرة انا مررتلك التاج ايللي لسة منزلاه دلوقتى يا ريت تقبليه
سلام وتحياتى ليكى

مهندس / على درويش يقول...

لعل السعادة هنا فى الخفاء............ تفتش عنى,,,تريد اللقاء

انا السعاده
ابحثي عني فأنا بالجوار
لست بعيده كبعد السماء
تلفتي حولكي في الخلاء
فلولا وجودي لما أستطعتي ان تكتبي بحروف الهجاء
ولي دروب عديدة أولها في الخلاء
ستجديني هناك ...نعم ..نعم ..هناك
هناك في الخــــلاء
هناك ستناجي ربا غفورا رحيما بالعباد
هناك انا ...وانا هناك
انا السعاده في الخلاء
انتظريني هناك ...ستجديني
ونادي ربك في الخفاء ...في الخلاء
هناك لا وجود للرياء
وهل أعظم منها سعاده


صدقيني ...صدقيني ...انا هناك



أنا السعاده ...فأبحثي في الخلاء

الفقيرة إلى الله أم البنات يقول...

رائع رائع يا إيمان
أعود واعلق أما الآن فانا استمتع بكلمات قلبك الفقير

عاشقه وغلبانه يقول...

من اجمل ماكتبتي ياروح قلبي
كلمات حلوه اوي اوي
تحياتي ليكي

إيمان يقول...

بنوته وست البنات
شكرا على البوقين الجامدين أخر حاجه دول
وبعدين معلش أعذرينى أصلى جديده فى التدوين هو التاج ده بيمرروه إزاى وأفتحه منين وأجاوب عليه إزاى .... والنبى تساعدينى مش فاهمه حاجه خالص فى هذا الموضوع
وشكرا على التاج يا ست البنات

إيمان يقول...

م/على
يا سلام عين العقل والله
مش بقلك زينة شباب الحى
ربنا يكرمك ويثبتك ويرزقك الإخلاص يا رب

إيمان يقول...

أم البنات
الغائبه الحاضره
كفايه إنى اسمع صوتك ...أصدى أشوفك عندى
بحبك فى الله وربنا أعلم

إيمان يقول...

عاشقه وغلبانه
غلبتكم النهارده
عماله بوستات ..بوستات
شكلى كده هفوت فى القريب العاجل
أنا النهاره مش تمام إطلاقا مطلقا بالتلاته
من كتر التهييس عنيه مزغلله
معلش بقه إتحملونى شويه

eng gam3a يقول...

كلام أكثر من رااااااااائع

إستمري





والسلاااااااااام ختاااااااااام

إيمان يقول...

NO way
شكرا لمرورك الجميل النضيف
المختصر .. المفيد
تحياتى

عاشقه الرومانسيه يقول...

ياريت كل لحظاتك تكون تجلى بالشكل ده
علشان تسعدينا بكلامك الرقيق
بجد بجد الكلام تحفه يابنتى
ايه الجمال ده
تسمحيلى اقر واعترف
بنفس كلماتك

لدى اعتراف....قلبى يخاف
يخاف انتظارآ ولو فى النهار.
..يخاف انهيارآ...يخاف القرار
يأبى البقاء .....ويخشى الفرار


دى انا فعلا
بحبك وبالاقى نفسى بين كلماتك

اسفه على غيابى فاتنى بوستين او 3
اسفه بجد بس انا كنت مشغوله جدا
سامحينى
وان شاء الله مش هتتكرر

ELMASRYA يقول...

القلب اللي جواه الرقه دي كلها يبقى غني جدا مش فقير ولا حاجه

على فكره خواطرك تزداد تألقا وتمكنا ولمعانا

خالص مودتي وتحياتي

إيمان يقول...

عاشقه الرومانسيه
بجد وحشتينى
وإفتقدك جدا .. سبحان الله
فى ناس كده .. ترتبطى بيهم وتتعلقى بيهم بدون سابق إنزار
مش كنتى تزمرى الأول... أصلى بخاف أتعلق بحد
حتى أولادى .. وامى وابويا
أصلى مبتحملش الفراق أبدا أبدا

إيمان يقول...

yotobia princess
حبيبتى مسلمه لله
أيه يا بنتى المواهب دى كلها
والله مصر دى غريبه قوى قوى
ولادها بنات وولاد ستات ورجاله
حتى الأطفال كلهم مواهب وإمكانيات وعبقريه
أمال إيه المشكله .. أيه أيه
واحده زيك وبمواهبك والله مش بجاملك خالص
تبقى عادى كده .. فى وسطنا عادى كده
حاجه غريبه .. يلا إللى عند العبد مقطوع..ومتنيل بنيله
شكرا على تشجيعك .. بجد بيخلينى أكثر قوه
وبتبقى رقبتى طويله كده يجيى مترين
لما جوزى بيجيى يتفرج على المدونه فى المناسبات
والأعياد القوميه
وحياة كل إللى بتحبيهم ..متغبيش عنى

تامر علي يقول...

على فكره انت ناقصك حاجه واحده بس ياريت تتعلميها وياريت تاخدي الموضوع بجد علشان بكره هاتقوللي فعلاً إن كان عندي حق ....لازم تتعلمي علم العروض بجدية لإني شايف إن عندك كل المقومات ...أفكار ...مفردات ...لغة خاصة ...إتجاه فكري ...ناقصلك بس ضبط العروض وبعض الهنات النحويه (وتتحولي :)
لاء مش لحاجة وحشة ... لأديبة تمتلك كل أدوات الكتابة ....حاولي تاخدي الموضوع بجدية ولو على المدى الطويل بس ابتدي .

SHAPE YOUR LIFE (ABOALI) يقول...

رائعة المعانى ممزوجة بهمس العتاب والبحث عن ارض فيها يلتقى الاحباب ينثرون هناك الورد والفل والياسمين والريحان
قلوبهم طائرة تحوم فى الفضاء لعلهم يبحثون عن البسمة والبقاء
ولكنهم اليوم مذبذبين من قسوة الام

ولكن هى تركيبةالحياه هى نحن ونحن هى


ارجعى تانى
ردى عليا كيانى
احمينى وكونى احضانى
عارف انى انانى
وساعات اقول مش راجع تانى
ولما ارجع القيكى مستنيانى
انتى عارفة انك حبى
ومن غيرك اشك انى انسانى
وصورتك دايما فى احلامى
اشوفك همس وعشق فى وجدانى
صوتك ترانيم واغانى
ولحن اعيشه فى احزانى
حبك اصونه بروموش عينى
انتى الحبيببه والعشيقة
والصديقة يا كل كيانى
انتى الارض
انتى المهد
انتى الشكل
انتى الوجة
انتى العمر
انتى البسمة
انتى الهمسة
انتى الشمس
انتى الضحكة
انتى الفرحة
انتى القلب
انتى العين
انتى الوطن
كله ده انتى
يا مصر



تحياتى مع شكرى

احساس طفلة محبة للرومانسية بس واقعية يقول...

مش هتكلم عن اسلوبك
ولا كلماتك اللى وصلت المعنى بالضبط
لان مفيش نقاش عليهم انتى مبدعة

انا هتكلم على مصر بما انى مغتربة
شايفة ان مصر مش احسن بلد فى العام دا صحيح
بس شايفة فيها
اهلى واصحابة وواخواتى
بشوف فيهم
شعب بحس انى كلهم عرفنى وانا عرفاهم
بشوف فيها
راحة بال وامان رغم كل الحوادث اللى بتحصل
بشوف فيها
سهولة الحياة ويسرها رغم كل التعقيدات اللى فيها
بشوف فيها
دعم ومساندة من الشعب لبعضوا شعب بيحس بألم الاخرين

اللى جوه مصر مبيشوفش الحاجات الحلوة زى ما بيشوف الحاجات السيئة بس انا لما بعدت ولما قارنت لقيت انها هى الاحسن رغم كل مساوئها

تقبلى مرورى

ستيتة يقول...

بحبك يا مصر
بحبك يا ايمان
بحبك بحبك

حاولت اعلم عليكي وارد بشعر حلمنتيشي

اسكتتني كلماتك لفرط روعتها وتعبيرها عنك وعن تؤامك

بحبك يا مصر ومش ها اعيش غير فيكي

ولو قطعتيني وشربتيني ميه بتجيب فشل كلوي

ولو خضارك مرشوش وكله بلاوي مسيحة

ولو اهلك خلاص بطلوا يصبحو صباح الفل من كتر اللي شايلينوا من احمال

بحبك من غير سبب
هو انا بحب امي بأسباب؟
دي كانت تبقى حاجة هباب

هو انا بحب ابويا علشان رباني
حتى لو سابني هو جوا كياني

بحب اخواتي .. حلوين وحشين
هم في حياتي .. عاليين غاليين

بحب صحابي ولو غاروا شوية
هم صحابي وضي عنينا

بحبك من غير سبب واضح
انتي دمي وقلبي وحبك باين عليا وناضح

حبك اللي جاب لي
حب ناس من بلاد تانية
قالوا دي اصيلة
وعارفه ان الدنيا فانية
ومش مهم عندها الفلوس
دي بتحب بلدها تبقى خير النفوس

وادي الحلمنتيشي نطح ونضح وطرح نفسه في الآخر

بنوتة يقول...

السلام عليكم
هو نفس التاج ايللي دخلتى عندى وعلقتى عليه أنا في سؤال تمرر الواجب لمين أختارتك وناس تانية هتنزلى بوست وتجاوبى على الاسئلة ايللي عندى وبعدين في سؤال تمرر الواجب لمين هتختارى الناس ايللي انتى عايزاها
أنا التاج جالى من كلمات والتاج جالك منى انتى هتبعتيه لناس وكده يعنى
تمام
سلام يا قمر

dodda يقول...

كأن الخلاف بينى و بينى
.....
هذا حالنا جميعا!!!!
انا سعات لمسك فى خناقى واجيبنى من شعرى :0)


حلوه قوى يا ايمان
بس انتى يعنى حترحلى تروحى فين؟؟؟؟
اليلد دى احسن من غيرها رغم كل شىء
ربنا يصلح الحال

Ahmed يقول...

بس بردك بحبك يا مصر
بلادى وإن جارت على بحبها
وأهلى وإن ضنوا على بموت فيهم

جميل أوي الجزء ده

إيمان يقول...

تامر على
يا دى الفضيحه .. هو فى حد هنا ليه فى العروض
إتكشفنا .. فلسع يا بومبه فلسع
مشكرين ..مشكرين على النصيحه الفصيحه
أوعدك إنى هأخد بيها .. فى القريب العاجل
مع إنى طول عمرى بهرب من دراسة العروض دى بالذات
أما النحو بقه .. كنت عايزه أعمله ألفيه زى بتاعت إبن مالك ... بس قلت لنفسى وإنتى مالك
والله بجد نصيحه غاليه جدا
أوعدك إنى هأعمل بيها حتى ..ولو إنى يعنى بتفك معاكم مش أكتر ...بس مفيش مشكله لما نتفك بالعروض

فكرة من الزمن ده يقول...

واللهه خيرا فعلت فالدروب تستحق البقاء ولو ان كل من تعذب رحل لصارت خراب ربنا يصبرنا

إيمان يقول...

أبو على
دايما كده تفحمنى
كلامك جاب من الأخر
بجد تحياتى
معلهش بقه إمبارح كنت مهيسه تهييس عالمى
غير منطقى ...لا متناهى الأبعاد
شكنن يا معنمى

إيمان يقول...

إحساس طفله
يا سلام لما تبعدى عن مصر كده كام شهر
بترجعى عايزه تبوسى تراب الأرض
طبعا الحاله دى بمتدومش اكتر من ساعه ..لحد بس
متخرجى من المطار..وتلاقى الشوارع كلها زحمه
والناس بتكسر على بعض
بس بدك مفيش زيها .. ام الدنيا
دمت بكل ود .. بجد منورانى

إيمان يقول...

بحبك يا ستوته
يا توأمى العزيز
يسلملى الحلمنتيشى تبعك
كله معانى واضحه وناضحه مش ملعبك
هى دى أحلى حاجه فيكى الوضوح والصراحه
والصراحه راحه ... يا ستوته
ربنا ما يحرق قلبنا عليكى يا مصر أبدا

إيمان يقول...

بنوته
شكرا للتوضيح
وشكرا للتاج
دمت بكل خير وسعاده

إيمان يقول...

dodda

إهلا .. أهلا ...أهلا
نورتى الدار وفرحتى اصحاب الدار
عندك حق البلدى أحسن من غيرها
خلينا أعدين لما نشوف أخرتها أيه

إيمان يقول...

عم الأنجينير
مش بقولك شبه احمد أخويا ماشى يا عم وصلت
انا واثقه إن احمد .. لو شاف البوقين اللى فوق دول
مش هيقول حاجه غير إللى إنت قلته
على كل حال
ماشى فهمت خلاص متكملش
قلبى ..قلبى ..قلبى
شيلوه من قدامى
مش قادره اقرا الكومنت بتاعه

إيمان يقول...

فكره
شكرا لمرورك
يلا أدينا أعدين
هنروح فين يعنى
نورتينى وانستينى ..أمال أيه

فتــافيت (رحاب الخضري) يقول...

والله ماعرفة اقولك ايه؟؟

بس كلامك رائع واحساس جميل اوي بس بلاش التشاؤم

اكيد بكره احلى ان شاء الله ربنا كبير

وكلنا بنحبها

Tamer Diab يقول...

كل الدروب .. واخده بلادنا للنهار
وأحنا بلدنا ليل نهار ..بتحب موال النهار

دي أغنيةعدي النهار لعبدالحليم حافظ
من الأغاني الوطنيةالي لما بسمعها بعيش حالةأكتئاااااب تام وبكاء شديد أحيانا

بالأخص في الكوبلية بتاع


وبلدنا ع الترعةبتغسل شعرها
جانا نهار مقدرش يدفع مهرها

عارفةده معناه ايه ؟
أننا مش رجالة

بوست رااائع بجد وأوعي تبطلي في اي وقت التدوين

إيمان يقول...

فتافيت
حصل خير
المره اللى تيجى فيها عندنا
تلاقينا قلبنها غم
معلهش بقه تتعوض إن شاء الله
على العموم نورتينى وانستينى
وخللى بالك من نفسك ..ربنا يحميكى

إيمان يقول...

تامر دياب
عمر ولاد مصر ماكانوا مش رجاله
بجد ... بس المطلوب هو إننتم تحسوا بالعجز
والمهانه فى بلدكوا
هو ده بالضبط المطلوب
تخيل معايا كده ..لو كل واحد فيكى يا مصر أخد فرصته فى الإبداع سواء ادبى أو علمى او إنتاجى
تخيل حالنا خلال سنتين تلاته هيبقى عامل غزاى
لنا الله يا تامر وإللى عند ربنا عمره ما يضيع ابدا

ٌرحيـــــــــــــــــــــــل يقول...

غالبا لا تستحق الدروب الانتظار هو طريق مجبرين على السير فيه للآخر...

كلمات جميلة ومشاعر ما كنت أظن أنها تسكنك إيمان... ضحكت عندما قرأت "وأهلي وإن ضنوا علي بموت فيهم"

إنتي عسل!

إيمان يقول...

رحيل
دايما تعليقك بيلمس قلبى وعقلى
وبحس إنك فعلا حاسه الكلام إلى بتكتبيه
بجد إنتى جواكى حاجات ..منتيش مقدراها خالص مالص
ربنا يوفقك .. وتبقى صحفيه كبيره
أو معدة برامج أكبر
بس إبقى إفتكرينى