الثلاثاء، 10 مارس 2009

بدايه جديده



غريبة هى الحياه تحملنا بعيدا بعيدا ... ونحلم ببدايه جديده

بدايه نصنعها نحن بأيدينا أو هكذا نظن ... تمتد أيدينا لتمسك

بخيوط الحلم لتجمعه فى قبضة واحده ولكن وفى لحظه غامضه

لا نحسب حسابها ... يختفى كل شيئ ... يختفى تماما

ونجد أنفسنا عند نقطة البدأ مرة أخرى ...

قد نضيع حينها أو هكذا نظن ...ولكن ترى هل حقا نضيع...؟؟؟


.
.

هناك 52 تعليقًا:

بسمة انور يقول...

طالما فى امل
وايمان ببكرة
اعتقد ان مستحيل نضيع
*************************
كعادتك كلامك جميل جدا
بجد ببقى مبسوطة جدااااااااا وانا بقرأ ليك

القدر و انا يقول...

ابدا ابدا لن نضيع
هل تدرى اختى الحبيبة
ان ما كان يبدو لنا طريق السعادة..
ربما هو طريق الشقاء الذى انقذنا منه الله
وربما من الافضل ان نبدا من جديد......
المهم الا نياس من رحمة الله ..
الا نكف عن محاولة البدء من جديد ..
فطالما هناك حياة
فالامل موجود
تحياتى .. وفى انتظار مرورك

لجين أبو الدهب يقول...

للوهلة ألاولى نظن أننا نضيع ..

وهنا يكون الانقسام ..

منا من يقف عند هذه النقطة ويظل متمسك بالضياع حتى وإن بدت بعض أطياف الامل ليقوم من جديد فيغمض عينه عنها ليبرر حلقة الضياع المتصلة التى توجد فى حياته ..

ومنا من ينتظر دون ان يتقدم خطوة لانه يشك فى وجود أمل جديد ولكن ان وجده تقدم ..

ومنا من يصنع من واحة الضياع التى وقع داخلها مئة طريق وطريق للنجاح ولا يستسلم .. وهؤلاء الندرة ..

حبيبتى إيمان تختلف كتابتك باختلاف الموقف ولكن كتابتك تذكرنى كثيرا بموقف مرنا به جميعا الا القليل وهو موقف الثانوية العامة بعد ان يكاد الطالب يصل يحس فى النهاية بالضياع منهم من يستسلم ومنهم من يدخل كليته التى كتبت له ويخرج منها كما دخل ومنهم من يصنع من هذا الضياع نجاح بتفوقه فى كليته .. وهذا طبعا مثال عام لامثلة خاصة كثيرة ..

جزاكِ الله خير حبيبتى ددا ددا إيمان ..

دمتِ بخير ..

SHAPE YOUR LIFE (ABOALI) يقول...

الحياه شروق و الغروب

فى اللحظة التى نظن ان الحياه تغرب
نجد الفجر لاح
وقال انا يوم جديد هيا ابدء وحقق وكن لله كما اراد
المهم ان نبنى على ما قد حققناه
ولا نبدء من جديد
فما نملكه من وقت ليس بالكثير



ولسوف يأتى يوما ضاحكا"
ارفع فيه كلماتى
وتتصارع فيه حروفى
رافعا فيه راياتى
يوما ساكون فيه مبتسما
وترفرف فيه اجنحة قلبى
يا انا قم وقول من انا
قم قم وتحدى العلا
ها انا اعيش
رغم الهم والالم
سأرفع رايات سعادتى
لما الخنوع لما الوهن
طريقى هناك اعرفه
نادى عليا من زمن
وحتما سألبى نداءه
وارفع رايات الامل
و انثر حباته
واجعلها لي دواء من كل الم
ولن اتنازل عنه
مهما كان فيا من وهن
به سأبنى سعادتى
مهما نزف قلبى
ومات من الالم




اشكرك يا ايمان على طرح
ما نشعر به

dodda يقول...

انها بدايه جديده
ليس كل ما يتمناه المرء يدركه
"انا كل شىءخلقناه بقدر"

د/عرفه يقول...

كلمات قليله ولكنها معبره
لذلك لا يجب أن ننشغل بالدنيا
فكل شىء منتهى
ويجب أن نعد لرحلتنا الطويلة أفضل

ستيتة يقول...

لأ
لأ
لأ
انتم متأمرين على فصل الربيع
فين أمن دولة الفصول

تعالوا لموا المدونين
عندهم اكتئاب ربيعي
عاااااااااااااااااااا
عااااااااااااااااااااا
عاااااااااااااااااااااااا

غيري بسرعة

الأمل ده لولاه لا عشنا ولا كنا
الدنيا ربيع والجو زعابيب قفلي على كل الأكتئاب
قفل قفل قفل قفل

بنوتة يقول...

السلام عليكم
كلماتك كالعادة جميلة ورائعة
ومعبرة جدا
متقلقيش كل ايللي يريده ربنا دايما كويس وخير
مش هنضيع طول ما احنا مع ربنا
متستغربيش انى بعلق والبلوج مقفول
انا احتفظت بالاكونت عشان أعلق بيه عند أحبابى
ايللي عمرى ما هنساهم ونفسى ما ينسونيش
تحياتى
وسلام يا قمر

احساس طفلة محبة للرومانسية بس واقعية يقول...

اعتقد يا ايمان الحياة مش بتقف
ودئما فى بدايات جديدة
ساعات الحلم بيكمل وساعات الحلم بيضيع
ولكن نبقى نحن لنبداء من جديد
ولا اعتقد اننا يوما ما سنضيع

تقبلى مرورى

لجين أبو الدهب يقول...

معلش بعد اذنك يايمى تعليق فى النص كده لبنوتة ..

بنوتة انتى قفلتى المدونة بجد ؟؟

انا كل شوية ادخل بس اقول لا اكيد انا اللى غلطانة ..

قفلتيها لييييه ؟؟

حسام غانم يقول...

كلام جميل .. تررررم
كلام معقول .. ترررم
مقدرش اقوووول
حاااجة عنه

أم فريده يقول...

ما هو دى الحمكة البدايات

لازم يكون فى نهاية لشئ وبداية لشئ آخر

دا حتى ربنا سبحانة وتعالى سمح للانسان انه يبتدى من جديد
ويتوب ويعمل وقفة ونهاية للفات

وانا دايما بقول ما دام فى نهاية اكيد يبقى فى حاجة غلط من البداية ساعدت على ان يكون فى نهاية

لان الاستمرار بيكون للصح بس

وبرضة وحشتينى

د.خالدأمين يقول...

انا كتبت تعليق كبير جدا والله العظيم


بس راح بجد




مش هاعرف اكتبه تاني


انا اسف جدا


بس اهم حاجه قولتها انك كانك بتتكلمي عني بجد




والطريق اللي مش فيه ضياع

هو طريق ربنا بجد



ثلاااااااااااااااام

Ahmed يقول...

طب أجمل حاجه خلقهلنا ربنا هيا بكره
دايما فيه بكره
يعني دايما في أمل أن بكره يكون أحسن

blue-wave يقول...

لن يضيع من كان فى قلبه امل وتمسك بالله عز وجل

غير معرف يقول...

امل موجود مع كل اشراقة شمس

بوست جميل

دمتِ بالف خير

MaNoOoSh يقول...

لا يا ايمان الله يخليكى
محدش هيضيع ومحدش هيكتئب
دة انا بحاول اخرج نفسى من الاكتئاب بالعافية يا ناس
وهفضل متمسكة بحلمى طول ما فيا نفس طالما مبيغضبش ربنا والامر فى ايد ربنا فى الاول وفى الاخر
ولو الواحد ضاع منه حلم اكيد ربنا ليه حكمة ودى الحاجة الوحيدة اللى ممكن تصبرنا

romansy يقول...

يكفى فقط شرف الماوله يكفى اننا نبذل قصار جهدنا حتى نصل الى مانريد

ELMASRYA - MOSLEMA LELLAH يقول...

الموضوع ده بيحصل ليا على طول يا إيمان

منتهى الأمل يعقبه يأس

يتبعه حلم وتجدد للامل من جديد

وهكذا الدنيا تتأرجح بين صعود وهبوط وأمل ويأس

ونحن بها اللاعب واللعبه

دمتي سالمة وخالص تحياتي

عاشقه الرومانسيه يقول...

انا بقى كل اللى حاسه بيه دلوقتى
انى فى منتهى اليأس
لانى خسرت انسانه عزيزه على قلبى
سامحينى لو كان تعليقى كئيب على كلامك

إيمان يقول...

BAsMA
شكرا لكلماتك الجميله
أنا كمان بكون سعيده لما بشوف تعليقك
تعرفى المعنى إللى إنتى قولتيه ..هو تماما إللى أنا قصدته
دايما فى أمل ...بنضيع لما بيضيع الأمل

إيمان يقول...

القدر و انا
شكرا للمرور الكريم
وللتعليق المميز حقا
تحياتى وفى إنتظارك دائما

إيمان يقول...

لجين أبو الدهب
بجد تعليقك جميل جدا
مكنتش أتخيل إن البوست ده هيطلع التعليقات الرائعه دى
تعرفى أنا كتبت البوست ده علشان أفكر نفسى وأفكركم
إننا بنضيع فقط لما نكون مقررين نستسلم
لكن دايما النهايه معناها بدايه جديده وليست نهايه بأى حال من الأحوال
تحياتى ليكى
وأنا إللى بحبك جدا جدا
ومبرتحش غير لما أشوف تعليقك

إيمان يقول...

ABOALI
كم هى رائعه كلماتك
تحياتى يا أبو على
دائما كلماتك تخجل كلماتى
وافر إحترامى وتقديرى

إيمان يقول...

dodda
أهلا بيكى دائما
صوت العقل
يا سلام عليكى
بحبك

إيمان يقول...

د/عرفه
أهلا بمرورك الكريم المميز دائما
تحياتى وتقديرى

إيمان يقول...

أجمل ستوته فى الحياه
أنا أبدا مكنتش أقصد يأس ولا نكد
كنت أقصد إن إحنا إللى بيجلنا تهيئات
وخاصة فى ربيع
يمكن الكلمتين خرجو غصب عنى طلعم مكتئبين شويه
على العموم
البوست الجاى حخليه بمبى بمبى بمبى
علشان عيونك إنتى بس

إيمان يقول...

بنوتة هانم
أولا زعلانه منك جدا لأنك لغيتى المدونه
لو إنتى حاسه المدونه معطلاكى ..كنت توقفى عن التدوين شويه ...لكن تلغى المدونه بجد زعلانه
أنا طبعا محترمه قرارك..بس مش قادره أوصفلك زعلى قد أيه
تحياتى ليكى ولقلمك الجميل
وإن شاء الله نسمع إسمك فى أكبر دور النشر

إيمان يقول...

احساس طفلة محبة للرومانسية بس واقعية

ولكن نبقى نحن لنبداء من جديد
ولا اعتقد اننا يوما ما سنضيع


إن شاء الله عمرنا ما هنضيع طول ما فى قلوب نضيفه وجميله زيك ربنا يحميكى

إيمان يقول...

حسام غانم

تررررررررم ..ترررررررم
كويس إن ده رأيك
أنا بس حبيت أفضفض معاكم بكلمتين من نفسى
تحياتى لخفة دمك

إيمان يقول...

زوجة عنيدة

إنتى إللى وحشتينى
كنت فين يا هانم
مسمحاكى يله مدام عنيده زى حالاتى
بحبك جدا

إيمان يقول...

د.خالدأمين
مش مهم تكتب كل اللى إتمسح
كأنى قرأته بالضبط
كلامك عن طريق ربنا صح ميه فى الميه
تحياتى ليك ولروحك المرحه جدا

إيمان يقول...

أحمـــــــــــــد أبو العلا
تعرف يا أحمد هم دول الكلمتين
إللى كتبت البوست علشانهم
هم دول الكلمتين اللى كنت عايزه أسمعهم منكم
وبكره أحلى من النهارده لكل الرداله والستات

إيمان يقول...

blue-wave
يا سلالالالالالالالام
ما قل ودل
شكرا لمرورك الجميل
تحياتى ودمت بكل ود

إيمان يقول...

نواره
سعيده جدا بمرورك الجميل
أتمنى أشوفك هنا دايما

إيمان يقول...

MaNoOoSh
أنا اسفه يا جميل مكنش أصدى أنكد عليكى
أنا بس حبيت أعبر عن أملى بس بطريقه مكتئبه
ولا يهمك النره الجايه هنفتح اللون

إيمان يقول...

romansy
يا سلالالالالام
أنا بجد سعيده جدا إن البوست ده
طلع كلام جميل من جواكم كله أمله وتفاؤل
وإصرار على عدم اليأس
تحياتى ليك وشكرا لمرورك

إيمان يقول...

مسلمه لله
أهلا بحبيبتى الجميله
كلامك أكتر من رائع
ربنا يكرمك
تقبلى إعجابى وتقديرى

إيمان يقول...

عاشقه الرومانسيه
مش عايزاكى تكتأبى
إللى إنكسر يتصلح
وكل إتنين بيحبوا بعض لازم يتخاصمو
ويرجعوا يتصالحوا
ويتخاصموا تانى ويرجعوا يتصالحوا تانى
أكيد كل الحاجات الوحشه هيجى يوم وتبقى مجرد ذكرى
تحياتى لأرق قلب

غير معرف يقول...

بما ان هناك خالق والعبد متصل بخالقه فلا خوف إذا
الشيطان قد يستغل فترات الضعف فلا نلتفت إليه
وبما ان المؤمن له هدف كبير فلا ضياع إذا

شكر الله لك

Unknown يقول...

لا مش بنضيع بس بنتوه حبة كده..
عارفة أحلى حاجة في الدنيا لما الإنسان يعرف انه تايه أو ضايع عشان يبدأ يتصرف لكن طول ما احنا مش واخدين بالنا وماشين كده وخلاص يبقى فعلا ده هو الضياع..
ممكن تعالجي روح الكآبة الي في كلامك لإنها متنفعش لازم نعيش بتفاؤل عشان نقدر نبص لبكرة
مودتي

إيمان يقول...

الأخ الكريم ابو علي بن علي
أهلا بمرورك الكريم

وبما ان المؤمن له هدف كبير فلا ضياع إذا

هذا فعلا ما أردت قوله .. الخطأ كان من البدايه حين ظننا أن البدايه سنصنعها بأيدينا نحن ..
والضياع كان مجرد ظن وليس حقيقه
أشكر لك مرورك الكريم ..وكلماتك القيمه
تحياتى

إيمان يقول...

كاتب مصري

لكن طول ما احنا مش واخدين بالنا وماشين كده وخلاص يبقى فعلا ده هو الضياع..

فعلا الحياه بلا هدف هى الضياع بعينه
شكرا لمرورك
وعد منى إن شاء الله كلمات فيها روح كأبه
تحياتى وتقديرى

ريكو يقول...

لا يا ايمى أبدا لن نضيع
فنحن فى تلك الحياة خلقنا لنجرب فنخفق ثم نحيا لنجرب ونجرب !!!!!!!!!
وما أجمل النجاح بعد عدة خفقات قد تكون علمتنا الكثيروالكثير وعملت على تقوية قلوبنا وعقيدتنا وايماننا
أسفة حبيبتى على البعد فى الفترة الماضية ولكن الظروف كانت قاسية كما الحياة دوما
شكرا على سوءالك صديقتى فبمجرد ان فتحت المدونة لم اسطتع الا ان اذهب اليك لأقرأ ما يشفى لى نفسى
احبك فى اللة

ريكو يقول...

على فكرة يا ايمى أولادك ما شاء اللة لا قوة الا باللة ربنا يحميهم يا رب وتشوفيهم فى اعلى المناصب ويكونوا حملة للواء الاسلام هما واولادى
اللهم آمين

فضه يقول...

اكيد لا لان فى وجهه نظرى يا ايمان ان كلمه ضياع دى اصلا تتنافى مع كلمه حياه......
فطالما هناك حياه اذن هناك فرصه اعطاها الله لنا لكى نبدا من جديد ونحاول مرة احرى ونقوم ونعمل ونجتهد وقد يصيبنا احزان ومصائب واوقات ياس وشعور بالفشل فى بعض المواقف ولكننى ارى ان هذه الاشياء ليست فشل ولكنها مرحله من مراحل الوصول للنجاح والبدايه التى نريدها لانفسنا.
شكرا ليكى مرة اخرى على جمال الاسلوب فى العرض

ايمان روحي يقول...

كلمات بجد رائعه كتييييييير ومعانيها اروع واروع
دمتي بكل امل
تحيـــاتي

الفقيرة إلى الله أم البنات يقول...

لازم هنبدأ منطقيا البداية ممش ضياع
لاننا لما بنتوب ...بتكون بدايه بعد ضياع
ربنا يرزقنا بدايات مقبوله

إيمان يقول...

فليسيتى
كلمه ضياع دى اصلا تتنافى مع كلمه حياه......
هى الحياه بدايه ثم نهايه ..لنبدأ من جديد
صدقينى هو ده إللى كنت عاوزه أوصله
بس الإسلوب جه كئيب شويه
أهلا بيكى دايما

إيمان يقول...

ايمان روحي
شكرا لمرورك الجميل
منتظراكى دائما

إيمان يقول...

الفقيرة إلى الله أم البنات
ياسلالالالالالالام عليكى ... ربنا يقوى إيمانك
ويسدد خطاكى ويرفع شأنك فى الدارين
دايما كلامك غير أى كلام
بجد بحبك فى الله

إيمان يقول...

ريكو
حبيبتى وأغلى الأصحاب
بتمنى تكونى بخير دايما
وسعيده دايما
شكرا لمرورك
وأرجوكى متغبيش تانى بجد بتوحشينى