الأحد، 1 فبراير 2009

مصر هى أمى {تمام}


لم يربينى والدىّ على حب مصر ... لم يحاول أى منهما حعلى أؤمن بأن مصر هى أمى ... بل تربيت على حب وطنى العربى .. كان أبى عاشقا لخريطة الوطن العربى.. يحتفظ بعدة نسخ منها ويعاملها معاملة الأشياء الثمينه ... لم أشعر قط بالإنتماء لمصر فقط بل لكل الوطن العربى ..كنا نتابع أخبار الحرب الدائره بين العراق وإيران وكأنها تحدث فى طنطا {حماها الله } .... نهتم لأمر لبنان ونتابع أخبار الحرب الأهليه وكأن أحداثها تحدث فى الأسكندريه {بعييييييييد الشر يا رب } ....أما أبى والذى سافر إلى أقطار عربيه مختلفه لم أسمعه قط {نيفر -ايفر}يتحدث بالسوء عن أى مواطن عربى
وحين كبرت قليلا وبدأت فى الإنتباه لما حولى فى نهاية الثمانينيات وكانت مصر فى حينها تسعى لإصلاح علاقتها بالدول العربيه والتى فسدت نتيجه لتوقيع السادات لمعاهدة كمب ديفيد ... فدائما ما كنت أسمع تسمية البلد الشقيق تطلق على كل الأقطار العربيه ....
وحين عملت كخبيره للتغذيه والتخسيس الموضعى بإحدى المراكز المتخصصه والتى يتردد عليها كثير من العرب ... قابلت عرب من جنسيات مختلفه وأعمار مختلفه ... فجمعتنى بهم جميعا وبلا إستثناء علاقه موده وحب غريبين ... كنا نتحدث بمنتهى المودة والحب عن كل شيئ وأى شيئ حتى أدق التفاصيل الشخصيه .. كنا نتحدث عن أمور دقيقه فى حياة كل منا ... حتى المسيحين منهم سواء مسيحى متدين أو غير متدين متعصب أو غير متعصب ... ولا زلت أتذكر تلك السيده المسيحيه والتى كلما رأتنى مهمومه لأمر ما نصحتنى باللجوء للقرأن الكريم وأتذكر كلماتها {طول ما أنتى مع ربنا متحمليش هم حاجه أبدا }.... لذلك أنا لا أحب مصر فقط أنا أحب كل الوطن العربى وكل أفراده بخيرهم وشرهم فنحن جميعا تربطنا صله وثيق وجذور عميقه مهما تنكرنا لها ... لا أنكر وجود أشخاص بغاية السوء فى بلادنا العربيه .... ولكن من منا ليس له عم أو خال أو قريب حتى وإن كانت صلة القرابه بعيده على خلق سيئ {وممكن كمان يكون مؤذى وإبن ناس طيبين
ولكن مصر هى أمى وبفتخر جدا والله العظيم..بافتخر باسلامى وبعروبتى رغم كل شيئ .. الشيئ الوحيد اللى بتكسف منه هو الجهل والتعصب اللى متحكم فى كتيررررر من العرب ُْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْ ...

هناك 14 تعليقًا:

ستيتة يقول...

الست ايمان هانم اكرمها الله
سعادتك خبيرة تخسيس على رأي تيمون وبومبة"يامحاسن الصدف"
والدك رباكي على حب وطني حبيبي الوطن الأكبر؟
وايه الغريب في كده .. وكل عائلتنا كانت كده .. وأعلام بلدنا طول عمره كده
يجي حيوان لاعب كورة يفقع عين دكتور مصري محترم يهربوه لبلده ويقولوا دي حالات فردية "كخ ياواد متعملش كده تاني" تيجي خليجية تسوق العربية تشيل اللي تشيله ولا امير قطري يعمل سباق ويدخل في بشر يهربوهم لبلدهم "ياكوم العلاكات العربية متينة بلاش السفائف دي"
يروح فريق مصر في اي لعبة يلعب شمال او يمين يشتموهم ونشوف اسوء انواع العنصرية والهمجية
"قطيعة تقطعكم ياشعب .. مصر أكبر من انها ترد .. ده أحنا أخوه بس فيه شوية اشقياء لا يمثلموا القاعدة العريضة؟"
يروح المصري يسعى على رزقه اللي ضاقت بيه بلده .. يتهان ويتذل ويشوف قلة الأدب بكل القصص اللي سمعتيها أو مسمعتيهاش "دول كله مندسة للإساءة للحب العربي"

اشمعنى احنا اللي طول النهار بنقول وطني حبيبي الوطن الأكبر
ليه لأن ربنا كتب لينا حضارة بدري شوية نشوف كل دود القلب والعنصرية والكراهية ونرد وطني حبيبي الوطن العربي

أنا كستيته أحب من يحبني ويحب بني وطني وأكره اللي يرش ميه على أبن من أبناء بلدي

سوري على العريضة دي بس انتي طلعتي حاجة من بناتي اللي مش شبه بناتك المرة دي

إيمان يقول...

منك لله يا ستيته ... بقه إحنا جايين نهدى النفوس تقومى تشعليليها ربنا يسامحك ... وعموما أنا لا أختلف معك إن إللى يرش إبن بلدى بالميه أرشه بالميه كمان ... بس أنا بتكلم على الجانب المشرق من الصوره .. بتكلم عن العينه إللى شوفتها وصدقينى هم مش شويه ... وبعدين إيه حكاية محاسن الصدف دى وحياة حسبو تفهمينى .. عرق الفضول بتاع الدلو هيموتنى .. ردى عليه وفهمينى وحياة حسبو ... متزعليش منى المرادى

عاشقه وغلبانه يقول...

القله المندسه اللي بتقولوا عليها دي اصبحت القاعده العريضه
اصبح موضوع وطني حبيبي الوطن الاكبر والله يرحمها الست فايزه احمد بح خلاص كان فيه منه وخلص
دلوقتي ادخلي اي منتدي ولا موقع وتعاملي معاهم واتكلمي عن بلدك ودافعي
يانهااااااار اسود
تقوم الدنيا وماتقعدش
الدنيا اتغيرت
انا اتذكر احد المنتديات الرياضيه الشهيره جدا ولاول مره اشاهد مايسمي بحرب المنتديات
كميه سفاله من المغاربه والتوانسه وال.... كتير اوي
وصلت لانهم انكروا علينا شرف حرب 6 اكتوبر

ماسمعتيش انتي الظريف اللي بيقولك مصر ام الدنيا والمغرب ابوها
.....
مابقاش في وطن اكبر
قولي يارب نقدر نحافظ علي حب مصر بس في الاجيال الصغيره اللي طالعه لسه

إيمان يقول...

تصدقى يا عاشقه عندك حق ....بجد حاجه تزعل ... مش عارفه فيه أيه واللى بيحصل ده هيوصلنا لأيه ... يلا كان عندى أمل فى أمل بس الأمل راح بحححححححححححح شطبنا

ستيتة يقول...

بعد الشر يا اوختي عن فضول الدلو
معناها ببساطة اني فيل متحرك في صورة زجاجة على رأي حسن عابدين في اعلان شويبس
والحمد لله الحمد لله لقيت خبيرة ترجعني البس الهدوم تاني بعد ما دلوقتي بلبس شوال الدقيق او شوال الرز
بحبك قوي قوي

الفقيرة إلى الله أم البنات يقول...

بحجز مكان اخو المكان اللى حجزته عند ستيته
عندى مشاوير اخلصها
وإن شاء الله ارجع اعلق

غير معرف يقول...

أنا كمان بحب كل الوطن العربى .... وبعترف بكل عيوبه ... وبكل تحزباته ربنا يلم قلوبنا ويجمع شملنا

إيمان يقول...

شكرا يا ستيته إنك رحمتى الدلو من فضوله .... والخبيره تحت أمرك إنت بس إنوى ... وانا تحت أمرك

إيمان يقول...

أم البنات مكانك دايما محفوظ .... لكن هى المشاوير طولت كده ليه ... منورانى

إيمان يقول...

غير معرف ... بجد ربنا يشفى مجتمعنا العربى من تحزباته ... أللهم إنا نسألك العفو والعافيه... شكرا لمرورك

MaNoOoSh يقول...

هو انا اول مرة ازورك يعنى الاقى موضوع مصر هى امى
بصراحة مش عارفة
زمان وانا صغنونة شوية كان بابا يكلمنى دايما عن عبد الناصر ومشروع القومية وكنت بفتخر كدة وانجعص انى مصرية.
لكن دلوقتى لما كبرت شوية وبلدى بتتفطس فيها احلامى ومش عرفة حتى احس بكرامتى جوة بلدى (ولا براها وحياتك).. دلوقتى للاسف مبحسش بفخر فظيع يعنى ان مصر هى امى.

إيمان يقول...

شوفى يا منوش ... كون إن إللى مسيطرين على الموقف عاكين الدنيا ده مش معناه إن مصر راحت عليه وعلينا وبعدين أنا قلت لستيته قبل كده إحنا جايين نهدى النفوس عديها المرادى
يارب متكونش أخر مره تزورينا ... سعيده جدا بزيارتك

الفقيرة إلى الله أم البنات يقول...

حبيبتى إيمان
البنت بنتى الكبيرة عندها 10 سنوات
كل شوه تعيط نفسى اعمل عيد ميلاد وانا مش محبذ الفكرة علشان حكاية البدع وكده..ام البنات مش متزمته بس عاوزة اتخلص من بلاوى افكارنا القديمه
وعاوزاها تبقى بتفكر صح
مش مبطله زن اقترحت عليها انى هاحتفل بوجودها فى حياتى كل 10 سنوات
وكل ما حد يقولى عيد ميلاد ااقول لاء احتفال بمرور 10 سنوات على وجود مريم معنا
قلتها يعنى وانت عندك 20 ..اما اذا ربنا كرمنى واتجوزتى يبقى يحتفل هو ..او يحدفك من الشباك براحته انا هكون خلطت وقلت الأول
على رأى حسن الهلالى فى أمير الانتقام

فعلشان الاحتفاليه المنزليه بنزل اشترى حاجات علشان ام البنات ..تديها دوناتس وتشيز كيك وبيتزا
وسلامى الخاص جدا جدا لموضوع التغذيه السليمه ده


شوفى يا ست الكل انا مسلمه بموت بموت فى تراب مصر وبدعى ربنا كل يوم يخلصها من الطواغيت
ويرزقنا باللى يتقى ربنا ويحبها
العرب مش بيحبوا المصريين إلا قله قليله
مش عارفه ايه السبب
او بستهبل وانا عارفه السبب
وكان فى حد حاطط لينك عن ان قال إيه .. فى شركات مصريه بتبعت أكل لجنود اسرائيل اثناء الحرب على غزة
خلاص يعنى الجيش السافل هيستنى
يجى له مدد من مصر
وطبعا التعليقات كلها .اتفو على مصر وعلى حكومة مصر وعلى شعب مصر
فطبعا اتحرق دمى
لذا انا عارفه انهم مش بيحبونا قوى على الاقل دول معينه
رغم انى لى اصدقاء من الدول دى عن طريق النت بموت فيهم وبحبهم جدا" علشان ناس اولا تفكريها انها مسلمه وبعدين موضوع الدول نبقى نشوفه على جنب
ايمان فى معانى كتير اندثرت بنحاول نرجعها مع عيالنا وربنا يسترها فى اللى جاى

دمتى بخير يا حبيبتى وتستاهلى ماسورة الرغى اللى ضربت عندك
قبل كده انفجرت فى مدونة ستيته
انتم احرار ابقى اطلبوا مشاركت منى..وعليها شريط بنادول

إيمان يقول...

يا نهار أبيض لسه شايفه تعليقك حالا ... أسفه على اهمال الرد
أولا :ممتازه ممتازه ممتازه فكره الإحتفال كل 10 سنوات ... يا سلام المؤمن دائما يلهمه الله بافكار ألمعيه {ما شاء الله }
ثانيا : ربنا يهدى كل من يملأ الحقد والتعصب قلبه .. ويهدينا لطريقه نحيى بيها سنة الله ورسوله فى قلوب أولادنا
ثاثا إرغى زى ما أنت عايزه هو أنا أطول
تحياتى .. تحياتى .. تحياتى